ᐊᑈᔅᑕᓇᒡ 3:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

ᐊᑈᔅᑕᓇᒡ 3:19 Iomraidhean Croise

ᑎᐱᑦ ᐅᓂᑭᒧᐅᓇ 103:12

ᐊᔅᐱᔅ ᔭᐅᓇᒂᒡ ᐛᐱᓄᑕᒡ ᐊᑎᒪᐱᓯᒧᒡ ᐅᒡ, ᐊᑯ ᐊᔅᐱᔅ ᑲᒋ ᐃᒐᓂᒪᑕᐧᒄ ᒋᐅᓂᑐᑎᒧᐅᓄᐛ᙮

ᑎᐱᑦ ᐅᓂᑭᒧᐅᓇ 51:13

ᐊᑯ ᒐ ᒋᔅᑯᑎᒧᐅᒂᐤ ᐅᓂᑐᑎᒧᐅᒡ ᒋᑦ ᐃᓯᑥᐅᓇ; ᐅᒥᒋᑥᐅᒡ ᒪᒃ ᒋᑭ ᒂᔅᑲᑎᓯᔅᑕᑯᒡ᙮

ᑎᐱᑦ ᐅᓂᑭᒧᐅᓇ 51:9

ᐊᑲ ᑭᓄᐛᐸᑕ ᓂᒥᒋᑐᑎᒧᐅᓇ, ᑲᓯᐊ ᒪᒃ ᒥᓯᐛ ᓂᒥᒐᑎᓯᐅᓇ᙮

ᒪᑎᔪᐤ 13:15

ᐛᔅ ᓇᒪ ᐎ ᒪᒥᑐᓇᔨᑎᒥᐃᑯᐅᒡ ᑭᔭ ᓇᒪ ᐎ ᓂᑐᑎᒧᒡ ᑭᔭ ᓇᒪ ᐎ ᓂᔅᑐᑎᒧᒡ ᑭᔭ ᓇᒪ ᐎ ᐛᐸᑎᒧᒡ᙮ ᐊᑲ ᒪᒃ ᐅᒋ ᐃᑎᒡ ᐅᔭ ᒋᐸ ᐛᐸᑎᒧᒡ, ᒋᐸ ᐸᑎᒧᒡ ᑭᔭ ᒋᐸ ᓂᔅᑐᑎᒧᒡ, ᑭᔭ ᓂᐸ ᐸᒋ ᓂᑐᐛᐱᒥᑯᒡ, ᒋ ᐃᑕᐤ ᒋᓴᒪᓂᑐᐤ ᑭᔭ ᓂᐸ ᒥᓏᒋᐊᐅᒡ᙮”

ᒪᑎᔪᐤ 18:3

ᐊᑯ ᒂ ᐃᔅᒋᔄᑦ, “ᑕᑈ ᒋ ᐎᑎᒪᑎᓇᐛᐤ, ᒧᔭᒻ ᐊᑲ ᒂᔅᑲᑎᓯᔭᒂ ᐊᑲ ᐃᑕᔨᑕᑯᓯᔭᒂ ᒧᔭᒻ ᐊᐛᔅ ᐊ ᐃᑕᔨᑕᑯᓯᑦ, ᓇᒪ ᓂᑕ ᒋᑭ ᒋ ᐱᒐᓇᐛᐤ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᓗᒃ 1:16

ᒥᒐᑦ ᒪᒃ ᐃᔅᕋᐃᓪ ᐃᔪᐛ ᒋᑭ ᐃᑐᑐᐛᐤ ᒐᒋ ᒂᔅᑲᑎᓯᔨᒋ, ᑲᐤ ᒐᒋ ᓂᓇᐃᑐᐛᔨᒋ ᐅᑎᐸᔨᒋᒐᐛ, ᐅᒋᓴᒪᓂᑐᒥᔪᐛ᙮

ᓗᒃ 22:57

ᐱᑕᕐ ᒪᒃ ᒋ ᐃᑕᐤ ᐊ ᑭᑭᒋᔭᑦ, “ᓇᒪ ᒋ ᑕᑈᓐ᙮ ᓇᒪ ᓂ ᒋᔅᒐᔨᒪᐤ ᐊᓐ ᓇᐸᐤ᙮”

