ᐊᑈᔅᑕᓇᒡ 7:35 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁵ “ᒋ ᐊᑐᐛᔨᒪᐅᒡ ᒪᒃ ᐃᔅᕋᐃᓪ ᐃᔪᒡ ᐅᔭ ᒧᓱᓴ ᐊᒋ ᐃᑕᒡ, ‘ᐊᐛᓐ ᑲ ᐃᑕᐃᔅᒃ ᒐᒋ ᐅᒋᒪᒥᑕᑕᒡ ᑭᔭ ᒐᒋ ᑎᐸᔅᑯᓂᔭᒡ᙮’ ᐊᐅᒄ ᒪᒃ ᐅᔭ ᐃᔭᐱᒡ ᑲ ᐃᑎᓴᐛᑦ ᒋᓴᒪᓂᑐᐤ ᒐᒋ ᐅᒋᒪᒥᒡ ᑭᔭ ᒐᒋ ᐎᐧᑯᒋᐃᑯᒡ᙮ ᒋᓴᒪᓂᑐᐤ ᒋ ᐃᔨᒪᐊᐤ ᒧᓱᓴ ᐊᓂᔭ ᐊᓐᒋᓇ ᐊᒋ ᐊᐱᒋᐊᑦ ᐊᓐᑕ ᐅᒋ ᑲ ᐱᔅᑯᑲᐳᐃᔨᒋ ᓂᐱᓯᔭᑎᒂ ᑲ ᐃᔎᑕᔨᒡ᙮”

ᐊᑈᔅᑕᓇᒡ 7:35 Iomraidhean Croise

ᑎᐱᑦ ᐅᓂᑭᒧᐅᓇ 75:7

ᒪᒃ ᒋᓴᒪᓂᑐᐤ ᑎᐸᔅᑯᓂᒐᐤ: ᓂᑎᓇᐤ ᐸᐃᒄ, ᑯᑎᑲ ᒪᒃ ᐃᔅᐸᒐᓇᐤ᙮

ᑎᐱᑦ ᐅᓂᑭᒧᐅᓇ 77:20

ᔅᒋ ᐱᒧᑕᐊᐅᒡ ᒋᑦ ᐃᔨᒥᒡ ᒧᔭᒻ ᒪᔭᑕᓂᓯᒡ, ᐅᑎᒋᐛᒡ ᐅᒋ ᒧᓱᔅ ᑭᔭ ᐊᕋᓐ᙮

ᐊᒃᓱᑕᔅ 14:19

ᒋᓴᒪᓂᑐᐤ ᐅᑦ ᐊᓐᒋᓂᒪ ᒪᒃ, ᑲ ᓂᑲᓄᑐᐛᑦ ᐊᓂᔭ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᒋ ᐊᒋᐱᔪᐤ ᐊ ᐅᑕᒐᔅᑯᐛᑦ; ᑭᔅᑯᐅᓇ ᒪᒃ ᑲᒋ ᐱᒥᐅᑎᔅᑲᐎᔅᑲᑯᒡ ᒋ ᐊᒋᐱᔪᐛ ᐊ ᐅᑕᒐᔅᑲᑯᒡ᙮

ᐊᒃᓱᑕᔅ 14:24

ᒋ ᐃᔅᐱᔪᐤ ᒪᒃ ᐃᔅᐱ ᐱᔭᑕᐸᓂᔨᒡ, ᐅᑎᐸᔨᒋᒐᐤ ᒋ ᑭᓄᐛᐱᒪᐤ ᐃᒋᑉᑦ ᓂᑐᐱᔪᐅ-ᐃᔪᐛ ᐃᔅᑯᑕᐤ ᓯᑥᔎᐃᑭᓂᒡ ᑭᔭ ᑭᔅᑯᐅᓂᒡ ᐅᒋ, ᑭᔭ ᒋ ᒥᑯᔅᑲᑕᔨᑎᒪᐊᐤ ᐃᒋᑉᑦ ᓂᑐᐱᔪᐅ-ᐃᔪᐛ᙮

