ᐊᑈᔅᑕᓇᒡ 6:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮

ᐊᑈᔅᑕᓇᒡ 6:10 Iomraidhean Croise

ᐊᒃᓱᑕᔅ 4:12

ᐊᑯ ᐃᑐᑕᒪ, ᒋᑭ ᐎᒋᐃᑎᓐ ᒐᒋ ᐃᔨᒥᔨᓐ ᑭᔭ ᒋᑭ ᐎᑎᒪᑎᓐ ᑕᓐ ᒐ ᐃᔅᒋᔄᔨᓐ᙮”

ᓗᒃ 1:17

ᒠᓐ ᒪᒃ ᒋᑭ ᓂᑲᓂᑎᓯᐛᑭᓄᐤ ᒐᒋ ᐎᒋᐊᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᒐᒋ ᐊᔭᔅᑯᐎᔨᒋ ᑎᑯᓯᓂᔨᒐ ᐅᑎᐸᔨᒋᒐᐛ᙮ ᒋᑭ ᐊᔭᐛᐤ ᐊᓂᔭ ᐊᒐᒂ ᑲ ᐱᒥᐱᔨᐃᑯᔨᒋ ᐊᓂᔭᐧᑲ ᐃᓚᐃᒐ ᑲ ᐃᓯᓂᐧᑲᓱᔨᒋ ᒋᓴᒪᓂᑐᐛ ᑲᒋ ᐊᔨᒥᔅᑎᒧᐛᔨᒋ ᑭᔭ ᐊᓂᔭ ᓱᐧᑲᑎᓯᐅᓂᔪᐤ ᑕᓐ ᑲ ᐃᓯ ᐊᔭᔨᒋ, ᐊᐅᑯᓐ ᑭᔭ ᐎᔾ ᒐ ᐃᓯ ᐊᔭᑦ᙮ ᒋᑭ ᐃᑐᑐᐛᐤ ᐅᑕᐎᒪᐛ ᑲ ᒥᒋᐱᔨᐃᑐᔨᒋ ᐅᑦ ᐊᐛᓯᒥᔪᐛ ᒥᓐ ᑲᐤ ᒐᒋ ᓴᒋᐃᑐᔨᒋ᙮ ᑭᔭ ᐊᓂᔭ ᐊᑲ ᑯᐃᔅᑯᑕᑎᓯᔨᒋ ᒋᑭ ᐃᑐᑐᐛᐤ ᒐᒋ ᐃᓯ ᑭᒐᑕᐛᔨᑎᒥᔨᒋ ᑕᐱᔅᑯᓐ ᐊᓂᔭ ᑲ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᒐ ᐊᐃᑎᑦ ᒠᓐ ᒐᒋ ᐊᔭᔅᑯᐎᐊᑦ ᐊᐛᔪᐛ ᒐᒋ ᓂᒋᐊᔨᒋ ᐅᑎᐸᔨᒋᒐᐛ᙮” ᐊᐅᒄ ᒪᒃ ᐅᔭᔪᐤ ᑲ ᐃᓯ ᐎᑎᒪᑯᑦ ᓴᑲᕋᔭ ᐊᓂᔭᔪᐛ ᐊᓐᒋᓇ᙮

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᒠᓐ 7:46

ᐊᑯ ᐊᓐᒡ ᑲᒪᑯᓄᐛᓯᒡ ᑲ ᐃᓯ ᐎᑎᒧᐛᒡ ᐊᓂᔭᔪᐛ ᐊ ᐃᑕᒡ, “ᓇᒪ ᓂᑕ ᐊᐛᓐ ᐅᒋ ᐃᔅᐱᔅ ᒥᔪ ᒋᔅᑯᑎᒪᒐᐤ ᐊ ᐃᔅᐱᔅ ᒥᔪ ᒋᔅᑯᑎᒪᒐᑦ ᐅ ᓇᐸᐤ᙮”

ᐊᑈᔅᑕᓇᒡ 5:39

ᒥᒄ ᒪᒃ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᓇᒪ ᒋᑭ ᒋᐱᒐᐊᐛᐅᒡ ᐛᔅ ᒧᔭᒻ ᐎᔾ ᒋᓴᒪᓂᑐᐤ ᐊ ᓂᔅᑯᔅᑐᐛᒄ ᐊᐅᑯᓐ ᒐ ᐃᓯᓇᑯᓯᔭᒄ᙮” ᐊᐅᑯᓐ ᒂ ᐃᔅᒋᔄᑦ ᑲᒪᓕᔭᓪ᙮

