ᐊᑈᔅᑕᓇᒡ 8:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓴᓪ ᒪᒃ ᒋ ᒥᔽᔨᑎᒻ ᐊᒋ ᓂᐸᐊᑭᓄᔨᒋ ᔅᑎᐱᓇ᙮ ᐊᓂᔭ ᒪᒃ ᐊ ᐸᐃᑯᓂᔨᒡ ᐊ ᒋᓯᑲᔨᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒋᕈᓯᓕᒥᒡ ᐊᑯᑕ ᑲ ᐅᒋ ᒋᒋ ᓂᓇᐧᑲᒋᐊᑭᓄᐎᒡ᙮ ᐊᔪᐅᒄ ᐅᔭ ᐛᒋ ᓂᑭᑕᒡ ᒋᕈᓯᓕᒥᔪᐤ ᐊᑯ ᐊᓐᑕ ᒍᑎᔭᒡ ᑭᔭ ᓴᒪᕆᔭᐃᒡ ᒂ ᐎᒋᒡ᙮ ᒥᒄ ᐊᓐᒡ ᐊᑈᔅᑕᓇᒡ ᐊᑯᑕ ᐃᔭᐱᒡ ᑲ ᑕᒡ ᐎᔨᐛᐤ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 8:1 Iomraidhean Croise

ᒪᑎᔪᐤ 22:6

ᐊᑯ ᐊᓐᒡ ᑯᑎᑭᒡ ᒂ ᒪᑯᓇᒡ ᐊᓂᔭ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᐊᑯ ᒂ ᒪᓯᐧᑯᐛᒡ, ᒂ ᐊᑎ ᓂᐸᐊᒡ᙮

ᒪᑎᔪᐤ 23:34

ᐊᑯ ᒋᓴᔅ ᒂ ᐃᑕᑦ, “ᐊᐅᒄ ᒪᒃ ᐅ ᐛᒋ ᐃᑎᑎᑯᒡ, ᓂᑭ ᐸᒋ ᐃᑎᓴᐛᐅᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑭᒐᑕᐛᔨᑕᒡ ᑭᔭ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᐃᔭᐱᒡ ᒪᒃ ᐛᔅ ᐊᑯᓐ ᒐ ᐃᓯᓇᑯᓯᔭᒄ ᐊ ᓂᓂᐸᐊᑯᒡ ᐱᔅᒐ, ᑯᑎᑭᒡ ᐊ ᒋᔅᑕᔎᑕᑯᒡ ᒋᐱᔭᑎᑯᒡ ᑭᔭ ᑯᑎᑭᒡ ᐊ ᐸᐱᓯᔅᑕᐛᑯᒡ ᐊᓐᑕ ᒋᒋᓴᐊᔭᒥᐊᐅᒋᐛᐳᐛᒡ, ᑭᔭ ᓂᓇᐧᑯᐤ ᐅᑕᓇᒡ ᐊ ᐃᑕᒧᒐᔭᒄ᙮

ᒪᑎᔪᐤ 5:13

“ᒋᔨᐛᐤ ᐊᐅᒄ ᓯᐅᑕᑭᓐ ᐅᑕ ᐊᔅᒋᒡ᙮ ᐊᑲ ᒪᒃ ᐊ ᐊᑎ ᐎᔭᐱᒋᔅᐳᒂᒡ ᓯᐅᑕᑭᓐ, ᓇᒪ ᑎᑯᓐ ᑕᓐᑕ ᒐᒋ ᐃᑐᑕᑭᓄᐅᒡ ᒧᔭᒻ ᒐᒋ ᐃᔅᐱᒂᒡ ? ᓇᒪ ᒪᒃ ᐎᔭᔅ ᒋᑭ ᒋ ᐃᑕᐱᑎᓐ, ᐊᑯᔅ ᒪᒃ ᒋᑭ ᐛᐱᓇᑭᓄᐤ, ᐊᑯ ᒪᒃ ᒐ ᑕᑕᐧᑯᔅᑲᑕᑭᓄᐅᒡ᙮”

ᒠᓐ 15:20

ᒐ ᒋᔅᒋᓯᔭᒄ ᑕᓐ ᑲ ᐃᑎᑎᑯᒡ, ‘ᓇᒪ ᑕᐤ ᐊᐱᒋᐊᑭᓐ ᐃᐛᒃ ᐊ ᐅᒋᒪᐛᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮’ ᒧᔭᒻ ᑲ ᓂᓇᐧᑲᒋᐃᐛᒂ ᑭᔭ ᒋᔨᐛᐤ ᒋᑭ ᓂᓇᐧᑲᒋᐃᑯᐛᐅᒡ᙮ ᑲ ᓂᓇᐃᑎᒧᐛᒂ ᑕᓐ ᑲ ᐃᓯ ᐊᔨᒧᑎᒧᐅᒂᐤ ᒋᑭ ᓂᓇᐃᑎᒧᒡ ᑭᔭ ᒋᔨᐛᐤ ᑕᓐ ᒐ ᐃᓯ ᐊᔨᒧᑎᒧᐛᑯᒡ᙮

ᒠᓐ 16:2

ᐅᒡ ᒍᐤ ᐃᔪᒡ ᒋᑭ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ᐃᑕᔨᑕᐧᒃ ᒋᓴᒪᓂᑐᐛ ᐊ ᐎᒋᐊᑦ᙮

ᐊᑈᔅᑕᓇᒡ 1:8

ᒋᑭ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ᐸᔭᒋᓯᑦ ᐊᒐᐧᒄ ᒋ ᐅᑎᑎᑕᒂ᙮ ᐊᑯ ᒪᒃ ᒐ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐊᔅᒋᔾ᙮”

ᐊᑈᔅᑕᓇᒡ 13:1

ᐊᓐᑕ ᒪᒃ ᐊᓐᑎᔭᑭᒡ ᑲ ᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᑕᐅᒡ ᐊᓐᑕ ᐅᒋᔅᒋᐛᐃᒐᓱᒡ ᑭᔭ ᑲ ᒋᔅᑯᑎᒪᒐᒡ᙮ ᐊᐅᑯᓐᒡ ᐅᒡ, ᐸᕐᓇᐸᔅ ᑭᔭ ᓯᒥᐅᓐ ᐱᓐᑐᒄ ᑲ ᐃᓯᓂᐧᑲᑕᑭᓄᐅᑦ ᑭᔭ ᓗᓯᔭᔅ, ᓴᐃᕆᓐ ᑲ ᐅᒋᑦ, ᑭᔭ ᒪᓇᐃᓐ ᐊᓐ ᑲ ᐊᓯᒡ ᓂᑕᐅᒋᓇᑭᓄᐅᑦ ᒋᓴᐅᒋᒪᐛ ᐊᕈᑕ ᑲ ᓂᑕᐅᒋᓇᑭᓄᔨᒋ ᑭᔭ ᓴᓪ᙮

ᐊᑈᔅᑕᓇᒡ 13:36

ᐛᔅ ᑎᐱᑦ ᒋ ᐊᑐᔅᑯᐛᐤ ᒋᓴᒪᓂᑐᐛ ᑭᔭ ᒧᔅ ᒋ ᐃᑐᑎᒧᐛᐤ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲ ᐃᔅᐱᔅ ᐱᒪᑎᓯᑦ᙮ ᐊᑯ ᒂ ᓂᐱᑦ, ᒂᒋ ᓇᐃᐧᑯᐛᑭᓄᐅᑦ ᐊᓐᑕ ᑲ ᐱᒥᓯᒪᑭᓄᔨᒋ ᐊᓂᔭᐧᑲ ᐎᐧᑲᓂᓴ, ᐎᔪᐤ ᒪᒃ ᒋ ᐃᔭᔪᓂᔪᐤ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 22:20

ᑭᔭ ᐃᔅᐱ ᑲ ᓂᐸᐊᑭᓄᐅᑦ ᔅᑎᐱᓐ ᐊᓂᔭ ᐊ ᑎᐸᒋᒥᔅᒃ ᐅᒋ, ᑭᔭ ᓂᔾ ᓂᒋ ᑕᓐ ᐊᓐᑕ᙮ ᓂᒋ ᓇᐊᔨᑕᓐ ᐊᓂᔭ ᐊᒋ ᐃᑐᑐᐛᑭᓄᐅᑦ ᑭᔭ ᓂᒋ ᑭᓄᐛᔨᑎᒺᓐ ᐅᑦ ᐊᑯᐳᐛᐛ ᐊᓐᒡ ᑲ ᓂᐸᐊᒡ ᔅᑎᐱᓇ᙮’ ”

ᐊᑈᔅᑕᓇᒡ 26:10

ᐊᐅᒄ ᑲ ᐃᑎᔭᓐ ᐊᓐᑕ ᒋᕈᓯᓕᒥᒡ᙮ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᓂᒋ ᒥᔨᑯᒡ ᒐᒋ ᒪᑯᓂᒥᒋ ᐊᓂᔭᔪᐛ ᐊᐛᔪᐛ ᑲ ᑕᑈᑎᒥᔨᒋ ᑭᔭ ᒐᒋ ᒋᐸᐛᑭᓄᔨᒋ᙮ ᐃᔅᐱ ᒪᒃ ᐊ ᐃᑎᓱᐛᑕᑭᓄᐎᒡ ᐊᓐᒡ ᑲ ᑕᑈᑕᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᑲ ᐃᓯ ᓂᔅᑯᒧᔭᓐ ᑭᔭ ᓂᔾ᙮

