ᐊᑈᔅᑕᓇᒡ 6:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒋ ᑕᐅᒡ ᓇᐸᐅᒡ ᐊᑲ ᐅᒋ ᓇᐊᔨᒪᒡ ᔅᑎᐱᓇ, ᐊᓐᒡ ᐊᓐᑕ ᑲᒋ ᐃᓯ ᓇᒋ ᐊᔭᒥᐊᒡ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᑲ ᐊᐱᐧᑯᓇᑭᓄᐎᒡ ᓇᐸᐅᒡ, ᑲ ᐃᓯᓂᐧᑲᑕᔨᒡ᙮ ᓂᓇᐧᑯᐤ ᐃᑕᐅᓂᒡ ᒋ ᐅᒋᐅᒡ ᓴᐃᕆᓐ ᑭᔭ ᐊᓕᒃᓴᓐᑕᕆᔭ ᑲ ᐃᓯᓂᐧᑲᑕᔨᒋ᙮ ᑯᑎᑭᒡ ᒪᒃ ᐊᓐᑕ ᓯᓕᓯᔭ ᑭᔭ ᐊᐃᓴ ᐊᔅᒋᒡ ᒋ ᐅᒋᐅᒡ᙮ ᐊᐅᑯᓐ ᒪᒃ ᐅᔭ ᓇᐸᐛ ᑲ ᒥᒋᐱᔨᐃᑯᑦ ᔅᑎᐱᓐ᙮

ᐊᑈᔅᑕᓇᒡ 6:9 Iomraidhean Croise

ᒪᑎᔪᐤ 10:17

ᐃᔭᒂᒥᒄ ᒪᒃ, ᐛᔅ ᒋᑭ ᑕᐅᒡ ᐊᐛᓐᒋ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᑯᑕ ᒐ ᐸᐱᓯᔅᑕᐅᑕᑯᒡ ᐅᑦ ᐊᔭᒥᐊᐅᒋᐛᐳᐛᒡ᙮

ᒪᑎᔪᐤ 23:34

ᐊᑯ ᒋᓴᔅ ᒂ ᐃᑕᑦ, “ᐊᐅᒄ ᒪᒃ ᐅ ᐛᒋ ᐃᑎᑎᑯᒡ, ᓂᑭ ᐸᒋ ᐃᑎᓴᐛᐅᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑭᒐᑕᐛᔨᑕᒡ ᑭᔭ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᐃᔭᐱᒡ ᒪᒃ ᐛᔅ ᐊᑯᓐ ᒐ ᐃᓯᓇᑯᓯᔭᒄ ᐊ ᓂᓂᐸᐊᑯᒡ ᐱᔅᒐ, ᑯᑎᑭᒡ ᐊ ᒋᔅᑕᔎᑕᑯᒡ ᒋᐱᔭᑎᑯᒡ ᑭᔭ ᑯᑎᑭᒡ ᐊ ᐸᐱᓯᔅᑕᐛᑯᒡ ᐊᓐᑕ ᒋᒋᓴᐊᔭᒥᐊᐅᒋᐛᐳᐛᒡ, ᑭᔭ ᓂᓇᐧᑯᐤ ᐅᑕᓇᒡ ᐊ ᐃᑕᒧᒐᔭᒄ᙮

ᒪᑎᔪᐤ 27:32

ᒪᒂᒡ ᒪᒃ ᐊ ᐊᑎ ᐎᐎᒡ ᐊᓂᔭ ᐅᑕᓇᔪᐤ, ᒋ ᓂᒐᐊᐅᒡ ᓇᐸᐛ ᓴᐃᒥᓐ ᐊ ᐃᓯᓂᐧᑲᓱᔨᒋ ᓴᐃᕆᓐ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ᐅᒋᔨᒋ᙮ ᐊᔪᐅᒄ ᐅᔭ ᑲ ᐊᔨᐧᑭᒥᐊᒡ ᒐᒋ ᐅᓂᑲᑎᐛᔨᒋ ᒋᓴᓴ ᐅᒋᐱᔭᑎᑯᒥᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:9

“ᐃᔭᒂᒥᒄ ᐛᔅ ᒋᑭ ᑕᐅᒡ ᐊᓐᒡ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᓐᑕ ᐊᔭᒥᐊᐅᒋᐛᐱᒡ ᐊᑯᑕ ᒐ ᐸᐱᓯᔅᑕᐅᑯᔭᒄ᙮ ᒋᑭ ᐃᑐᑕᐃᑯᓇᐛᐤ ᒥᒋᒪ ᑭᔭ ᒋᓴᐅᒋᒪᐅᒡ ᐊ ᑕᒡ ᒐᒋ ᑎᐸᔅᑯᓂᑕᑯᒡ ᐊᓐ ᐅᒋ ᐊ ᓇᓴᐅᔭᒄ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ᙮

ᓗᒃ 21:12

“ᐊᔅᒄ ᒪᒃ ᐊᑲ ᐃᔅᐱᔨᒋ ᐅᔭ ᒐᒂᔪᐛ, ᒋᑭ ᒪᑯᓂᑯᓇᐛᐤ ᐊᑯ ᒐ ᓂᓇᐧᑲᒋᐃᑯᐅᔭᒄ᙮ ᒋᑭ ᐃᑐᑕᐃᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ ᒐ ᑎᐸᔅᑯᓂᑕᑯᒡ, ᐊᑯ ᒐ ᒋᐸᐅᑕᑯᒡ᙮ ᑭᔭ ᒋᑭ ᐃᑐᑕᐃᑯᐛᐅᒡ ᒋᓴᐅᒋᒪᐛ ᑭᔭ ᒋᓴᐅᒋᒪᓴ ᒐᒋ ᑎᐸᔅᑯᓂᑕᑯᒡ ᓂᔾ ᐅᒋ ᐊ ᐸᒋ ᓇᓴᐎᔭᒄ᙮

ᐊᑈᔅᑕᓇᒡ 11:20

ᒥᒄ ᒪᒃ ᐱᔅᒐ ᐊᓐᒡ ᑲ ᑕᑈᑕᒡ ᐊᓐᑕ ᓴᐃᐳᕋᔅ, ᑭᔭ ᓴᐃᕆᓐ ᑲ ᐅᒋᒡ ᒋ ᐃᑐᑕᐅᒡ ᐊᓐᑕ ᐊᓐᑎᔭᑭᒡ ᐊᑯ ᒂ ᐎᑎᒧᐛᒡ ᐊᓂᔭ ᑯᕆᒃ ᐃᔪᐤ ᒥᔽᒋᒧᐅᓂᔪᐤ ᒋᓴᓴ ᐊ ᑎᐸᔨᒋᒐᔨᒋ᙮

ᐊᑈᔅᑕᓇᒡ 13:1

ᐊᓐᑕ ᒪᒃ ᐊᓐᑎᔭᑭᒡ ᑲ ᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᑕᐅᒡ ᐊᓐᑕ ᐅᒋᔅᒋᐛᐃᒐᓱᒡ ᑭᔭ ᑲ ᒋᔅᑯᑎᒪᒐᒡ᙮ ᐊᐅᑯᓐᒡ ᐅᒡ, ᐸᕐᓇᐸᔅ ᑭᔭ ᓯᒥᐅᓐ ᐱᓐᑐᒄ ᑲ ᐃᓯᓂᐧᑲᑕᑭᓄᐅᑦ ᑭᔭ ᓗᓯᔭᔅ, ᓴᐃᕆᓐ ᑲ ᐅᒋᑦ, ᑭᔭ ᒪᓇᐃᓐ ᐊᓐ ᑲ ᐊᓯᒡ ᓂᑕᐅᒋᓇᑭᓄᐅᑦ ᒋᓴᐅᒋᒪᐛ ᐊᕈᑕ ᑲ ᓂᑕᐅᒋᓇᑭᓄᔨᒋ ᑭᔭ ᓴᓪ᙮

ᐊᑈᔅᑕᓇᒡ 13:45

ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᐎᔭᐱᒪᒡ ᐊᓂᔭ ᒥᒐᑦ ᐃᔪᐛ ᐊ ᐎ ᓂᑐᑎᒥᔨᒋ, ᓇᔅᒡ ᒋ ᐅᑕᔨᑎᒧᒡ᙮ ᒋ ᐎ ᓂᔅᑯᔅᑐᐛᐅᒡ ᑕᓐ ᑲ ᐃᔅᒋᔄᔨᒋ ᑈᓚ ᑭᔭ ᒋ ᒪᔭᔨᒪᐅᒡ᙮

ᐊᑈᔅᑕᓇᒡ 15:23

ᒥᓯᓇᐃᑭᓂᔪᐤ ᒋ ᒥᔭᑭᓄᐎᒡ ᒐ ᐃᑐᑕᒡ ᐊᓐᑕ ᐊᓐᑎᔭᑭᒡ ᐊᓐᑕ ᐅᒪᒧᐊᔭᒥᐊᐤ ᐊ ᑕᔨᒋ᙮ ᒋ ᐃᑎᔅᑕᔪᐤ ᒪᒃ ᐊᓐᑕ, “ᓂᔭᓐ ᐊᑈᔅᑕᓇᒡ, ᑭᔭ ᓂᔭᓐ ᑲ ᓂᑲᓂᔅᑭᒪᒡ ᐊᔭᒥᐊᐅᒋᐛᑉ, ᒋ ᒥᓯᓇᐊᒪᑎᓇᓐ ᒋᔨᐛᐤ ᓂᐧᑲᓂᓯᑐᒄ ᒋᔨᐛᐤ ᑲ ᑕᑈᑎᒪᒄ ᐊᑲ ᒍᐤ ᐃᑎᔅᑲᓇᓯᔭᒄ, ᒋᔨᐛᐤ ᑲ ᐎᒋᔭᒄ ᐊᓐᑕ ᐊᓐᑎᔭᑭᒡ, ᓯᕆᔭᒡ, ᑭᔭ ᓯᓕᓯᔭᒡ᙮

ᐊᑈᔅᑕᓇᒡ 15:41

ᐊᑯ ᐊᓐᑕ ᓯᕆᔭᒡ ᑭᔭ ᓯᓕᓯᔭᒡ ᑲ ᐃᑐᑕᑦ ᑈᓪ, ᒥᓯᐛ ᒪᒃ ᐊᓐᑕ ᑲ ᐊᑎ ᐃᔨᒪᐊᑦ ᐅᒪᒧᐊᔭᒥᐊᐛ ᒥᓯᐛ ᒋ ᐎᒋᐊᐤ ᒐᒋ ᓱᒋᑲᐳᔨᒋ᙮

ᐊᑈᔅᑕᓇᒡ 16:6

ᐊᑯ ᐊᓐᑕ ᐳᕆᒋᔭ ᑭᔭ ᑲᓚᓯᔭ ᐊᔅᒋᒡ ᒂ ᐃᑐᑕᒡ, ᑲ ᐸᔭᒋᓯᔨᒋ ᐊᒐᒂ ᐊᒋ ᓇᑲᓂᑯᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ ᐊᓐᑕ ᐊᐃᓴ ᐊᔅᒋᒡ᙮

ᐊᑈᔅᑕᓇᒡ 18:24

ᒍᐤ ᐃᔪᐤ ᐊᐳᓚᔅ ᐊ ᐃᓯᓂᐧᑲᓱᑦ ᐊᓐᑕ ᐊᓕᒃᓴᓐᑕᕆᔭ ᐊ ᐅᒋᑦ ᒋ ᑎᑯᓯᓄᐤ ᐊᓐᑕ ᐃᐱᓴᔅ᙮ ᓇᔅᒡ ᒋ ᑭᔅᒋᐅᐤ ᐅ ᓇᐸᐤ ᐊ ᐃᔨᒥᑦ, ᑭᔭ ᒋ ᒥᔪ ᒋᔅᒐᔨᑎᒻ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 19:10

ᓂᓱ ᐱᐳᓇ ᒪᒃ ᐊᐅᑯᓐ ᑲ ᐃᑎᓇᓄᐅᒡ ᐅ, ᑭᔭ ᒥᒐᑦ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐃᑎᔅᑲᓇᓯᒡ ᒋ ᐸᑎᒧᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 19:26

ᒥᒐᑦ ᒋ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ᑕᑈᑕᑯᐤ ᐅᑕ ᐃᐱᓴᔅ ᑲ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 21:27

ᓂᔄᐅᑕᒡ ᑕᑐᐤ ᒋᓯᑲᐛ ᒪᒃ ᐸᑎᒪ ᒍᐤ ᑲ ᐃᑎᔅᑲᓇᓯᒡ ᐊᓐᑕ ᐊᐃᓴ ᐊ ᐅᒋᒡ ᒋ ᐛᐱᒪᐅᒡ ᑈᓚ ᐊᓐᑕ ᒍᐤ ᒋᓴᐊᔭᒥᐊᐅᒋᐛᐱᒡ᙮ ᐊᑯ ᒂ ᐃᑐᑐᐛᒡ ᐊᓂᔭ ᐃᔪᐛ ᒐᒋ ᒋᔄᓯᔅᑐᐛᔨᒋ ᐊᓂᔭ ᑈᓚ, ᐊᑯ ᒂ ᒪᑯᓇᒡ᙮

ᐊᑈᔅᑕᓇᒡ 21:39

ᐊᑯ ᑈᓪ ᑲ ᐃᑕᑦ, “ᓇᒪᔭᐤ ᓂᔾ᙮ ᒍᐤ ᓂᑦ ᐃᑎᔅᑲᓇᓯᓐ ᓂᔾ ᐎ, ᓯᓕᓯᔭ ᑲ ᐃᓯᓂᐧᑲᑕᒡ ᐊᔅᒋᔾ ᓂ ᐅᒋᓐ ᐊᓐᑕ ᑕᕐᓯᔅ ᑲ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᒪᓯᓇᓱᔭᓐ ᒋᒋᐛ ᐊ ᐅᒋᔭᓐ᙮ ᒋᒋᐛ ᐅᑕᓇᐤ ᐃᓯ ᑭᓄᐛᐸᑕᑭᓄᐤ ᑕᕐᓯᔅ᙮ ᐸᒋ ᒥᔾ ᒪ ᒐᒋ ᐃᔨᒥᐃᒂᐤ ᐅᒡ ᐃᔪᒡ᙮”

ᐊᑈᔅᑕᓇᒡ 22:19

“ᐊᑯ ᒂ ᐃᑎᒃ, ‘ᐅᑎᐸᔨᒋᒐᐤ, ᒋᔅᒐᔨᑎᒧᒡ ᐅᒡ ᐃᔪᒡ ᒥᒄ ᐊᒋ ᐊᔭᓱᐤ ᓇᑕᒪᓐ ᐅᔭ ᒍᐤ ᐊᔭᒥᐊᐅᒋᐛᐸ ᒐᒋ ᒪᑯᓇᒂᐤ ᐅᒡ ᑲ ᑕᑈᔭᔨᒥᔅᒡ ᑭᔭ ᐊᒋ ᐃᑐᑐᐅᒂᐤ ᒐᒋ ᐸᐱᓯᔅᑕᐛᑭᓄᐎᒡ᙮

ᐊᑈᔅᑕᓇᒡ 22:3

“ᒍᐤ ᓂᑦ ᐃᑎᔅᑲᓇᓯᓐ᙮ ᑕᕐᓯᔅ ᑲ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓯᓕᓯᔭ ᐊᔅᒋᒡ ᑲ ᑎᒂᒡ ᐊᑯᑕ ᑲ ᐱᒪᑎᓯᔭᓐ᙮ ᐊᑯ ᒥᒄ ᐅᑕ ᒋᕈᓯᓕᒥᒡ ᑲ ᓂᑕᐅᒋᓂᑯᐅᔭᓐ᙮ ᐊᓂᔭ ᒪᒃ ᑲᒪᓕᔭᓪ ᑲ ᐃᓯᓂᐧᑲᓱᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑲᒋ ᒋᔅᑯᑎᒪᒐᑦ ᐊᑯᑕ ᐊᓐ ᑭᔭ ᓂᔾ ᐃᔭᒂ ᑲ ᐃᓯ ᒋᔅᑯᑎᒪᑯᐅᔭᓐ ᐊᓂᔭᐧᑲ ᒋᐧᑲᓂᓯᓄᐅᒡ ᐅᐎᓱᐛᐅᓄᐛᐛ᙮ ᑭᔭ ᓂᔾ ᓇᔅᒡ ᓂᒋ ᐎ ᓂᓇᐃᑐᐛᐤ ᒋᓴᒪᓂᑐᐤ ᒧᔭᒻ ᐊ ᐃᑎᔭᒄ ᑭᔭ ᒋᔨᐛᐤ ᐅᑕ ᐊᓄᒡ᙮

ᐊᑈᔅᑕᓇᒡ 23:34

ᐊᑯ ᐊᓐ ᒋᓴᐅᒋᒪᐤ ᒂ ᐃᔨᒥᑕᑦ ᐊᓂᔭ ᒥᓯᓇᐃᑭᓂᔪᐤ᙮ ᑲᒋ ᐃᓯ ᐃᔨᒥᑕᑦ ᒪᒃ ᐊᑯ ᑲ ᑯᒂᒋᒪᑦ ᐊᓂᔭ ᑈᓚ ᑕᓐᑕ ᐛᒋᔨᒋ᙮ ᐃᔅᐱ ᒐᔅᒐᔨᑕᐧᒃ ᐊᓐᑕ ᓯᓕᓯᔭ ᐊ ᐅᒋᔨᒋ,

ᐊᑈᔅᑕᓇᒡ 24:18

ᐊᑯᑕ ᒪᒃ ᐊᓐᑕ ᒪᒂᒡ ᑲ ᑕᐅᒡ ᑲ ᐛᐱᒥᒡ ᐊᓐᒡ ᒍᐤ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑲ ᐅᒋᒡ᙮ ᓴᔅ ᓂᒋ ᐃᑐᑎᒺᓐ ᑕᓐ ᑲᒋ ᐃᑎᓇᓄᐅᒡ ᒐᒋ ᐸᔭᒋᐃᓱᓇᓄᐅᒡ᙮ ᐊᓐ ᒪᒃ ᒪᒂᒡ ᓇᒪ ᐅᒋ ᒥᒐᑐᐅᒡ ᐊᐛᓐᒋ ᐊᓐᑕ ᑭᔭ ᓇᒪ ᒐᒂᓐ ᐅᒋ ᐃᓯ ᒥᒋᐱᔪᐤ᙮

ᐊᑈᔅᑕᓇᒡ 26:11

ᒥᒐᑦ ᑭᔭ ᓂᔾ ᓂᒋ ᐃᑐᑐᐛᐅᒡ ᒐᒋ ᐛᐛᓯᐊᑭᓄᐎᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᑭᔭ ᓂᒋ ᐎ ᐃᑐᑐᐛᐅᒡ ᒐᒋ ᐸᔅᑕᒪᒡ ᒋᓴᓴ᙮ ᓇᔅᒡ ᑕᑈ ᒧᔅ ᓂᒋ ᒋᔄᐃᑯᒡ, ᐛᐛᒡ ᐊᓐᑕ ᒪᓐᑕᐤ ᐅᑕᓇᒡ ᓂᒋ ᐃᑐᑕᐛᓐ ᐊ ᓂᓇᐧᑲᒋᐃᒂᐤ᙮”

ᐊᑈᔅᑕᓇᒡ 6:10

ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮

1 ᑯᕆᓐᑎᔭᓇ 1:20

ᑕᓐ ᒪᒃ ᐊᓐ ᐊᐛᓐ ᓇᔅᒡ ᑲ ᑭᒐᑕᐛᔨᑕᐧᒃ ? ᑕᓐ ᐊᓐ ᐊᐛᓐ ᓇᔅᒡ ᒥᔅᑎ ᑲ ᒋᔅᑯᑎᒧᐛᑭᓄᐅᑦ ? ᑭᔭ ᑕᓐ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑕᑯᓯᑦ ᐊ ᐃᔨᒥᑦ ? ᒋ ᓄᑯᑕᐤ ᐊ ᒋᓴᒪᓂᑐᐤ ᐊᑲ ᓇᔅᒡ ᒐᒋ ᐃᑈᐧᑲᑕᑯᓂᔨᒡ ᐊᓂᔭ ᐊᔅᒋᐤ ᑭᒐᑕᐛᔨᑎᒧᐅᓂᔪᐤ ?

ᑲᓚᓯᔭᓇ 1:21

ᐊᑯ ᒪᒃ ᒥᓐ ᐊᓐᑕ ᓯᕆᔭ ᑭᔭ ᓯᓕᓯᔭ ᑲ ᐃᓯᓂᐧᑲᑕᒋ ᐊᔅᒋᔭ ᓂᒋ ᐃᑐᑕᓐ᙮