ᐊᑈᔅᑕᓇᒡ 6:11

ᐊᑯ ᒪᒃ ᒋᒧᑦ ᑲ ᐊᐱᒋᐊᒡ ᓇᐸᐛ ᒐᒋ ᑭᑭᒋᔭᒪᔨᒋ ᔅᑎᐱᓇ ᐊ ᐃᔅᒋᔄᒡ, “ᓂᒋ ᐸᑐᐛᓇᓐ ᔅᑎᐱᓐ ᐊ ᒥᒐᒋᒪᑦ ᒧᓱᓴ ᑭᔭ ᒋᓴᒪᓂᑐᐛ᙮”

ᐊᑈᔅᑕᓇᒡ 6:9

ᒋ ᑕᐅᒡ ᓇᐸᐅᒡ ᐊᑲ ᐅᒋ ᓇᐊᔨᒪᒡ ᔅᑎᐱᓇ, ᐊᓐᒡ ᐊᓐᑕ ᑲᒋ ᐃᓯ ᓇᒋ ᐊᔭᒥᐊᒡ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᑲ ᐊᐱᐧᑯᓇᑭᓄᐎᒡ ᓇᐸᐅᒡ, ᑲ ᐃᓯᓂᐧᑲᑕᔨᒡ᙮ ᓂᓇᐧᑯᐤ ᐃᑕᐅᓂᒡ ᒋ ᐅᒋᐅᒡ ᓴᐃᕆᓐ ᑭᔭ ᐊᓕᒃᓴᓐᑕᕆᔭ ᑲ ᐃᓯᓂᐧᑲᑕᔨᒋ᙮ ᑯᑎᑭᒡ ᒪᒃ ᐊᓐᑕ ᓯᓕᓯᔭ ᑭᔭ ᐊᐃᓴ ᐊᔅᒋᒡ ᒋ ᐅᒋᐅᒡ᙮ ᐊᐅᑯᓐ ᒪᒃ ᐅᔭ ᓇᐸᐛ ᑲ ᒥᒋᐱᔨᐃᑯᑦ ᔅᑎᐱᓐ᙮

ᐊᑈᔅᑕᓇᒡ 7:51

ᔅᑎᐱᓐ ᐊᑐᐎᔅ ᑲ ᐊᑎ ᐃᔅᒋᔄᑦ, “ᒋᔅᒋᓯᑕᐤ ᒪ, ᐊᓂᔭ ᑕᓐ ᑲ ᐃᔅᐱᔅ ᓱᒋᔅᑎᒂᓇᒡ ᐊᓂᔭᐧᑲ ᐛᔅᑭᒡ ᒋᐧᑲᓂᓯᓄᐅᒡ ᐊᑯᓐ ᒧᔭᒻ ᑭᔭ ᒋᔨᐛᐤ ᐊ ᐃᔅᐱᔅ ᓱᒋᔅᑎᒂᓇᔭᒄ᙮ ᐊᑲ ᑕᑈᑎᒪᒄ ᐊᓐᑕ ᒋᑕᐃᐛᒡ, ᑭᔭ ᐊᑲ ᐎ ᓂᑐᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᒧᔭᒻ ᐊᓂᔭᐧᑲ ᒋᐧᑲᓂᓱᐛᐅᒡ ᐊ ᐃᑕᔨᑕᑯᓯᔭᒄ ᐊᑲ ᐅᒋ ᐎ ᓂᓇᐃᑐᐛᒡ ᑲ ᐸᔭᒋᓯᔨᒋ ᐊᒐᒂ᙮

1 ᑯᕆᓐᑎᔭᓇ 2:4

ᒪᒂᒡ ᑲᒋ ᐃᔨᒥᐃᑎᑯᒡ ᑭᔭ ᑲᒋ ᑭᒐᔅᒋᒥᑎᑯᒡ ᓇᒪ ᓂ ᐅᒋ ᐎ ᐃᑎᑕᑯᐃᓱᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᐊᓐᑕ ᒐᒋ ᐅᒋ ᑕᑈᑎᒪᒄ᙮ ᒋᓴᒪᓂᑐᐤ ᐅᑦ ᐊᒐᒂ ᐅᓱᐧᑲᑎᓯᐅᓂᔪᐤ ᐊᐅᒄ ᑲ ᐃᑐᑕᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᐛᐎᑎᒪᓐ᙮