ᐊᑈᔅᑕᓇᒡ 4:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᔅᒄ ᒪᒃ ᒪᒂᒡ ᐊ ᐃᔨᒪᐊᒡ ᐊᓂᔭᔪᐛ ᐃᔪᐛ, ᐱᑕᕐ ᑭᔭ ᒠᓐ ᒋ ᐸᒋ ᓇᑎᑯᐅᒡ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐅᒋᒪᒧᐛᐛ ᐊᓐᒡ ᐊᓯᒪᑭᓂᓯᒡ ᑲ ᓂᓇᑭᑐᐛᔨᑕᒡ ᒋᓴᐊᔭᒥᐊᐅᒋᐛᐱᔪᐤ, ᑭᔭ ᐊᓂᔭᔪᐛ ᓴᑎᔪᓯᐊ᙮

ᐊᑈᔅᑕᓇᒡ 4:1 Iomraidhean Croise

ᒪᑎᔪᐤ 16:12

ᐊᑯ ᒂ ᐅᒋ ᓂᔅᑐᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ᐊᑲ ᐅᐱᔨᒋ ᐃᔭᔨᒧᑎᒥᔨᒋ, ᐊᓂᔭ ᐃᔭᒄ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐊᓂᔭ ᐸᕆᓯᐊ ᑭᔭ ᓴᑎᔪᓯᐊ ᐊᔪᐅᒄ ᐊᓂᔭ ᑲ ᐃᔭᒂᒥᒪᑭᓄᐎᒡ᙮

ᒪᑎᔪᐤ 22:16

ᒋ ᐃᑎᓴᐛᐅᒡ ᒪᒃ ᐅᒋᔅᒋᓄᐊᒧᐛᑭᓄᐛᐛ ᑭᔭ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᓐᑕ ᒋᓴᓴ ᐊ ᑕᔨᒋ᙮ ᐊᑯ ᐊ ᑕᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᑕᑈ ᐊ ᑕᑈᒥᑲᒡ ᑕᓐ ᐊ ᐃᓯ ᒋᔅᑯᑎᒪᒐᔨᓐ ᑭᔭ ᒥᓯᐛ ᐸᐃᑯᓄᒡ ᐊ ᐃᓯ ᒋᔅᑯᑎᒧᐅᑥᐤ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᓇᒪ ᓇᔅᒡ ᒐᒂᓐ ᒋᑦ ᐃᑕᔨᑎᒥᐃᑯᓐ ᑕᓐ ᒐ ᐊᑎ ᐃᑕᔨᑎᒥᐃᑯᒡ ᐊᐛᓐᒋ ᑕᓐ ᐊ ᐃᓯ ᒋᔅᑯᑎᒪᒐᐅᑦ, ᑭᔭ ᒥᓯᐛ ᐸᐃᑯᓄᒡ ᒋᑦ ᐃᑕᔨᒪᐅᒡ ᐊᐛᓐᒋ᙮

ᒪᑎᔪᐤ 27:20

ᐊᓐᒡ ᒪᒃ ᑲ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᒋ ᓴᐧᑯᒋᒪᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᒐᒋ ᑯᒂᒋᒪᔨᒋ ᑈᓚᑕ ᐸᕋᐸᓴ ᒐᒋ ᐱᔅᑎᓇᔨᒋ ᐊᑯ ᒋᓴᓴ ᒐᒋ ᓂᐸᐊᑭᓄᔨᒋ᙮

ᒪᑎᔪᐤ 27:41

ᐊᐅᑯᓐ ᑭᔭ ᑲ ᐃᓯ ᒪᔭᔨᒪᒡ ᐊᓐᒡ ᑲ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ᙮ ᒋ ᐃᔅᒋᔄᐅᒡ,

ᒪᑎᔪᐤ 3:7

ᐃᔅᐱ ᒪᒃ ᒠᓐ ᐎᔭᐱᒪᑦ ᒥᒐᑦ ᐸᕆᓯᐊ ᑭᔭ ᓴᑎᔪᓯᐊ ᐊ ᐸᒋ ᑎᑯᓯᓂᔨᒋ ᒐᒋ ᓯᑲᐃᑐᐛᑭᓄᔨᒋ, ᒋ ᐃᑕᐤ, “ᒧᔭᒻ ᑕᑈ ᒋᓇᐱᑯᒡ ᒂ ᐃᑕᔨᑕᑯᓯᔭᒄ᙮ ᐊᐛᓐ ᑲ ᐃᑎᑕᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ?

