ᐊᑈᔅᑕᓇᒡ 5:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᑯᑎᑭᒡ ᒪᒃ ᐊᐛᓐᒋ ᒋ ᓴᒋᓱᐅᒡ ᒐᒋ ᐎᒐᐛᒡ ᒥᒄ ᒪᒃ ᐃᔭᐱᒡ ᓇᔅᒡ ᒋ ᒋᔅᑕᔨᒪᐅᒡ᙮

ᐊᑈᔅᑕᓇᒡ 5:13 Iomraidhean Croise

ᓗᒃ 19:48

ᒥᒄ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᑎᒡ ᒐᒋ ᓂᐸᐊᒡ ᐛᔅ ᒥᓯᐛ ᐊᓂᔭ ᐃᔪᐛ ᓇᔅᒡ ᐃᔭᒂ ᒋ ᓂᑐᑐᐛᔪᐛ ᒥᓯᐛ ᐊᒋ ᐎ ᐸᑎᒥᔨᒋ ᑕᓐ ᐊ ᐃᔅᒋᔄᔨᒋ ᒋᓴᓴ᙮

ᒠᓐ 12:42

ᒥᒐᑦ ᒪᒃ ᐃᔭᐱᒡ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᑕᑈᔭᔨᒪᐅᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐊᔨᒧᑎᒧᒡ ᐊᓐᑕ ᐊ ᐸᑐᐛᑭᓄᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᐸᕆᓯᐊ ᑭᔭ ᓇᒪ ᐅᒋ ᓂᑐᐛᔨᑎᒧᒡ ᒋᒋᐛ ᒐᒋ ᐎᐎᑎᓴᐛᑭᓄᐎᒡ ᐊᓐᑕ ᐅᑦ ᐊᔭᒥᐊᐅᒋᐛᐳᐛᒡ᙮

ᒠᓐ 19:38

ᐸᑎᒪ ᒪᒃ ᒍᓯᑉ, ᐊᕆᒪᑎᔭᒡ ᑲ ᐅᒋᑦ ᓇᐸᐤ ᒋ ᓂᑐᐛᔨᑎᒧᐛᐤ ᑈᓚᑕ ᒋᓴᓴ ᐎᔭᔪᐤ ᒐᒋ ᓇᐅᔅᑕᐛᑦ᙮ ᒍᓯᑉ ᒪᒃ ᒋᒧᑦ ᒋ ᑕᑈᔭᔨᒪᐤ ᒋᓴᓴ ᐛᔅ ᒋ ᑯᔅᑕᐤ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᒋ ᓂᔅᑯᒧᐤ ᒪᒃ ᑈᓚᑦ ᑕᓐ ᑲ ᐃᓯ ᓂᑐᐛᔨᑎᒥᔨᒋ ᒍᓯᐸ᙮ ᐊᑯ ᒪᒃ ᒍᓯᑉ ᒂ ᐅᑎᓂᒺᑦ ᒋᓴᓴ ᐎᔭᔪᐤ ᒂ ᔅᑐᑕᐛᑦ᙮

ᒠᓐ 9:22

ᒋ ᑯᔅᑕᐅᒡ ᐊᓂᔭ ᒍᐤ ᐃᔪᐛ ᐅᔭ ᐛᒋ ᐃᔅᒋᔄᒡ ᐅᒡ ᐅᓂᒋᐃᑯᒪᐅᒡ᙮ ᐛᔅ ᒋ ᒋᔅᒐᔨᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᒐ ᐎᐎᑎᓴᐛᔨᒋ ᐊᓐᑕ ᐊᔭᒥᐊᐅᒋᐛᐱᒡ ᐊᐛᔪᐛ ᒐ ᐃᔅᒋᔄᔨᒂᓂ ᙭ᑕ ᐊ ᐊᐎᔨᒋ ᐊᓂᔭᔪᐛ ᒋᓴᓴ᙮

ᐊᑈᔅᑕᓇᒡ 19:17

ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᓐᑕ ᐃᐱᓴᔅ ᑲ ᑕᒡ ᑲ ᐸᑕᒡ ᐅᔭ ᒥᓯᐛ ᒋ ᓴᒋᓱᐅᒡ, ᑭᔭ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᑐᐎᔅ ᒂ ᐊᑎ ᒋᔅᑕᔨᑕᑭᓄᐎᒡ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 4:21

