ᐊᑈᔅᑕᓇᒡ 7:51 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵¹ ᔅᑎᐱᓐ ᐊᑐᐎᔅ ᑲ ᐊᑎ ᐃᔅᒋᔄᑦ, “ᒋᔅᒋᓯᑕᐤ ᒪ, ᐊᓂᔭ ᑕᓐ ᑲ ᐃᔅᐱᔅ ᓱᒋᔅᑎᒂᓇᒡ ᐊᓂᔭᐧᑲ ᐛᔅᑭᒡ ᒋᐧᑲᓂᓯᓄᐅᒡ ᐊᑯᓐ ᒧᔭᒻ ᑭᔭ ᒋᔨᐛᐤ ᐊ ᐃᔅᐱᔅ ᓱᒋᔅᑎᒂᓇᔭᒄ᙮ ᐊᑲ ᑕᑈᑎᒪᒄ ᐊᓐᑕ ᒋᑕᐃᐛᒡ, ᑭᔭ ᐊᑲ ᐎ ᓂᑐᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᒧᔭᒻ ᐊᓂᔭᐧᑲ ᒋᐧᑲᓂᓱᐛᐅᒡ ᐊ ᐃᑕᔨᑕᑯᓯᔭᒄ ᐊᑲ ᐅᒋ ᐎ ᓂᓇᐃᑐᐛᒡ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 7:51 Iomraidhean Croise

ᑎᐱᑦ ᐅᓂᑭᒧᐅᓇ 75:5

ᐊᑲᐎᔾ ᐃᔅᐱᒥᒡ ᐅᐱᑕᔅᑭᓄᒃ: ᐊᑲᐎᔾ ᒋᑐᑯᔨᐛᔨᒄ ᐊ ᐃᔨᒥᔭᒄ᙮”

ᑎᐱᑦ ᐅᓂᑭᒧᐅᓇ 78:8

ᒐ ᐊᑲ ᒋ ᓂᔅᐱᑐᐛᒡ ᐅᑕᐎᐛᐛ, ᑲ ᒥᔅᑯᐅᔅᑎᒂᓇᔨᒋ ᑭᔭ ᑲ ᐊᔨᐛᒧᑐᑕᒐᔨᒋ ᐊᔭᓂᔅᒐ ᐊ ᐱᒪᑎᓯᓇᓄᐎᔨᒡ; ᑲ ᐊᔭᓂᔅᒐ ᐱᒪᑎᓯᒡ ᐊᑲ ᓇᐃᑎᔅᑕᒡ ᐅᑕᐃᐛᐛ, ᑭᔭ ᐊᑲ ᑲ ᐊᔨᑎᓯᔅᑐᐛᒡ ᒋᓴᒪᓂᑐᐛ ᐅᑦ ᐊᒐᐧᑯᐛᒡ᙮

ᐊᒃᓱᑕᔅ 32:9

ᑭᔭ ᑎᐸᔨᒋᒐᓱᐤ ᐃᑕᐤ ᒧᓱᓴ, “ᓴᔅ ᓂᒋ ᐛᐱᒪᐅᒡ ᐅᒡ ᐃᔪᒡ ᑭᔭ ᒥᔅᑯᔅᑎᒂᓇᐅᒡ,

ᐊᒃᓱᑕᔅ 33:3

ᒋᑭ ᐃᑐᑕᓇᐛᐤ ᐊᔅᒋᒡ ᐊᓐᑕ ᐊ ᐛᔪᑎᓯᒡ ᒋᒋᓇᐳᔭᐎᒡ ᑭᔭ ᑲᓯᐛᓯᐛᐳᔾ, ᒥᒄ ᓇᒪ ᒋᑭ ᒋ ᐎᒐᐅᑎᓇᐛᐤ ᐅᓴᒻ ᒋᔨᐛᐤ ᐅ ᑲ ᒥᔅᑯᔅᑎᒂᓇᒡ ᐃᔪᒡ ᑭᔭ ᒂᔄᓐ ᒋᑭ ᒋ ᓂᓱᐅᓇᒋᐃᑎᓇᐛᐤ ᒪᒂᒡ ᐊᑎ ᐱᒧᑕᔭᒄ᙮”

ᐊᒃᓱᑕᔅ 33:5

ᐛᔅ ᑎᐸᔨᒋᒐᓱᐤ ᒋ ᐃᑎᓱᒪᐤ ᒧᓱᓴ ᒐᒋ ᐃᑕᔨᒋ ᐃᔪᐛ, “ᒋᔨᐛᐤ ᐅ ᑲ ᒥᔅᑯᔅᑎᒂᓇᒡ ᐃᔪᒡ, ᐊᑎᓱᐧᒄ ᐸᐃᒄ ᐊᒐᐧᑭᔅᑕᒡ ᐎᒐᐅᑎᑯᒡ, ᓇᔅᒡ ᒋᐸ ᓂᓱᐅᓇᒋᐃᑎᓇᐛᐤ᙮ ᐊᑯ ᒥᓂᒥᒄ ᐊᓂᔭ ᐛᐛᓯᐅᓇᐱᔎ, ᑭᔭ ᓂᑭ ᐎᔭᔨᑕᓐ ᒐᒂᓐ ᒐ ᐃᑐᑕᑎᑯᒡ᙮”

ᐊᒃᓱᑕᔅ 34:9

ᒂ ᐃᑕᑦ ᒧᓱᔅ, “ᑎᐸᔨᒋᒐᓱᐤ, ᓇᔅᒡ ᒪᔽᔨᑎᒥᑐᐛᓇ, ᓂ ᐱᑯᓴᔨᑕᓐ ᒐᒋ ᐎᒐᐎᔭᒡ᙮ ᒋ ᑕᑈᓐ ᐊᓐ ᐊ ᐃᔅᒋᔄᔨᓐ ᐊ ᒥᒋᑐᑕᒡ ᐅᒡ ᐃᔪᒡ ᑭᔭ ᐊ ᐊᑲ ᓇᐃᑕᒡ ᒐᒂᔪᐤ ᑲ ᐃᑎᓱᐛᔨᓐ, ᒥᒄ ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᑭᔭ ᐅᑎᓂᓇᓐ ᒋᔾ ᒐ ᐅᑦ ᐃᔨᒥᑐᐅᔭᒡ ᒧᔅ ᑲᒋᒡ᙮”

ᐊᑈᔅᑕᓇᒡ 6:10

ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮

ᐊᑈᔅᑕᓇᒡ 7:27

“ᐊᓐ ᒪᒃ ᑲ ᒋᒋᐱᔨᑕᑦ ᐊ ᒪᓯᐧᑲᑐᒡ ᐊᓂᔭᔪᐛ ᐎᐧᑲᓂᓴ ᒋ ᑯᐧᑯᓇᐤ ᐊᓂᔭ ᒧᓱᓴ᙮ ᐊᑯ ᒂ ᐃᑕᑦ, ‘ᐊᐛᓐ ᑲ ᐃᑕᐃᔅᒃ ᒐᒋ ᐅᒋᒪᒥᑕᑕᒡ ᑭᔭ ᒐᒋ ᑎᐸᔅᑯᓂᔭᒡ ?

ᐊᑈᔅᑕᓇᒡ 7:35

“ᒋ ᐊᑐᐛᔨᒪᐅᒡ ᒪᒃ ᐃᔅᕋᐃᓪ ᐃᔪᒡ ᐅᔭ ᒧᓱᓴ ᐊᒋ ᐃᑕᒡ, ‘ᐊᐛᓐ ᑲ ᐃᑕᐃᔅᒃ ᒐᒋ ᐅᒋᒪᒥᑕᑕᒡ ᑭᔭ ᒐᒋ ᑎᐸᔅᑯᓂᔭᒡ᙮’ ᐊᐅᒄ ᒪᒃ ᐅᔭ ᐃᔭᐱᒡ ᑲ ᐃᑎᓴᐛᑦ ᒋᓴᒪᓂᑐᐤ ᒐᒋ ᐅᒋᒪᒥᒡ ᑭᔭ ᒐᒋ ᐎᐧᑯᒋᐃᑯᒡ᙮ ᒋᓴᒪᓂᑐᐤ ᒋ ᐃᔨᒪᐊᐤ ᒧᓱᓴ ᐊᓂᔭ ᐊᓐᒋᓇ ᐊᒋ ᐊᐱᒋᐊᑦ ᐊᓐᑕ ᐅᒋ ᑲ ᐱᔅᑯᑲᐳᐃᔨᒋ ᓂᐱᓯᔭᑎᒂ ᑲ ᐃᔎᑕᔨᒡ᙮”

ᐊᑈᔅᑕᓇᒡ 7:39

“ᒥᒄ ᒪᒃ ᐊᓐᒡ ᐊᓂᔅᒐ ᒋᐧᑲᓂᓯᓄᐅᒡ ᐃᔭᐱᒡ ᓇᒪ ᐅᒋ ᓂᑐᑐᐛᐅᒡ ᑭᔭ ᓇᒪ ᐅᒋ ᐊᐱᑕᔨᒪᐅᒡ, ᐅᔅᑕ ᒋ ᐃᑕᔨᑎᒧᒡ ᒥᓐ ᑲᐤ ᒐᒋ ᒋᐛᒡ ᐊᓐᑕ ᐃᒋᑉᑎᒡ᙮

