ᐊᑈᔅᑕᓇᒡ 6:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐃᔅᐱ ᒪᒃ ᐊᑐᐎᔅ ᐊ ᐊᑎ ᒥᒐᑎᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᒍᐤ ᐃᔪᒡ ᑯᕆᒃ ᑲ ᐃᓯ ᐃᔨᒥᒡ ᒋ ᒥᒋᐱᔭᐊᐅᒡ ᐊᓂᔭᔪᐛ ᒍᐤ ᐃᔪᐛ ᐃᑉᕈᐤ ᑲ ᐃᓯ ᐃᔨᒥᔨᒋ ᐊᒋ ᐃᔅᒋᔄᒡ ᐊᓂᔭᔪᐛ ᑲ ᐸᐃᑯᓯᔨᒋ ᐃᔎᐛ ᐊᓐᑕ ᐊ ᑕᒡ ᐊᑲ ᐅᒋ ᐃᔅᐱᔅ ᐊᓯᒪᑭᓄᔨᒋ ᒥᒋᒥᔪᐤ ᐊᓂᔭ ᑲᒋ ᒪᑎᓂᒧᐛᑭᓄᔨᒋ ᑲ ᐸᐃᑯᓯᔨᒋ ᐃᔎᐛ ᐊᓯᑯᒻ ᒋᓯᑲᐛ᙮

ᐊᑈᔅᑕᓇᒡ 6:1 Iomraidhean Croise

ᑎᐱᑦ ᐅᓂᑭᒧᐅᓇ 110:3

ᒋᑦ ᐃᔨᒥᒡ ᒋᑭ ᓇᐊᔨᑎᒧᒡ ᑲᔅᒋᐅᐎ ᒋᓯᑲᒥᒡ, ᐊ ᒥᔪᓇᑯᐃᑯᒡ ᐸᔭᒋᓯᐅᓂᔪᐤ, ᐊᐛᔅᑕ ᐃᔅᐱᔅ ᐊ ᒐᒋᓴᐸᔭᒡ: ᒋᑦ ᐊᔭᓐ ᐊ ᐊᑯᓯᐸᔭᒡ ᒋᑦ ᐅᔅᒋᓂᒋᐅᓐ᙮

ᑎᐱᑦ ᐅᓂᑭᒧᐅᓇ 72:16

ᐸᐃᑯᒥᑎᒋ ᒪᑕᒥᓇ ᐊᔅᒋᒡ ᒋᑭ ᑕᐤ ᑕᐧᑯᒡ ᐱᔅᑯᑎᓇᒡ; ᐊ ᒥᓂᓱᐅᒋ ᒪᒃ ᒋᑭ ᐱᐅᐱᔪᐛ ᒧᔭᒻ ᓚᐸᓇᓐ: ᑭᔭ ᐊᓐᒡ ᐅᑕᓇᒡ ᑲ ᐃᑕᒡ ᒋᑭ ᒥᔽᐱᒪᐅᓯᐅᒡ ᒧᔭᒻ ᒥᔅᑯᓱᐛ ᐊᔅᒋᒡ᙮

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

ᐊᑈᔅᑕᓇᒡ 11:20

ᒥᒄ ᒪᒃ ᐱᔅᒐ ᐊᓐᒡ ᑲ ᑕᑈᑕᒡ ᐊᓐᑕ ᓴᐃᐳᕋᔅ, ᑭᔭ ᓴᐃᕆᓐ ᑲ ᐅᒋᒡ ᒋ ᐃᑐᑕᐅᒡ ᐊᓐᑕ ᐊᓐᑎᔭᑭᒡ ᐊᑯ ᒂ ᐎᑎᒧᐛᒡ ᐊᓂᔭ ᑯᕆᒃ ᐃᔪᐤ ᒥᔽᒋᒧᐅᓂᔪᐤ ᒋᓴᓴ ᐊ ᑎᐸᔨᒋᒐᔨᒋ᙮

