ᐊᑈᔅᑕᓇᒡ 9:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᓴᓪ ᒪᒃ ᐊᑐᐎᔅ ᒋ ᓱᐧᑲᑎᓯᐤ ᑕᓐ ᐊᓂᔭ ᑲ ᐃᓯ ᑭᒐᔅᒋᒧᑦ ᐊ ᐊᔨᒧᒪᑦ ᒋᓴᔅ ᑕᑈ ᐊ ᐊᐎᔨᒋ ᙭ᑕ ᐊᓂᔭᔪᐛ ᑲ ᐅᑎᓇᔨᒋ ᒋᓴᒪᓂᑐᐛ᙮ ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᑕᒪᔅᑲᓯᒡ ᑲ ᑕᒡ ᒋ ᐛᐛᓇᔨᑎᒥᐃᑯᐅᒡ, ᓇᒪ ᓇᔅᒡ ᒐᒂᔪᐤ ᒋ ᓇᓂᔎᐅᓴᐊᐅᒡ᙮

ᐊᑈᔅᑕᓇᒡ 9:22 Iomraidhean Croise

ᒐᓂᓯᔅ 49:24

ᒥᒄ ᔅᑎᒋᔾ ᐊᓐᑕ ᑎᔭᑯᓂᑦ ᐊᒐᐱᔾ ᓇᒪ ᓂᓇᒥᐱᔪᐤ᙮ ᒥᔅᑯᐎᑕᑭᓄᐛ ᒋᔅᐱᑐᓇ ᑭᔭ ᔅᑎᒋᔭ ᐅᓱᐧᑲᑎᓯᐅᓂᒡ ᐅᒡ ᒥᓯᐛ ᐊᓯ ᓱᐧᑲᑎᓯᔨᒋ ᒐᑭᑉ ᐅᒋᓴᒪᓂᑐᒪ, ᐊᓐ ᐃᔭᐱᒡ ᐊᓯᓂᐧᑲᑕᑭᓄᐅᑦ ᒪᔭᑕᓂᓯᐅ-ᐃᔪᐤ ᑭᔭ ᐃᔅᕋᐃᓪ ᐅᒋᔅᑕᐱᔅᑯᒪ᙮

ᑎᐱᑦ ᐅᓂᑭᒧᐅᓇ 51:13

ᐊᑯ ᒐ ᒋᔅᑯᑎᒧᐅᒂᐤ ᐅᓂᑐᑎᒧᐅᒡ ᒋᑦ ᐃᓯᑥᐅᓇ; ᐅᒥᒋᑥᐅᒡ ᒪᒃ ᒋᑭ ᒂᔅᑲᑎᓯᔅᑕᑯᒡ᙮

ᑎᐱᑦ ᐅᓂᑭᒧᐅᓇ 84:7

ᐊᔭᔅᒄ ᒥᔅᑯᐅᓯᐅᒡ, ᑲ ᐃᑕᒡ ᓴᐃᔭᓂᒡ ᐅᑎᔅᑲᐎᔅᑐᐛᐅᒡ ᒋᓴᒪᓂᑐᐛ᙮

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᐊᑈᔅᑕᓇᒡ 17:3

ᐊ ᐃᑎᔅᑕᔨᒡ ᔭᐃᑕᔾ ᐊᒋ ᓂᑐᐛᔨᑕᑯᓯᔨᒋ ᒐᒋ ᓂᓇᐧᑲᒋᐊᑭᓄᔨᒋ ᙭ᑕ, ᑭᔭ ᑲᐤ ᒐᒋ ᐅᓂᔅᑲᔨᒋ ᓂᐳᐅᓂᒡ ᐅᒋ᙮ ᒋ ᐃᑕᐤ ᒪᒃ ᐊᓂᔭ ᐃᔪᐛ, “ᐅ ᒋᓴᔅ ᑲ ᐊᔨᒧᒥᒃ, ᐊᐅᒄ ᐅ ᙭, ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ᙮”

ᐊᑈᔅᑕᓇᒡ 18:5

ᐃᔅᐱ ᒪᒃ ᑕᑯᓯᓂᔨᒋ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᒪᓯᑐᓂᔭ ᐊ ᐅᑐᑕᔨᒋ, ᐊᑯ ᒂ ᐳᓂᑦ ᐊᓂᔭ ᐊ ᒪᓂᒐᑦ᙮ ᐊᑯ ᑈᓪ ᐱᓯᒄ ᑲ ᐛᐎᑎᒧᐛᑦ ᐊᓂᔭᔪᐛ ᒍᐤ ᐃᔪᐛ ᒥᔽᒋᒧᐅᓂᔪᐤ ᐊ ᐃᑕᑦ, “ᒋᓴᔅ ᐊᐅᒄ ᙭ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 9:20

ᑎᐛᒡ ᒪᒃ ᒋ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ᑭᒐᔅᒋᒧᑦ ᐊ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”

ᐊᑈᔅᑕᓇᒡ 9:21

ᐊᓐᒡ ᑲ ᐸᑐᐛᒡ, ᒋ ᒪᒥᔅᑲᑕᔨᑎᒥᐃᑯᐅᒡ ᐅᔭ ᐊ ᐃᔅᒋᔄᔨᒋ ᐊᑯ ᒂ ᐃᔅᒋᔄᒡ, “ᓇᒪᐎᔾ ᐊ ᐊᐅᒄ ᐅ ᓇᐸᐤ ᑲ ᓂᓱᐅᓇᒋᐊᑦ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ ᐊᓐᑕ ᒋᕈᓯᓕᒥᒡ ᑲ ᑕᔨᒋ ? ᓇᒪᐎᔾ ᐊ ᐊᐅᒄ ᐅ ᐛᒋ ᐸᒋ ᑎᑯᓯᐧᒃ ᐊ ᐎ ᐸᒋ ᓂᑐᐛᐱᒪᑦ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ, ᒐᒋ ᒪᑯᓇᑦ ᑭᔭ ᒐᒋ ᐃᑐᑕᐊᑦ ᐊᓐᑕ ᑲ ᓂᑲᓂᐱᔅᑐᐛᔨᒋ ᐊᔭᒥᐊᐅᒋᒪᐛ ᐊ ᑕᔨᒋ ?”