ᐊᑈᔅᑕᓇᒡ 1:6

ᐊᑯ ᒪᒃ ᒥᓐ ᐸᐃᒂᐤ ᐊ ᒪᒧᐎᒡ ᐊᓐᒡ ᐊᑈᔅᑕᓇᒡ ᒋ ᑯᒂᒋᒪᐅᒡ ᒋᓴᓴ ᐊ ᐃᑕᒡ, “ᐅᑎᐸᔨᒋᒐᐤ, ᓴᔅ ᐊ ᐅᑎᒋᐱᔪᐤ ᒐ ᒥᔨᑥᐤ ᒍᐤ ᐃᔪᒡ ᐎᔨᐛᐤ ᒥᓐ ᒐᒋ ᐱᒥᐱᔨᑥᓱᒡ ᒥᓯᐛ ᒐᒂᔪᐤ ᐊᓐᑕ ᐅᑦ ᐊᔅᒋᐛᒡ ?”

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 11:21

ᒋ ᒥᔭᑭᓄᐎᒡ ᒪᒃ ᐅᑎᐸᔨᒋᒐᐛ ᐅᓱᐧᑲᑎᓯᐅᓂᔪᐤ, ᒥᒐᑦ ᒪᒃ ᐊᐛᓐᒋ ᒋ ᑕᑈᔭᔨᒪᐅᒡ ᑭᔭ ᒋ ᓇᓴᐛᐅᒡ ᐅᑎᐸᔨᒋᒐᐤ᙮

ᐊᑈᔅᑕᓇᒡ 15:3

ᐊᑯ ᒂ ᐃᑐᑕᒡ ᐊᓐᑕ ᑲ ᐃᑎᓴᐅᑯᒡ ᐊᓂᔭ ᐅᒪᒧᐊᔭᒥᐊᐛ᙮ ᐳᓂᓯᔭ ᑭᔭ ᓴᒪᕆᔭ ᒋ ᓴᐳᐛᔅᑭᒧᒡ ᐊ ᐛᐎᑎᒧᐛᒡ ᐊᓂᔭ ᐅᒪᒧᐊᔭᒥᐊᐤ ᐊᓐᑕ ᑲ ᑕᔨᒋ ᐊ ᑕᑈᔭᔨᒪᔨᒋ ᒋᓴᓴ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᓂᔭᔪᐛ ᐎᐧᑲᓂᓯᒪᐛ ᐃᔅᐱ ᐱᔭᑎᒥᔨᒋ ᐅᔭ᙮

ᐊᑈᔅᑕᓇᒡ 17:26

ᐸᐃᒄ ᓇᐸᐛ ᐅᒋ ᐊ ᑕᔨᒋ ᒋ ᐅᒋ ᐅᓯᐊᐤ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓂᓇᐧᑯᐤ ᒐᒋ ᐃᓯ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮ ᓂᑲᓐ ᒪᒃ ᒋ ᐎᔭᔨᑎᒧᐛᐤ ᑕᐃᔅᐱ ᒐ ᑕᔨᒋ ᐊᓐᑕ ᑭᔭ ᑕᓐ ᒐ ᐃᔅᑯᓯᓇᑕᔨᒡ ᐊᔅᒋᔪᐤ ᐊᓐᑕ ᒐ ᑕᔨᒋ᙮

ᐊᑈᔅᑕᓇᒡ 2:38

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 28:27

ᐛᔅ ᐊᓐᒡ ᐅᒡ ᐃᔪᒡ ᓇᔅᒡ ᑕᑈ ᓯᐱᑎᒧᒡ, ᓇᒪ ᐎ ᑕᑈᑎᒧᒡ, ᒧᔭᒻ ᐊ ᒋᐳᓇᒡ ᐎᑐᑭᐛᐛ ᑭᔭ ᐅᔅᒋᓯᑯᐛᐛ ᐊᐅᑯᓐ ᐊ ᐃᓯᓇᑯᓯᒡ᙮ ᐊᑲ ᒪᒃ ᐅᔭ ᐃᑎᒡ ᒋᐸ ᐛᐸᑎᒧᒡ ᑭᔭ ᒋᐸ ᐸᑎᒧᒡ ᑭᔭ ᒋᐸ ᓂᔅᑐᑎᒧᒡ ᐊᓂᔭ ᑕᓐ ᐊ ᐃᓯ ᓂᑐᐛᔨᒥᒂᐤ᙮ ᓂᐸ ᐸᒋ ᓂᑐᐛᐱᒥᑯᒡ ᒪᒃ ᑭᔭ ᓂᐸ ᐱᒪᒋᐊᐅᒡ᙮’ ”

ᐊᑈᔅᑕᓇᒡ 3:20

ᑭᔭ ᒋᑭ ᐸᒋ ᐃᑎᓴᐛᐤ ᒋᓴᔅ ᙭ᑕ, ᐊᓂᔭᔪᐛ ᓴᔅ ᑲ ᐅᑎᓇᑦ ᒐ ᐃᑎᓴᐊᒪᑕᒄ᙮

ᐊᑈᔅᑕᓇᒡ 3:21

ᐊᑯᑕ ᒪᒃ ᐊᓐᑕ ᒋᒋᒋᓯᑯᒡ ᒐ ᑕᑦ ᐸᑐᔅ ᒥᓯᐛ ᒐᒂᔪᐤ ᐅᔅᒋᑕᑭᓄᔨᒐ ᐊᓂᔭᔪᐤ ᑕᓐ ᑲ ᐃᓯ ᓂᑲᓐ ᐎᑕᒡ ᒐ ᐃᔅᐱᔨᒡ ᐊᓂᔭᐧᑲ ᐛᔅᑭᒡ ᑲ ᐸᔭᒋᓯᒡ ᐅᒋᔅᒋᐛᐃᒐᓱᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:25

ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ ᐅᔭ ᑲ ᐃᓯ ᒋᔅᒐᔨᑕᑯᑕᑦ ᒋᓴᒪᓂᑐᐤ ᑭᔭ ᓇᒪ ᒋᑭ ᐅᒋ ᐃᑕᔨᑕᓇᐛᐤ ᓇᔅᒡ ᐊ ᐃᑈᐧᑲᔭᒄ᙮ ᐊᓄᒡ ᒪᒂᒡ ᒥᒐᑦ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐎ ᓯᐱᑎᒧᒡ᙮ ᓇᒪ ᐎ ᑕᑈᐅᒐᔨᒪᐅᒡ ᒋᓴᒪᓂᑐᐛ᙮ ᒥᒄ ᒪᒃ ᒋᑭ ᐅᑎᒋᐱᔪᐤ ᒐ ᑕᑈᑕᒡ᙮ ᐊᔅᒄ ᒪᒃ ᐊᑲ ᐅᑎᒋᐱᔨᒡ ᐅ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑕᑐᐤ ᒥᒄ ᒐ ᐅᑎᓂᑯᐛᒂ ᒋᓴᒪᓂᑐᐛ ᒐᒋ ᐱᒪᒋᐅᒡ, ᒋᑭ ᐱᒪᒋᐅᒡ᙮

2 ᑕᓴᓗᓂᔭᓇ 1:10

ᒋᑭ ᐛᐛᓯᐊᐤ ᐅᑎᐸᔨᒋᒐᐤ ᐅᔭ ᐊᓂᔭ ᐊ ᒋᓯᑲᔨᒡ ᑎᑯᓯᒐ ᒐᒋ ᒋᔅᑕᔨᑕᑯᐃᑯᑦ ᑲ ᑕᑈᑎᒥᔨᒋ ᑭᔭ ᒐᒋ ᒋᔅᑕᔨᒥᑯᑦ ᒥᓯᐛ ᐊᓂᔭ ᐊᐛᔪᐛ ᑲ ᑕᑈᔭᔨᒥᑯᑦ᙮ ᐊᑯᑕ ᒪᒃ ᒐ ᐎᒋᐃᐛᔭᒄ ᑭᔭ ᒋᔨᐛᐤ ᒋᔅᑕᔨᑕᑯᐊᑭᓄᒐ ᐅᑎᐸᔨᒋᒐᐤ ᐛᔅ ᔅᒋ ᑕᑈᑕᓇᐛᐤ ᐊᓐ ᒥᔽᒋᒧᐅᓐ ᑲ ᐎᑎᒪᑕᒡ᙮

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮

2 ᑎᒧᑎ 2:25

ᑭᔭ ᒋᔭᒻ ᒋᐸ ᐃᑐᑐᐛᐤ ᐊ ᐎ ᑯᐃᔅᑯᓇᑦ ᐊᓂᔭ ᑲ ᓂᓂᔅᑯᔅᑕᑯᑦ ᐊᐛᔪᐛ᙮ ᒐᒃ ᒪ ᒋᐸ ᒋ ᐃᑐᑕᑯᔪᐛ ᒋᓴᒪᓂᑐᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