ᐊᑈᔅᑕᓇᒡ 11:26

ᐃᔅᐱ ᒪᒃ ᒪᔅᑯᐛᑦ, ᒋ ᐸᓱᐛᐤ ᐊᓐᑕ ᐊᓐᑎᔭᑭᒡ᙮ ᑕᐱᔅᑯᓐ ᒪᒃ ᐊ ᓂᓯᒡ ᓇᔅᒡ ᐸᐃᒄ ᐱᐳᓇ ᒧᔅ ᒋ ᓂᔅᑐᓇᐅᒡ ᐊᓂᔭ ᐅᒪᒧᐊᔭᒥᐊᐛ ᒐᒋ ᒪᒧᐤ ᐊᔭᒥᐊᒡ ᑭᔭ ᒥᒐᑦ ᐊᓂᔭ ᒋ ᒋᔅᑯᑎᒧᐛᐅᒡ᙮ ᐊᑯᑕ ᒪᒃ ᐊᓐᑕ ᐊᓐᑎᔭᑭᒡ ᒪᐅᒡ ᓂᔅᑎᒻ ᙭ᔅᑎᔭᓂᒡ ᑲ ᐃᓯᓂᐧᑲᑕᑭᓄᐎᒡ ᐊᓐᒡ ᑲ ᑕᑈᔭᔨᒪᒡ ᒋᓴᓴ᙮

ᐊᑈᔅᑕᓇᒡ 11:29

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒥᓯᐛ ᐸᐸᐃᒄ ᐊ ᑎᓯᒡ ᒂ ᐎᔭᔨᑕᒡ ᓱᒃ ᒐ ᐎᒋᐊᒡ ᑕᓐ ᐊ ᐃᓯ ᓂᑐᐛᔨᑎᒥᔨᒡ ᐊᓂᔭ ᐎᐧᑲᓂᓱᐛᐛ ᐊᓐᑕ ᒍᑎᔭ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 2:41

ᒥᒐᑦ ᒪᒃ ᒋ ᑕᑈᑐᐛᐅᒡ ᐊᓂᔭᔪᐤ ᑲ ᐃᑎᑯᒡ᙮ ᐊᑯ ᒂ ᓯᑲᐃᑐᐛᑭᓄᐅᒡ᙮ ᐊᓐ ᒪᒃ ᑲ ᒋᓯᑲᒡ ᓴᓯᑲᓐ ᓂᔍᐤ ᒐᓯᐱᔪᐤ ᐊᔪᐛᒃ ᒋ ᐃᑕᑎᓱᐅᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ᙮

ᐊᑈᔅᑕᓇᒡ 2:45

ᒋ ᐊᑕᐛᐅᒡ ᑕᓐ ᐊ ᐃᓯ ᑎᐱᔨᐛᐅᓯᒡ ᐊᑯ ᒂ ᒪᑎᓂᒪᑐᒡ ᐊᓂᔭᔪᐤ ᓱᓇᔭᔪᐤ ᒥᓯᐛ ᐊᓐᑕ ᐊ ᑎᓯᒡ᙮ ᒥᒄ ᑕᓐ ᐊ ᐃᓯ ᓄᑕᐱᔨᑦ ᐊᐛᓐ ᐊᐅᑯᓐ ᑲ ᐃᓯ ᒥᔭᑭᓄᐅᑦ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 4:35

ᐊᑯ ᒂ ᒥᔭᒡ ᐊᓂᔭᔪᐛ ᐊᑈᔅᑕᓇ ᐊᓂᔭ ᓱᓇᔭᔪᐤ᙮ ᐊᑯ ᑲ ᒪᑎᓂᒧᐛᒡ ᐊᓂᔭᔪᐛ ᑕᑐᐤ ᐊᐛᔪᐛ ᑲ ᒋᔅᑎᒪᑎᓯᔨᒋ᙮

ᐊᑈᔅᑕᓇᒡ 4:4

ᐃᔭᐱᒡ ᒪᒃ ᒥᒐᑦ ᐊᐛᓐᒋ ᒋ ᑕᑈᑎᒧᐛᐅᒡ ᑕᓐ ᑲ ᐃᓯ ᐎᑎᒥᔨᒋ ᐊᓂᔭᔪᐛ ᐊᑈᔅᑕᓇ᙮ ᓴᓯᑲᓐ ᐱᑕᑕᒡ ᒐᓯᐱᔪᐤ ᓇᐸᐅᒡ ᒋ ᑕᑎᓯᒐᓂᒋ ᐊ ᑕᑈᑕᒡ᙮

