ᐊᑈᔅᑕᓇᒡ 6:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐛᔅ ᓂᒋ ᐸᑐᐛᓇᓐ ᐊ ᐃᔅᒋᔄᑦ, ᐅᔭ ᒋᓴᓴ, ᓇᓴᕆᑦ ᑲ ᐅᒋᔨᒋ ᒐ ᓂᓱᐅᓇᒋᑕᔨᒋ ᐅᔭ ᒍᐤ ᐊᔭᒥᐊᐅᒋᐛᐱᔪᐤ, ᑭᔭ ᒐ ᒂᔅᑎᓇᐧᒃ ᐊᓂᔭᔪᐛ ᒍᐤ ᐃᔪᐤ ᐃᑐᐅᓇ ᐊᓂᔭᐧᑲ ᒧᓱᓴ ᑲ ᐃᑎᓱᐛᔨᒂᓂ ᒐ ᐃᑐᑕᑭᓄᔨᒋ᙮” ᐊᐅᒄ ᐅᔭ ᑲ ᐃᑕᒋᒧᒡ ᐊᓐᒡ ᓇᐸᐅᒡ᙮

ᐊᑈᔅᑕᓇᒡ 6:14 Iomraidhean Croise

ᒪᑎᔪᐤ 26:61

ᐊᑯ ᒂ ᐃᔅᒋᔄᒡ, “ᐅ ᓇᐸᐤ ᒋᓴᔅ ᓂᒋ ᐸᑐᐛᓇᓐ ᐊ ᐃᔅᒋᔄᑦ, ‘ᓂᑭ ᒋ ᓂᓱᐅᓇᒋᑕᐛᓐ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ, ᒥᒄ ᒪᒃ ᓂᔅᑐ ᒋᓯᑲᐛ ᐃᔅᐱᔅ ᓴᔅ ᒥᓐ ᓂᑭ ᒋ ᐎᔨᑲᐳᐅᑕᐛᓐ᙮’ ”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:58

“ᓂᒋ ᐸᑐᐛᓇᓐ ᐊ ᐃᔅᒋᔄᑦ, ‘ᓂᑭ ᐃᔭᔪᐎᑕᓐ ᐅ ᒋᓴᐊᔭᒥᐊᐅᒋᐛᑉ ᐃᔪᐤ ᑲ ᐅᓯᑕᑦ, ᒋ ᓂᔅᑐ ᒋᓯᑲᒐ ᒪᒃ ᐃᔅᐱᔅ, ᒥᓐ ᑯᑎᒡ ᓂᑭ ᒋᒥᑕᓐ ᐊᑲ ᐃᔪᐤ ᐅᒋ ᐅᓯᑕᑦ᙮’ ”

ᓗᒃ 21:24

ᐱᔅᒐ ᐊᐛᓐᒋ ᓂᑐᐱᔪᐅ-ᒧᐧᑯᒪᓂᔪᐤ ᒋᑭ ᐊᐱᑎᓂᔪᐤ ᐊ ᓂᐸᐊᑭᓄᐎᒡ᙮ ᐊᑯ ᑯᑎᑭᒡ ᒐ ᒪᑯᓇᑭᓄᐎᒡ, ᓂᓇᐧᑯᐤ ᐊᔅᒋᒡ ᒐ ᐃᑐᑕᐊᑭᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᔅᒡ ᒋᑭ ᐎ ᓂᓱᐅᓇᒋᑕᐅᒡ ᒋᕈᓯᓕᒥᔪᐤ, ᐸᑐᔅ ᒋᓴᒪᓂᑐᐛ ᒋᑕᐊᒪᑯᑥᐛ᙮”

ᓗᒃ 21:6

ᒋᓴᔅ ᒪᒃ ᒋ ᐃᔅᒋᔄᐤ, “ᐅᔭ ᑲ ᐛᐸᑎᒪᒄ ᒐᒂᔪᐛ ᐊᔅᒄ ᒋᑭ ᐅᑎᒋᐱᔪᐤ ᒥᓯᐛ ᒐ ᓂᓱᐅᓇᑎᒋ᙮ ᓇᒪ ᐛᐛᒡ ᐸᐃᒄ ᐊᓯᓂᔾ ᒋᑭ ᐅᒋ ᐊᑯᑐᐳᐤ ᑯᑎᑲ ᐊᓯᓂᔭ ᐊᓂᔭ ᑕᓐ ᑲ ᐃᑕᐊᑭᓄᐅᑦ᙮ ᒥᓯᐛ ᐊᓯᓂᔨᒡ ᑲ ᐃᓯ ᐊᐱᒋᐊᑭᓄᐎᒡ ᑲ ᐅᓯᑕᑭᓄᐅᒋ ᐅᔭ ᒥᒋᐛᐸ ᒋᑭ ᓂᑎᒋᐛᐱᓇᑭᓄᐎᒡ᙮”

