ᐊᑈᔅᑕᓇᒡ 8:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᐱᓕᑉ ᒪᒃ ᒋ ᐃᔅᐸᑕᐤ ᐊᓐᑕ ᐊᓂᔭ ᓇᐸᐛ ᐊ ᑕᔨᒋ ᑭᔭ ᒋ ᐸᑐᐛᐤ ᐊ ᐃᔨᒥᑕᔨᒋ ᒥᓯᓇᐃᑭᓂᔪᐤ ᐅᒋᔅᒋᐛᐃᒐᓱᐛ ᐊᐃᓴᔭᔨᒋ ᑲ ᒥᓯᓇᐊᒥᔨᒋ᙮ ᐊᑯ ᐱᓕᑉ ᐊᑕᑦ, “ᒋ ᓂᔅᑐᑕᓐ ᐊ ᐊᓐ ᒥᓯᓇᐃᑭᓐ ᑲ ᐃᔨᒥᑕᔨᓐ ?”

ᐊᑈᔅᑕᓇᒡ 8:30 Iomraidhean Croise

ᑎᐱᑦ ᐅᓂᑭᒧᐅᓇ 119:32

ᓂᑭ ᐱᒥᐸᑕᓐ ᐊ ᐃᔅᒋᔄᒥᑲᒋ ᒋᑦ ᐃᑎᓱᐛᐅᓇ, ᐃᔅᐱ ᒥᓯᑕᔨᓇ ᓂᑕᐃ᙮

ᒪᑎᔪᐤ 13:19

ᐊᓐ ᒪᒃ ᐊᐛᓐ ᑲ ᐸᑕᐧᒃ ᐊᓂᔭ ᒥᔽᒋᒧᐅᓂᔪᐤ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᑲ ᒪᒃ ᓂᔅᑐᑎᒧᒂ, ᒧᔭᒻ ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᐊᐅᑯᓐ ᐊ ᐃᓯᓇᑯᓯᑦ, ᒥᒋᒥᓂᑐᐛ ᒥᔅᑭᒥᑯᐤ ᑕᓐ ᑲ ᐃᓯ ᐸᑕᐧᒃ ᑭᔭ ᓇᒪ ᒋ ᓂᑕᐅᒍᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᒪᑎᔪᐤ 13:23

ᐊᓐ ᒪᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊ ᒥᔽᓯᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᓄᑯᓂᔪᐤ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ᒥᔪ ᓂᑕᐅᒋᐃᑯᒡ, ᒧᔭᒻ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”

ᒪᑎᔪᐤ 13:51

ᐊᑯ ᒋᓴᔅ ᐊᑕᑦ, “ᒋ ᓂᔅᑐᑕᓇᐛᐤ ᐊ ᐅ ᑲ ᐃᓯ ᐎᑎᒪᑎᑯᒡ ?” “ᓂᐦᐃ,” ᒋ ᐃᑕᐅᒡ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ᙮

ᒪᑎᔪᐤ 15:10

ᐊᑯ ᒋᓴᔅ ᒂ ᐎᓴᒪᑦ ᐊᓂᔭ ᐃᔪᐛ ᐊᑯ ᐊᑕᑦ, “ᓂᑐᑎᒧᒄ ᑕᓐ ᒐ ᐃᓯ ᐎᑎᒪᑎᑯᒡ ᑭᔭ ᐎ ᓂᔅᑐᑎᒧᒄ᙮

ᒪᑎᔪᐤ 24:15

“ᐃᔅᐱ ᒪᒃ ᐛᐱᒪᒂ ᐊᓐ ᐊᐛᓐ ᒪᐅᒡ ᑲ ᐛᐧᑲᑕᔨᑕᑯᓯᑦ ᐊ ᓂᐳᐅᑦ ᐊᓐᑕ ᒪᐅᒡ ᑲ ᐸᔭᐧᑭᓂᔨᒡ ᐊ ᒪᔭᔨᒪᑦ ᒋᓴᒪᓂᑐᐛ, ᐃᔭᒂᒥᒄ᙮ ᓴᔅ ᒋᑭ ᐸᓱᓇᑯᓐ ᒐ ᐃᔎᐱᔨᒡ ᐊᔅᒋᔾ᙮ ᐊᐅᑯᓐ ᐅᔭ ᐊᓂᔭ ᐅᒋᔅᒋᐛᐃᒐᓱᐤ ᑕᓂᔭᓪ ᑲ ᐊᔨᒧᒪᑦ᙮ ᒋᔨᐛᐤ ᑲ ᐃᔨᒥᑕᔭᒄ ᐅ ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᔅᒋᔄᒥᑲᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:14