ᐊᑈᔅᑕᓇᒡ 5:14

ᐃᔭᐱᒡ ᒪᒃ ᐊᑐᐎᔅ ᒋ ᐊᑎ ᒥᒐᑐᐅᒡ ᐊᓂᔭᔪᐤ ᑲ ᑎᓯᒡ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ, ᑕᐱᔅᑯᓐ ᓇᐸᐅᒡ ᑭᔭ ᐃᔎᐅᒡ ᒋ ᐊᑎ ᑕᑈᔭᔨᒪᐅᒡ ᒋᓴᓴ᙮

ᐊᑈᔅᑕᓇᒡ 5:28

“ᔅᒋ ᐃᑎᑎᓇᓐ ᔭᐃᑕᔾ ᒐ ᐊᑲ ᒥᓐ ᒋ ᒋᔅᑯᑎᒪᒐᔭᒄ ᒋᓴᔅ ᐅᑦ ᐃᓯᓂᐧᑲᓱᐅᓐ᙮ ᑕᓐ ᑲ ᐃᑎᔭᒄ ᒪᒃ᙮ ᒥᓯᐛ ᐊᓐᑕ ᒋᕈᓯᓕᒥᒡ ᔅᒋ ᐃᓯ ᒋᔅᑯᑎᒪᒐᓇᐛᐤ, ᑭᔭ ᒋ ᐎ ᐃᑐᑐᐅᓇᓐ ᓂᔭᓐ ᒐᒋ ᐊᑕᒪᔨᒥᑯᐅᔭᒡ ᒋᓴᔅ ᑲ ᓂᐸᐊᑭᓄᐅᑦ᙮”

ᐊᑈᔅᑕᓇᒡ 6:2

ᐊᑯ ᒪᒃ ᐊᓐᒡ ᓂᓱᓴᑉ ᐊᑈᔅᑕᓇᒡ ᒋ ᐎᓴᒪᐅᒡ ᒥᓯᐛ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ, ᐊᑯ ᒂ ᐃᑕᒡ, “ᓇᒪ ᑯᐃᔅᑯᓇᑯᓐ ᐊᑲ ᐃᔭᔅᐱᓯᔭᒡ ᒐᒋ ᑭᒐᔅᒋᒧᔭᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᓂᔭᓐ ᐊ ᓂᓇᑭᑐᐛᔨᑎᒪᒡ ᒐᒋ ᒥᔪ ᐊᓯᒪᑭᓄᐎᒡ ᐊᓐᒡ ᑲ ᐸᐃᑯᓯᒡ ᐃᔎᐅᒡ᙮

ᐊᑈᔅᑕᓇᒡ 6:7

ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒋ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ᑕᑈᑎᒧᒡ ᑭᔭ ᒋ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 9:29

ᒋ ᐃᔨᒪᐊᐤ ᑭᔭ ᒋ ᓂᓇᔅᑯᐊᓯᐊᐤ ᐊᓂᔭᔪᐛ ᒍᐤ ᐃᔪᐛ ᒐᒋ ᑕᑈᔭᔨᒪᔨᒋ ᐅᑎᐸᔨᒋᒐᐤ ᒋᓴᓴ ᒥᒄ ᒪᒃ ᒋ ᐎ ᓂᐸᐃᑯᐤ᙮

ᐊᑈᔅᑕᓇᒡ 9:39

ᐱᑕᕐ ᒂ ᐱᓯᑯᑦ, ᒂ ᐎᒐᐛᑦ ᐊᓂᔭ ᓇᐸᐛ᙮ ᐃᔅᐱ ᒪᒃ ᑕᑯᓯᒡ ᓇᑕ, ᒋ ᐃᑐᑕᐊᑭᓄᐤ ᐊᓐᑕ ᐃᔅᐱᒥᑎᑯᒡ ᐊᓐᑕ ᐊ ᑎᑯᓂᔨᒡ ᐊᓂᔭ ᒥᔭᔪᐤ᙮ ᒋ ᑕᐅᒡ ᐊᓐᑕ ᑲ ᐸᐃᑯᓯᒡ ᐃᔎᐅᒡ, ᒋ ᑕᐱᑐᑲᐳᔅᑐᐛᐅᒡ ᐱᑕᕋ ᐊ ᒪᒡ ᑭᔭ ᐊ ᐛᐸᑎᔭᒡ ᐱᒍᐎᔭᓇ ᑭᔭ ᐊᑯᐸ ᐊᒋ ᐅᓯᑕᒪᑯᒡ ᐊᓂᔭᔪᐛ ᐃᔎᐛ ᑕᐸᑕᔨᒋ᙮

