ᐊᑈᔅᑕᓇᒡ 7:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑯ ᔅᑎᐱᓐ ᒥᓐ ᒂ ᐊᑎ ᐃᔅᒋᔄᑦ, “ᐊᑯ ᒪᒃ ᒋᓴᒪᓂᑐᐤ ᑲ ᐅᓯᑐᐛᑦ ᐊᓂᔭᐧᑲ ᐊᑉᕋᐊᒪ ᓂᔅᑯᒧᐅᓂᔪᐤ, ᐅ ᒪᒃ ᓂᔅᑯᒧᐅᓐ ᒐᒋ ᐅᒋ ᓄᑯᑕᑭᓄᐅᒡ, ᒐᒋ ᒋᔅᒋᓄᐛᒋᔄᑭᓄᐅᒡ ᓇᐸᓯᒡ᙮ ᐊᑯ ᒪᒃ ᐊᓂᔭᐧᑲ ᐊᑉᕋᐊᒻ ᑲᒋ ᒋᔅᒋᓄᐛᒋᔄᑦ ᐅᑯᓴ ᐊᐃᓯᑲ ᐃᔅᐱᔅ ᔭᓇᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔨᒋ᙮ ᐊᐃᓯᒃ ᒪᒃ ᐊᐅᒄ ᐅᔭ ᒐᑭᐸ ᑲ ᐅᑕᐎᑦ᙮ ᒐᑭᑉ ᒪᒃ ᒋ ᓂᓱᓴᐳᔨᐛ ᐅᑯᓴ᙮ ᐊᐅᑯᓐᒡ ᐅᒡ ᓂᓱᓴᑉ ᑲ ᒋᔅᑕᔨᑕᑯᓯᒡ ᒋᑦ ᐊᓂᔅᒐ ᒍᑕᐎᓄᒡ᙮”

ᐊᑈᔅᑕᓇᒡ 7:8 Iomraidhean Croise

ᒐᓂᓯᔅ 29:31

ᐃᔅᐱ ᐎᔭᐱᒪᑦ ᐅᑎᐸᔨᒋᒐᐤ ᐊᑲ ᓴᒋᐊᑭᓄᔨᒋ ᓕᐊᔨᒋ, ᒋ ᐃᑐᑐᐛᐤ ᒐᒋ ᐊᓱᐛᐱᒪᐅᓯᔨᒋ᙮ ᒥᒄ ᕋᐃᒍᓪ ᓇᒪ ᐅᒋ ᐊᓱᐛᐱᒪᐅᓱᐤ᙮

ᒐᓂᓯᔅ 30:5

ᒋ ᐊᓱᐛᐱᒪᐅᓱᐤ ᐱᓚ ᑭᔭ ᒂ ᓂᑕᐅᒋᐊᑦ ᐅᑯᓯᒪᐛ᙮

ᒐᓂᓯᔅ 35:16

ᓇᓇᒐ ᒐᑭᑉ ᑭᔭ ᐅᑦ ᐃᔨᒪ ᒋ ᑎᒪᒋᐅᒡ ᑭᔭ ᐱᓯᒧᑕᒡ ᐸᑕᓪ ᐅᒡ ᒋ ᐃᓯ ᔅᑐᑕᐅᒡ᙮ ᐛᔪᐤ ᐃᑉᕋᑦ ᐅᒡ ᐊᔅᒄ ᒋ ᑕᐅᒡ ᐃᔅᐱ ᑲ ᐅᑎᒋᐱᔨᒡ ᒐᒋ ᐛᐱᒪᐅᓱᑦ ᕋᐃᒍᓪ᙮

