ᐊᑈᔅᑕᓇᒡ 28:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑯ ᐊᓐᒡ ᐃᔪᒡ ᐃᔅᐱ ᐎᔭᐱᒪᒡ ᐊᓂᔭ ᒋᓇᐱᒂ ᐊ ᒋᑭᒧᔨᒋ ᐊᓐᑕ ᑈᓚ ᐅᑎᒋᔨᒡ ᒂ ᐃᔅᒋᔄᒡ, “ᒋ ᓂᐸᐃᔨᐛᒐ ᐊᓐ ᐅ ᓇᐸᐤ, ᑭᔭ ᐊᑎ ᐊᒋ ᒋᑎᓯᒧᑦ ᐊᓐᑕ ᐎᓂᐸᑯᒡ ᐅᒋ, ᐃᔭᐱᒡ ᐅᑎᑕᐅᑯᐤ ᒐᒋ ᐛᐛᓯᐊᑭᓄᐅᑦ᙮ ᐊᐅᒄ ᐊᓂᔭ ᐛᒋ ᒪᑯᒥᑯᑦ ᐊᓂᔭ ᒋᓇᐱᒂ᙮”

ᐊᑈᔅᑕᓇᒡ 28:4 Iomraidhean Croise

ᒐᓂᓯᔅ 3:1

ᐊᑎᓯᑦ ᒥᓯᐛ ᐊᐛᓯᔅ ᒋᓴᒪᓂᑐᐤ ᑲ ᐅᓯᐊᑦ, ᒋᓇᐱᒄ ᒥᒄ ᒋ ᐅᒋ ᑭᔅᒋᑕᐤ ᐊ ᐎᔭᓯᒪᑦ ᐊᐛᔪᐛ, ᐃᔅᐱᔅ ᑯᑎᒂ ᐊᐛᓯᓴ, ᐸᐃᒂᐤ ᒋ ᓇᑕᐤ ᐃᔎᐛ ᐊᑯ ᐊᑕᑦ, “ᑕᑈ ᐊ ᒋ ᐃᔅᒋᔄᐤ ᒋᓴᒪᓂᑐᐤ ᒐ ᐊᑲ ᒋ ᒥᒋᔭᒄ ᒥᓂᓴ ᒥᔅᑎᑯᒡ ᐅᒡ ᐅᑕ ᓂᑕᐅᒋᑕᑭᓂᒡ ?”

ᒪᑎᔪᐤ 23:35

ᒋᔨᐛᐤ ᒪᒃ ᒋᑭ ᐊᓂᔅᒐ ᒪᑎᑯᔅᑲᑯᓇᐛᐤ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐊᓐᒡ ᑲ ᓂᐸᐊᒡ ᒥᓯᐛ ᐊᓂᔭ ᑲ ᑯᐃᔅᑯᑕᑎᓯᔨᒋ ᐊᐛᔪᐛ, ᐊᐳᓪ ᐊ ᑕᑦ ᐅᒋ ᐊᓐᑕ ᒪᒃ ᐃᔅ ᓴᑲᕋᔭ, ᐸᕋᑲᔭ ᐅᑯᓴ᙮ ᓴᑲᕋᔭ ᒪᒃ ᑎᔅᑐᐎᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒪᒃ ᒪᐅᒡ ᐊ ᐸᔭᒐᔨᑕᒂᒡ ᒋᓴᐊᔭᒥᐊᐅᒋᐛᑉ ᐊᑯᑕ ᑲ ᓂᐸᐊᑭᓄᐅᑦ᙮

ᒪᑎᔪᐤ 27:25

ᐊᑯ ᐊᓐᒡ ᐃᔪᒡ ᒂ ᐃᔅᒋᔄᒡ, “ᐊᑯᔅ ᓂᔭᓐ ᑭᔭ ᓂᑦ ᐊᐛᓯᒥᓇᓂᒡ ᓂᑭ ᒪᑎᑯᔅᑲᑯᐛᓇᓐ ᑕᓐ ᒐ ᐃᓯ ᓂᐸᐊᑭᓄᐅᑦ᙮”

ᓗᒃ 13:2

ᐊᑯ ᒋᓴᔅ ᒂ ᐃᑕᑦ, “ᒋᑦ ᐃᑕᔨᑕᓇᐛᐤ ᐊ ᐊᓂᔭ ᐊᒋ ᓂᐸᐊᑭᓄᐎᒡ ᐊ ᓄᑯᓂᔨᒡ ᐅᔅᑕ ᐎᔨᐛᐤ ᐊᒋ ᒥᒋᑐᑎᒧᐛᑯᐱᓇ ᐃᔅᐱᔅ ᑯᑎᑭᒡ ᐃᔪᒡ ᐅᑕ ᑲᓕᓕᒡ ?

ᓗᒃ 13:4

ᒋ ᒋᔅᒋᓯᓇᐛᐤ ᐊ ᔭᓇᐤ ᑕᑐᓴᑉ ᐃᔪᒡ ᐊᓐᑕ ᐅᑕᓇᒡ ᓴᐃᓗᐊᒻ ᑲ ᐃᓯᓂᐧᑲᑕᔨᒡ ᑲ ᓂᐱᒡ ᐊᒋ ᐱᑎᔅᑕᐅᑯᒡ ᑲ ᐃᔅᐸᓇᔨᒡ ᐊᓱᐛᐳᐅᒋᐛᐱᔪᐤ ? ᒋᑦ ᐃᑕᔨᑕᓇᐛᐤ ᐊ ᐊᒋ ᓄᑯᓂᔨᒡ ᐎᔨᐛᐤ ᐅᔅᑕ ᐊᒋ ᒥᒐᑎᓯᒡ ᐃᔅᐱᔅ ᑯᑎᑭᒡ ᐊᐛᓐᒋ ᐊᓐᑕ ᒋᕈᓯᓕᒥᒡ ᑲ ᑕᒡ᙮

ᒠᓐ 7:24

ᑯᐃᔅᒄ ᒪ ᒪᒥᑐᓇᔨᑎᒧᒄ ᐊᓐ ᑲ ᐃᑐᑎᒪᓐ᙮ ᐊᑲᐎᔾ ᐊᑕᒪᔨᒥᒄ ᒐᒂᓐ ