ᐊᑈᔅᑕᓇᒡ 8:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐊᑯ ᒂ ᐃᑎᑯᑦ, “ᑕᓐᑕ ᒐᒋ ᐅᒋ ᓂᔅᑐᑎᒪᓐ ᐸᑐᔅ ᐊᐛᓐ ᐸᒋ ᒋᔅᑯᑎᒧᐅᒐ ?” ᐊᑯ ᐛᓴᒪᑦ ᐱᓕᐸ ᒐᒋ ᐎᑎᐱᒥᑯᑦ᙮

ᐊᑈᔅᑕᓇᒡ 8:31 Iomraidhean Croise

ᑎᐱᑦ ᐅᓂᑭᒧᐅᓇ 73:22

ᑲ ᐃᔅᐱᔅ ᑭᒐᐸᑎᓯᔭᓐ, ᑭᔭ ᐊ ᐊᑲ ᐅᒋᔅᒐᔨᑎᒧᐅᓂᔭᓐ: ᓂᒋ ᓂᔅᐱᑐᐛᐤ ᐊᐛᓯᔅ ᐊ ᐅᑎᔅᑲᐎᔅᑕᑕᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:15

ᑕᑈ ᒋᑦ ᐃᑎᓇᐛᐤ, ᐛᔅ ᒧᔭᒻ ᐊᐛᓐ ᒐ ᐊᑲ ᑕᑈᐅᒐᔨᑎᒥᒂ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᓯ ᑕᑈᐅᒐᔨᑎᒥᔨᒋ ᐊᐛᓴ, ᓇᒪ ᒋᑭ ᒋ ᐱᒐᐤ ᐊᓐᑕ ᐛᒋᒪᐎᔨᒋ ᒋᓴᒪᓂᑐᐛ᙮”

ᐊᑈᔅᑕᓇᒡ 8:30

ᐱᓕᑉ ᒪᒃ ᒋ ᐃᔅᐸᑕᐤ ᐊᓐᑕ ᐊᓂᔭ ᓇᐸᐛ ᐊ ᑕᔨᒋ ᑭᔭ ᒋ ᐸᑐᐛᐤ ᐊ ᐃᔨᒥᑕᔨᒋ ᒥᓯᓇᐃᑭᓂᔪᐤ ᐅᒋᔅᒋᐛᐃᒐᓱᐛ ᐊᐃᓴᔭᔨᒋ ᑲ ᒥᓯᓇᐊᒥᔨᒋ᙮ ᐊᑯ ᐱᓕᑉ ᐊᑕᑦ, “ᒋ ᓂᔅᑐᑕᓐ ᐊ ᐊᓐ ᒥᓯᓇᐃᑭᓐ ᑲ ᐃᔨᒥᑕᔨᓐ ?”

ᐊᑈᔅᑕᓇᒡ 8:32

ᒋ ᐃᔨᒥᑕᐛᐤ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᑲ ᐃᑎᔅᑕᔨᒡ, ᒋ ᐃᑐᑕᑭᓄᐤ ᒧᔭᒻ ᒪᔭᑕᓂᓴ ᒐᒋ ᓂᐸᐊᑭᓄᐅᑦ, ᑭᔭ ᒧᔭᒻ ᐊ ᐊᐱᓯᓯᑦ ᒪᔭᑕᓂᔅ ᐊᑲ ᒋᔅᑐᑦ ᐅᑎᔅᑯᐤ ᐊᓂᔭ ᑲ ᒧᓱᑯᑦ, ᓇᒪ ᐅᒋ ᐃᔅᒋᔄᐤ ᒐᒂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:14

ᑕᓐᑕ ᒪᒃ ᒐᒋ ᐅᒋ ᑕᑈᑕᒡ ᐊᑲ ᐅᒋ ᑕᑈᔭᔨᒪᒡ᙮ ᑕᓐᑕ ᒐᒋ ᐅᒋ ᑕᑈᔭᔨᒪᒡ ᐊᑲ ᐅᒋ ᐸᑕᒡ ᒐᒋ ᐊᔨᒧᒪᑭᓄᔨᒋ ᐊᓐᑕ ᐊ ᑕᒡ᙮ ᑕᓐᑕ ᒐᒋ ᐅᒋ ᐊᔨᒧᑎᒧᐛᑭᓄᐎᒡ ᐊᑲ ᐃᑎᓴᐊᒧᐛᑭᓄᑥᐛ ᐊᐛᔪᐛ ᒐᒋ ᐊᔨᒧᑎᒪᑯᒡ ᐊᐛᔪᐛ ᐅᔭ ᐅᑎᐸᔨᒋᒐᐛ᙮

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

1 ᑯᕆᓐᑎᔭᓇ 8:2

ᐊᑯ ᒪᒃ ᐊ ᐃᑕᔨᑎᒧᒂ ᐊᐛᓐ ᓇᔅᒡ ᒥᔅᑎ ᐊ ᒋᔅᒐᔨᑕᐧᒃ ᒐᒂᔪᐤ, ᓄᑯᑕᐤ ᐊᔅᒄ ᐊᑲ ᒋᔅᒐᔨᑕᐧᒃ ᑕᓐ ᒋᐸ ᐃᓯ ᒋᔅᒐᔨᑎᒻ᙮

ᒋᒥᔅ ᐅᒥᓯᓇᐊᒪᒐᐅᓐ 1:10

ᐊᑯ ᐊᓐ ᐊᐛᓐ ᑲ ᐛᔪᑎᓯᑦ ᒋᐸ ᒥᔽᔨᑎᒻ ᐊ ᑎᐱᑕᔨᑕᑯᐃᑯᑦ ᒋᓴᒪᓂᑐᐛ᙮ ᐛᔅ ᑭᔭ ᐎᔾ ᒋᑭ ᐃᔎᐱᔪᐤ ᐅᐱᒪᑎᓯᐅᓐ ᒧᔭᒻ ᓂᑕᐅᒋᑕᑭᓐ ᐊ ᐛᐱᑯᓄᐅᒡ ᐊ ᐃᔅᐱᔨᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:21

ᐛᐱᓂᒧᒄ ᒥᓯᐛ ᐎᓂᓱᐅᓐ ᑭᔭ ᒥᓯᐛ ᒥᒐᑎᓯᐅᓐ᙮ ᐱᔅᑎᓂᓱᒄ ᒋᓴᒪᓂᑐᐤ ᐊ ᑕᑦ, ᑎᑎᒺᐧᒄ ᐅᑦ ᐃᔨᒧᐅᓐ ᒋᑕᐃᐛᒡ ᑲ ᐱᑕᐊᐧᒃ ᐊᓂᔭ ᒐᒋ ᐱᒪᒋᐃᑯᐛᒄ᙮