ᐃᑉᕈᐛ 4:1

ᒋᓴᒪᓂᑐᐤ ᒪᒃ ᒋ ᐃᔅᒋᔄᐤ ᒐᔅᑎᓇᔅ ᒐ ᐊᔭᔅᑯᔅᑎᒧᐛᑦ ᐅᑦ ᐃᔨᒪ ᑕᓐᑕ ᒐ ᐊᔽᐱᔨᒋ᙮ ᐊᔅᒄ ᒪᒃ ᐅ ᐊᓄᒡ ᒐᓯᑲᒡ ᒋᑭ ᒋ ᐱᒐᓇᓄᐤ ᑭᔭ ᒋᔭᓄᐤ ᐊᓐᑕ ᒐᒋ ᐊᔽᐱᔭᐧᒄ᙮ ᐊᑯ ᒪᒃ ᐃᔭᒂᒥᑕᐤ ᒐ ᐊᑲ ᒋ ᐃᓯ ᐱᒪᑎᓯᔭᐧᒄ ᒐᒋ ᐅᒋ ᐃᑕᔨᒥᑕᐧᒄ ᒋᓴᒪᓂᑐᐤ ᐊᑲ ᒋᔅᑕᔨᑕᑯᓱᐛᐧᒄ ᐊᓐᑕ ᒐᒋ ᐱᒐᐛᐧᒄ᙮

1 ᐱᑕᕐ 2:25

ᐛᔅ ᒧᔭᒻ ᒪᔭᑕᓂᓯᒡ ᐊ ᐅᓂᓯᓂᒡ ᔅᒋ ᐃᓯᓇᑯᓯᓇᐛᐤ᙮ ᐊᓄᒡ ᒪᒃ ᓴᔅ ᑲᐤ ᔅᒋ ᐸᓯᑯᐅᓇᐛᐤ ᒐᒋ ᓇᓴᐛᒄ ᐊᓐ ᒪᔭᑕᓂᓯᐅ-ᐃᔪᐤ ᑲ ᓂᓇᑭᑐᐛᔨᒥᑕᒄ ᑭᔭ ᑲ ᑭᓄᐛᔨᒪᑦ ᒋᑦ ᐊᒐᐧᑯᐛᐛ᙮

2 ᐱᑕᕐ 3:8

ᐸᐃᒄ ᒐᒂᓐ ᐊᑲᐎᔾ ᒋᑭ ᐅᒋ ᐅᓂᒋᔅᒋᓯᓇᐛᐤ ᓂᐧᑲᓂᓯᑐᒄ᙮ ᐸᐃᑯᓐ ᐃᔭᐱᒡ ᐃᑕᔨᑎᒥᐃᑯᐤ ᐅᑎᐸᔨᒋᒐᐤ ᐸᐃᒄ ᒋᓯᑲᐛ ᑕᓐ ᐊ ᐃᑕᔨᑎᒥᐃᑯᑦ ᐸᐃᒂᐤ ᒐᓯᐱᔪᐛ ᐱᐳᓇ᙮

ᒋᔅᒐᔨᑕᑯᑕᒐᐅᓐ 21:4

ᒋᑭ ᑲᓯᔭᐸᐛᐤ ᒪᒃ ᑕᑥᐤ ᐊ ᐅᒋᐧᑯᐛᐱᔨᒋ᙮ ᓇᒪ ᐊᑯ ᒋᑭ ᐅᒋ ᑎᑯᓂᔪᐤ ᓂᐳᐅᓂᔪᐤ ᒪᒃ ᒥᓯᒪᔨᑎᒧᐅᓂᔪᐤ᙮ ᓇᒪ ᑭᔭ ᐊᑯ ᒋᑭ ᐅᒋ ᑎᑯᓂᔪᐤ ᒪᐅᓂᔪᐤ ᒪᒃ ᐊ ᐎᓯᒐᔨᑕᑭᓄᐎᒡ᙮ ᐛᔅ ᒥᓯᐛ ᐊᓐ ᐛᔅᑭᒡ ᑲ ᐃᔅᐱᔨᒡ ᒐᒂᓐ ᓇᒪ ᓴᔅ ᑎᑯᓐ᙮”