ᓗᒃ 20:1

ᐸᐃᒂᐤ ᒋᓴᔅ ᐊ ᒋᔅᒋᓄᐊᒧᐛᑦ ᐊᓂᔭᔪᐛ ᐃᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᒋ ᐸᒋ ᓂᑐᐛᐱᒥᑯᐤ,

ᓗᒃ 22:4

ᒍᑎᔅ ᒪᒃ ᒋ ᓂᑭᑕᐤ ᒋᓴᓴ ᐊᑯ ᒂ ᓂᑐᐛᐱᒪᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᑲ ᓂᓇᑭᑐᐛᐸᑎᒥᔨᒋ ᒍᐤ ᒋᓴᐊᔭᒥᐊᐅᒋᐛᐱᔪᐤ ᒂ ᐊᔨᒧᑎᒧᐛᑦ ᑕᓐᑕ ᒐᒋ ᐅᒋ ᐎᔭᓯᐱᔅᑎᓂᒧᐛᑦ ᒋᓴᓴ᙮

ᒠᓐ 15:20

ᒐ ᒋᔅᒋᓯᔭᒄ ᑕᓐ ᑲ ᐃᑎᑎᑯᒡ, ‘ᓇᒪ ᑕᐤ ᐊᐱᒋᐊᑭᓐ ᐃᐛᒃ ᐊ ᐅᒋᒪᐛᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮’ ᒧᔭᒻ ᑲ ᓂᓇᐧᑲᒋᐃᐛᒂ ᑭᔭ ᒋᔨᐛᐤ ᒋᑭ ᓂᓇᐧᑲᒋᐃᑯᐛᐅᒡ᙮ ᑲ ᓂᓇᐃᑎᒧᐛᒂ ᑕᓐ ᑲ ᐃᓯ ᐊᔨᒧᑎᒧᐅᒂᐤ ᒋᑭ ᓂᓇᐃᑎᒧᒡ ᑭᔭ ᒋᔨᐛᐤ ᑕᓐ ᒐ ᐃᓯ ᐊᔨᒧᑎᒧᐛᑯᒡ᙮

ᒠᓐ 18:3

ᒍᑎᔅ ᒪᒃ ᒋ ᐃᑐᑕᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ᐎᒐᐅᑯᑦ ᕈᒻ ᐊᓯᒪᑭᓂᓴ ᑭᔭ ᐊᓂᔭᔪᐛ ᑲᒪᑯᓄᐛᓯᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᐊᑐᔅᒐᔨᒋ᙮ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᒋ ᐃᑎᓴᐅᑯᒡ ᒐᒋ ᓇᓂᑐᐛᐱᒪᒡ ᒋᓴᓴ᙮ ᒋ ᐸᒋ ᑕᐧᑯᓇᐅᒡ ᒪᒃ ᐛᔅᑕᓂᐱᒪᑭᓇ ᑭᔭ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᓂᑐᐱᔪᐅ-ᒧᐧᑯᒪᓇ᙮

ᐊᑈᔅᑕᓇᒡ 4:6

ᒋᓴᐊᔭᒥᐊᐅᒋᒪᐛ ᐊᓇᔅ ᑲ ᐃᓯᓂᐧᑲᓱᔨᒋ ᒋ ᓂᒋᔅᑯᐛᐅᒡ ᑭᔭ ᐊᓂᔭ ᑲᔭᐸᓴ, ᒠᓇ, ᑭᔭ ᐊᓕᒃᓴᓐᑕᕋ ᑭᔭ ᒥᒄ ᐊ ᐸᐃᑯᔅᑲᓇᓯᔨᒋ ᒋᓴᐊᔭᒥᐊᐅᒋᒪᐛ᙮

