ᐊᑈᔅᑕᓇᒡ 5:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᒥᒄ ᒪᒃ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᓇᒪ ᒋᑭ ᒋᐱᒐᐊᐛᐅᒡ ᐛᔅ ᒧᔭᒻ ᐎᔾ ᒋᓴᒪᓂᑐᐤ ᐊ ᓂᔅᑯᔅᑐᐛᒄ ᐊᐅᑯᓐ ᒐ ᐃᓯᓇᑯᓯᔭᒄ᙮” ᐊᐅᑯᓐ ᒂ ᐃᔅᒋᔄᑦ ᑲᒪᓕᔭᓪ᙮

ᐊᑈᔅᑕᓇᒡ 5:39 Iomraidhean Croise

ᒐᓂᓯᔅ 24:50

ᒋ ᐎᑎᒪᑯᐤ ᓚᐸᓇ ᑭᔭ ᐸᑎᐅᓚ, “ᑕᑈ, ᑎᐸᔨᒋᒐᓱᐤ ᐅᑕ ᔅᒋ ᐃᓯ ᒋᔅᒋᓄᑕᔨᒄ᙮ ᓂᑭ ᒋ ᐃᑐᑎᒺᓇᓐ ᒥᒄ ᒐᒂᔪᐤ ᑲ ᐃᔅᒋᔄᑦ ᑎᐸᔨᒋᒐᓱᐤ᙮

ᒪᑎᔪᐤ 16:18

ᒋ ᐎᑎᒪᑎᓐ ᐱᑕᕐ, ᐊᐅᑯᐤ ᒋᔾ ᐊ ᐸᐸᒋᐱᔅᑲᒡ᙮ ᐊᑯᑕ ᒪᒃ ᐅᑕ ᐊ ᐸᐸᒋᐱᔅᑲᒡ ᒐ ᐎᔨᑲᐳᐅᑕᔭᓐ ᓂᑦ ᐊᔭᒥᐊᐅᒋᐛᑉ, ᓇᒪ ᒪᒃ ᐛᐛᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔭ, ᐊᐅᑯᐤ ᓂᐳᐅᓐ, ᒋᑭ ᐅᒋ ᓴᐧᑯᒋᑕᒥᑭᓐ ᐅᑕ ᓂᑦ ᐊᔭᒥᐊᐅᒋᐛᐱᒡ᙮

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᐊᑈᔅᑕᓇᒡ 11:17

ᒐᔅᑎᓇᔅ ᒪᒃ ᒋᓴᒪᓂᑐᐤ ᒋ ᒥᔭᐤ ᐊᓂᔭᔪᐛ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ᒥᔨᑯᐅᔭᐧᒄ ᐃᔅᐱ ᑲ ᑕᑈᔭᔨᒪᐧᒄ ᐅᑎᐸᔨᒋᒐᐤ ᒋᓴᔅ ᙭᙮ ᐊᐛᓐ ᒪᒃ ᓂᔾ ᒐᒋ ᒋᐱᒋᐃᒃ ᒋᓴᒪᓂᑐᐤ ᑕᓐ ᐛ ᐃᑎᑦ,” ᒋ ᐃᑕᐤ ᐱᑕᕐ ᐊᓂᔭ ᐃᔪᐛ᙮

ᐊᑈᔅᑕᓇᒡ 23:9

ᐊᑯ ᐊᔭᔅᒃ ᑲ ᐊᑎ ᒥᔅᑎ ᒋᔄᐛᒡ ᐊ ᐃᔨᒥᐃᑐᒡ ᐅᒡ ᐸᕆᓯᔨᒡ ᑭᔭ ᓴᑎᔪᓯᒡ ᐊ ᒥᒋᐱᔨᒡ᙮ ᐊᑯ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᐸᕆᓯ ᑲ ᐃᑎᐱᒡ ᒂ ᐱᓯᑯᒡ ᐊᑯ ᒂ ᐃᔅᒋᔄᒡ, “ᓇᒪ ᐎ ᓂᔭᓐ ᓂ ᒥᔅᑭᒺᓇᓐ ᒐᒂᔪᐤ ᒐ ᐅᒋ ᐛᐛᓯᐊᑭᓄᐅᑦ ᐅ ᓇᐸᐤ᙮ ᒐᒃ ᒪ ᑕᑈ ᑲ ᐃᔨᒥᐃᑯᒂ ᐊᒐᒂ ᑭᔭ ᒪᒃ ᐊᓐᒋᓐ᙮”

