ᐊᑈᔅᑕᓇᒡ 4:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᑯ ᒪᒃ ᐊᓐᒡ ᐊᓐᑕ ᑲ ᒪᒧᐎᒡ, ᒂ ᐃᑕᒡ ᒐ ᐛᓯᐊᒡ ᐊᑲ ᐳᓂᔨᒐ ᐊ ᐊᔨᒧᒪᔨᒋ ᒋᓴᓴ ᑭᔭ ᒂ ᐱᔅᑎᓇᒡ᙮ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐅᒋ ᐛᐛᓯᐊᒡ ᐛᔅ ᒥᓯᐛ ᐊᓐᒡ ᐃᔪᒡ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭᔪᐤ ᐅᒋ ᑕᓐ ᑲ ᐃᔅᐱᔨᒡ᙮ ᓇᒪ ᐅᒋ ᐛᐛᓯᐊᐅᒡ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ᙮

ᐊᑈᔅᑕᓇᒡ 4:21 Iomraidhean Croise

ᒪᑎᔪᐤ 15:31

ᒋ ᒥᔅᑲᑕᔨᑎᒧᒡ ᒪᒃ ᐊᓐᒡ ᐃᔪᒡ ᐊ ᐛᐱᒪᒡ ᐊᓂᔭ ᐊᑲ ᓂᑕᐛᔨᒋ ᐊ ᐃᔨᒥᔨᒋ ᑭᔭ ᐊᓂᔭ ᑲ ᒪᔅᒋᓯᔨᒋ ᐊ ᒥᔪᓇᑯᓯᔨᒋ, ᑭᔭ ᐊᓂᔭ ᐊᑲ ᓂᑕᐅᑕᔨᒋ ᐊ ᐱᒧᑕᔨᒋ, ᑭᔭ ᐊᓂᔭ ᐊᑲ ᐛᐸᑎᒥᔨᒋ ᐊ ᐛᐸᑎᒥᔨᒋ᙮ ᐊᑯ ᒪᒃ ᑲ ᒪᒥᒋᒪᒡ ᒋᓴᒪᓂᑐᐛ ᐊᓂᔭ ᒍᐤ ᐃᔪᐛ ᒂ ᒪᒥᒋᒪᔨᒋ᙮

ᒪᑎᔪᐤ 21:46

ᒋ ᐎ ᒪᑯᓇᐅᒡ ᒪᒃ ᐊᓂᔭ ᒋᓴᓴ, ᒥᒄ ᒋ ᑯᔅᑕᐅᒡ ᐊᓂᔭ ᐃᔪᐛ ᑕᓐ ᒐ ᐃᑎᔨᒋ ᐛᔅ ᐊᓐᒡ ᐃᔪᒡ ᓇᔅᒡ ᒋ ᒐᔅᑎᓇᑕᔨᑎᒧᒡ ᒋᓴᓴ ᐊ ᒋᔅᒋᐛᐃᒐᓯᐅᔨᒋ᙮

ᒪᑎᔪᐤ 26:5

ᒋ ᐃᑕᐅᒡ ᒪᒃ, “ᓇᒪ ᐎ ᒪᒂᒡ ᐅ ᒥᑯᓴᓄᐅᒐ ᒋᑭ ᒋ ᒪᑯᓇᓄᐤ, ᐛᔅ ᒂᔄᓐ ᒋᑭ ᒥᔅᑎ ᒋᔄᓱᐅᒡ ᐃᔪᒡ ᒋᑭ ᒋ ᐃᓯᓇᑯᓐ ᒋᒋᐛ ᒐᒋ ᒥᒋᐱᔨᓇᓄᐅᒡ᙮”

ᒪᑎᔪᐤ 9:33

ᐃᔅᐱ ᒪᒃ ᒋᓴᔅ ᑲ ᐎᐎᑎᓴᐛᑦ ᐊᓂᔭ ᒥᒋ ᐊᒐᒂ, ᐊᑯ ᒂ ᐃᔨᒥᑦ ᐊᓐ ᓇᐸᐤ ᐊᑲ ᐅᒋ ᓂᑕᐛᑦ᙮ ᒥᓯᐛ ᒪᒃ ᐊᐛᓐᒋ ᒋ ᒥᔅᑲᑕᔨᑎᒧᒡ ᐅᔭ ᑲ ᐃᔅᐱᔨᒡ᙮ ᐊ ᐃᔅᒋᔄᒡ ᒪᒃ, “ᓇᒪ ᓂᑕ ᓂ ᐅᒋ ᐛᐸᑕᓇᓐ ᒪᒥᔅᑲᒡ ᒐᒂᓐ ᐊ ᐃᔅᐱᔨᒡ ᐅᑕ ᐃᔅᕋᐃᓕᒡ᙮”

ᒪᑎᔪᐤ 9:8

ᐃᔅᐱ ᒪᒃ ᐊᓐᒡ ᐃᔪᒡ ᐊᓐᑕ ᑲ ᑕᒡ ᒋ ᒥᔅᑲᑕᔭᔨᑎᒧᒡ ᐎᔭᐸᑕᒡ ᑕᓐ ᑲ ᐃᔅᐱᔨᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᒋ ᒥᔭᔨᒋ ᐃᔪᐛ ᐅᔭ ᐃᓯ ᑭᔅᒋᐅᓂᔪᐤ᙮

ᓗᒃ 13:17

ᐊᑯ ᒪᒃ ᒥᓯᐛ ᐊᓂᔭ ᑲ ᐊᓏᔨᒥᑯᑦ ᐊᒋ ᒥᓏᒋᐊᑦ ᐊᓂᔭ ᐃᔎᐛ ᒪᒂᒡ ᐊ ᐊᔭᒥᐊᐅᒋᓯᑲᔨᒡ ᓇᔅᒡ ᑕᑈ ᒋ ᓯᓴᒂᔨᒧᔪᐛ᙮ ᐊᑯ ᐊᓐᒡ ᑯᑎᑭᒡ ᐃᔪᒡ ᒋ ᒥᔽᔨᑎᒧᒡ ᒥᓯᐛ ᐊᓂᔭ ᑲ ᐃᓯ ᒪᒥᔅᑲᒡ ᐃᑐᑎᒥᔨᒋ ᒋᓴᓴ᙮

ᓗᒃ 20:19

ᐊᓐᒡ ᒪᒃ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑎᐛᒡ ᒋ ᐎ ᒪᑯᓇᐅᒡ ᒋᓴᓴ᙮ ᐛᔅ ᒋ ᒋᔅᒐᔨᒪᐅᒡ ᐎᔨᐛᐤ ᐊᒋ ᐊᔨᒧᒥᑯᒡ ᑲ ᐎᑎᒥᔨᒋ ᐊᓂᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒥᒄ ᒪᒃ ᓇᒪ ᐅᒋ ᒪᑯᓇᐅᒡ ᐊᒋ ᑯᔅᑕᒡ ᐊᓂᔭ ᐃᔪᐛ᙮

ᓗᒃ 20:6

ᒪᒃ ᐃᔅᒋᔄᔭᒂ, ‘ᓇᐸᐛ ᑲ ᐃᑎᓱᒥᑯᑦ ᐊᓂᔭ ᑲ ᐃᑎᑦ,’ ᐊᑯ ᐅᒡ ᐃᔪᒡ ᐅᑕ ᑲ ᑕᒡ ᒋᑭ ᓂᐸᐃᑯᓄᒡ ᐊ ᐸᐱᒧᓯᓇᑕᐅᑕᐧᑯᒡ᙮ ᐛᔅ ᓇᔅᒡ ᑕᑈᔭᔨᒪᐅᒡ ᒠᓇ ᐊᒋ ᐅᒋᔅᒋᐛᐃᒐᓱᔨᒋ᙮”

ᓗᒃ 22:2

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋᒧᑦ ᑲ ᐎ ᓇᓂᑐᐤ ᒥᔅᑲᒡ ᑕᓐᑕ ᒐᒋ ᐅᒋ ᓂᐸᐊᑭᓄᔨᒋ ᒋᓴᓴ, ᐛᔅ ᒋ ᑯᔅᑕᐅᒡ ᐃᔪᐛ ᒐᒋ ᐎᔭᔅ ᐃᑐᑕᑯᒡ ᒥᒄ ᐎ ᐃᓯ ᒪᑯᓇᑥᐛ ᐊᓂᔭ ᒋᓴᓴ᙮

ᓗᒃ 5:26

ᒥᓯᐛ ᒪᒃ ᐊᓐᒡ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ ᒋ ᒥᔅᑲᑕᔨᑎᒥᐃᑯᐅᒡ ᑭᔭ ᒋ ᓴᒋᓱᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᑕᑈ ᒪᒥᔅᑲᒡ ᒋ ᐊᑎ ᐃᓯ ᐛᐸᑕᓇᓄᐤ ᒐᒂᓐ ᐊᓄᒡ ᐊ ᐃᔅᐱᔨᒡ᙮”

ᐊᑈᔅᑕᓇᒡ 4:17

ᐊᑯ ᒪᒃ ᒐᒋ ᓂᑲᓂᒪᐧᒄ ᐊᑲ ᐊᑐᐎᔅ ᒐᒋ ᒥᓯᑕᐱᔨᒡ ᐊᓐᑕ ᐃᔪᒡ ᐊ ᑕᒡ ᐊᓂᔭᔪᐤ ᐊ ᐃᓯ ᐊᔨᒧᒪᑭᓄᐅᑦ ᒋᓴᔅ᙮ ᒋᑕᐊᒧᐛᑕᐅᓐᒋ ᐅᒡ ᓇᐸᐅᒡ ᒐ ᐊᑲ ᓂᑕ ᒥᓐ ᒋ ᐊᔨᒧᒪᒡ ᒋᓴᓴ᙮”

ᐊᑈᔅᑕᓇᒡ 4:22

ᐊᓐ ᒪᒃ ᓇᐸᐤ ᑲ ᒪᒥᔅᑲᒡ ᒥᓏᒋᐊᑭᓄᐅᑦ, ᐅᔅᑕ ᓇᐎᔪᐤ ᒋ ᐃᑕᑐᐳᓇᓱᐤ᙮

ᐊᑈᔅᑕᓇᒡ 5:13

ᑯᑎᑭᒡ ᒪᒃ ᐊᐛᓐᒋ ᒋ ᓴᒋᓱᐅᒡ ᒐᒋ ᐎᒐᐛᒡ ᒥᒄ ᒪᒃ ᐃᔭᐱᒡ ᓇᔅᒡ ᒋ ᒋᔅᑕᔨᒪᐅᒡ᙮

ᐊᑈᔅᑕᓇᒡ 5:26

ᐊᑯ ᒪᒃ ᐊᓐ ᐊᓯᒪᑭᓂᓴ ᑲ ᐅᒋᒪᐅᑦ, ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᒂ ᓂᑐᐛᐱᒪᒡ ᐊᓂᔭᔪᐛ ᐊᑈᔅᑕᓇ ᒂ ᐸᓱᐛᒡ ᒥᓐ ᐊᓐᑕ ᑲ ᒪᒧᐎᓇᓄᐎᒡ᙮ ᒋᔭᒻ ᒋ ᐃᑐᑕᐊᐅᒡ ᐊᓐᑕ ᐊᓂᔭᔪᐛ ᐊᑈᔅᑕᓇ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᒐᒋ ᓂᐸᐃᑯᒡ ᐊ ᐱᐳᒧᓯᓇᑕᐅᑯᒡ᙮

ᐊᑈᔅᑕᓇᒡ 5:40

ᐊᓐᒡ ᒪᒃ ᓇᐸᐅᒡ ᑲ ᒪᒧᐎᒡ ᒋ ᑕᑈᑐᐛᐅᒡ ᐊᓂᔭᔪᐛ ᑲᒪᓕᔭᓚ ᐅᔭ ᑲ ᐃᔅᒋᔄᔨᒋ᙮ ᐊᑯ ᒂ ᐎᓴᒪᒡ ᐊᓂᔭᔪᐛ ᐊᑈᔅᑕᓇ, ᐊᑯ ᒂ ᐃᔅᒋᔄᒡ ᒐᒋ ᐸᐱᓯᔅᑕᐛᑭᓄᔨᒋ, ᑭᔭ ᒋ ᐃᑎᓱᒪᐅᒡ ᐊᑲ ᒥᓐ ᓂᑕ ᒐᒋ ᐛᐎᑎᒥᔨᒋ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ, ᐊᑯ ᒂ ᐱᔅᑎᓇᒡ᙮