ᒐᓂᓯᔅ 35:18

ᒥᒄ ᐎ ᐳᓂᐱᒪᑎᓯᐤ ᑭᔭ ᒪᔅᑕᔾ ᐊᑎ ᐊᔭᔭᑦ, ᐱᓐᐅᓂ ᒋ ᐃᓯᓂᐧᑲᑕᐤ ᐅᑯᓴ᙮ ᒥᒄ ᓇᓇᒐ ᒐᑭᑉ ᒋ ᒥᔅᑯᑐᓂᒺᐤ ᐊᓯᓂᐧᑲᓱᔨᒋ ᐅᑯᓴ, ᐱᓐᒋᒥᓐ ᒋ ᐃᓯᓂᐧᑲᑕᐤ᙮

ᒪᑎᔪᐤ 1:2

ᐊᑉᕋᐊᒪ ᒪᒃ ᐊᐃᓯᑲ ᒋ ᐅᑯᓱᐤ, ᑭᔭ ᐊᐃᓯᒃ ᒐᑭᐸ ᒋ ᐅᑯᓱᐤ, ᒐᑭᑉ ᒪᒃ ᒍᑕᔨᒋ ᒋ ᐅᑯᓱᐤ ᑭᔭ ᐊᓂᔭ ᐎᐧᑲᓂᓯᔨᔪᐛ,

ᒠᓐ 7:22

ᒧᓱᔅ ᒋ ᐃᑎᓱᐛᒐ ᒐᒋ ᐃᑐᑕᑭᓄᐎᒡ ᐊᓂᔭ ᐎᓱᐛᐅᓂᔪᐤ ᑲ ᐃᑎᔅᑕᔨᒡ ᒐᒋ ᒋᔅᒋᓄᐛᒋᔄᑭᓄᔨᒋ ᓇᐸᓴ ᒪᒂᒡ ᐊ ᐊᐱᓯᓯᔨᒋ᙮ ᓇᒪᔭᐤ ᒪᒃ ᒧᓱᔅ ᓂᔅᑎᒻ ᑲ ᐱᔅᑎᓇᐧᒃ ᐊᓂᔭ ᐎᓱᐛᐅᓂᔪᐤ, ᓴᔅ ᐊᓐᑕ ᐛᔅᑭᒡ ᒋ ᐛᐧᑯᒪᐊᑭᓄᐅᒡ ᐊᔪᐅᒄ ᐅᔭ ᐎᓱᐛᐅᓂᔪᐤ ᑲ ᐊᔭᒡ᙮ ᐃᔭᐱᒡ ᒪᒃ ᒋ ᒋᔅᒋᓄᐛᒋᔄᐛᐅᒡ ᓇᐸᓯᒡ ᐊ ᐅᑎᒋᐱᔨᒋ ᐅᔭ ᒐᒋ ᐃᑐᑐᐛᑭᓄᐅᒡ ᐊᑎ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᐊᑈᔅᑕᓇᒡ 2:29

ᐊᑯ ᐱᑕᕐ ᒥᓐ ᒂ ᐊᑎ ᐃᔅᒋᔄᑦ, “ᓂᐧᑲᓂᓯᑐᒄ, ᓂ ᒐᔅᑎᓇᐅᓐ ᐊᓂᔭ ᒋᓴᐅᒋᒪᐤ ᑎᐱᑦ ᓇᒪ ᐎᔾ ᐅᒋ ᐊᔨᒧᒥᓱᐤ ᐅᔭ ᑲ ᐃᓯ ᐃᔨᒥᑦ, ᐛᔅ ᒋ ᓂᐳᐤ ᐎᔾ ᑭᔭ ᒋ ᓇᐃᐧᑯᐛᑭᓄᐤ᙮ ᐊᓂᔭ ᒪᒃ ᐊᓐᑕ ᑲᒋ ᓇᐃᐧᑯᐛᑭᓄᐅᑦ ᐊᔅᒄ ᒋ ᒋᔅᒐᔨᑎᒺᓇᓄᐤ ᑕᓐᑕ ᐊ ᑎᑯᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:10