ᐊᒃᓱᑕᔅ 2:14

ᓇᐸᐛ ᐃᑎᑯᐤ, “ᐊᐛᓐ ᑲ ᒥᔨᔅᒃ ᒐᒋ ᐅᒋᒪᐎᓐ ᑭᔭ ᒐᒋ ᑎᐸᔅᑯᓂᔭᒡ ? ᒋᑦ ᐃᑕᔨᑕᓐ ᐊ ᒐᒋ ᓂᐸᐃᔨᓐ ᒧᔭᒻ ᑲ ᓂᐸᐃᑦ ᐃᒋᑉᑦ ᐃᔪᐤ ᐅᑕᑯᓯᒡ ?” ᒧᓱᔅ ᒂ ᓴᒋᓯᑦ ᑭᔭ ᒂ ᐃᑕᔨᑕᐧᒃ ᓄᑎᒻ ᓴᔅ ᒐᔅᒐᔨᑕᑭᓄᐎᒡ᙮

ᐊᒃᓱᑕᔅ 32:34

ᒪᒋ ᒪᒃ ᒐ ᐃᑐᑕᐃᑥᐤ ᐃᔪᒡ ᐊᓐᑕ ᐃᔅ ᐃᑕᐅᓂᒡ ᑲ ᐊᔨᒧᑎᒪᑕᓐ, ᒐ ᒋᔅᒋᔨᓐ ᓂᑦ ᐊᓐᒋᓂᒻ ᒐ ᒋᔅᒋᓄᑕᔨᑕᒄ᙮ ᒥᒄ ᓴᔅ ᒋᑭ ᐅᑎᒋᐱᔪᐤ ᒐ ᐊᓏᔨᒥᒂᐤ ᐅᒡ ᐃᔪᒡ ᐊᓂᔭ ᑲ ᐃᓯ ᒥᒋᑐᑎᒡ᙮”

ᐊᒃᓱᑕᔅ 33:2

ᓂᑭ ᐃᑎᓴᐛᐤ ᓂᑦ ᐊᓐᒋᓂᒻ ᒐᒋ ᒋᔅᒋᓄᑕᔨᑕᒄ, ᑭᔭ ᓂᑭ ᐎᐎᑎᓴᐛᐅᒡ ᑲᐃᓇᓐ ᐃᔪᒡ, ᐊᒧᕆ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᑭᔭ ᒐᐱᐅᔅ ᐃᔪᒡ ᐊᓐᑕ ᐊᔅᒋᒡ ᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:26

ᐊᓐ ᒪᒃ ᓇᑐᐤ ᒋᔅᒐᔨᑎᒧᐛᒂ ᒐ ᐅᐱᐱᔪᐛᒂ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᐛᓇᐛᐤ ᒧᓱᔅ ᑕᓐ ᑲ ᐃᑎᓯᓇᐊᐧᒃ ᐅᒥᓯᓇᐃᑭᓂᒡ, ᐊᓐᑕ ᑲ ᑎᐸᑕᐧᒃ ᐊ ᐱᔅᑯᑯᐸᔨᒡ ᑲ ᐅᒋ ᐃᔨᒥᐃᑯᑦ ᒋᓴᒪᓂᑐᐛ, ᐊᒋ ᐃᑎᑯᒂ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ’ ?

ᓗᒃ 19:14

ᐊᓂᔭᔪᐛ ᒪᒃ ᐃᔪᐛ ᑲ ᐅᒋᒪᐧᑲᑐᐛᑦ ᒋ ᐛᐧᑲᑎᑯᐤ᙮ ᐃᔅᐱ ᑲ ᔅᑐᑕᑦ, ᐊᓂᔭ ᐅᑦ ᐃᔨᒪ ᒋ ᐃᑎᓴᐛᔪᐛ ᐊᐛᔪᐛ ᒐᒋ ᐳᑯᓄᒥᑯᑦ ᐊᓐᑕ ᐊᓂᔭ ᒐ ᐃᑐᑕᑦ ᒐᒋ ᐃᔅᒋᔄᔨᒋ ᐊᑲ ᓂᑐᐛᔨᒥᑯᑦ ᒐᒋ ᒋᓴᐅᒋᒪᐅᐊᑭᓄᐅᑦ᙮”