“ᐃᔅᐱ ᒪᒃ ᐛᐱᒪᒂ ᐊᓐ ᐊᐛᓐ ᒪᐅᒡ ᑲ ᐛᐧᑲᑕᔨᑕᑯᓯᑦ ᐊ ᓂᐳᐅᑦ ᐊᓐᑕ ᐊᑐᒡ ᒋᐸ ᐅᒋ ᓂᐳᐅᐤ” (ᐊᓐ ᐊᐛᓐ ᑲ ᐃᔨᒥᑕᑦ ᐅᔭ ᒋᑭ ᐎ ᓂᔅᑐᑎᒻ), “ᐊᑯᔅ ᐱᔅᑎᓇᐧᑯᒡ ᐊᓐᒡ ᒍᑎᔭ ᑲ ᑕᒡ ᐊᓐᑕ ᐊ ᐅᒋᒍᐅᓂᔨᒡ ᒐᒋ ᐃᑎᓯᒧᒡ᙮ ᐊᐅᑯᓐ ᐅᔭ ᐊᓂᔭ ᐅᒋᔅᒋᐛᐃᒐᓱᐤ ᑕᓂᔭᓪ ᑲ ᐊᔨᒧᒪᑦ᙮

ᒠᓐ 4:34

ᒋᓴᔅ ᒂ ᐃᑕᑦ, “ᒐᒋ ᐃᑐᑎᒧᒡ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ᐃᑎᓴᐅᑦ ᑭᔭ ᒐᒋ ᒋᔅᑕᐅᒡ ᐊᓂᔭ ᑲ ᐃᓯ ᓂᑐᐛᔨᒥᑦ ᒐᒋ ᐃᑐᑎᒧᒡ ᐊᐅᑯᓐ ᐊᓐ ᒧᔭᒻ ᓂᒥᒋᒻ ᐊ ᐃᑕᔨᑎᒪᓐ᙮

ᒠᓐ 5:39

ᐃᔭᒂ ᒋ ᓇᓂᑐ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ᐃᑕᔨᑎᒪᒄ ᐊᑯᑕ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᓐᑕ ᒐᒋ ᐅᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᑕᐸᒋᒥᑯᐅᔭᓐ ᓂᔾ ᐊ ᐊᐎᔭᓐ ᙭᙮

ᐊᑈᔅᑕᓇᒡ 8:27

ᒋ ᐱᓯᑯᐤ ᒪᒃ ᑭᔭ ᒋ ᔅᑐᑕᐤ ᐱᓕᑉ, ᒋ ᓂᔅᑯᐛᐤ ᑯᐸᓇᐛ ᐃᑎᔪᐱᔭ ᐊ ᐃᓯ ᒋᐛᔨᒋ, ᒋᕈᓯᓕᒥᒡ ᐊ ᐅᑐᑕᔨᒋ ᐊᒋ ᓇᒋ ᐊᔭᒥᐊᔨᒂᓂ ᐊᓐᑕ, ᓇᔅᒡ ᐊ ᒋᔅᑕᔨᑕᑯᓯᑦ ᑲ ᑎᐸᔨᒥᑯᑦ ᑲᓐᑕᔅ ᒋ ᐃᓯᓂᐧᑲᑕᑭᓄᐤ, ᐃᑎᔪᐱᔭ ᐃᔪᒡ ᐅᒋᓴᐅᒋᒪᔎᒧᐛᐛ, ᐊᓐ ᑲ ᓇᑭᑐᐛᔨᑎᒺᑦ ᒋᓴᐅᒋᒪᔎᐛ ᐅᓱᓇᔭᓂᒥᔪᐤ ᑭᔭ ᐊ ᐃᓯ ᑎᐸᔨᑎᒥᔨᒋ᙮

