ᐊᑈᔅᑕᓇᒡ 5:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᑯ ᐱᑕᕐ ᒂ ᐃᑕᑦ, “ᐊᓇᓇᔭᔅ, ᒐᒂᓐ ᐛᒋ ᐱᔅᑎᓂᑦ ᒥᒋᒥᓂᑐᐤ ᒐᒋ ᐱᒐᑦ ᒋᑕᐃᒡ, ᒐᒋ ᐃᑐᑕᔅᒃ ᒐᒋ ᑭᑭᒋᔭᒥᑦ ᑲ ᐸᔭᒋᓯᑦ ᐊᒐᐧᒄ, ᒋᒧᑦ ᐊ ᑭᓄᐛᔨᑎᒪᓱᔨᓐ ᐱᔅᒐ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᑲᓂᔪᐅᔨᓐ ᑲ ᐊᑕᐛᔨᓐ ᐊᓐ ᑲ ᐃᓯ ᑎᐱᔨᐛᐅᓯᔨᓐ ?

ᐊᑈᔅᑕᓇᒡ 5:3 Iomraidhean Croise

ᒪᑎᔪᐤ 13:19

ᐊᓐ ᒪᒃ ᐊᐛᓐ ᑲ ᐸᑕᐧᒃ ᐊᓂᔭ ᒥᔽᒋᒧᐅᓂᔪᐤ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᑲ ᒪᒃ ᓂᔅᑐᑎᒧᒂ, ᒧᔭᒻ ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᐊᐅᑯᓐ ᐊ ᐃᓯᓇᑯᓯᑦ, ᒥᒋᒥᓂᑐᐛ ᒥᔅᑭᒥᑯᐤ ᑕᓐ ᑲ ᐃᓯ ᐸᑕᐧᒃ ᑭᔭ ᓇᒪ ᒋ ᓂᑕᐅᒍᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᓗᒃ 22:3

ᐊᑯ ᒪᒃ ᐊᓂᔭᔪᐛ ᐸᐃᒄ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒋᓴᔅ, ᒍᑎᔅ ᐃᔅᑲᕆᔭᑦ ᑲ ᐃᓯᓂᐧᑲᓱᔨᒋ ᒋ ᐱᒋᔅᑲᑯᔪᐛ ᒥᒋᒥᓂᑐᐛ᙮

ᒠᓐ 13:2

ᒪᒂᒡ ᒪᒃ ᒋ ᐅᑕᑯᓯᐅᒥᒋᓱᐅᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ᙮ ᐸᐃᒄ ᒪᒃ ᐊᓐ ᒋᔅᒋᓄᐊᒧᐛᑭᓐ ᒍᑎᔅ ᑲ ᐃᓯᓂᐧᑲᓱᑦ, ᓴᐃᒥᓐ ᐃᔅᑲᕆᔭᑦ ᐅᑯᓴ, ᓴᔅ ᐊᓐᑕ ᒋ ᐃᑐᑕᑯ ᒥᒋᒥᓂᑐᐛ ᒐᒋ ᐃᑕᔨᑕᐧᒃ ᒐᒋ ᐎᔭᓯᐱᔅᑎᓇᑦ ᒋᓴᓴ ᐊᓂᔭ ᒐ ᑎᐱᔅᑲᔨᒡ᙮

ᒠᓐ 13:27

ᒍᑎᔅ ᐛᑎᓇᑦ ᐊᓂᔭ ᐸᒂᓯᑭᓇ ᑲ ᒥᔨᑯᑦ ᒋᓴᓴ, ᐊᑯ ᑎᐛᒡ ᑲ ᐊᑎ ᐱᒋᔅᑲᑯᑦ ᒥᒋᒥᓂᑐᐛ᙮ ᐊᑯ ᒋᓴᓴ ᒂ ᐃᑎᑯᑦ, “ᒋᐱᔾ ᑐᑕ ᐊᓐ ᑕᓐ ᒋᐸ ᑐᑕᓐ᙮”

ᐊᑈᔅᑕᓇᒡ 5:2

ᑕᐱᔅᑯᓐ ᒋ ᓂᔅᑯᒧᐅᒡ ᒋᒧᑦ ᒐᒋ ᑭᓄᐛᔨᑎᒪᓱᒡ ᐱᔅᒐ ᐊᓂᔭᔪᐤ ᓱᓇᔭᔪᐤ ᐊᑯ ᒂ ᐃᑐᑐᐛᒡ ᐊᓂᔭᔪᐛ ᐊᑈᔅᑕᓇ ᐊᓂᔭ ᑲ ᐃᔅᐱᔅ ᐃᔅᑯᓇᒡ᙮

ᐊᑈᔅᑕᓇᒡ 5:4

ᐊᔅᒄ ᐊᑲ ᐅᒋ ᐊᑕᐛᒐᔨᓐ ᒋᑦ ᐊᔅᒋᔾ ᒋᔾ ᔅᒋ ᑎᐱᔨᐛᐅᓯᓐ ᐃᔅᐱ ᒪᒃ ᑲ ᐊᑕᐛᒐᔨᓐ ᔅᒋ ᒥᔨᑯᐅᓐ ᒐᒋ ᐎᔭᔨᑎᒥᓐ ᑕᓐ ᒐ ᐃᑐᑎᒥᓐ ᐊᓐ ᓱᓇᔭᐤ᙮ ᒐᒂᓐ ᑲ ᒪᒥᑐᓇᔨᑎᒥᓐ ᐛᒋ ᐎᔭᔨᑎᒥᓐ ᐅ ᒐᒋ ᐃᑐᑎᒥᓐ᙮ ᓇᒪ ᓇᐸᐤ ᒋ ᑭᑭᒋᔭᒪᐤ, ᒋᓴᒪᓂᑐᐤ ᐊᐅᒄ ᑲᑭᒋᔭᒥᑦ᙮”

ᐊᑈᔅᑕᓇᒡ 5:9

ᐊᑯ ᐱᑕᕐ ᒂ ᐊᑎ ᐃᑕᑦ, “ᒐᒂᓐ ᑕᐱᔅᑯᓐ ᒋᓇᐸᒻ ᐛᒋ ᒋ ᐃᑕᔨᑎᒥᐃᑯᔭᒄ ᒐᒋ ᑯᒂᒋᐃᒪᑯ ᐅᑎᐸᔨᒋᒐᐤ ᐅᑦ ᐊᒐᒂ ? ᐊᓐᒡ ᓇᐸᐅᒡ ᑲ ᓇᐃᐧᑯᐛᒡ ᒋᓇᐸᒪ ᓴᔅ ᒋ ᑎᑯᓯᓄᐅᒡ, ᓇᑕ ᒋᐱᔎᒡ ᓂᐳᐅᒡ᙮ ᑭᔭ ᒋᔾ ᒋᑭ ᐎᐎᑕᐃᑯᒡ ᒧᔭᒻ ᒋᓇᐸᒻ ᑲ ᐃᓯ ᐎᐎᑕᐊᑭᓄᐅᑦ᙮”

ᒋᒥᔅ ᐅᒥᓯᓇᐊᒪᒐᐅᓐ 4:7

ᐊᑯ, ᐱᔅᑕᔨᒥᑎᓱᔅᑐᐛᐧᒄ ᒋᓴᒪᓂᑐᐤ᙮ ᓂᔅᑯᔅᑐᐛᐧᒄ ᒥᒋᒥᓂᑐᐤ ᑭᔭ ᒐ ᐅᓯᒥᑕᒄ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