ᐊᑈᔅᑕᓇᒡ 9:41

ᐱᑕᕐ ᒪᒃ ᒋ ᓱᐅᓂᔅᒐᔨᔅᑐᐛᐤ ᒂ ᐎᒋᐊᑦ ᐊ ᐅᓂᓂᑎᓱᔨᒋ᙮ ᐊᑯ ᒂ ᐎᓴᒪᑦ ᐊᓂᔭᔪᐛ ᑲ ᐸᐃᑯᓯᔨᒋ ᐃᔎᐛ ᑭᔭ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ ᐊᐛᔪᐛ, ᒂ ᐛᐸᑎᔭᑦ ᒥᓐ ᐊ ᐱᒪᑎᓯᔨᒋ ᐊᓂᔭ ᑕᐸᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:7

ᑲ ᒥᔭᑭᓄᐅᒂ ᐊᐛᓐ ᓇᔅᒡ ᒐᒋ ᒥᔪ ᐎᒋᐊᑦ ᐊᐛᔪᐛ ᐊᐅᑯᓐ ᑭᑈ ᐊᓂᔭ ᒋᐸ ᐃᑐᐤ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᒋᔅᑯᑎᒪᒐᑦ ᒋᐸ ᒋᔅᑯᑎᒪᒐᐤ᙮

1 ᑯᕆᓐᑎᔭᓇ 10:10

ᑭᔭ ᐊᑲᐎᔾ ᒋᑭ ᐅᒋ ᒪᒪᒡ ᐃᔅᒋᔄᓇᓄᐤ ᒧᔭᒻ ᐱᔅᒐ ᐊᓐᒡ ᐃᔪᒡ ᑲ ᐃᑎᒡ᙮ ᐊᓐᒋᓇ ᒪᒃ ᑲ ᓂᐸᐃᐛᔨᒋ ᒋ ᓂᓱᐅᓇᒋᐃᑯᐅᒡ᙮

2 ᑯᕆᓐᑎᔭᓇ 11:22

ᒋᒋᐛ ᐊ ᐃᑕᔨᒥᓱᒡ ᒍᐤ ᑲ ᐃᑎᔅᑲᓇᓯᒡ ? ᑭᔭ ᓂᔾ ᒍᐤ ᓂᑦ ᐃᑎᔅᑲᓇᓯᓐ᙮ ᒋᒋᐛ ᐊ ᐃᑕᔨᒥᓱᒡ ᐊᓂᔭ ᐃᔅᕋᐃᓪ ᐊ ᐅᒋᒡ ? ᑭᔭ ᓂᔾ ᐊᑯᑕ ᐛᒋᔭᓐ᙮ ᒋᒋᐛ ᐊ ᐃᑕᔨᒥᓱᒡ ᒥᒄ ᐊᑉᕋᐊᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ ? ᓂᔾ ᑭᔭ ᐊᑯᑕ ᑲ ᐅᒋ ᐊᓂᔅᒐ ᐱᒪᑎᓯᔭᓐ᙮

ᐱᓕᐱᔭᓇ 3:5

ᐛᔅ ᓂᒋ ᒋᔅᒋᓄᐛᒋᐃᑯᐅᓐ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮ ᐊᓐᑕ ᐃᔅᕋᐃᓪ ᐃᔪᒡ ᐊ ᑕᒡ ᓂᒋ ᐱᒪᑎᓯᓐ᙮ ᐱᓐᒋᒥᓐ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᑕᑈ ᒍᐤ ᐃᔪᐤ ᓂᔾ ᓂᒋ ᑭᓄᐛᔨᑕᓐ ᐎᓱᐛᐅᓐ ᒪᒂᒡ ᑲ ᐸᕆᓯᐅ-ᐃᔪᔭᓐ᙮