ᒠᓐ 2:19

ᐊᑯ ᒋᓴᔅ ᒂ ᐃᓯ ᐎᑎᒧᐛᑦ, “ᓂᓱᐅᓇᒋᑕᒄ ᐅ ᒋᓴᐊᔭᒥᐊᐅᒋᐛᑉ, ᓂᔅᑐ ᒋᓯᑲᐛ ᒪᒃ ᐃᔅᐱᔅ ᒥᓐ ᑯᑎᒡ ᓂᑭ ᐎᔨᑲᐳᐅᑕᓐ᙮”

ᒠᓐ 4:21

ᒋᓴᔅ ᒂ ᐃᑕᑦ, “ᑕᑈᑐᐎ, ᒋᑭ ᐃᔅᐱᔪᐤ ᐊᔅᒄ ᒍᑕᐎᓄᐤ ᒐ ᐊᑲ ᐅᒋ ᐊᔭᒥᐊᔅᑐᐛᑭᓄᐅᑦ ᐅᑕ ᐱᔅᑯᑎᓇᒡ ᑭᔭ ᒪᒃ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 15:1

ᐱᔅᒐ ᒪᒃ ᓇᐸᐅᒡ ᐊᓐᑕ ᒍᑎᔭ ᐊᔅᒋᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᑲ ᐱᒐᒡ ᑲ ᐊᑎ ᒋᔅᒋᓄᐊᒧᐛᒡ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᑲ ᑕᔨᒋ, ᐊ ᐃᑕᒡ, “ᓇᒪ ᒋᑭ ᒋ ᐱᒪᒋᐅᓇᐛᐤ ᐸᑐᔅ ᒋᔅᒋᓄᐛᒋᔄᑯᔭᒂ ᐛᔅ ᐊᐅᑯᓐ ᐊᑎᔅᑕᒡ ᐊᓐᑕ ᒧᓱᔅ ᐅᐎᓱᐛᐅᓂᒡ᙮”

ᐊᑈᔅᑕᓇᒡ 21:21

ᒋ ᐃᑕᒋᒧᔅᑐᐛᑭᓄᐎᒡ ᒪᒃ ᐊ ᒋᔅᑯᑎᒪᒥᑎ ᐊᓂᔭᔪᐛ ᒍᐤ ᑲ ᐎᒋᔨᒋ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ ᒐ ᐊᑲ ᒋ ᐊᐱᑕᔨᑎᒥᐃᑯᒡ ᒧᓱᓴ ᐅᐎᓱᐛᐅᓂᔪᐤ, ᐊ ᐃᑎᑥᐤ ᒐ ᐊᑲ ᒋ ᒋᔅᒋᓄᐛᒋᔄᒡ ᐅᑦ ᐊᐛᓯᒧᐛᐛ ᑭᔭ ᒐ ᐊᑲ ᒋ ᐊᐱᑕᔨᑕᒡ ᒍᐤ ᐃᑐᐅᓇ᙮

ᐊᑈᔅᑕᓇᒡ 25:8

ᒐᒃ ᒪᒃ ᑈᓪ ᑲ ᐃᔨᒥᔅᑎᒪᓱᑦ᙮ ᒋ ᐃᔅᒋᔄᐤ, “ᓇᒪ ᓂ ᐅᒋ ᐅᓂᑐᑕᓐ ᒍᐤ ᐎᓱᐛᐅᓐ᙮ ᓇᒪ ᑭᔭ ᓂ ᐅᒋ ᐃᑎᓐ ᒐᒋ ᒪᔭᔨᑎᒪᓐ ᒍᐤ ᒋᓴᐊᔭᒥᐊᐅᒋᐛᑉ ᑭᔭ ᒪᒃ ᒐᒋ ᐅᓂᑐᑐᐛᒃ ᕈᒻ ᒋᓴᐅᒋᒪᐤ᙮”

ᐊᑈᔅᑕᓇᒡ 26:3

ᐊᓐ ᓇᔅᒡ ᐊ ᒥᔪ ᒋᔅᒐᔨᑎᒥᓐ ᒍᐤ ᐃᑐᐅᓇ ᑭᔭ ᐊᓂᔭ ᒐᒂᔪᐛ ᐛᒋ ᒥᒋᐱᔨᒡ ᒪᓐ ᒍᐤ ᐃᔪᒡ ᐊᐅᑯᓐ ᓇᔅᒡ ᐛᒋ ᒥᔽᔨᑎᒪᓐ ᐅᑕ ᐊ ᑕᔨᓐ ᒐᒋ ᐃᔨᒥᔅᑎᒪᓱᔭᓐ᙮ ᒋ ᐱᑯᓴᔨᒥᑎᓐ ᒪᒃ ᐃᔭᒂ ᒐᒋ ᓂᑐᑎᐎᔨᓐ ᑭᔭ ᒐ ᐎ ᓯᐱᔪᐛᓯᔅᑎᐎᔨᓐ ᑕᓐ ᒐ ᐃᓯ ᐃᔨᒥᔭᓐ᙮”

