ᐊᑈᔅᑕᓇᒡ 3:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐃᔅᐱ ᒪᒃ ᐱᑕᕐ ᐛᔭᐱᒪᑦ ᐊᓂᔭᔪᐛ ᐃᔪᐛ, ᒋ ᐃᑕᐤ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ, ᒐᒂᓐ ᐛᒋ ᓇᔅᒡ ᑯᔅᑯᓴᐱᒧᔭᒄ ᐅ, ᑭᔭ ᒐᒂᓐ ᓇᔅᒡ ᐛᒡ ᒥᔅᑲᓯᓄᐅᔭᒡ ? ᒋᑦ ᐃᑕᔨᑕᓇᐛᐤ ᐊ ᓂᔭᓐ ᑎᐱᔨᐛ ᓂᒥᔅᑯᓯᐅᓇᒡ ᒪᒃ ᓂᑦ ᐊᔭᒥᐊᐛᑎᓯᐅᓇᒡ ᐛᒋ ᐱᒧᑕᑦ ᐅ ᓇᐸᐤ ?

ᐊᑈᔅᑕᓇᒡ 3:12 Iomraidhean Croise

ᒐᓂᓯᔅ 40:8

ᒂ ᐎᑎᒪᑯᑦ, “ᑕᐱᔅᑯᓐ ᓂᒋ ᐳᐛᒧᓇᓐ ᑭᔭ ᓇᒪ ᑕᐤ ᐅᑕ ᐊᐛᓐ ᒐᒋ ᐎᑎᒪᒐᑦ᙮” ᒍᓯᑉ ᐃᑕᐤ “ᓇᒪ ᓇ ᒋᓴᒪᓂᑐᐤ ᑎᐸᔨᑎᒻ ᐎᑎᒪᒐᐅᓇ ? ᐎᑎᒧᐅᒃ ᒋᐳᐛᒧᐅᓄᐛᐛ᙮”

ᒐᓂᓯᔅ 41:16

ᐊᑯ ᒍᓯᑉ ᐊᑕᑦ, “ᓇᒪᔭᐤ ᓂᔾ ᐊ ᐃᑐᑎᒪᓐ, ᒥᒄ ᒋᓴᒪᓂᑐᐤ ᒋᑭ ᒥᔭᐤ ᒋᓴᐅᒋᒪᐛ ᐊ ᒥᔽᔨᒡ ᐎᑎᒪᒐᐅᓂᔪᐤ᙮”

ᒠᓐ 7:18

ᐊᓐ ᐊᐛᓐ ᒥᒄ ᐎᔾ ᑕᓐ ᐊ ᐃᑕᔨᑕᐧᒃ ᑲ ᐃᓯ ᐎᑕᐧᒃ ᒐᒂᔪᐤ, ᓂᑐᐛᔨᑎᒻ ᐎᔾ ᒐᒋ ᒋᔅᑕᔨᒪᑭᓄᐅᑦ᙮ ᐊᑯ ᐊᓐ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᒋᔅᑕᔨᒪᑭᓄᔨᒋ ᐊᓂᔭ ᑲ ᐸᒋ ᐃᑎᓴᐅᑯᑦ ᑯᐃᔅᒄ ᐃᑐᐤ ᑭᔭ ᓇᒪ ᓇᔅᒡ ᑎᑯᓂᔪᐤ ᐎᔭᓯᐃᐛᐅᓂᔪᐤ ᐊᓐᑕ ᐊ ᑕᑦ᙮

ᐊᑈᔅᑕᓇᒡ 13:26

“ᓂᐧᑲᓂᓯᑐᒄ, ᒋᔨᐛᐤ ᒪᒃ ᑲ ᐃᑎᔅᑲᓇᓯᔭᒄ ᐊᑉᕋᐊᒻ ᐊ ᑕᑦ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᔅᒋ ᐎᑎᒪᑯᓇᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ᙮

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮

ᐊᑈᔅᑕᓇᒡ 3:11

ᐊᓐ ᒪᒃ ᓇᐸᐤ ᐊᑲ ᐅᒋ ᓂᑕᐅᑕᑦ ᒋ ᒪᒪᒋᑯᓇᐤ ᐊᓂᔭᔪᐛ ᐱᑕᕋ ᑭᔭ ᒠᓇ, ᐊᑯ ᒥᓯᐛ ᐊᐛᓐᒋ ᑲ ᐃᔅᐸᔨᑐᒡ ᐊᓐᑕ ᐊ ᓂᐳᔨᒋ ᐊᓐᑕ ᓴᓚᒥᓐ ᐅᒋᐱᔎᒻ ᑲ ᐃᓯᓂᐧᑲᑕᔨᒡ, ᒥᓯᐛ ᓇᔅᒡ ᒋ ᑯᔅᑯᓴᐱᒧᐅᒡ᙮

