ᑯᓚᓯᔭᓇ 1:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐎᔾ ᙭ ᒧᔭᒻ ᐊᐅᑯᓐ ᐊ ᐃᑕᔨᑕᑯᓯᑦ ᑕᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐊᑲ ᓄᑯᓯᔨᒋ᙮ ᙭ ᐊᐅᒄ ᒋᓴᒪᓂᑐᐤ ᐅᓂᔅᑎᒧᓴᓇ, ᐊᓐ ᒪᐅᒡ ᓂᑲᓐ ᐊ ᐃᑕᔨᑕᑯᓯᑦ ᐊ ᐃᑕᔨᑕᑯᓂᔨᒡ ᒥᓯᐛ ᒐᒂᔪᐤ ᑲ ᐅᓯᑕᑭᓄᐎᒋ᙮

ᑯᓚᓯᔭᓇ 1:15 Iomraidhean Croise

ᑎᐱᑦ ᐅᓂᑭᒧᐅᓇ 89:27

ᐊᓯᒡ ᑭᔭ ᓂᑭ ᐃᓯᐊᐤ ᓂᓂᔅᑎᒧᓴᓐ, ᐅᔅᑕ ᐊ ᐃᔅᐸᔨᑕᑯᓯᑦ ᐃᔅᐱᔅ ᒋᓴᐅᒋᒪᐛ ᐊᔅᒋᒡ᙮

ᐊᒃᓱᑕᔅ 24:10

ᑭᔭ ᒂ ᐛᐱᒪᒡ ᐃᔅᕋᐃᓪ ᒋᓴᒪᓂᑐᐛ, ᐊᓂᔭ ᐃᔅᕋᐃᓪ ᐃᔪᒡ ᑲ ᐊᔭᒥᐊᔅᑐᐛᒡ᙮ ᓴᑯ ᐅᓯᑎᔨᒡ ᒋᑎᑯᓂᔪᐤ ᒐᒂᔪᐤ ᒧᔭᒻ ᐊ ᐱᔅᑭᓇᔨᒡ ᒪᔅᑭᓇᔪᐤ ᐊ ᓴᐳᓄᑯᓂᔨᒡ ᐊ ᐃᓯᓇᑯᓂᔨᒡ᙮

ᒠᓐ 1:1

ᐊᓐᑕ ᒪᐅᒡ ᓂᔅᑎᒻ, ᐊᔅᒄ ᐊᑲ ᐅᒋ ᑎᒂᒡ ᒐᒂᓐ ᓴᔅ ᒋ ᑕᐤ ᐃᔨᒧᐅᓐ᙮ ᒋ ᐎᒐᐛᐤ ᒋᓴᒪᓂᑐᐛ ᑭᔭ ᐎᔾ ᒋ ᐊᐤ ᒋᓴᒪᓂᑐᐤ ᐊᓐ ᐃᔨᒧᐅᓐ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 1:18

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒥᒄ ᐊᓂᔭ ᑲ ᐸᐃᑯᓯᔨᒋ ᐅᑯᓴ ᑲ ᓴᒋᐊᑦ ᒋ ᐃᑐᑕᑯᐤ ᒐᒋ ᒋᔅᒐᔨᒪᑭᓄᐅᑦ᙮

ᒠᓐ 14:9

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐱᓕᑉ, ᓴᔅ ᐛᔅᑭᒡ ᑲ ᑕᔭᓐ ᐅᑕ ᐊ ᑕᔭᒄ ᐃᔭᐱᒡ ᒪᒃ ᓇᒪ ᒋᔅᒐᔨᒥᓐ ? ᐊᓐ ᐊᐛᓐ ᑲ ᐛᐱᒥᑦ ᓴᔅ ᒋ ᐛᐱᒪᐤ ᐅᑕᐎᒪᐛ᙮ ᒐᒂᓐ ᒪᒃ ᐛᒋ ᑯᒂᒋᒥᔨᓐ ᒐᒋ ᐛᐸᑎᔨᑕᓐ ᐅᑕᐎᒪᐤ ?

ᒠᓐ 15:24

ᓇᒪ ᒋᐸ ᐅᒋ ᐊᑕᒪᔨᑕᑯᓱᐅᒡ ᒥᒋᑥᐅᓂᔪᐤ ᐊᑲ ᐅᒋ ᐃᑐᑎᒧᒡ ᒪᒥᔅᑲᒡ ᐃᑐᐅᓇ ᓇᓂᑎᒻ ᐊᓐᑕ ᐊ ᑕᒡ᙮ ᓂᒋ ᐃᑐᑕᓐ ᒐᒂᔪᐛ ᐊᑲ ᓂᑕ ᑯᑎᒃ ᐊᐛᓐ ᐅᒋ ᐃᑐᑕᐧᒃ᙮ ᒥᓯᐛ ᒪᒃ ᒋ ᐛᐸᑎᒧᒡ᙮ ᐃᔭᐱᒡ ᒪᒃ ᓂᒋ ᐛᐧᑲᑎᑯᒡ᙮ ᓄᑕᐎᔭ ᑭᔭ ᒋ ᐛᐧᑲᑕᐅᒡ ᐊᓂᔭ ᐊ ᐛᐧᑲᓯᒡ᙮

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:29

ᐛᔅ ᓂᑲᓐ ᒋ ᒋᔅᒐᔨᒪᐤ ᒋᓴᒪᓂᑐᐤ ᐊᐛᔪᐛ ᒐ ᐅᑦ ᐃᔨᒥᑦ, ᐊᐅᑯᓐ ᒪᒃ ᐅᔭ ᑲ ᐅᑎᓇᑦ ᒐ ᓂᔅᐱᑐᐛᔨᒋ ᐅᑯᓴ᙮ ᐊᐅᒄ ᐅᔭ ᑲ ᐃᑎᑦ ᒋᓴᒪᓂᑐᐤ ᓂᔅᑎᒧᓴᓐ ᒐᒋ ᑕᔨᒋ ᐅᑯᓴ ᐊᓐᑕ ᒪᒂᒡ ᐊ ᒥᒐᑎᔨᒋ ᐎᐧᑲᓂᓯᒪᐛ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᐱᓕᐱᔭᓇ 2:6

ᐊᑎ ᒋᓴᒪᓂᑐᐛ ᑲ ᐃᑕᔨᑕᑯᓯᔨᒋ ᐊᒋ ᐃᑕᔨᑕᑯᓯᑦ, ᐃᔭᐱᒡ ᒋ ᐱᔅᑎᓂᒻ ᐊᓂᔭᔪᐤ ᑕᐱᑐᐤ ᐊ ᐃᓯ ᐊᔭᒡ᙮

ᑯᓚᓯᔭᓇ 1:13

ᔅᒋ ᐎᐧᑯᒋᐃᑯᓄᐤ ᑕᓐ ᐊᓂᔭᔪᐛ ᑲ ᐃᓯ ᑎᐸᔨᒥᑯᐛᐧᒄ ᐅᓂᑎᐱᔅᒋᓯᐅᓂᔪᐤ ᒥᔅᑯᒡ ᐊᓂᔭ ᓇᔅᒡ ᑲ ᓴᒋᐊᑦ ᐅᑯᓯᓴ ᐅᒋᒪᐅᓂᔪᐤ ᐊᑯ ᒐᒋ ᑎᐸᔨᒥᑯᐛᐧᒄ᙮

1 ᑎᒧᑎ 1:17

ᐊᑯ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ ᑭᔭ ᐎᔾ ᓇᔅᒡ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓐ ᑲᒋᒡ ᑲ ᒋᓴᐅᒋᒪᐅᑦ, ᐊᓐ ᒐ ᐊᑲ ᓂᑕ ᓂᐱᑦ, ᐊᑲ ᓄᑯᓯᑦ ᑭᔭ ᐊᓐ ᒥᒄ ᐱᔭᐃᑯᓯᑦ ᒋᓴᒪᓂᑐᐤ᙮ ᐊᒥᓐ᙮

1 ᑎᒧᑎ 6:16

ᐎᔾ ᒥᒄ ᑲᒋᒡ ᐱᒪᑎᓯᐤ, ᐊᓐᑕ ᒪᒃ ᐊᑲ ᓂᑕ ᒧᓴ ᒐᒋ ᓇᑕᑭᓄᐎᒡ ᐛᔅᑕᐅᓂᔪᐤ ᐊᑯᑕ ᐊ ᑕᑦ, ᐊᓐᑕ ᐊᑲ ᐊᐛᔪᐛ ᒐᒋ ᓇᑎᑯᑦ᙮ ᓇᒪ ᓂᑕ ᐅᑎᔅᑯᐤ ᐅᒋ ᐛᐱᒥᑯᐤ ᐊᐛᔪᐛ ᑭᔭ ᓇᒪ ᓂᑕ ᒋᑭ ᒋ ᐛᐱᒥᑯᐤ᙮ ᐎᔾ ᒪᒃ ᒋᑭ ᒋᔅᑕᔨᑕᑯᐊᑭᓄᐤ ᑭᔭ ᐎᔾ ᐊᔭᐤ ᑲᒋᒡ ᓱᐧᑲᑎᓯᐅᓂᔪᐤ᙮ ᐊᒥᓐ᙮

