ᐊᑈᔅᑕᓇᒡ 5:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐃᔭᐱᒡ ᒪᒃ ᐊᑐᐎᔅ ᒋ ᐊᑎ ᒥᒐᑐᐅᒡ ᐊᓂᔭᔪᐤ ᑲ ᑎᓯᒡ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ, ᑕᐱᔅᑯᓐ ᓇᐸᐅᒡ ᑭᔭ ᐃᔎᐅᒡ ᒋ ᐊᑎ ᑕᑈᔭᔨᒪᐅᒡ ᒋᓴᓴ᙮

ᐊᑈᔅᑕᓇᒡ 5:14 Iomraidhean Croise

ᐊᒃᓱᑕᔅ 35:22

ᒥᓯᐛ ᓇᐸᐤ ᑭᔭ ᐃᔎᐤ ᐛ ᐱᔅᑎᓇᐧᒃ ᒥᔨᐛᐅᓇ ᒋ ᑎᑯᓯᓄᐤ ᐊᐸᑕᑦ ᒥᓯᐛ ᐊ ᐃᓯᓇᑯᓂᔨᒋ ᐊ ᐎᔄᐅᓱᓇᔭᐱᔅᑯᔨᒋ ᐛᐛᓯᐅᓇᐱᔎ, ᒋᔅᑕᐸᓱᓇ, ᒥᑐᑲᒡ ᑲ ᐳᔅᑲᑭᓄᐅᒋ, ᑕᐱᒋᒐᐱᓱᓇ, ᑭᔭ ᒐᒂᔪᐛ ᐎᔄᐅᓱᓇᔭᐱᔅᑯᒡ ᐊᐅᒡ ᐅᓯᑕᑭᓄᐎᒋ ᐛ ᐊᑎᒥᔅᑯᐛᑦ ᑎᐸᔨᒋᒐᓱᐛ᙮

ᐊᑈᔅᑕᓇᒡ 11:24

ᐛᔅ ᐅ ᓇᐸᐤ ᐸᕐᓇᐸᔅ ᓇᔅᒡ ᒋ ᑯᐃᔅᑯᑕᑎᓯᐤ, ᑭᔭ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᓱᒐᔨᑕᑯᓂᔪᐤ ᐅᑕᑈᑎᒧᐅᓐ᙮ ᐊᑯ ᒪᒃ ᐊᑐᐎᔅ ᒥᒐᑦ ᐃᔪᒡ ᑲ ᑕᑈᔭᔨᒪᒡ ᐅᑎᐸᔨᒋᒐᐤ ᒋᓴᓴ᙮

ᐊᑈᔅᑕᓇᒡ 2:41

ᒥᒐᑦ ᒪᒃ ᒋ ᑕᑈᑐᐛᐅᒡ ᐊᓂᔭᔪᐤ ᑲ ᐃᑎᑯᒡ᙮ ᐊᑯ ᒂ ᓯᑲᐃᑐᐛᑭᓄᐅᒡ᙮ ᐊᓐ ᒪᒃ ᑲ ᒋᓯᑲᒡ ᓴᓯᑲᓐ ᓂᔍᐤ ᒐᓯᐱᔪᐤ ᐊᔪᐛᒃ ᒋ ᐃᑕᑎᓱᐅᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 22:4

ᓇᔅᒡ ᓂᒋ ᐎ ᓂᓇᐧᑲᒋᐊᐅᒡ ᐊᓐᒡ ᑲ ᑕᑈᑕᒡ ᒋᓴᓴ ᐅᒋ ᐊ ᐅᒋ ᐱᒪᒋᐅᓇᓄᐅᒡ᙮ ᐊᑯᔅ ᒥᓯᐛ ᓂᐸᐊᑭᓄᑥᐛ ᓂᒋ ᐃᑕᔨᑕᓐ᙮ ᓂᒋ ᒪᑯᓇᐅᒡ ᑕᐱᔅᑯᓐ ᓇᐸᐅᒡ ᑭᔭ ᐃᔎᐅᒡ, ᐛᐛᒡ ᓂᒋ ᐃᑐᑐᐛᐅᒡ ᒐᒋ ᒋᐸᐛᑭᓄᐎᒡ᙮

ᐊᑈᔅᑕᓇᒡ 4:4

ᐃᔭᐱᒡ ᒪᒃ ᒥᒐᑦ ᐊᐛᓐᒋ ᒋ ᑕᑈᑎᒧᐛᐅᒡ ᑕᓐ ᑲ ᐃᓯ ᐎᑎᒥᔨᒋ ᐊᓂᔭᔪᐛ ᐊᑈᔅᑕᓇ᙮ ᓴᓯᑲᓐ ᐱᑕᑕᒡ ᒐᓯᐱᔪᐤ ᓇᐸᐅᒡ ᒋ ᑕᑎᓯᒐᓂᒋ ᐊ ᑕᑈᑕᒡ᙮

ᐊᑈᔅᑕᓇᒡ 6:7

ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒋ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ᑕᑈᑎᒧᒡ ᑭᔭ ᒋ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 8:12