ᐊᑈᔅᑕᓇᒡ 28:17

ᓂᔅᑐ ᒋᓯᑲᐛ ᒪᒃ ᐃᔅᐱᔅ, ᐊᑯ ᒂ ᐎᓴᒪᑦ ᑈᓪ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᐃᔅᐱ ᒪᒃ ᒥᔭᒧᐎᔨᒋ ᒋ ᐃᔅᒋᔄᐤ, “ᓂᐧᑲᓂᓯᑐᒄ, ᓂᒋ ᒪᑯᓂᑯᐅᓐ ᐊᓐᑕ ᒋᕈᓯᓕᒥᒡ ᐊᑯ ᐊᓐᑕ ᕈᒻ ᐃᔪᒡ ᐊ ᑕᒡ ᒂ ᐃᓯ ᐱᔅᑎᓂᑯᐅᔭᓐ ᒐᒋ ᐃᓯ ᒪᒪᒋᑯᓂᑯᐅᔭᓐ᙮ ᐊᐅᒄ ᐅ ᑲ ᐃᑐᑕᑯᐅᔭᓐ ᐊᑎ ᐊᑲ ᐅᒋ ᒥᒋᑐᑐᐅᒂᐤ ᒋᑦ ᐃᔨᒥᓄᒡ ᑭᔭ ᐊᑲ ᐅᒋ ᐅᓂᑐᑎᒪᓐ ᐊᓂᔭᔪᐛ ᐃᑐᐅᓇ ᐊᓂᔅᒐ ᒋᐛᐧᑯᒪᑭᓄᐎᒡ ᑲ ᒥᔨᑕᐧᑯᒡ᙮

ᑲᓚᓯᔭᓇ 3:19

ᒐᒂᔪᐤ ᒪᒃ ᐛᒋ ᒥᔭᑭᓄᐎᒡ ᐊᐛᓐᒋ ᐊᓂᔭ ᐎᓱᐛᐅᓂᔪᐤ ? ᒋ ᒥᔭᑭᓄᐎᒡ ᐊᓐᑕ ᐅᒋ ᒐᒋ ᐅᒋ ᓂᔅᑐᓇᒡ ᒥᒐᑎᓯᐅᓂᔪᐤ᙮ ᑭᔭ ᐊᔪᐅᒄ ᐅᔭ ᐎᓱᐛᐅᓂᔪᐤ ᒋᐸ ᐊᐱᑎᓂᔪᐤ ᒐ ᐃᔅᐱᔅ ᐊᑲ ᑎᑯᓯᓂᔨᒋ ᐊᓂᔭᔪᐛ ᒋᓴᒪᓂᑐᐤ ᑲ ᐃᔅᒋᔄᑦ ᐊᑉᕋᐊᒪ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ, ᐊᓐ ᑲ ᒥᔭᑭᓄᐅᑦ ᐊᓂᔭ ᐊᓱᑎᒪᒐᐅᓂᔪᐤ᙮ ᐊᓐᒋᓐᒡ ᒋ ᐸᑕᐅᒡ ᐅᔭ ᐎᓱᐛᐅᓂᔪᐤ ᐅᑕ ᐊᔅᒋᒡ᙮ ᒧᓱᓴ ᒪᒃ ᐊᐅᑯᓂ ᑲ ᐊᐱᒋᐊᒡ ᐊᓐᒡ ᐊᓐᒋᓐᒡ ᒐᒋ ᐛᐎᑎᒧᐛᑭᓄᔨᒋ ᐊᓂᔭᔪᐛ ᐃᔪᐛ ᐊᓂᔭᐤ ᐎᓱᐛᐅᓂᔪᐤ᙮

ᑲᓚᓯᔭᓇ 3:23

ᐊᔅᒄ ᐊᑲ ᐅᒋ ᑎᑯᓯᐧᒃ ᒋᓴᔅ ᐅᑕ ᐊᔅᒋᒡ ᔅᒋ ᒪᒋᒂᐱᐧᑲᑎᑯᓇᓄᐤ ᐎᓱᐛᐅᓐ ᐸᑐᔅ ᑲ ᐅᑎᒋᐱᔨᒡ ᒐᒋ ᑕᑈᑎᒪᐧᒄ᙮