ᒠᓐ 18:40

ᐊᑯ ᒂ ᑕᑈᒡ ᐊ ᐃᔅᒋᔄᒡ, “ᓇᒪ ᐎ ᐊᓐ᙮ ᐸᕋᐸᔅ ᐊᐅᒄ ᓇᑐᐛᔨᒥᒋᒡ ᒐᒋ ᐱᔅᑎᓂᒪᑯᐅᔭᒡ᙮” ᐅ ᒪᒃ ᐸᕋᐸᔅ ᒋ ᒋᒧᑎᐃᔪᐤ᙮

ᒠᓐ 19:15

ᒋ ᐃᓯ ᑕᑈᐅᒡ ᒪᒃ ᐊᓐᒡ ᒍᐤ ᐃᔪᒡ, “ᓂᐸᐊᐧᒄ, ᓂᐸᐊᐧᒄ, ᒋᔅᑕᔎᑕᐧᒄ,” ᐊ ᐃᔅᒋᔄᒡ᙮ ᐊᑯ ᑈᓚᑦ ᒂ ᐃᑕᑦ, “ᒋ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒃ ᒋᒋᓴᐅᒋᒪᒧᐛᐤ ᒐᒋ ᒋᔅᑕᔎᑕᑭᓄᐅᑦ ?” ᐊᑯ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒋ ᐃᓯ ᐎᑎᒪᑯᐤ ᑈᓚᑦ ᐊ ᐃᑎᑯᑦ, “ᒥᒄ ᓯᓴᕐ ᓂ ᐅᒋᓴᐅᒋᒪᒥᓇᓐ ᓇᒪ ᑯᑎᒃ ᐊᐛᓐ᙮”

ᐊᑈᔅᑕᓇᒡ 2:36

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒥᓯᐛ ᒋᔨᐛᐤ ᐃᔪᒡ ᐅᑕ ᐃᔅᕋᐃᓕᒡ ᒋᑭ ᒐᔅᑎᓇᐅᓇᐛᐤ ᐅ ᒋᓴᔅ ᑲ ᒋᔅᑕᔎᐛᒄ ᒋᐱᔭᑎᑯᒡ ᐊᐅᒄ ᐅᔭ ᒋᓴᒪᓂᑐᐤ ᑲ ᐅᑎᓇᑦ ᒐᒋ ᐅᑎᐸᔨᒋᒐᐎᔨᒋ ᑭᔭ ᙭ᑕ ᒐᒋ ᐃᑎᐱᔨᒋ᙮”

ᐊᑈᔅᑕᓇᒡ 3:22

ᐛᔅ ᐊᓂᔭ ᒧᓱᔅ ᒋ ᐃᔅᒋᔄᐤ ᐛᔅᑭᒡ ᐊ ᐊᔨᒧᒪᑦ ᒋᓴᓴ, ᒋᓴᒪᓂᑐᐤ, ᒋᑭ ᐊᐱᒋᐊᐤ ᐊᐛᔪᐛ ᐊᓐᑕ ᓂᑲᓄᒡ ᒐ ᒋᔅᒋᐛᐃᒐᔨᒋ, ᒧᔭᒻ ᓂᔾ ᐊ ᐃᓯ ᐊᐱᒋᐃᑦ ᐊ ᒋᔅᒋᐛᐃᒐᔭᓐ᙮ ᐊᓐᑕ ᒋᔨᐛᐤ ᐊ ᐃᑎᔅᑲᓇᓯᔭᒄ, ᐊᑯᑕ ᒐ ᐅᒋᔨᒋ᙮ ᒋᑭ ᓂᑐᑐᐛᐛᐤ ᑭᔭ ᒋᑭ ᓂᓇᐃᑐᐛᐛᐤ ᑕᓐ ᒐ ᐃᑎᑕᒄ᙮

ᐊᑈᔅᑕᓇᒡ 5:31

ᒋᓴᒪᓂᑐᐤ ᒪᒃ ᒋ ᒋᔅᑕᔨᑕᑯᐊᐤ ᒋᓴᓴ ᐅᒥᔪᐅᓂᒡ ᐃᑕᒐ ᐊᒋ ᐊᔭᑦ, ᒐᒋ ᐅᒋᒪᐎᔨᒋ ᑭᔭ ᒐᒋ ᐱᒪᒋᐃᐛᔨᒋ, ᑭᔭ ᒐᒋ ᐃᑐᑐᐛᑦ ᐃᔅᕋᐃᓪ ᐃᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮

ᐊᑈᔅᑕᓇᒡ 7:30

“ᐃᔅᐱ ᒪᒃ ᓇᐎᔪᐛ ᐱᐳᓇ ᑲ ᑕᑦ ᒧᓱᔅ ᐊᓐᑕ ᒥᑎᔭᓐ ᐊᔅᒋᒡ, ᐸᐃᒂᐤ ᐊ ᒋᓯᑲᔨᒡ ᒋ ᑕᐤ ᐊᓐᑕ ᐸᐧᑯᑎᔅᑭᒥᑲᒡ, ᒥᒋᒪ ᐊᓐᑕ ᐱᔅᑯᑎᓇᐤ ᓴᐃᓇᐃ ᑲ ᐃᓯᓂᐧᑲᑕᔨᒡ᙮ ᒋ ᐛᐸᑎᒻ ᐊ ᐱᔅᑯᑲᐳᐃᔨᒡ ᐊᓐᑕ ᐊ ᐃᔎᑕᐱᔨᒋ ᓂᐱᓯᔭᑎᒂ, ᐊᑯᑕ ᒪᒃ ᐊᓐᑕ ᒂ ᐅᒋ ᓄᑯᓯᔅᑕᑯᑦ ᐊᓐᒋᓇ᙮

ᐊᑈᔅᑕᓇᒡ 7:51

ᔅᑎᐱᓐ ᐊᑐᐎᔅ ᑲ ᐊᑎ ᐃᔅᒋᔄᑦ, “ᒋᔅᒋᓯᑕᐤ ᒪ, ᐊᓂᔭ ᑕᓐ ᑲ ᐃᔅᐱᔅ ᓱᒋᔅᑎᒂᓇᒡ ᐊᓂᔭᐧᑲ ᐛᔅᑭᒡ ᒋᐧᑲᓂᓯᓄᐅᒡ ᐊᑯᓐ ᒧᔭᒻ ᑭᔭ ᒋᔨᐛᐤ ᐊ ᐃᔅᐱᔅ ᓱᒋᔅᑎᒂᓇᔭᒄ᙮ ᐊᑲ ᑕᑈᑎᒪᒄ ᐊᓐᑕ ᒋᑕᐃᐛᒡ, ᑭᔭ ᐊᑲ ᐎ ᓂᑐᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᒧᔭᒻ ᐊᓂᔭᐧᑲ ᒋᐧᑲᓂᓱᐛᐅᒡ ᐊ ᐃᑕᔨᑕᑯᓯᔭᒄ ᐊᑲ ᐅᒋ ᐎ ᓂᓇᐃᑐᐛᒡ ᑲ ᐸᔭᒋᓯᔨᒋ ᐊᒐᒂ᙮

ᑯᓚᓯᔭᓇ 1:15

ᐎᔾ ᙭ ᒧᔭᒻ ᐊᐅᑯᓐ ᐊ ᐃᑕᔨᑕᑯᓯᑦ ᑕᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐊᑲ ᓄᑯᓯᔨᒋ᙮ ᙭ ᐊᐅᒄ ᒋᓴᒪᓂᑐᐤ ᐅᓂᔅᑎᒧᓴᓇ, ᐊᓐ ᒪᐅᒡ ᓂᑲᓐ ᐊ ᐃᑕᔨᑕᑯᓯᑦ ᐊ ᐃᑕᔨᑕᑯᓂᔨᒡ ᒥᓯᐛ ᒐᒂᔪᐤ ᑲ ᐅᓯᑕᑭᓄᐎᒋ᙮

ᐃᑉᕈᐛ 2:2

ᐊᓐᑕ ᐛᔅᑭᒡ ᐊᓂᔭᔪᐤ ᑎᐸᒋᒧᐅᓂᔪᐤ ᑲᒋ ᐸᒋ ᐎᑕᒡ ᐊᓐᒋᓐᒡ ᒋ ᑕᑈᒥᑭᓂᔪᐤ᙮ ᐊᓐᒡ ᒪᒃ ᐊᐛᓐᒋ ᐊᑲ ᐅᒋ ᐊᐱᓯᑕᒡ ᒪᒃ ᐊᑲ ᐅᒋ ᓂᓇᐃᑕᒡ, ᒋ ᐛᐛᓯᐊᑭᓄᐅᒡ ᑕᓐ ᑲ ᐃᓯ ᒋᔅᑕᔨᑕᑯᓂᔨᒡ ᒐᒋ ᐃᑐᑐᐛᑭᓄᐛᑯᐱᓇ᙮

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