ᐊᑈᔅᑕᓇᒡ 6:10

ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮

ᐊᑈᔅᑕᓇᒡ 7:51

ᔅᑎᐱᓐ ᐊᑐᐎᔅ ᑲ ᐊᑎ ᐃᔅᒋᔄᑦ, “ᒋᔅᒋᓯᑕᐤ ᒪ, ᐊᓂᔭ ᑕᓐ ᑲ ᐃᔅᐱᔅ ᓱᒋᔅᑎᒂᓇᒡ ᐊᓂᔭᐧᑲ ᐛᔅᑭᒡ ᒋᐧᑲᓂᓯᓄᐅᒡ ᐊᑯᓐ ᒧᔭᒻ ᑭᔭ ᒋᔨᐛᐤ ᐊ ᐃᔅᐱᔅ ᓱᒋᔅᑎᒂᓇᔭᒄ᙮ ᐊᑲ ᑕᑈᑎᒪᒄ ᐊᓐᑕ ᒋᑕᐃᐛᒡ, ᑭᔭ ᐊᑲ ᐎ ᓂᑐᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᒧᔭᒻ ᐊᓂᔭᐧᑲ ᒋᐧᑲᓂᓱᐛᐅᒡ ᐊ ᐃᑕᔨᑕᑯᓯᔭᒄ ᐊᑲ ᐅᒋ ᐎ ᓂᓇᐃᑐᐛᒡ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 9:5

ᐊᑯ ᓴᓪ ᒂ ᐃᔅᒋᔄᑦ, “ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?” ᐊᑯ ᑲ ᐃᑎᑯᑦ ᐊᓂᔭ ᐊᐛᔪᐛ, “ᐊᐅᒄ ᓂᔾ ᒋᓴᔅ, ᐊᓐ ᐊᐛᓐ ᑲ ᑯᒂᒋᐃᑦ᙮

1 ᑯᕆᓐᑎᔭᓇ 1:25

ᐅᔭ ᒪᒃ ᒋᓴᒪᓂᑐᐤ ᑲ ᐃᑐᑕᐧᒃ ᒋᐱᔭᑎᑯᒡ ᓇᔅᒡ ᐊᑲ ᐃᑈᐧᑲᐛᔨᑎᒥᔨᒋ ᐊᐛᔪᐛ ᐊᑐᐎᔅ ᑭᒐᑕᐛᔨᑕᑯᓂᔪᐤ ᐃᔅᐱᔅ ᐊᓂᔭ ᐊᑐᐎᔅ ᐊ ᑭᒐᑕᐛᔨᑕᑯᓂᔨᒡ ᓇᐸᐤ ᐅᑭᒐᑕᐛᔨᑎᒧᐅᓂᔪᐤ᙮ ᐊᑯ ᐊᓂᔭ ᑲ ᐃᑕᔨᑕᒡ ᐊᐛᓐᒋ ᓇᔅᒡ ᐊᑲ ᓱᒐᔨᑕᑯᓂᔨᒡ ᐊᑐᐎᔅ ᓱᒐᔨᑕᑯᓂᔪᐤ ᒋᓴᒪᓂᑐᐤ ᐅᓂᔨᒥᓯᐅᓐ᙮

1 ᑯᕆᓐᑎᔭᓇ 10:22

ᐅ ᑎᔭᒂ, ᒋᑭ ᒋᔄᐊᓄᐤ ᒋᓴᒪᓂᑐᐤ ᑭᔭ ᒋᑭ ᐅᑕᔨᑎᒻ᙮ ᒋᑦ ᐃᑕᔨᑕᓇᓄᐤ ᐊ ᐃᐛᒃ ᒋᔭᓄᐤ ᐊ ᓱᒋᓯᔭᐧᒄ ᐃᔅᐱᔅ ᒋᓴᒪᓂᑐᐤ ?