ᐊᑈᔅᑕᓇᒡ 4:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᒪᒃ ᒐᒋ ᓂᑲᓂᒪᐧᒄ ᐊᑲ ᐊᑐᐎᔅ ᒐᒋ ᒥᓯᑕᐱᔨᒡ ᐊᓐᑕ ᐃᔪᒡ ᐊ ᑕᒡ ᐊᓂᔭᔪᐤ ᐊ ᐃᓯ ᐊᔨᒧᒪᑭᓄᐅᑦ ᒋᓴᔅ᙮ ᒋᑕᐊᒧᐛᑕᐅᓐᒋ ᐅᒡ ᓇᐸᐅᒡ ᒐ ᐊᑲ ᓂᑕ ᒥᓐ ᒋ ᐊᔨᒧᒪᒡ ᒋᓴᓴ᙮”

ᐊᑈᔅᑕᓇᒡ 4:17 Iomraidhean Croise

ᒪᑎᔪᐤ 27:64

ᐃᑎᓱᐛ ᒪ ᐃᔭᒂ ᒐᒋ ᓂᓇᑭᑐᐛᔨᑕᑭᓄᐅᒡ ᐊᓐ ᒋᐱᐃᒋᐛᑉ ᐸᑐᔅ ᒋ ᓂᔅᑐᒋᓯᑲᒐ᙮ ᐛᔅ ᒋᑭ ᒋ ᐸᒋ ᒋᒧᑎᔪᐛ ᐅᒋᔅᒋᓄᐊᒧᐛᑭᓇ ᐊᓂᔭ ᐎᔪᐤ ᒐᒋ ᑭᑭᒋᔭᒪᔨᒋ ᐊᐛᔪᐛ ᐊ ᐃᑕᒡ ᐊᒋ ᐅᓂᔅᑲᔨᒋ ᓂᐳᐅᓂᒡ ᐅᒡ᙮ ᐊᑯ ᐊᓐ ᑭᑭᒋᔭᐅᓐ ᐅᔅᑕ ᓇᒪ ᒋᑭ ᐅᒋ ᒋᐧᑲᐛᑕᑯᓐ ᐃᔅᐱᔅ ᐊᓐ ᓂᔅᑎᒻ ᑭᑭᒋᔭᐅᓐ᙮”

ᒪᑎᔪᐤ 9:30

ᒋ ᒥᓏᒋᐊᑭᓄᐅᒡ ᒪᒃ ᐊᑯ ᒂ ᐛᐸᑕᒡ᙮ ᐊᑯ ᒋᓴᔅ ᐊᑎᓱᒪᑦ ᒐ ᐊᑲ ᐎᑎᒧᐛᔨᒋ ᐊᐛᔪᐛ᙮

ᒠᓐ 15:21

ᒥᓯᐛ ᐅ ᑲ ᐃᓯ ᐊᔨᒧᑎᒪᑎᑯᒡ ᒐ ᐃᑐᑕᑕᑯᒡ ᓂᔾ ᐊᓂᔭᔪᐤ ᒐ ᐅᒋ ᐃᑐᑕᑕᑯᒡ ᐛᔅ ᑕᐸ ᐅᒋ ᒋᔅᒐᔨᒪᐅᒡ ᐊᓂᔭ ᑲ ᐸᒋ ᐃᑎᓴᐅᔨᒋ᙮

ᐊᑈᔅᑕᓇᒡ 4:21

ᐊᑯ ᒪᒃ ᐊᓐᒡ ᐊᓐᑕ ᑲ ᒪᒧᐎᒡ, ᒂ ᐃᑕᒡ ᒐ ᐛᓯᐊᒡ ᐊᑲ ᐳᓂᔨᒐ ᐊ ᐊᔨᒧᒪᔨᒋ ᒋᓴᓴ ᑭᔭ ᒂ ᐱᔅᑎᓇᒡ᙮ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐅᒋ ᐛᐛᓯᐊᒡ ᐛᔅ ᒥᓯᐛ ᐊᓐᒡ ᐃᔪᒡ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭᔪᐤ ᐅᒋ ᑕᓐ ᑲ ᐃᔅᐱᔨᒡ᙮ ᓇᒪ ᐅᒋ ᐛᐛᓯᐊᐅᒡ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ᙮

ᐊᑈᔅᑕᓇᒡ 5:24

ᐃᔅᐱ ᒪᒃ ᐊᓐ ᑲ ᐅᒋᒪᐅᑦ ᐊᓂᔭᔪᐤ ᐊᓯᒪᑭᓂᓴ ᐊᓂᔭᔪᐤ ᒋᓴᐊᔭᒥᐊᐅᒋᐛᐱᔪᐤ ᑲ ᓂᓇᑭᑐᐛᔨᑎᒥᔨᒋ, ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᐱᔭᑕᒡ ᐅᔭ, ᒋ ᒥᔅᑲᑕᔨᑎᒥᐃᑯᐅᒡ ᑕᓐ ᑲ ᐃᔅᐱᔨᒋ ᐅᔭ ᐊᑈᔅᑕᓇ᙮

ᐊᑈᔅᑕᓇᒡ 5:28

“ᔅᒋ ᐃᑎᑎᓇᓐ ᔭᐃᑕᔾ ᒐ ᐊᑲ ᒥᓐ ᒋ ᒋᔅᑯᑎᒪᒐᔭᒄ ᒋᓴᔅ ᐅᑦ ᐃᓯᓂᐧᑲᓱᐅᓐ᙮ ᑕᓐ ᑲ ᐃᑎᔭᒄ ᒪᒃ᙮ ᒥᓯᐛ ᐊᓐᑕ ᒋᕈᓯᓕᒥᒡ ᔅᒋ ᐃᓯ ᒋᔅᑯᑎᒪᒐᓇᐛᐤ, ᑭᔭ ᒋ ᐎ ᐃᑐᑐᐅᓇᓐ ᓂᔭᓐ ᒐᒋ ᐊᑕᒪᔨᒥᑯᐅᔭᒡ ᒋᓴᔅ ᑲ ᓂᐸᐊᑭᓄᐅᑦ᙮”

ᐃᐱᓯᔭᓇ 6:9

ᒋᔨᐛᐤ ᑭᔭ ᑲ ᐅᒋᒪᐎᔭᒄ, ᒥᔪᑐᑐᐛᐧᑯᒡ ᒋᑦ ᐊᐱᒋᐊᑭᓄᐛᐅᒡ᙮ ᐊᑲᐎᔾ ᓯᓴᒋᐊᐧᑯᒡ᙮ ᐛᔅ ᒋ ᒋᔅᒐᔨᑕᓇᐛᐤ ᐊ ᐸᐃᑯᓯᑦ ᒋᐅᒋᒪᒧᐛᐤ᙮ ᐊᐅᒄ ᐅ ᐅᑎᐸᔨᒋᒐᐤ ᒋᒋᒋᓯᑯᒡ ᐊ ᑕᑦ᙮ ᒥᓯᐛ ᒪᒃ ᐊᐛᔪᐛ ᐸᐃᑯᑕᐤ ᐃᑕᔨᒪᐤ, ᓇᒪ ᐃᐛᒃ ᒥᔪᑐᑐᐛᐤ ᐊᐛᔪᐛ ᑲ ᐅᒋᒪᐎᔨᒋ᙮

1 ᑕᓴᓗᓂᔭᓇ 1:8

ᐊᓐ ᒪᒃ ᑲ ᐛᐎᑎᒪᒄ ᐅᑎᐸᔨᒋᒐᐤ ᐅᒥᔽᒋᒧᐅᓐ ᓇᒪ ᒥᒄ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᒋ ᐅᒋ ᐸᑕᑯᑕᓇᐛᐤ, ᒥᓯᑕ ᒋ ᐸᑕᑯᓐ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᓇᒪ ᒪᒃ ᓂᑐᐛᔨᑕᑯᓐ ᒐᒋ ᐊᔨᒧᑎᒧᐅᒋᒡ ᐊᐛᓐᒋ ᐛᔅ ᓴᔅ ᒋᔅᒐᔨᑎᒧᒡ᙮

1 ᐱᑕᕐ 2:23

ᑲ ᒪᔭᔨᒪᑭᓄᐅᑦ ᓇᒪ ᔭᐃᑕᔾ ᐅᒋ ᒪᔭᔨᒐᐤ ᑕᓐ ᑲ ᐃᓯ ᒪᔭᔨᒪᑭᓄᐅᑦ᙮ ᑲ ᓂᓇᐧᑲᒋᐊᑭᓄᐅᑦ ᓇᒪ ᐅᒋ ᐎ ᓯᓴᒋᒧᐛᐤ ᐊ ᐊᔨᒧᑕᐧᒃ ᑕᓐ ᒐᒋ ᐃᓯ ᐃᔪᐛᐃᔨᒧᑦ᙮ ᐅᔅᑕ ᓇᔅᒡ ᒋ ᐊᔅᐸᔨᒧᑐᑕᐛᐤ ᐊᓂᔭ ᑲ ᒐᔅᑎᓇᑕᔨᑕᑯᓯᔨᒋ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓂᒐᔨᒋ᙮