ᐊᑈᔅᑕᓇᒡ 28:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᑯ ᐊᓐᒡ ᐃᔪᒡ ᒋ ᓂᓇᑭᑐᐛᔨᒪᐅᒡ ᒐᒋ ᐸᒋᐱᔨᒋ ᐊᓂᔭ ᑈᓚ ᑭᔭ ᒪᒃ ᒐᒋ ᓂᐱᔨᒋ᙮ ᓇᒪ ᒪᒃ ᓇᔅᒡ ᐅᒋ ᒐᒂᔪᐤ ᐃᑎᔪᐛ᙮ ᐃᔅᐱ ᒪᒃ ᐎᔭᐱᒪᒡ ᐊᑲ ᓇᔅᒡ ᒐᒂᔪᐤ ᑎᔨᒋ ᐊᑯ ᑲ ᐃᔅᒋᔄᒡ, “ᒐᔅᑎᓇᔅ ᒋᓴᒪᓂᑐᐎᒐ ᐅ ᓇᐸᐤ᙮”

ᐊᑈᔅᑕᓇᒡ 28:6 Iomraidhean Croise

ᒪᑎᔪᐤ 21:9

ᐊᓐᒡ ᒪᒃ ᐃᔪᒡ ᐊᓐᑕ ᓂᑲᓄᒡ ᑲ ᐱᒧᑕᒡ ᐊᓂᔭ ᒋᓴᓴ ᐊ ᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐱᒧᑕᐛᒡ ᒋ ᒋᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᒋᔄᐛᒡ ᐊ ᐃᔅᒋᔄᒡ, “ᒋᔅᑕᔨᑕᑯᐊᒄ ᐊᓐ ᑲ ᐅᑯᓯᑐᑕᑯᑦ ᑎᐱᑕ, ᓱᐛᔨᑕᑯᓱᐤ ᐅ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ᙮ ᒪᒥᒋᒪᑕᐤ ᒋᓴᒪᓂᑐᐤ ᐎᔾ ᓇᔅᒡ ᐊ ᒋᔅᑕᔨᑕᑯᓯᑦ᙮”

ᒪᑎᔪᐤ 27:22

ᐊᑯ ᑈᓚᑦ ᒂ ᐃᑕᑦ, “ᑕᓐ ᒪᒃ ᒐ ᐃᑐᑐᐅᒃ ᐅ ᒋᓴᔅ, ᐊᓐ ᙭ ᑲ ᐃᓯᓂᐧᑲᑕᑭᓄᐅᑦ ?” ᐊᑯ ᒥᓯᐛ ᐊᓐᒡ ᐃᔪᒡ ᒂ ᐃᔅᒋᔄᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”

ᐊᑈᔅᑕᓇᒡ 12:22

ᐊᓐᒡ ᒪᒃ ᐃᔪᒡ ᑲ ᐸᑐᐛᒡ ᒋ ᑕᑈᐅᒡ ᐊ ᐃᔅᒋᔄᒡ, “ᓇᒪᔭᐤ ᓇᐸᐤ ᑲ ᐃᔨᒥᑦ, ᒧᔭᒻ ᐊᐛᓐ ᐊ ᒋᓴᒪᓂᑐᐅᑦ ᐊᐅᑯᓐ ᐊ ᐃᑎᑕᑯᓯᑦ᙮”

ᐊᑈᔅᑕᓇᒡ 28:7

ᓇᒪ ᐛᔪᐤ ᐊᓐᑕ ᐊᓂᔭ ᑲ ᑕᒡ ᒋ ᑎᑯᓐ ᓂᑕᐅᒋᑕᑭᓐ ᐊᔅᒋᔾ᙮ ᐳᐱᓕᔭᔅ ᒋ ᐃᓯᓂᐧᑲᓱᐤ ᐊᓐ ᑲ ᐅᒋᒪᐅᑦ ᐊᓐᑕ ᐊᓂᔭ ᒥᓂᔅᑎᑯᔪᐤ᙮ ᐊᐅᒄ ᒪᒃ ᐅ ᑲ ᑎᐱᔨᐛᐅᓯᑦ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ᙮ ᓇᔅᒡ ᓂᒋ ᒥᔪᑐᑕᑯᓇᓐ ᐅ ᓇᐸᐤ᙮ ᓂᔅᑐ ᒋᓯᑲᐛ ᓂᒋ ᐃᔅᐱᔅ ᐃᑕᐛᓇᓐ ᐊᓐᑕ ᐊ ᑕᑦ᙮

ᐊᑈᔅᑕᓇᒡ 8:10

ᒥᓯᐛ ᒪᒃ ᐊᐛᓐ ᒋᒋᐛ ᑲ ᐃᑕᔨᑕᑯᓯᑦ ᑭᔭ ᓄᑕᔅ ᑲ ᐃᑕᔨᑕᑯᓯᑦ ᐊᓐᑕ ᐅᑕᓇᒡ ᓇᔅᒡ ᒋ ᓂᑐᑐᐛᐅᒡ ᐊᓂᔭ ᓴᐃᒥᓇ, ᐊᑯ ᐊᓐᒡ ᐃᔪᒡ ᒋ ᐃᑕᐅᒡ ᐊ ᐊᔨᒧᒪᒡ ᐊᓂᔭ ᓴᐃᒥᓇ, “ᐅ ᓇᐸᐤ, ᐊᔭᐤ ᒪᒥᑕᐛᑎᓯᐅᓂᔪᐤ ᒋᓴᒪᓂᑐᐛ ᐊ ᑕᔨᒋ ᐊ ᐅᑎᓇᐧᒃ᙮ ᐊᔪᐤ ᒋ ᐃᑕᔨᒪᐅᒡ ᐊᐅᑯᓐ ᐊ ᐊᐎᔨᒋ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ ᐊᓂᔭ ᐅᒋ ᐊ ᒪᒥᑕᐛᑎᓯᔨᒋ᙮”