ᐊᑈᔅᑕᓇᒡ 3:13

ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᒡ ᐊᓂᔭᐧᑲ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᑭᔭ ᐅᑕᒡ ᒍᑕᐎᓄᒡ ᒋᔅᑕᔨᑕᑯᐊᐤ ᐊᓂᔭᔪᐛ ᐅᑦ ᐊᐱᒋᐊᑭᓇ, ᐊᐅᒄ ᐅᔭ ᒋᓴᓴ᙮ ᒋᔨᐛᐤ ᒪᒃ ᔅᒋ ᐃᑐᑐᐛᐛᐤ ᒐᒋ ᐱᔅᑎᓇᑭᓄᐅᑦ ᐊᓐᑕ ᕈᒻ ᒋᓴᐅᒋᒪᐤ ᐊ ᑕᔨᒋ᙮ ᐊᒋ ᐊᑐᐛᔨᒪᒄ ᐅᑎᔅᑯᐤ ᑈᓚᑕ ᐊ ᑕᔨᒋ, ᐊᑎ ᐃᔅᐱᔅ ᑈᓚᑦ ᑲ ᐎ ᐱᔅᑎᓇᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:1

ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᔨᒧᓐ᙮ ᒋ ᐛᐱᓇᐤ ᐊ ᒋᓴᒪᓂᑐᐤ ᐅᑦ ᐃᔨᒪ ? ᓇᒪᐎᔾ ᑭᑈ ᐅᒋ ᐛᐱᓇᐤ᙮ ᐃᔅᕋᐃᓪ ᐃᔪᐤ ᑭᔭ ᓂᔾ᙮ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᐱᓐᒋᒥᓐ ᑲ ᐃᓯᓂᐧᑲᓱᒡ ᐅᐸᐃᑯᑕᐅᓯᐅᒡ ᐊᑯᑕ ᐛᒋᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:4

ᐛᔅ ᐊᐅᒄ ᐊᓐᒡ ᐃᔅᕋᐃᓪ ᐃᔪᒡ ᒋᓴᒪᓂᑐᐛ ᑲ ᐅᑎᓂᑯᒡ ᒐᒋ ᐅᑦ ᐊᐛᓯᒥᑐᑕᑯᒡ ᑭᔭ ᒐᒋ ᒋᔅᑕᔨᑕᑯᐃᑯᒡ᙮ ᒋ ᐅᓯᑎᒪᑯᐅᒡ ᓂᔅᑯᒧᐅᓂᔪᐤ᙮ ᒋ ᒥᔨᑯᐅᒡ ᐎᓱᐛᐅᓂᔪᐤ᙮ ᒋ ᒋᔅᒐᔨᑎᒥᐃᑯᐅᒡ ᑕᓐ ᒐ ᐃᓯ ᐊᔭᒥᐊᔅᑐᐛᒡ᙮ ᓂᓇᐧᑯᐤ ᒐᒂᔪᐛ ᒋ ᐃᑎᑯᐅᒡ ᒐᔅᑎᓇᔅ ᒐ ᐃᑐᑎᒪᑯᒡ᙮

2 ᑯᕆᓐᑎᔭᓇ 3:5

ᓇᒪ ᐎ ᓂᔭᓐ ᐊ ᑕᔭᒡ ᒋᑭ ᒋ ᐅᒋᐱᔪᐤ ᒐᒋ ᐃᔅᒋᔄᔭᒡ ᓂᔭᓐ ᑎᐱᔨᐛ ᒐᒋ ᐃᑐᑎᒪᒡ ᐅ᙮ ᒋᓴᒪᓂᑐᐤ ᐊᐅᒄ ᒪᔨᒥᑦ ᒐᒋ ᐃᑐᑎᒪᒡ ᒥᓯᐛ ᐅ ᑕᓐ ᐊ ᐃᑐᑎᒪᒡ᙮

ᒋᔅᒐᔨᑕᑯᑕᒐᐅᓐ 7:13

ᐊᑯ ᐸᐃᒄ ᐊᓐ ᑲ ᒋᔅᑕᔨᑕᑯᓯᑦ ᒋᓴᐃᔪᐤ ᒂ ᐸᒋ ᐃᓯᑦ, “ᐊᓐᒡ ᒪ ᑲ ᐛᐸᔅᐱᓱᒡ, ᐊᐛᓐᒋ ᐊᓐᒡ ᑭᔭ ᑕᓐᑕ ᐛᒋᒡ ?”