ᐊᑈᔅᑕᓇᒡ 5:18

ᒋ ᒪᑯᓇᐅᒡ ᐊᑯ ᒂ ᐱᑎᑲᐊᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

ᐊᑈᔅᑕᓇᒡ 5:20

“ᒪᒋᒄ ᓇᑕ ᐃᑐᑕᒄ ᒋᓴᐊᔭᒥᐊᐅᒋᐛᐱᒡ, ᒐ ᐛᐎᑎᒧᐛᑯᒡ ᒥᓯᐛ ᐊᐛᓐᒋ ᐅᔭ ᑲ ᐅᔅᑲᔨᒡ ᐱᒪᑎᓯᐅᓂᔪᐤ᙮”

ᐊᑈᔅᑕᓇᒡ 5:33

ᐃᔅᐱ ᒪᒃ ᐱᔭᑕᒡ ᐅᔭ ᐊᓐᒡ ᑲ ᒪᒧᐎᒡ ᐊᓐ ᑲ ᓂᑲᓂᐱᑦ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᒥᔅᑎ ᒋᔄᓱᐅᒡ, ᐊᑯ ᒂ ᑯᒂᑕᔨᑕᒡ ᒐᒋ ᐃᔅᒋᔄᒡ ᒐᒋ ᓂᐸᐊᑭᓄᔨᒋ ᐅᔭ ᐊᑈᔅᑕᓇ᙮

ᐊᑈᔅᑕᓇᒡ 5:40

ᐊᓐᒡ ᒪᒃ ᓇᐸᐅᒡ ᑲ ᒪᒧᐎᒡ ᒋ ᑕᑈᑐᐛᐅᒡ ᐊᓂᔭᔪᐛ ᑲᒪᓕᔭᓚ ᐅᔭ ᑲ ᐃᔅᒋᔄᔨᒋ᙮ ᐊᑯ ᒂ ᐎᓴᒪᒡ ᐊᓂᔭᔪᐛ ᐊᑈᔅᑕᓇ, ᐊᑯ ᒂ ᐃᔅᒋᔄᒡ ᒐᒋ ᐸᐱᓯᔅᑕᐛᑭᓄᔨᒋ, ᑭᔭ ᒋ ᐃᑎᓱᒪᐅᒡ ᐊᑲ ᒥᓐ ᓂᑕ ᒐᒋ ᐛᐎᑎᒥᔨᒋ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ, ᐊᑯ ᒂ ᐱᔅᑎᓇᒡ᙮

ᐊᑈᔅᑕᓇᒡ 7:38

ᐊᐅᒄ ᐅ ᒧᓱᔅ ᒋ ᑕᐤ ᒪᒧᐤ ᑭᔭ ᐎᔾ ᐊᓐᑕ ᐸᐧᑯᑎᔅᑭᒥᑲᒡ ᒪᒂᒡ ᑲ ᑕᒡ ᐊᓐᑕ ᐊᓐᒡ ᐛᔅᑭᒡ ᒋᑦ ᐃᔨᒥᓄᒡ᙮ ᑭᔭ ᒋ ᑕᐤ ᐊᓐᑕ ᓴᐃᓇᐃ ᐱᔅᑯᑎᓇᒡ ᐊᓐᑕ ᑲ ᐃᔨᒥᐃᑯᑦ ᐊᓐᒋᓇ᙮ ᐎᔾ ᒧᓱᔅ ᒋ ᒥᔭᑭᓄᐤ ᒐᒋ ᐊᓱᐎᑎᒪᑕᒄ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᒐ ᐊᑲ ᓂᑕ ᐳᓂᐱᔨᒡ᙮”

ᐊᑈᔅᑕᓇᒡ 7:54

ᐃᔅᐱ ᒪᒃ ᐊᓐᒡ ᑲ ᒪᒧᐎᒡ ᑲ ᐸᑐᐛᒡ ᐊᓂᔭ ᔅᑎᐱᓇ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎᒋᔄᐃᑯᒡ᙮

ᐊᑈᔅᑕᓇᒡ 7:58

ᐊᑯ ᒂ ᐎᐎᑎᓴᐛᒡ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᒂ ᐎ ᓂᐸᐊᒡ ᐊ ᐸᐱᐳᒧᓯᓇᑕᐛᒡ᙮ ᐊᓐᒡ ᒪᒃ ᑲ ᐸᑐᐛᒡ ᑕᓐ ᑲ ᐃᔅᒋᔄᔨᒋ ᔅᑎᐱᓇ ᒋ ᓂᑭᑎᒧᒡ ᐅᑦ ᐊᑯᐳᐛᐛ ᒐᒋ ᓇᑭᑐᐛᐸᑎᒥᔨᒋ ᐅᔅᒋᓂᒋᓱᐛ ᓴᓪ ᐊ ᐃᓯᓂᐧᑲᓱᔨᒋ᙮

