ᐊᑈᔅᑕᓇᒡ 9:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᑎᐛᒡ ᒪᒃ ᒋ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ᑭᒐᔅᒋᒧᑦ ᐊ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”

ᐊᑈᔅᑕᓇᒡ 9:20 Iomraidhean Croise

ᑎᐱᑦ ᐅᓂᑭᒧᐅᓇ 2:12

ᓱᐛᔨᒥᐧᒄ ᐅᑯᓯᓯᒪᐤ, ᒐ ᐊᑲ ᒋ ᒋᔄᓯᑦ, ᒐ ᐊᑲ ᒋ ᓂᓱᐅᓇᑎᓯᔭᒄ ᒪᔅᑭᓇᒡ ᐅᒡ, ᐃᔅᐱ ᐊᐱᓯᔅ ᒥᒄ ᐊᐧᑯᔪᐛᓯᑦ᙮ ᓱᐛᔨᑕᑯᓱᐅᒡ ᒥᓯᐛ ᐊᓐᒡ ᑲ ᒪᒥᓯᑐᑐᐛᒡ᙮

ᑎᐱᑦ ᐅᓂᑭᒧᐅᓇ 2:7

ᓂᑭ ᐎᑕᓐ ᐃᑎᓱᐛᐅᓐ: “ᑎᐸᔨᒋᒐᓱᐤ ᓂᒋ ᐃᑎᒄ, ᒋᔾ ᓂᑯᔅ; ᐊᓄᒡ ᑲᓯᑲᒡ ᔅᒋ ᓂᑕᐅᒋᐃᑎᓐ᙮

ᒪᑎᔪᐤ 27:43

ᑕᑈᔭᔨᒪᐤ ᒋᓴᒪᓂᑐᐛ ᑕᑈ ᒪᒃ ᓇᔅᒡ ᒐ ᐎ ᐎᒋᐃᑯᒂ ᒋᓴᒪᓂᑐᐛ ᐊᓄᒡ᙮ ᐛᔅ ᒋ ᐃᔅᒋᔄᐤ, ‘ᓂᔾ ᒋᓴᒪᓂᑐᐤ ᐅᑯᓴ᙮’ ”

ᒪᑎᔪᐤ 27:54

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᑲ ᓂᓇᑭᑐᐛᔨᒪᔨᒋ ᒋᓴᓴ ᐃᔅᐱ ᐎᔭᐸᑕᒡ ᐊ ᑯᐃᐧᑯᓂᔨᒡ ᑭᔭ ᒥᓯᐛ ᐊᓂᔭ ᑕᓐ ᑲ ᐃᔅᐱᔨᒡ ᒋ ᓴᒋᓱᐅᒡ᙮ ᐊᑯ ᒂ ᐃᔅᒋᔄᒡ, “ᑕᑈ ᐊᔪᐅᒄ ᐅᔭ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 4:3

ᐊᑯ ᒥᒋᒥᓂᑐᐛ ᒂ ᐸᒋ ᓂᑐᐛᐱᒥᑯᑦ, ᐊᑯ ᐊᑎᑯᑦ, “ᑕᑈ ᒋᓴᒪᓂᑐᐤ ᐛᑯᓯᓯᒥᑐᑕᔎ, ᐃᓯᒡ ᐅᒡ ᐊᓯᓂᔨᒡ ᒐᒋ ᐸᒂᓯᑭᓄᐎᒡ᙮”

ᒠᓐ 1:49

ᓇᑕᓂᔭᓪ ᒂ ᐃᑕᑦ, “ᒋᔅᑯᑎᒪᒐᓱᐤ, ᐊᐅᒄ ᒋᔾ ᑕᑈ ᒋᓴᒪᓂᑐᐤ ᐅᑯᓴ, ᐊᐅᒄ ᒋᔾ ᒋᓴᐅᒋᒪᐤ ᐅᑕ ᐃᔅᕋᐃᓕᒡ᙮”

ᒠᓐ 19:7

ᐊᑯ ᐊᓐᒡ ᒍᐤ ᐃᔪᒡ ᑲ ᐃᓯ ᐎᑎᒧᐛᒡ ᑈᓚᑕ ᐊ ᐃᑕᒡ, “ᓂ ᑭᓄᐛᔨᑕᓇᓐ ᐎᓱᐛᐅᓐ, ᐃᑎᔅᑕᐤ ᐊᓐᑕ ᓂᐎᓱᐛᐅᓇᒡ ᒐᒋ ᐃᑎᓱᐛᓄᐎᒡ ᒐᒋ ᓂᐸᐊᑭᓄᐅᑦ ᐊᓂᔭ ᐊᒋ ᐃᔅᒋᔄᑦ ᐎᔾ ᐊ ᐊᐎᑦ ᒋᓴᒪᓂᑐᐤ ᐅᑯᓴ᙮”

ᒠᓐ 20:28

ᐊᑯ ᑥᒥᔅ ᒂ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᐊᑈᔅᑕᓇᒡ 13:14

ᐊᑯ ᒥᓐ ᐊᓐᑎᔭᑭᒡ ᒂ ᐃᑐᑕᒡ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ ᐅᑕᓇᐤ᙮ ᑲ ᐊᔭᒥᐊᐅᒋᓯᑲᔨᒡ ᒪᒃ ᒋ ᐱᒐᐅᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊᑯ ᒂ ᐊᐱᒡ ᐊᓐᑕ᙮

ᐊᑈᔅᑕᓇᒡ 13:33

ᒋ ᐅᓂᔅᑲᓇᐤ ᒋᓴᓴ ᓂᐳᐅᓂᒡ ᐅᒡ᙮ ᐊᐅᒄ ᐅᔭ ᒋᓴᒪᓂᑐᐤ ᐛᔅᑭᒡ ᑲ ᐃᑕᒂ ᐊᓂᔭ ᒋᐧᑲᓂᓯᓄᐛ ᒐ ᐃᑐᑕᐧᒃ, ᑭᔭ ᒪᒂᒡ ᒋᔭᓄᐤ ᐊ ᐱᒪᑎᓯᔭᐧᒄ ᐊ ᑎᐱᐱᔨᒡ᙮ ᐛᔅ ᒋ ᐃᑎᔅᑕᐤ ᐊᓐᑕ ᑎᐱᑦ ᐅᓂᑭᒧᐅᓂᒡ ᓂᓱ ᐱᔅᒋᑎᓯᓇᐃᑭᓂᒡ, ᒋᔾ ᓂᑯᔅ, ᐊᓄᒡ ᑲ ᒋᓯᑲᒡ ᓂᔾ ᒍᑕᐎᔾ᙮

ᐊᑈᔅᑕᓇᒡ 13:46

ᒥᒄ ᒪᒃ ᑈᓪ ᑭᔭ ᐸᕐᓇᐸᔅ ᒋ ᓱᒐᔨᒧᐅᒡ ᐊ ᐃᔅᒋᔄᒡ, “ᒋᓴᒪᓂᑐᐤ ᓂᒋ ᓂᑐᐛᔨᒥᑯᓇᓐ ᒋᔨᐛᐤ ᒍᐤ ᐃᔪᒡ ᓂᔅᑎᒻ ᒐᒋ ᐎᑎᒪᑕᒡ ᐅᑦ ᐃᔨᒧᐅᓐ᙮ ᒥᒄ ᒪᒃ ᐊ ᐊᓏᑎᒪᒄ ᐊᑯᑕ ᐛᒋ ᓄᒂᒡ ᐊᑲ ᒋᔅᑕᔨᑕᑯᓯᔭᒄ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᐊᑯ ᒪᒃ ᒐ ᓂᑭᑎᑕᒡ, ᒐ ᐎᑎᒧᐅᒋᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᐊᑈᔅᑕᓇᒡ 13:5

ᐃᔅᐱ ᒪᒃ ᒪᓯᑲᒡ ᐊᓐᑕ ᐅᑕᓇᒡ ᓴᓚᒥᔅ ᑲ ᐃᓯᓂᐧᑲᑕᔨᒡ, ᒋ ᐛᐎᑎᒧᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᔨᒡ᙮ ᒋ ᐎᒐᐅᑯᐅᒡ ᒪᒃ ᒠᓐ-ᒪᕐᑲ ᒐᒋ ᐎᒋᐃᑯᒡ᙮

ᐊᑈᔅᑕᓇᒡ 14:1

ᐃᔅᐱ ᑲ ᑎᑯᓯᒡ ᐊᓐᑕ ᐊᐃᑯᓂᔭᒥᒡ, ᑈᓪ ᑭᔭ ᐸᕐᓇᐸᔅ ᒋ ᐱᒐᐅᒡ ᐊᓐᑕ ᐊᔭᒥᐊᐅᒋᐛᐱᒡ, ᑭᔭ ᐊᓂᔭ ᑲ ᐃᔅᐱᔅ ᒋ ᓱᒋᑕᑯᓯᒡ ᐊ ᑭᒐᔅᒋᒧᒡ ᒥᒐᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 16:13

ᐊᓐ ᒪᒃ ᐊ ᐊᔭᒥᐊᐅᒋᓯᑲᒡ, ᓂᒋ ᓇᓯᐸᓇᓐ ᐊᓐᑕ ᓯᓱᒡ ᓯᐱᒡ ᐎᐎᑎᒥᒡ ᐊᓐᑕ ᐊᓐ ᐅᑕᓇᐤ ᐊ ᐃᑕᔨᑎᒪᒡ ᒐ ᒥᔅᑭᒧᐎᒋᑦ ᐊᓐᑕ ᒍᐤ ᐃᔪᒡ ᐊ ᐊᔭᒥᐊᒡ᙮ ᓂᒋ ᐊᐱᓇᓐ ᐊᑯ ᑲ ᐃᔨᒥᐃᒋᒡ ᐊᓐᒡ ᐃᔎᐅᒡ ᐊᓐᑕ ᑲ ᒪᒧᐎᒡ᙮

ᐊᑈᔅᑕᓇᒡ 17:10

ᐎᐱᒡ ᒪᒃ ᐊ ᐊᑎ ᑎᐱᔅᑲᔨᒡ, ᐊᓐᒡ ᐎᐧᑲᓂᓯᒪᐅᒡ ᒋ ᐃᑎᓴᐛᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ ᐅᑕᓇᔪᐤ ᐸᕆᔭ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᑎᐛᒡ ᒋ ᐃᑐᑕᐅᒡ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ᙮

ᐊᑈᔅᑕᓇᒡ 17:17

ᐊᐅᒄ ᐛᒋ ᐃᑐᑕᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᒐᒋ ᐎᑎᒧᐛᑦ ᒥᔽᒋᒧᐅᓂᔪᐤ ᐊᓂᔭᔪᐛ ᒍᐤ ᐃᔪᐛ ᑭᔭ ᐊᓂᔭᔪᐛ ᑯᕆᒃ ᑲ ᐃᑎᔅᑲᓇᓯᔨᒋ ᑲ ᐊᔭᒥᐊᐛᑎᓯᔨᒋ ᐃᔪᐛ ᑭᔭ ᐊᓯᑯᒻ ᒋᓯᑲᐛ ᒋ ᐃᑐᑕᐤ ᐊᓐᑕ ᑲᒋ ᐊᑕᐛᓄᐎᒡ ᒐᒋ ᐃᔨᒪᐊᑦ ᐊᓐᑕ ᐃᔪᐛ ᑲ ᑕᔨᒋ᙮

ᐊᑈᔅᑕᓇᒡ 17:2

ᒋ ᐃᑐᑕᐤ ᑈᓪ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ, ᐛᔅ ᐊᐅᒄ ᐅᔭ ᑲᒋ ᐃᑎᑦ ᒪᓐ᙮ ᓂᔍᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᐛᐎᑎᒧᐛᐤ ᐊᓂᔭ ᐃᔪᐛ ᑕᓐ ᐊ ᐃᓯ ᐊᔨᒧᒪᑭᓄᔨᒋ ᙭ᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ,

ᐊᑈᔅᑕᓇᒡ 18:19

ᐊᑯ ᑲ ᒥᓯᑲᒡ ᐊᓐᑕ ᐃᐱᓴᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᐊᑯᑕ ᐊᓐᑕ ᑈᓪ ᑲ ᓂᑭᑕᑦ ᐊᓂᔭ ᐳᕆᓯᓚᐃᒋ ᑭᔭ ᐊᑯᐎᓚᐃᒋ, ᐃᔭᒡ ᒋ ᐃᑐᑕᐅᒡ ᐎᔨᐛᐤ ᐊᓐᒡ᙮ ᐊᑯ ᑈᓪ ᒂ ᐱᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑯ ᒂ ᐃᔨᒥᐃᑐᒡ ᐊᓂᔭ ᒍᐤ ᐊ ᓯᒋᒪᑦ ᒐᒋ ᑕᑈᑕᑯᑦ ᑕᓐ ᐊ ᐃᔅᒋᔄᑦ᙮

ᐊᑈᔅᑕᓇᒡ 18:4

ᒧᔅ ᒪᒃ ᑕᑥᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᓇᒋ ᐊᔭᒥᐊᐤ ᑈᓪ ᐊᑯ ᑲᒋ ᐃᔨᒥᐃᑐᒡ ᐊᓂᔭ ᒍᐤ ᑭᔭ ᑯᕆᒃ ᐃᔪᐛ ᐊ ᓯᒋᒪᑦ ᒐᒋ ᑕᑈᑕᑯᑦ᙮

ᐊᑈᔅᑕᓇᒡ 19:8

ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 8:36

ᒪᒂᒡ ᒪᒃ ᐊ ᐊᑎ ᐱᒥᐱᔨᒡ ᑎᑎᐱᑕᐸᓇᔅᑯᒡ, ᒋ ᐅᑎᑎᒧᒡ ᐊᓐᑕ ᐊ ᑎᑯᓂᔨᒡ ᓂᐱᔪᐤ, ᐊᓐ ᓇᐸᐤ ᒪᒃ ᒋ ᐃᑕᐤ, “ᐛᐸᑕ, ᒪᐅ ᓂᐱᔾ, ᒐᒂᓐ ᒐ ᓂᑲᓂᑯᔭᓐ ᐊ ᓂᑐᐛᔨᑎᒪᓐ ᒐᒋ ᓯᑲᐃᑐᐛᑯᐅᔭᓐ ?”

ᐊᑈᔅᑕᓇᒡ 8:37

ᐱᓕᑉ ᒪᒃ ᒋ ᐃᑕᐤ, “ᑕᑈ ᑎᔭᑈᐅᒐᔨᒪᐅᑕ ᒋᓴᔅ ᒥᓯᐛ ᒋᑕᐃᒡ ᐅᒡ, ᒋᑭ ᒋ ᐃᑐᑕᑯᐅᓐ᙮” ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᓂ ᑕᑈᑕᓐ ᒋᓴᔅ ᙭ ᐊ ᐊᐎᑦ ᒋᓴᒪᓂᑐᐤ ᐅᑯᓯᓴ᙮”

ᐊᑈᔅᑕᓇᒡ 9:22

ᓴᓪ ᒪᒃ ᐊᑐᐎᔅ ᒋ ᓱᐧᑲᑎᓯᐤ ᑕᓐ ᐊᓂᔭ ᑲ ᐃᓯ ᑭᒐᔅᒋᒧᑦ ᐊ ᐊᔨᒧᒪᑦ ᒋᓴᔅ ᑕᑈ ᐊ ᐊᐎᔨᒋ ᙭ᑕ ᐊᓂᔭᔪᐛ ᑲ ᐅᑎᓇᔨᒋ ᒋᓴᒪᓂᑐᐛ᙮ ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᑕᒪᔅᑲᓯᒡ ᑲ ᑕᒡ ᒋ ᐛᐛᓇᔨᑎᒥᐃᑯᐅᒡ, ᓇᒪ ᓇᔅᒡ ᒐᒂᔪᐤ ᒋ ᓇᓂᔎᐅᓴᐊᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:4

ᐊᓂᔭᔪᐛ ᒪᒃ ᒋᓴᒪᓂᑐᐛ ᒋ ᐅᑯᓯᑐᑕᑯᐤ᙮ ᒋᓴᒪᓂᑐᐛ ᒪᒃ ᐊᒋ ᐅᓂᔅᑲᓂᑯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᓂᐳᐅᓂᒡ ᐅᒡ ᐊᑯᑕ ᑲ ᐅᒋ ᐛᐸᑎᔨᐛᑦ ᑲ ᐸᔭᒋᓯᑦ ᐊᒐᐧᒄ ᑕᑈ ᒋᓴᒪᓂᑐᐤ ᐅᑯᓯᓴ ᐊ ᐊᐎᔨᒋ ᒋᓴᓴ ᐊᓂᔭᔪᐤ ᐅᒋ ᐊᒋ ᓱᒐᔨᑕᑯᓯᔨᒋ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᒋᔅᒐᔨᑕᑯᑕᒐᐅᓐ 2:18

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᑕᔭᑕᐃᕋ ᐊ ᐃᑕᔨᒡ, ᐊᐅᒄ ᐅᔭ ᐊ ᐃᔅᒋᔄᔨᒋ ᒋᓴᒪᓂᑐᐤ ᐅᑯᓴ, ᐅᔅᒋᓯᒂ ᒧᔭᒻ ᐃᔅᑯᑕᐤ ᐊ ᐃᓯᓇᑯᓂᔨᒋ, ᑭᔭ ᐅᓯᑎᔪᐛ ᒧᔭᒻ ᑲ ᐛᐸᐱᔅᒋᓯᑦ ᓱᓇᔭᐱᔅᒄ ᐊ ᐛᔅᑕᔭᐱᔅᒋᓯᑦ ᐊ ᐃᓯᓇᑯᓂᔨᒋ,