ᐊᑈᔅᑕᓇᒡ 7:9

“ᐸᐃᒄ ᒪᒃ ᐊᓂᔭ ᒐᑭᑉ ᐅᑯᓴ ᒍᓯᑉ ᒋ ᐃᓯᓂᐧᑲᓱᔪᐛ᙮ ᐊᓂᔭ ᒪᒃ ᑯᑎᑲ ᐅᑯᓴ ᒐᑭᑉ, ᒋ ᐅᑕᔨᒪᐅᒡ ᐊᓂᔭᔪᐛ ᐎᐧᑲᓂᓱᐛᐛ ᒍᓯᐸ᙮ ᒋ ᐊᑕᐛᒐᐅᒡ ᐊᓂᔭᔪᐛ ᐎᐧᑲᓂᓱᐛᐛ ᒐᒋ ᐊᐱᒋᐊᑭᓄᔨᒋ ᐊᓐᑕ ᐃᒋᑉᑎᒡ ᑲ ᐃᓯᓂᐧᑲᑕᔨᒡ ᐊᔅᒋᔪᐤ᙮ ᒥᒄ ᒪᒃ ᒋᓴᒪᓂᑐᐛ ᒋ ᐎᒐᐅᑯᐤ ᒍᓯᑉ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:25

ᒍᐤ ᐊ ᐃᑎᔅᑲᓇᓯᔨᓐ ᔅᒋ ᒋᔅᒋᓄᐛᒋᔄᑯᐅᓐ ᒐᒋ ᒋᔅᒐᔨᒥᑯᔨᓐ ᒋᓴᒪᓂᑐᐤ ᐊ ᐅᑦ ᐃᔨᒥᑐᑕᔅᒃ᙮ ᓂᓇᐃᑎᒧᑕ ᒋᓴᒪᓂᑐᐤ ᐅᐎᓱᐛᐅᓐ ᒋᑭ ᐎᒋᐃᑯᓐ ᑕᑈ ᒋᔅᒋᓄᐛᒋᔄᐅᓐ᙮ ᐊᑲ ᒪᒃ ᓂᓇᐃᑎᒧᑕ ᐅᐎᓱᐛᐅᓐ ᓇᒪ ᐊᐱᑎᓐ ᐊᒋ ᒋᔅᒋᓄᐛᒋᔄᑯᔨᓐ᙮

ᐃᐱᓯᔭᓇ 4:30

ᐊᑲᐎᔾ ᒥᓯᒪᔨᑎᒥᐃᒪᐧᑯ ᒋᓴᒪᓂᑐᐤ ᐅᐸᔭᒋ ᐊᒐᒂ᙮ ᐅ ᐊᒐᐧᒄ ᐊ ᐊᔭᐛᒄ ᐊᑯᑕ ᐊ ᓄᒂᒡ ᒋᓴᒪᓂᑐᐤ ᐊ ᑎᐸᔨᒥᑕᒄ᙮ ᒐᔅᑎᓇᑕᔨᑕᑯᓐ ᒪᒃ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᑕᑈ ᒐ ᐊᐱᐧᑯᓂᑕᒄ ᒋᓴᒪᓂᑐᐤ᙮

ᐱᓕᐱᔭᓇ 3:3

ᒋᔭᓄᐤ, ᐊᐅᒄ ᑕᑈ ᐛ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ, ᒋᔭᓄᐤ ᐅᑦ ᐊᒐᒂ ᑲ ᐎᒋᐃᑎᑕᐧᑯ ᐊ ᐊᔭᒥᐊᔅᑐᐛᐧᒄ ᑭᔭ ᒋ ᒋᔅᑕᔨᑕᑯᐊᓄᐤ ᙭ ᒋᓴᔅ ᐎᔾ ᐊᒋ ᐃᑐᑕᑕᐧᒄ ᒐᒋ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ᙮ ᓇᒪᐎᔾ ᐅᔅᒋᒡ ᒥᔭᒡ ᑕᓐ ᐊ ᐃᑐᑕᓱᔭᐧᒄ ᒋᑭ ᒋ ᐅᒋ ᒪᒥᒋᒧᓇᓄᐤ᙮

ᑯᓚᓯᔭᓇ 2:11

ᑎᑯᓂᔪᐤ ᐊ ᐃᓯ ᒋᔅᒋᓄᐛᒋᔄᑕᒄ ᒋᓴᒪᓂᑐᐤ ᐊ ᓇᓴᐅᒪᑯ ᙭ᑕ, ᓇᒪ ᐎ ᐊᓂᔭ ᑕᓐ ᐊ ᐃᓯ ᒋᔅᒋᓄᐛᒋᐃᓱᒡ ᒍᐤ ᐃᔪᒡ ᐃᑕᔨᑕᑯᓂᔪᐤ ᐅᔭ᙮ ᐊᓂᔭ ᙭ ᐊᒋ ᐊᐱᐧᑯᓂᑕᒄ ᑕᓐ ᐊ ᐃᓯ ᓱᒋᒪᒋᒂᐱᐧᑲᑎᑯᔭᒄ ᐊ ᐎ ᒥᒋᑐᑎᒪᒄ ᐊ ᒋᔅᒋᓄᐛᒋᔄᑯᔭᒄ ᐃᓯᓇᑯᓂᔪᐤ ᑕᓐ ᑲ ᐃᓯ ᒋᔅᒋᓄᐛᒋᔄᑕᒄ ᒋᓴᒪᓂᑐᐤ᙮