ᐊᑈᔅᑕᓇᒡ 4:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᐊᑯ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ, ᒋ ᐸᐃᑯ ᒥᑐᓇᔨᑎᒧᒡ ᑭᔭ ᐸᐃᑯᓄᒡ ᒋ ᐃᓯ ᐎᔭᔨᑎᒧᒡ᙮ ᑕᓐ ᑲ ᐃᓯ ᑎᐱᔨᐛᐅᓯᑦ ᐊᐛᓐ ᒐᒂᔪᐤ ᓇᒪ ᐅᒋ ᐃᑕᔨᑎᒻ ᒥᒄ ᐎᔾ ᐊ ᑎᐱᔨᐛᐅᓯᑦ, ᒥᓯᐛ ᐊᐛᔪᐛ ᒋ ᒪᒧᐤ ᐊᐱᒋᑕᔪᐛ ᑕᓐ ᑲ ᐃᓯ ᐊᔭᑦ᙮

ᐊᑈᔅᑕᓇᒡ 4:32 Iomraidhean Croise

ᒠᓐ 17:11

ᐊᑯ ᒪᒃ ᒐ ᓂᑐᐛᐱᒥᑕᓐ᙮ ᓴᔅ ᐎᐱᒡ ᓇᒪ ᓂᑭ ᐅᒋ ᑕᓐ ᐅᑕ ᐊᔅᒋᒡ᙮ ᐎᔨᐛᐤ ᒪᒃ ᐊᔅᒄ ᐅᑕ ᐊᔅᒋᒡ ᒋᑭ ᑕᐅᒡ᙮ ᓄᑕ, ᒋᔾ ᑲ ᐸᔭᒋᓯᔨᓐ, ᒪᒧᐤ ᑭᓄᐛᔨᒥᒡ ᑕᓐ ᐊ ᐃᓯ ᓱᒋᑭᓄᐛᔨᒧᒥᑭᓂᔨᒡ ᒋᑦ ᐃᓯᓂᐧᑲᓱᐅᓂᔪᐤ ᐅᒡ ᑲ ᐸᒋ ᒥᔨᓐ ᐊᓐᑕ ᒐᒋ ᐅᒋ ᐸᐃᑯᒡ ᒧᔭᒻ ᒋᔭᓄᐤ ᐊ ᐃᓯ ᐸᐃᑯᔭᐧᒄ᙮”

ᐊᑈᔅᑕᓇᒡ 1:14

ᒥᓯᐛ ᒪᒃ ᒋ ᓇᐊᔨᑎᒧᒡ ᒧᔅ ᒐᒋ ᐸᐃᑯᒪᒧᐎᒡ ᐊ ᒪᒧᐤ ᐊᔭᒥᐊᒡ᙮ ᐊᑯᑕ ᑲᒋ ᑕᒡ ᑭᔭ ᐊᓐᒡ ᐃᔎᐅᒡ, ᑭᔭ ᒪᕆ ᒋᓴᔅ ᐅᑲᐎᔭ, ᑭᔭ ᒋᓴᔅ ᐎᐧᑲᓂᓴ ᑲ ᓇᐸᐎᔨᒋ᙮

ᐊᑈᔅᑕᓇᒡ 2:1

ᐃᔅᐱ ᒪᒃ ᐊᓐ ᐊ ᒋᓯᑲᒡ ᐸᓐᑎᑯᔅᑦ ᑲ ᐃᓯᓂᐧᑲᑕᒡ ᐛᑎᒋᐱᔨᒡ ᒥᓯᐛ ᒪᒧᐤ ᒋ ᑕᐅᒡ ᐊᓐᒡ ᑲ ᑕᑈᑕᒡ᙮

ᐊᑈᔅᑕᓇᒡ 5:12

ᒥᒐᑦ ᒪᒥᔅᑲᒡ ᐛᐸᑎᔨᐛᐅᓇ ᒋ ᐛᐸᑎᔨᐛᐅᒡ ᑭᔭ ᒋ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᐊᓐᒡ ᐊᑈᔅᑕᓇᒡ ᐊᓐᑕ ᐊᓂᔭᔪᐤ ᐃᔪᐛ ᐊ ᑕᔨᒋ᙮ ᒥᓯᐛ ᒪᒃ ᐊᓐᒡ ᒧᔅ ᑲ ᒪᒧᐊᔭᒥᐊᒡ ᒋ ᒪᒧᐎᐅᒡ ᒪᓐ ᐊᓐᑕ ᓴᓚᒥᓐ ᐅᒋᐱᔎᒻ ᑲ ᐃᓯᓂᐧᑲᑕᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:5

ᐊᐅᑯᓐ ᒪᒃ ᑕᑈ ᐊ ᐃᓯᓇᑯᓯᔭᐧᒄ᙮ ᒥᓯᐛ ᒋ ᐸᐃᑯᓇᓄᐤ ᒋᓴᔅ ᙭ ᐊ ᑕᑦ᙮ ᐊᑎ ᒪᒃ ᐊ ᒥᒐᑎᔭᐧᒄ ᐃᔭᐱᒡ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮ ᒥᓯᐛ ᒪᒃ ᐊ ᑎᓯᔭᐧᒄ ᐊᑯᑕ ᐊ ᐃᓯ ᐎᒋᐃᐛᔭᐧᒄ ᐅ ᒥᔪᐤ᙮

1 ᑯᕆᓐᑎᔭᓇ 1:10

ᓂᐧᑲᓂᓯᑐᒄ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ, ᒋ ᓯᒋᒥᑎᓇᐛᐤ ᒪᒧᐤ ᒐᒋ ᓂᔅᑯᒧᔭᒄ ᒐᒂᓐ ᐊ ᐃᔅᒋᔄᔭᒄ ᒐ ᐊᑲ ᒋ ᑕᑎᐸᓂᐱᔨᔭᒄ ᐊᓐᑕ ᒪᒂᒡ ᐊ ᑕᔭᒄ᙮ ᓱᒃ ᐎ ᒪᒧᐱᔪᐅᒄ ᐸᐃᑯᓄᒡ ᐊ ᐃᓯ ᒪᒥᑐᓇᔨᑎᒪᒄ ᑭᔭ ᐸᐃᑯᓄᒡ ᐊ ᐃᓯ ᓂᔅᑐᑎᒪᒄ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

ᐱᓕᐱᔭᓇ 1:27

ᒥᒄ ᒪᒃ, ᐊᐅᒄ ᐅ ᐛᒋ ᔭᐃᑕᔾ ᓇᑐᐛᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᑎᓱᒧᑯᔭᒄ ᒥᔽᒋᒧᐅᓐ ᒋᐸ ᐃᓯ ᐱᒪᑎᓯᓇᐛᐤ᙮ ᐊᑯ ᒪᒃ ᐊᑎ ᐊᑲ ᒥᓐ ᒋ ᐛᐱᒥᑎᑯᒐ ᒪᒃ ᓇᐃᐱᔨᒐ ᒥᓐ ᒐᒋ ᐛᐱᒥᑎᑯᒡ ᒐ ᒋᔅᒐᔨᒥᑎᑯᒡ ᐊᑲ ᒥᑐᓐ ᒐᒂᓐ ᒋ ᐊᑎᓂᑯᔭᒄ ᒥᓯᐛ ᐸᐃᑯᓄᒡ ᐊ ᐃᑕᔨᑎᒪᒄ ᑕᓐ ᐛ ᐃᑎᔭᒄ ᑭᔭ ᑕᑈ ᐸᐃᑯᓄᒡ ᐊ ᐃᓯ ᐱᑯᓴᔨᑎᒪᒄ ᐊ ᒪᒧᐤ ᐊᒋᔅᑎᒪᒄ ᐊ ᐛᐎᑎᒪᒄ ᒥᔽᒋᒧᐅᓐ᙮

1 ᐱᑕᕐ 3:8

ᐅ ᒪᒃ ᒥᓯᐛ ᑲ ᐃᓯ ᐊᔨᒧᑎᒪᑎᑯᒡ ᒥᓯᐛ ᐊ ᑎᓯᔭᒄ ᓱᒃ ᐸᐃᑯᓄᒡ ᐃᓯ ᒪᒥᑐᓇᔨᑎᒧᒄ ᐊ ᒋᔅᑎᒪᒐᔨᒥᑐᔭᒄ ᑭᔭ ᓴᒋᐃᑐᒄ ᑕᐱᔅᑯᓐ ᐊ ᐎᐧᑲᓂᓯᑕᑐᔭᒄ ᑭᔭ ᒋᓴᐛᑐᑕᑐᒄ᙮ ᓱᒃ ᒧᔅ ᑎᐱᑕᔨᒧᒄ᙮

1 ᐱᑕᕐ 4:11

ᐊᐛᓐ ᐊᒋ ᒥᔨᑯᑦ ᒋᓴᒪᓂᑐᐛ ᒐᒋ ᐃᔨᒪᐊᑦ, ᒋᐸ ᐃᔨᒧᐤ ᑕᓐ ᐊᓂᔭᔪᐛ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᓯ ᐃᔨᒥᑦ᙮ ᐊᓐ ᐊᐛᓐ ᑲ ᒥᔭᑭᓄᐅᑦ ᑭᔅᒋᐅᓂᔪᐤ ᒐᒋ ᐎᒋᐊᑦ ᑯᑎᑲ ᐊᐛᔪᐛ, ᑭᑈ ᒋᐸ ᐎᒋᐊᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᑯ ᒪᒃ ᐎᔾ ᒋᓴᒪᓂᑐᐤ ᒐ ᒋᔅᑕᔨᑕᑯᐊᑭᓄᐅᑦ ᒥᓯᐛ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ ᐊᓐᑕ ᒋᓴᔅ ᙭ᑕ ᐊ ᑕᔨᒋ ᐃᔅ, ᐎᔾ ᒋᓴᒪᓂᑐᐤ ᒐ ᐊᑲ ᓂᑕ ᐃᔎᐱᔨᒡ ᐅᒋᔅᑕᔨᑕᑯᓱᐅᓐ ᑭᔭ ᐅᒥᔅᑯᓯᐅᓐ᙮ ᐊᒥᓐ᙮