1 ᑎᒧᑎ 5:3

ᒥᔪ ᓂᓇᑭᑐᐛᔨᒪᐧᑯᒡ ᐊᓐᒡ ᓇᔅᒡ ᑲ ᐸᐃᑯᓯᒡ ᐃᔎᐅᒡ᙮

1 ᑎᒧᑎ 5:9

ᓇᒪ ᒋᐸ ᐅᒋ ᒥᓯᓇᐛᑭᓄᐤ ᐃᔎᐤ ᑲ ᐸᐃᑯᓯᑦ ᐊᓐᑕ ᐊᔭᒥᐊᐅᒋᐛᐱᒡ ᒐᒋ ᐅᒋ ᐎᒋᐊᑭᓄᐅᑦ ᐸᑐᔅ ᐊᓱᑕᒡ ᑕᑐᔪᐛᐳᓇᓯᒐ᙮ ᑭᔭ ᓇᒪ ᒋᐸ ᐅᒋ ᐎᒋᐊᑭᓄᐤ ᐅᔅᑕ ᐸᐃᒂᐤ ᑲ ᓂᐳᐅᒂ᙮

ᐃᑉᕈᐛ 13:1

ᓂᐧᑲᓂᓯᑐᒄ, ᒧᔅ ᐎ ᒥᔪ ᓴᒋᐃᑐᒄ᙮

ᒋᒥᔅ ᐅᒥᓯᓇᐊᒪᒐᐅᓐ 1:27

ᐊᓐ ᐊᔭᒥᐊᐅᓐ ᑲ ᐃᑕᔨᑕᐧᒃ ᒋᓴᒪᓂᑐᐤ ᑲ ᐅᑕᐎᒪᐅᑦ ᐊ ᑯᐃᔅᑯᓇᑯᓂᔨᒡ ᑭᔭ ᐊ ᐸᔭᒋᓇᑯᓂᔨᒡ ᒪᐅ ᐊ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ᐎᒋᐊᑦ ᒋᐅᓴᓂᓴ ᑭᔭ ᑲ ᐸᐃᑯᓯᔨᒋ ᐃᔎᐛ ᒪᒂᒡ ᐊ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮

ᒋᒥᔅ ᐅᒥᓯᓇᐊᒪᒐᐅᓐ 4:5

ᒋᑦ ᐃᑕᔨᑕᓇᐛᐤ ᐊ ᐊᑲ ᑕᑈᒥᑲᒡ ᐊᓐ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, “ᐊᓂᔭ ᑲ ᐸᔭᒋᓯᔨᒋ ᐊᒐᒂ ᒋᓴᒪᓂᑐᐤ ᑲ ᒥᔨᑕᐧᒄ ᒐᒋ ᑕᔨᒋ ᐊᓐᑕ ᒋᐱᒪᑎᓯᐅᓇᒡ ᐃᔭᒂ ᒋ ᓂᓇᑭᑐᐛᔨᒥᑭᓄᐤ ᒥᒄ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᔭᐧᒄ᙮” ᐊᓐ ᐊᒐᐧᒄ ᐅᑕᔨᑎᒻ ᐊᑲ ᐃᑐᑎᒪᐧᒄ ᑕᓐ ᐊ ᐃᓯ ᓂᑐᐛᔨᒥᑕᐧᒃ ᒋᓴᒪᓂᑐᐤ ᒐᒋ ᐃᑐᑎᒪᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 5:9

ᐊᑲᐎᔾ ᒪᒪᒡ ᐃᑎᑐᒄ, ᓂᐧᑲᓂᓯᑐᒄ, ᑭᔭ ᓇᒪ ᒋᑭ ᐅᒋ ᑎᐸᔅᑯᓂᑯᓇᐛᐤ᙮ ᓴᔅ ᒥᒋᒪ ᐸᒋ ᑕᐤ ᑎᐸᔅᑯᓂᒐᓱᐤ, ᓴᔅ ᒐᑲᑦ ᓄᑯᓱᐤ᙮