ᐃᑉᕈᐛ 1:3

ᐊᓐ ᐅᑯᓯᓯᒪᐤ ᐊ ᑕᑦ ᐊᑯᑕ ᐛᒋ ᒋᔅᒐᔨᑕᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐅᑯᓯᓯᒪᐤ ᓇᔅᒡ ᓂᔅᐱᑐᐛᐤ ᑕᓐ ᐊ ᐃᑕᔨᑕᑯᓯᔨᒋ᙮ ᐎᔾ ᐅᑯᓯᓯᒪᐤ ᐅᒋᒪᐧᑲᑎᒻ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᐃᔅᐱᒥᒡ ᐊ ᑎᑯᓂᔨᒡ᙮ ᐅᑦ ᐃᔨᒧᐅᓐ ᑲ ᓱᒐᔨᑕᑯᓂᔨᒡ ᐅᒋ ᐅᒋᒪᐧᑲᑎᒻ ᒥᓯᐛ ᐅᔭ᙮ ᒋ ᐱᔅᑕᔨᒥᑎᓱᐤ ᒐᒋ ᓂᐸᐊᑭᓄᐅᑦ ᒐᒋ ᐅᒋ ᐸᔭᒋᐊᑭᓄᔨᒋ ᐊᐛᔪᐛ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᐃᔅᐱ ᑲ ᒋᔅᑕᑦ ᐅᔭ ᑲ ᐃᓯ ᐱᔅᑕᔨᒥᑎᓱᑦ ᐊᑯ ᒂ ᐅᑎᓇᑭᓄᐅᑦ ᐊᓐᑕ ᐅᒥᔪᓂᔨᒡ ᒋᓴᒪᓂᑐᐛ ᐊ ᑕᔨᒋ ᐊᓂᔭ ᒪᐅᒡ ᐊ ᐃᔅᐸᔨᑕᑯᓯᔨᒋ ᒋᒋᒋᓯᑯᒡ᙮

ᐃᑉᕈᐛ 1:6

ᐃᔅᐱ ᑲ ᐸᒋ ᐃᑎᓴᐛᑦ ᒋᓴᒪᓂᑐᐤ ᐅᓂᔅᑎᒧᓴᓇ ᐅᑕ ᐊᔅᒋᒡ, ᒋ ᐃᔅᒋᔄᐤ, “ᒥᓯᐛ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᒋᑭ ᐊᔭᒥᐊᔅᑕᑯᐤ᙮”

ᐃᑉᕈᐛ 11:27

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑕᔨᑎᒻ ᒐᒋ ᓂᑭᑕᐧᒃ ᐃᒋᑉᑦ ᐊᔅᒋᔪᐤ ᐊᑲ ᐅᒋ ᑯᔅᑕᒋᑦ, ᐊᑎ ᐊᒋ ᒥᔅᑎ ᒋᔄᓯᔨᒋ ᒋᓴᐅᒋᒪᐛ᙮ ᒧᓱᔅ ᓇᔅᒡ ᑕᑈ ᒋ ᓯᐱᔪᐛᓱᐤ ᒧᔭᒻ ᓇᔅᒡ ᐊ ᐛᐱᒪᑦ ᒋᓴᒪᓂᑐᐛ, ᐊᓂᔭ ᐊᑲ ᓂᑕ ᐅᒋ ᐛᐱᒥᑯᔨᒋ ᓇᐸᐛ ᐊᐅᑯᓐ ᑲ ᐃᓯ ᐱᒪᑎᓯᑦ ᒧᓱᔅ᙮

ᒋᔅᒐᔨᑕᑯᑕᒐᐅᓐ 3:14

“ᒥᓐ ᒪᒃ ᓂᒋ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᐊᓐᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ᐃᔅᒋᔄᑦ ᒋᓴᒪᓂᑐᐤ ᒐ ᐃᑐᑎᒪᒐᑦ ᑭᔭ ᒐ ᐃᑎᑦ, ᐊᓐ ᑯᐃᔅᒄ ᑲ ᐃᑎᑦ ᐊ ᐎᑕᐧᒃ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐅᓯᑕᑦ᙮