ᐊᑈᔅᑕᓇᒡ 9:23

ᐃᔅᐱ ᒪᒃ ᒥᒐᑐᐤ ᒋᓯᑲᐛ ᐛᑎᒋᐱᔨᒡ ᐊᑯ ᐊᓐᒡ ᒍᐤ ᐃᔪᒡ ᒂ ᒪᒧᐎᒡ, ᒂ ᐎᔭᔨᑕᒡ ᒐᒋ ᓂᐸᐊᒡ ᓴᓚ᙮

ᐊᑈᔅᑕᓇᒡ 9:27

ᐸᕐᓇᐸᔅ ᒪᒃ ᒋ ᐎᒐᐛᐤ ᐊᓂᔭᔪᐛ ᓴᓚ, ᒂ ᐃᑐᑕᐊᑦ ᐊᓐᑕ ᐊᓂᔭᔪᐛ ᐊᑈᔅᑕᓇ ᐊ ᑕᔨᒋ᙮ ᑲ ᐎᑎᒧᐛᑦ ᑕᓐ ᑲ ᐃᓯ ᓄᑯᓯᔅᑕᑯᔨᒋ ᓴᓚ ᐅᑎᐸᔨᒋᒐᐛ ᐊᓐᑕ ᒪᔅᑭᓇᒡ, ᑭᔭ ᐊᒋ ᐃᔨᒥᐃᑯᔨᒋ᙮ ᑭᔭ ᒋ ᐎᑎᒧᐛᐤ ᑕᓐ ᑲ ᐃᓯ ᑭᒐᔅᒋᒧᔨᒋ ᓴᓪ ᐊᓐᑕ ᑕᒪᔅᑲᓯᒡ ᒋᓴᓴ ᐊ ᐊᔨᒧᒪᔨᒋ ᐊ ᐊᑲ ᓇᔅᒡ ᐅᒋ ᑯᔅᑕᒋᔨᒋ᙮

1 ᑯᕆᓐᑎᔭᓇ 1:27

ᒥᒄ ᒪᒃ ᒋᓴᒪᓂᑐᐤ ᒋ ᐅᑎᓇᐤ ᐊᓂᔭᔪᐛ ᐊᐛᔪᐛ ᐊᑲ ᓇᔅᒡ ᒐᒂᓐ ᑲ ᐃᑕᔨᒪᑭᓄᔨᒋ ᒋ ᐅᑎᓇᐤ ᒐᒋ ᐅᒋ ᐛᐸᑎᔭᑦ ᐊᓂᔭᔪᐛ ᒋᒋᐛ ᑲ ᐃᑕᔨᒪᑭᓄᔨᒋ ᐊᑲ ᓇᔅᒡ ᒐᒂᓐ ᐃᑕᔨᑕᑯᓯᔨᒋ ᐎᔾ ᐃᔅ ᐊ ᑕᑦ᙮ ᑭᔭ ᒋ ᐅᑎᓇᐤ ᐊᓂᔭᔪᐛ ᐊᑲ ᓱᒐᔨᑕᑯᓯᔨᒋ ᑲ ᐃᑕᔨᒪᑭᓄᔨᒋ ᐅᑕ ᐊᔅᒋᒡ ᒋ ᐅᑎᓇᐤ ᐊᓂᔭ ᒐᒋ ᐅᒋ ᐛᐸᑎᔭᑦ ᐊᓂᔭᔪᐛ ᑲ ᓱᒐᔨᑕᑯᓯᔨᒋ ᐊᑲ ᓇᔅᒡ ᓱᒐᔨᑕᑯᓯᔨᒋ ᐎᔾ ᐃᔅ ᐊ ᑕᑦ᙮

ᑲᓚᓯᔭᓇ 1:18

ᓂᔅᑐ ᐱᐳᓇ ᒥᓐ ᐸᑎᒪ ᐊᑯ ᒋᕈᓯᓕᒥᒡ ᑲ ᐃᑐᑕᔭᓐ ᒐᒋ ᓂᒋᐃᒃ ᐱᑕᕐ, ᐊᑐᐎᔅ ᒐᒋ ᐊᑎ ᒋᔅᒐᔨᒥᒃ᙮ ᓂᓱ ᒥᓇᔅᑕᑭᓇ ᒪᒃ ᓂᒋ ᐎᒋᒪᐤ᙮

ᐱᓕᐱᔭᓇ 4:13

ᑕᓐ ᒥᒄ ᒐ ᐃᔅᐱᔪᐛᓇ ᒥᓯᐛ ᓂᑭ ᒋ ᓴᐳᔅᑲᓐ ᐛᔅ ᙭ ᓂ ᒥᔨᒄ ᓱᐧᑲᑎᓯᐅᓂᔪᐤ᙮

1 ᑎᒧᑎ 1:12

ᓂᓇᔅᑯᒪᐤ ᒋᑎᐸᔨᒋᒐᓯᒥᓄᐤ ᙭ ᒋᓴᔅ ᑕᓐ ᑲ ᐃᓯ ᑕᑈᐅᒐᔨᒥᑦ ᑭᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᒐᒋ ᐊᑐᔅᑯᐅᒃ ᐊᓂᔭ ᑕᓐ ᑲ ᐃᓯ ᐅᑎᓂᑦ,