ᐊᑈᔅᑕᓇᒡ 3:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᑭᔭ ᒋᑭ ᐸᒋ ᐃᑎᓴᐛᐤ ᒋᓴᔅ ᙭ᑕ, ᐊᓂᔭᔪᐛ ᓴᔅ ᑲ ᐅᑎᓇᑦ ᒐ ᐃᑎᓴᐊᒪᑕᒄ᙮

ᐊᑈᔅᑕᓇᒡ 3:20 Iomraidhean Croise

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 24:3

ᒪᒂᒡ ᒪᒃ ᒋᓴᔅ ᐊ ᐊᐱᑦ ᐊᓐᑕ ᐊ ᐃᔅᐸᑕᐅᐧᑲᔨᒡ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ᐃᓯᓂᐧᑲᑕᔨᒡ, ᐃᔅᐱ ᐊᑲ ᑕᔨᒋ ᐊᓂᔭ ᐃᔪᐛ, ᒋ ᐸᒋ ᓂᑐᐛᐱᒥᑯᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑎᑯᑦ, “ᐸᒋ ᐎᑎᒧᐅᓇᓐ ᒪ, ᑕᐃᔅᐱ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᑕᓐᑕ ᒐ ᐅᒋ ᒋᔅᒐᔨᑎᒪᒡ ᐅᑎᒋᐱᔨᒐ ᒥᓐ ᒐ ᑎᑯᓯᓂᔨᓐ ? ᐊᑯ ᒪᒃ ᑕᓐᑕ ᒐ ᐅᒋ ᒋᔅᒐᔨᑎᒪᒡ ᒐ ᐃᔎᐱᔨᒡ ᐊᔅᒋᔾ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:26

“ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᓗᒃ 19:11

ᐊᔭᔅᒃ ᒪᒃ ᒋ ᐊᑎ ᐸᓱᐛᐸᑎᒧᒡ ᒋᕈᓯᓕᒥᔪᐤ ᐊᓐᒡ ᐃᔪᒡ ᐊ ᓇᓴᐛᒡ ᒋᓴᓴ᙮ ᐊᓂᔭ ᒪᒃ ᑕᓐ ᑲ ᐃᓯ ᐛᐎᑎᒪᑯᒡ ᒋᓴᓴ ᒋ ᐃᑕᔨᑎᒧᒡ ᑕᑈ ᓴᔅ ᑎᐛᒡ ᒐ ᓄᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᐊᑯ ᒪᒃ ᒋᓴᔅ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᑲ ᐎᑎᒧᐛᑦ ᒪᒂᒡ ᐊ ᐊᑎ ᐱᒧᑕᒡ᙮ ᒋ ᐃᔅᒋᔄᐤ ᒪᒃ,

ᓗᒃ 21:27

ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᐊᑈᔅᑕᓇᒡ 17:31

ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

ᐊᑈᔅᑕᓇᒡ 3:21

ᐊᑯᑕ ᒪᒃ ᐊᓐᑕ ᒋᒋᒋᓯᑯᒡ ᒐ ᑕᑦ ᐸᑐᔅ ᒥᓯᐛ ᒐᒂᔪᐤ ᐅᔅᒋᑕᑭᓄᔨᒐ ᐊᓂᔭᔪᐤ ᑕᓐ ᑲ ᐃᓯ ᓂᑲᓐ ᐎᑕᒡ ᒐ ᐃᔅᐱᔨᒡ ᐊᓂᔭᐧᑲ ᐛᔅᑭᒡ ᑲ ᐸᔭᒋᓯᒡ ᐅᒋᔅᒋᐛᐃᒐᓱᒡ᙮

2 ᑕᓴᓗᓂᔭᓇ 2:2

ᒐ ᐊᑲ ᒋ ᐎᔭᓯᐃᑕᑯᒡ ᐊᐛᓐᒋ ᐊ ᐃᔅᒋᔄᒡ ᓴᔅ ᐊ ᐅᑎᒋᐱᔨᒡ ᐅᑎᐸᔨᒋᒐᐛ ᒐ ᑎᑯᓯᓂᔨᒋ᙮ ᐊᑲᐎᔾ ᑕᑈᑎᒧᒄ ᐊᑎ ᐃᔅᒋᔄᒐ ᐊᐛᓐ ᒋᓴᒪᓂᑐᐛ ᐊᒋ ᒋᔅᒐᔨᑎᒥᐃᑯᑦ ᐅᔭ, ᒪᒃ ᐃᔅᒋᔄᒐ ᐊᐛᓐ ᓂᔭᓐ ᐊᒋ ᐎᑎᒧᐅᒋᒡ ᐅᔭ ᒪᒃ ᐃᔅᒋᔄᒐ ᐊᒋ ᐃᔨᒥᑕᒡ ᒥᓯᓇᐃᑭᓂᔪᐤ ᓂᔭᓐ ᐊᒋ ᒥᓯᓇᐃᒐᐅᒋᒡ ᐅᔭ ᐊ ᐊᔨᒧᑎᒧᒋᒡ᙮

2 ᑕᓴᓗᓂᔭᓇ 2:8

ᐊᑯ ᒪᒃ ᒐ ᓄᑯᐊᑭᓄᐅᑦ ᐊᐛᓐ ᒋᒋᐛ ᐊ ᐊᐎᔨᑦ ᐊᓐ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ᙮ ᒥᒄ ᒪᒃ ᐃᔅᐱ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᐎᔾ ᒋᑭ ᓂᐸᐊᐤ ᐅᔭᔭᐅᓐ ᐊ ᐊᐱᒋᑕᑦ᙮ ᓇᔅᒡ ᒋᑭ ᓂᓱᐅᓇᒋᐊᐤ ᐃᔅᐱ ᑎᑯᓯᒐ ᐅᒋᔅᑕᔨᑕᑯᓱᐅᓂᒡ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

ᒋᔅᒐᔨᑕᑯᑕᒐᐅᓐ 1:7

ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