ᐊᑈᔅᑕᓇᒡ 5:17

ᐊᑯ ᐊᓐ ᒋᓴᐊᔭᒥᐊᐅᒋᒪᐤ, ᑭᔭ ᒥᓯᐛ ᐊᓂᔭᔪᐛ ᑲ ᐎᒋᐃᑯᑦ ᐊᓂᔭᔪᐛ ᓴᑎᔪᓯ ᑲ ᐃᓯᓂᐧᑲᑕᑭᓄᔨᒋ ᒋ ᐅᑕᔨᒪᐅᒡ ᐊᓂᔭᔪᐤ ᐊᑈᔅᑕᓇ ᐊᑯ ᑲ ᓇᓂᑐᐤ ᒥᔅᑲᒡ ᑕᓐᑕ ᒐᒋ ᐅᒋ ᒋᐱᒋᐊᒡ᙮

ᐊᑈᔅᑕᓇᒡ 5:24

ᐃᔅᐱ ᒪᒃ ᐊᓐ ᑲ ᐅᒋᒪᐅᑦ ᐊᓂᔭᔪᐤ ᐊᓯᒪᑭᓂᓴ ᐊᓂᔭᔪᐤ ᒋᓴᐊᔭᒥᐊᐅᒋᐛᐱᔪᐤ ᑲ ᓂᓇᑭᑐᐛᔨᑎᒥᔨᒋ, ᑭᔭ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᐱᔭᑕᒡ ᐅᔭ, ᒋ ᒥᔅᑲᑕᔨᑎᒥᐃᑯᐅᒡ ᑕᓐ ᑲ ᐃᔅᐱᔨᒋ ᐅᔭ ᐊᑈᔅᑕᓇ᙮

ᐊᑈᔅᑕᓇᒡ 5:26

ᐊᑯ ᒪᒃ ᐊᓐ ᐊᓯᒪᑭᓂᓴ ᑲ ᐅᒋᒪᐅᑦ, ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᒂ ᓂᑐᐛᐱᒪᒡ ᐊᓂᔭᔪᐛ ᐊᑈᔅᑕᓇ ᒂ ᐸᓱᐛᒡ ᒥᓐ ᐊᓐᑕ ᑲ ᒪᒧᐎᓇᓄᐎᒡ᙮ ᒋᔭᒻ ᒋ ᐃᑐᑕᐊᐅᒡ ᐊᓐᑕ ᐊᓂᔭᔪᐛ ᐊᑈᔅᑕᓇ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᒐᒋ ᓂᐸᐃᑯᒡ ᐊ ᐱᐳᒧᓯᓇᑕᐅᑯᒡ᙮

ᐊᑈᔅᑕᓇᒡ 6:12

ᐅᔭ ᒪᒃ ᐊᒋ ᐃᑎᒡ ᒋ ᐃᑐᑐᐛᐅᒡ ᐊᓂᔭᔪᐛ ᑲ ᓂᑲᓂᐱᔨᒋ ᑭᔭ ᑲ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐃᔪᐛ ᒐᒋ ᒋᔄᐃᑯᒡ ᐊᓂᔭ ᔅᑎᐱᓇ᙮ ᐊᓐᒡ ᒪᒃ ᑲ ᓂᑲᓂᐱᒡ ᒋ ᐃᑎᓱᐛᐅᒡ ᒐᒋ ᒪᑯᓇᑭᓄᔨᒋ ᔅᑎᐱᓇ ᑭᔭ ᒐᒋ ᐃᑐᑕᐊᑭᓄᔨᒋ ᐊᓐᑕ ᐊ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ᙮

ᐊᑈᔅᑕᓇᒡ 6:7

ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒋ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ᑕᑈᑎᒧᒡ ᑭᔭ ᒋ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