ᐊᑈᔅᑕᓇᒡ 8:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒥᓯᐛ ᒪᒃ ᐊᐛᓐ ᒋᒋᐛ ᑲ ᐃᑕᔨᑕᑯᓯᑦ ᑭᔭ ᓄᑕᔅ ᑲ ᐃᑕᔨᑕᑯᓯᑦ ᐊᓐᑕ ᐅᑕᓇᒡ ᓇᔅᒡ ᒋ ᓂᑐᑐᐛᐅᒡ ᐊᓂᔭ ᓴᐃᒥᓇ, ᐊᑯ ᐊᓐᒡ ᐃᔪᒡ ᒋ ᐃᑕᐅᒡ ᐊ ᐊᔨᒧᒪᒡ ᐊᓂᔭ ᓴᐃᒥᓇ, “ᐅ ᓇᐸᐤ, ᐊᔭᐤ ᒪᒥᑕᐛᑎᓯᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐊ ᐅᑎᓇᐧᒃ᙮ ᐊᔪᐤ ᒋ ᐃᑕᔨᒪᐅᒡ ᐊᐅᑯᓐ ᐊ ᐊᐎᔨᒋ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ ᐊᓂᔭ ᐅᒋ ᐊ ᒪᒥᑕᐛᑎᓯᔨᒋ᙮”

ᐊᑈᔅᑕᓇᒡ 8:10 Iomraidhean Croise

ᐊᑈᔅᑕᓇᒡ 14:11

ᐃᔅᐱ ᑲ ᐛᐸᑕᒡ ᐊᓐᒡ ᐃᔪᒡ ᑕᓐ ᑲ ᐃᑐᑎᒥᔨᒋ ᑈᓚ, ᒋ ᑕᑈᐅᒡ ᓚᐃᑯᓂᔭ ᐃᔨᒧᐅᓂᔪᐤ ᐊ ᐃᓯ ᐃᔨᒥᒡ, “ᒥᓂᑐᐅᒡ ᒋ ᐅᑎᑎᑯᓄᐅᒡ ᒧᔭᒻ ᓇᐸᐅᒡ ᐊ ᐃᓯᓇᑯᓯᒡ᙮”

ᐊᑈᔅᑕᓇᒡ 28:6

ᐊᑯ ᐊᓐᒡ ᐃᔪᒡ ᒋ ᓂᓇᑭᑐᐛᔨᒪᐅᒡ ᒐᒋ ᐸᒋᐱᔨᒋ ᐊᓂᔭ ᑈᓚ ᑭᔭ ᒪᒃ ᒐᒋ ᓂᐱᔨᒋ᙮ ᓇᒪ ᒪᒃ ᓇᔅᒡ ᐅᒋ ᒐᒂᔪᐤ ᐃᑎᔪᐛ᙮ ᐃᔅᐱ ᒪᒃ ᐎᔭᐱᒪᒡ ᐊᑲ ᓇᔅᒡ ᒐᒂᔪᐤ ᑎᔨᒋ ᐊᑯ ᑲ ᐃᔅᒋᔄᒡ, “ᒐᔅᑎᓇᔅ ᒋᓴᒪᓂᑐᐎᒐ ᐅ ᓇᐸᐤ᙮”

1 ᑯᕆᓐᑎᔭᓇ 1:24

ᒋᔭᓄᐤ ᒪᒃ ᐎ ᒋᓴᒪᓂᑐᐤ ᑲ ᐅᑎᓂᑕᐧᒄ, ᑕᐱᔅᑯᓐ ᒍᐤ ᐊ ᐃᑎᔅᑲᓇᓯᔭᐧᒄ ᑭᔭ ᑯᕆᒃ ᐊ ᐃᑎᔅᑲᓇᓯᔭᐧᒄ, ᒋ ᑕᑈᑕᓇᓄᐤ ᐅ ᙭ ᐊᐅᒄ ᒋᓴᒪᓂᑐᐤ ᐅᓱᐧᑲᑎᓯᐅᓐ ᑭᔭ ᐅᑭᒐᑕᐛᔨᑎᒧᐅᓐ᙮

2 ᑯᕆᓐᑎᔭᓇ 11:19

ᓇᒪ ᒪᒃ ᒋᐸ ᐅᒋ ᑯᔅᑯᓯᑯᓇᐛᐤ ᐅ᙮ ᓇᔅᒡ ᑕᑈ ᒋ ᑭᒐᑕᐛᔨᒥᓱᓇᐛᐤ᙮ ᒪᓐ ᒥᒄ ᑲ ᐃᓯ ᐱᑎᑲᐊᑯᒡ ᐊᓐᒡ ᑲ ᒋᔎ ᐃᔨᒥᒡ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

2 ᐱᑕᕐ 2:2

ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮

ᒋᔅᒐᔨᑕᑯᑕᒐᐅᓐ 13:3

ᐸᐃᒄ ᐊᓂᔭ ᐅᔅᑎᒂᓐ ᐊᓐ ᒥᒋ ᐊᐛᓯᔅ ᒧᔭᒻ ᐊᒋ ᒥᔄᑭᓂᐧᑲᑕᑭᓄᐎᒡ ᒋ ᐃᓯᓇᑯᓂᔪᐤ᙮ ᒥᒄ ᒪᒃ ᓴᔅ ᒋ ᒥᔽᔪᐤ᙮ ᒥᓯᐛ ᒪᒃ ᐊᓐᒡ ᐊᔅᒋᒡ ᐊ ᑕᒡ ᒋ ᒪᒥᔅᑲᑕᔨᒪᐅᒡ ᐊᓂᔭ ᒥᒋ ᐊᐛᓯᓴ ᑭᔭ ᒋ ᓇᓴᐛᐅᒡ᙮