ᐊᑯ ᒪᒃ ᐊᓐᒡ ᐊᓐᑕ ᑲ ᒪᒧᐎᒡ, ᒂ ᐃᑕᒡ ᒐ ᐛᓯᐊᒡ ᐊᑲ ᐳᓂᔨᒐ ᐊ ᐊᔨᒧᒪᔨᒋ ᒋᓴᓴ ᑭᔭ ᒂ ᐱᔅᑎᓇᒡ᙮ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐅᒋ ᐛᐛᓯᐊᒡ ᐛᔅ ᒥᓯᐛ ᐊᓐᒡ ᐃᔪᒡ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭᔪᐤ ᐅᒋ ᑕᓐ ᑲ ᐃᔅᐱᔨᒡ᙮ ᓇᒪ ᐅᒋ ᐛᐛᓯᐊᐅᒡ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ᙮

ᐊᑈᔅᑕᓇᒡ 5:26

ᐊᑯ ᒪᒃ ᐊᓐ ᐊᓯᒪᑭᓂᓴ ᑲ ᐅᒋᒪᐅᑦ, ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᒂ ᓂᑐᐛᐱᒪᒡ ᐊᓂᔭᔪᐛ ᐊᑈᔅᑕᓇ ᒂ ᐸᓱᐛᒡ ᒥᓐ ᐊᓐᑕ ᑲ ᒪᒧᐎᓇᓄᐎᒡ᙮ ᒋᔭᒻ ᒋ ᐃᑐᑕᐊᐅᒡ ᐊᓐᑕ ᐊᓂᔭᔪᐛ ᐊᑈᔅᑕᓇ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᒐᒋ ᓂᐸᐃᑯᒡ ᐊ ᐱᐳᒧᓯᓇᑕᐅᑯᒡ᙮

ᐊᑈᔅᑕᓇᒡ 5:5

ᐃᔅᐱ ᒪᒃ ᐱᔭᑕᐧᒃ ᐊᓇᓇᔭᔅ ᐅᔭ ᐊ ᐃᑕᑭᓄᐅᑦ ᒋ ᐊᑎ ᐸᒋᓯᓄᐤ ᒂ ᐊᑎ ᐳᓂᐱᒪᑎᓯᑦ᙮ ᒥᓯᐛ ᒪᒃ ᐊᓐᒡ ᑲ ᐸᑕᐧᑲᐤ ᒋ ᓴᒋᓱᐅᒡ᙮

2 ᑯᕆᓐᑎᔭᓇ 10:15

ᓇᒪ ᑭᔭ ᓂᑦ ᐊᔨᒧᑎᒺᓇᓐ ᑯᑎᒃ ᐊᐛᓐ ᐅᑦ ᐊᑐᔅᒐᐅᓐ ᒧᔭᒻ ᓂᔭᓐ ᐊᓐ ᐊᒋ ᐃᓯ ᐊᑐᔅᒐᔭᒡ ᒐᒋ ᐃᑎᑕᑯᓯᔭᒡ᙮ ᓇᒪ ᓂ ᐎ ᐸᔅᑎᔅᑭᒺᓇᓐ ᑕᓐ ᐊ ᐃᓯ ᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐊᑐᔅᑯᐅᒋᑦ᙮ ᓂ ᐱᑯᓴᔨᑕᓇᓐ ᒥᒄ ᐊᑐᐎᔅ ᒐᒋ ᐊᑐᔅᒐᔭᒡ ᐊᓐᑕ ᐊ ᑕᔭᒄ ᐊᔭᔅᒃ ᒐᒋ ᓂᑕᐅᒋᒋ ᒋᑕᑈᑎᒧᐅᓄᐛᐤ ᑭᔭ ᒐ ᐃᔅᐱᔅ ᒥᔨᑯᐛᒐ ᒋᓴᒪᓂᑐᐤ ᒐᒋ ᐎᒋᐃᑕᒡ᙮