ᐃᔅᐱ ᒪᒃ ᐱᓕᐸ ᑲ ᑎᑯᓯᓂᔨᒋ ᐊ ᐛᐎᑎᒪᑯᒡ ᒥᔽᒋᒧᐅᓂᔪᐤ, ᐊ ᑎᐸᒋᒪᔨᒋ ᒋᓴᔅ ᙭ᑕ ᑭᔭ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑎᒥᔨᒋ, ᒋ ᑕᑈᑐᐛᐅᒡ, ᑕᐱᔅᑯᓐ ᒪᒃ ᓇᐸᐅᒡ ᑭᔭ ᐃᔎᐅᒡ ᒋ ᓯᑲᐃᑐᐛᑭᓄᐅᒡ᙮

ᐊᑈᔅᑕᓇᒡ 8:3

ᓴᓪ ᒪᒃ ᒋ ᐎ ᓂᓱᐅᓇᒋᐊᐤ ᐅᒪᒧᐊᔭᒥᐊᐛ᙮ ᒥᓯᐛ ᒥᒋᐛᐸ ᒋ ᐱᒐᐤ, ᐊ ᐎᐎᔅᐱᒥᑕᑦ ᐊᓂᔭ ᑲ ᑕᑈᑎᒥᒋ, ᑕᐱᔅᑯᓐ ᐃᔎᐛ ᑭᔭ ᓇᐸᐛ, ᒐᒋ ᓂᐸᐊᑭᓄᔨᒋ᙮

ᐊᑈᔅᑕᓇᒡ 9:2

ᒂ ᓂᑐᑎᒧᐛᑦ ᒐᒋ ᒥᔨᑯᑦ ᒥᓯᓇᐃᑭᓂᔪᐤ ᒐᒋ ᐛᐸᑎᔭᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᒍᐤ ᐊᔭᒥᐊᐅᒋᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᐊ ᐎᑕᑭᓄᐎᒡ ᐊᓐᑕ ᐊ ᒥᔭᑭᓄᐅᑦ ᒐᒋ ᒪᑯᓇᑦ ᐃᔎᐛ ᑭᔭ ᓇᐸᐛ ᑲ ᑕᑈᔭᔨᒪᔨᒋ ᒋᓴᓴ, ᑭᔭ ᑲᐤ ᒐᒋ ᒋᐛᑕᐊᑦ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 9:31

ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᐊᑈᔅᑕᓇᒡ 9:35

ᒥᓯᐛ ᒪᒃ ᐃᔪᐛ ᑲ ᑕᑎᓯᔨᒋ ᐊᓐᑕ ᓕᑕᒡ ᑭᔭ ᓴᕈᓂᒡ ᒋ ᐛᐱᒪᑯᐤ ᐊ ᐱᐸᒧᑕᑦ, ᐊᑯ ᒪᒃ ᑲ ᐊᑎ ᑕᑈᔭᔨᒪᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 9:42

ᒥᓯᐛ ᒪᒃ ᐊᓐᑕ ᒍᐸᒡ ᒋ ᒥᓯᑕᐱᔪᐤ ᑎᐸᒋᒧᐅᓐ ᐅ ᑲ ᐃᔅᐱᔨᒡ᙮ ᒥᒐᑦ ᒪᒃ ᐊᐛᓐᒋ ᒋ ᑕᑈᔭᔨᒪᐅᒡ ᐅᑎᐸᔨᒋᒐᐛ ᒋᓴᓴ᙮

2 ᑯᕆᓐᑎᔭᓇ 6:15

ᑎᑯᓂᔪᐤ ᐊ ᒐᒂᔪᐤ ᐸᐃᑯᓄᒡ ᐊ ᐃᓯ ᑭᓄᐛᐸᑕᒡ ᙭ ᑭᔭ ᒥᒋᒥᓂᑐᐤ ? ᓇᒪ ᑭᑈ᙮ ᑕᓐᑕ ᐸᐃᑯᓄᒡ ᐊ ᐃᑕᔨᑕᑯᓯᒡ ᑲ ᑕᑈᑕᐧᒃ ᑭᔭ ᐊᓐ ᐊᑲ ᑕᑈᑕᐧᒃ ?

ᑲᓚᓯᔭᓇ 3:28

ᒥᓯᐛ ᐸᐃᑯᓄᒡ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᓇᒪ ᒐᒂᓐ ᐊᓐ ᒍᐤ ᑭᔭ ᒪᒃ ᐊᑲ ᒍᐤ ᐊ ᐃᑎᔅᑲᓇᓱᐛᒂ, ᑭᔭ ᐊ ᐊᐱᒋᐊᑭᓂᐛᒂ ᑭᔭ ᒪᒃ ᐊᑲ ᐊ ᐊᐱᒋᐊᑭᓂᐛᒂ, ᐊ ᓇᐸᐅᐛᒂ ᑭᔭ ᒪᒃ ᐊ ᐃᔎᐅᐛᒂ᙮