ᐊᑈᔅᑕᓇᒡ 8:14

ᐃᔅᐱ ᒪᒃ ᐊᓐᒡ ᐊᑈᔅᑕᓇᒡ ᐊᓐᑕ ᒋᕈᓯᓕᒥᒡ ᑲ ᑕᒡ, ᐱᔭᑕᒡ ᐊᓂᔭᔪᐛ ᐃᔪᐛ ᐊᓐᑕ ᓴᒪᕆᔭ ᑲ ᑕᔨᒋ ᐊ ᑕᑈᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᒋ ᐃᑎᓴᐛᐅᒡ ᐊᓐᑕ ᐱᑕᕋ ᑭᔭ ᒠᓇ᙮

ᐊᑈᔅᑕᓇᒡ 8:2

ᐱᔅᒐ ᒪᒃ ᐊ ᐊᔭᒥᐊᐛᑎᓯᒡ ᓇᐸᐅᒡ ᒋ ᓇᐃᐧᑯᐛᐅᒡ ᔅᑎᐱᓇ, ᓱᒃ ᐊ ᒪᒡ᙮

ᐊᑈᔅᑕᓇᒡ 8:4

ᐊᓐᒡ ᒪᒃ ᑲ ᑕᑈᑕᒡ ᑲ ᒋᑎᓯᒧᒡ ᒋᕈᓯᓕᒥᒡ, ᒥᓯᐛ ᒋ ᐱᐸᒧᑕᐅᒡ ᐊ ᐛᐎᑕᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 8:5

ᐱᓕᑉ ᒪᒃ, ᒋ ᐃᑐᑕᐤ ᐅᑕᓇᔪᐤ ᐊᓐᑕ ᓴᒪᕆᔭ ᐊᔅᒋᒡ ᐊ ᑎᑯᓂᔨᒡ᙮ ᐊᑯ ᒂ ᐛᐎᑎᒧᐛᑦ ᐊᓂᔭ ᐃᔪᐤ, ᒋᓴᓴ, ᐊ ᐊᐎᔨᒋ ᙭᙮

ᐊᑈᔅᑕᓇᒡ 9:31

ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:32

ᐊᑎ ᐊ ᒋᔅᒐᔨᑕᒡ ᒋᓴᒪᓂᑐᐛ ᐊᒋ ᐃᑕᔨᑎᒥᔨᒋ ᑕᑈ ᐊ ᐃᑕᔨᑕᑯᓂᔨᒡ ᒐᒋ ᓂᐱᔨᒋ ᐊᓂᔭᔪᐛ ᐊᐛᔪᐛ ᐅᔭ ᑲ ᐃᓯ ᒥᒋ ᐱᒪᑎᓯᔨᒋ ᐃᔭᐱᒡ ᐊᑐᐎᔅ ᐃᑐᐅᒡ ᐎᔨᐛᐤ ᑕᓐ ᐛ ᐃᑎᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᓂᓇᐊᔨᑎᒥᐃᑯᐅᒡ ᐊᔪᐤ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᓯ ᒥᒋ ᐱᒪᑎᓯᔨᒋ᙮

ᐱᓕᐱᔭᓇ 1:12

ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐅ ᑲ ᐃᔅᐱᔭᓐ ᐊ ᒋᐸᐅᑯᔭᓐ ᑕᑈ ᒐᒋ ᐊᑎ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐊᑎ ᑕᑈᑕᒡ ᒥᔽᒋᒧᐅᓂᔪᐤ᙮

ᐃᑉᕈᐛ 11:27

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑕᔨᑎᒻ ᒐᒋ ᓂᑭᑕᐧᒃ ᐃᒋᑉᑦ ᐊᔅᒋᔪᐤ ᐊᑲ ᐅᒋ ᑯᔅᑕᒋᑦ, ᐊᑎ ᐊᒋ ᒥᔅᑎ ᒋᔄᓯᔨᒋ ᒋᓴᐅᒋᒪᐛ᙮ ᒧᓱᔅ ᓇᔅᒡ ᑕᑈ ᒋ ᓯᐱᔪᐛᓱᐤ ᒧᔭᒻ ᓇᔅᒡ ᐊ ᐛᐱᒪᑦ ᒋᓴᒪᓂᑐᐛ, ᐊᓂᔭ ᐊᑲ ᓂᑕ ᐅᒋ ᐛᐱᒥᑯᔨᒋ ᓇᐸᐛ ᐊᐅᑯᓐ ᑲ ᐃᓯ ᐱᒪᑎᓯᑦ ᒧᓱᔅ᙮