ᐊᑈᔅᑕᓇᒡ 8:29

ᐊᑯ ᒪᒃ ᑲ ᐸᔭᒋᓯᑦ ᐊᒐᐧᒄ ᐊᑕᑦ ᐱᓕᐸ, “ᒥᒋᒪ ᐃᑐᑕ ᓇᑕ ᒪᒃ ᐊᓐ ᑎᑎᐱᑕᐸᓇᔅᒄ᙮”

ᐊᑈᔅᑕᓇᒡ 8:31

ᐊᑯ ᒂ ᐃᑎᑯᑦ, “ᑕᓐᑕ ᒐᒋ ᐅᒋ ᓂᔅᑐᑎᒪᓐ ᐸᑐᔅ ᐊᐛᓐ ᐸᒋ ᒋᔅᑯᑎᒧᐅᒐ ?” ᐊᑯ ᐛᓴᒪᑦ ᐱᓕᐸ ᒐᒋ ᐎᑎᐱᒥᑯᑦ᙮

ᐊᑈᔅᑕᓇᒡ 8:5

ᐱᓕᑉ ᒪᒃ, ᒋ ᐃᑐᑕᐤ ᐅᑕᓇᔪᐤ ᐊᓐᑕ ᓴᒪᕆᔭ ᐊᔅᒋᒡ ᐊ ᑎᑯᓂᔨᒡ᙮ ᐊᑯ ᒂ ᐛᐎᑎᒧᐛᑦ ᐊᓂᔭ ᐃᔪᐤ, ᒋᓴᓴ, ᐊ ᐊᐎᔨᒋ ᙭᙮

1 ᑯᕆᓐᑎᔭᓇ 14:19

ᒥᒄ ᒪᒃ ᐃᔅᐱᔅ ᐊ ᑕᔭᓐ ᐊᓐᑕ ᐊ ᐊᔭᒥᐊᒡ ᒪᒧᐤ ᑲ ᐊᔭᒥᐊᐛᑎᓯᒡ ᐃᐛᒃ ᓂᐸ ᒥᔽᔨᑕᓐ ᐊᑎ ᒥᒄ ᐊᐱᓯᔅ ᐃᔨᒥᔭᓐ ᒥᓯᐛ ᒐᒋ ᓂᔅᑐᑐᐅᒡ ᐊᓐᒡ ᑲ ᐃᔨᒥᐃᒂᐤ ᐃᔅᐱᔅ ᐎ ᒐᒋ ᒥᔅᑎ ᒂᔅᒋᐃᔨᒥᔭᓐ ᐊᑲ ᓂᔅᑐᑕᐅᒡ᙮

ᐃᐱᓯᔭᓇ 5:17

ᐊᑲᐎᔾ ᒪᒃ ᒋᔎᐱᒪᑎᓯᒄ᙮ ᐃᔭᐱᒡ ᓱᒃ ᐎ ᓂᔅᑐᑎᒺᐧᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

ᒋᔅᒐᔨᑕᑯᑕᒐᐅᓐ 13:18

ᐊᑯᑕ ᒪᒃ ᐅᑕ ᑭᒐᑕᐛᔨᑎᒧᐅᓐ ᓇᑐᐛᔨᑕᒂᒡ᙮ ᐊᓐ ᒪᒃ ᐊᐛᓐ ᑲᒐᔨᑕᐛᔨᑎᒧᒂ, ᒋᑭ ᒋ ᒋᔅᒐᔨᑎᒻ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐊᓂᔭ ᐊᒋᑕᓱᐅᓂᔪᐤ, ᐛᔅ ᐊᓐ ᐊᒋᑕᓱᐅᓐ ᓇᐸᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮ ᐊᓱᑕᑕᑐᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᐊᓱᑕᒡ ᒪᒃ ᐃᑎᓯᓇᑕᔪᐤ ᐅᑦ ᐃᓯᓂᐧᑲᓱᐅᓐ᙮