ᑕᐃᔅᐱ ᒪᒃ ᑲ ᐃᑕᒋᒪᑭᓄᐅᑦ ᐅᔭᔪᐤ ᐊᑉᕋᐊᒻ, ᐊᔅᒄ ᐊ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᒪᒃ ᓴᔅ ᐊᒋ ᒋᔅᒋᓄᐛᒋᔄᑭᓄᐅᑦ ? ᐊᔅᒄ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᐊᑯᑕ ᑲ ᐃᑕᒋᒪᑭᓄᐅᑦ ᐅᔭᔪᐤ, ᓇᒪ ᐎ ᐸᑐᔅ ᑲ ᒋᔅᒋᓄᐛᒋᔄᑭᓄᐅᑦ᙮

ᑲᓚᓯᔭᓇ 3:15

ᓂᐧᑲᓂᓯᑐᒄ, ᒋ ᐎ ᐊᔨᒧᑎᒪᑎᓇᐛᐤ ᒐᒂᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᒐᒋ ᓂᔅᑐᑎᒪᒄ ᑕᓐ ᐛ ᐃᓯ ᐎᑎᒪᑎᑯᒡ᙮ ᓂᓱ ᐊᐛᓐᒋ ᐊ ᑎᑯᓂᔨᒡ ᐊ ᐃᓯ ᓂᔅᑯᒧᒡ ᒐᒂᔪᐤ ᑕᐱᔅᑯᓐ ᒥᓯᓇᐎᓱᐅᒡ᙮ ᓇᒪ ᒪᒃ ᒋᑭ ᒋ ᐱᑯᓂᒧᒡ ᐊᓂᔭ᙮ ᓇᒪ ᑭᔭ ᒋᑭ ᒋ ᐊᑎᔅᑕᐅᒡ ᑕᓐ ᑲ ᐃᑎᔅᑕᒡ ᐊᓐᑕ᙮

ᑲᓚᓯᔭᓇ 3:17

ᒪᐅ ᐛ ᐃᔅᒋᔄᔭᓐ᙮ ᒋᓴᒪᓂᑐᐤ ᒋ ᐎᑎᒧᐛᐤ ᐊᑉᕋᐊᒪ ᑕᓐ ᐊᔅᒄ ᒐ ᐃᓯ ᐊᓱᑎᒧᐛᑦ, ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐱᐳᓇ ᒪᒃ ᐸᑎᒪ ᐊᑯ ᑲ ᑎᒂᒡ ᒍᐤ ᐊᔭᒥᐊᐅ ᐎᓱᐛᐅᓐ᙮ ᐅ ᒪᒃ ᐎᓱᐛᐅᓐ ᓇᒪ ᒋᑭ ᒋ ᒥᔅᑯᑎᔅᑲᒐᒥᑭᓐ ᐊᓂᔭ ᑕᓐ ᑲ ᐃᓯ ᓂᔅᑯᒪᑭᓄᐅᑦ ᐊᑉᕋᐊᒻ, ᓇᒪ ᒋᑭ ᒋ ᐃᓯᓇᑯᓂᔪᐤ ᒐ ᐊᑲ ᒋ ᐊᐱᑎᓂᔨᒡ ᐊᓂᔭ ᑕᓐ ᑲ ᐃᓯ ᐊᓱᑎᒧᐛᑭᓄᐅᑦ᙮

ᐃᑉᕈᐛ 7:4

ᒪᒥᑐᓇᔨᒪᑕᐤ ᐊᓐ ᐊ ᐃᔅᐱᔅ ᒋᔅᑕᔨᑕᑯᓯᑦ ᐅ ᒪᓪᑭᓴᑕᒃ᙮ ᐊᑎ ᑲ ᐃᔅᐱᔅ ᒋᔅᑕᔨᑕᑯᓯᑦ ᐊᓂᔭ ᒍᑕᐎᓄᐤ ᐊᑉᕋᐊᒻ ᐃᔭᐱᒡ ᒋ ᒥᔭᐤ ᒪᓪᑭᓴᑕᑲ ᐱᔅᒐ ᐊᓂᔭ ᑕᓐ ᐎᔾ ᑲ ᐃᓯ ᐎᐧᑯᒋᑕᑦ᙮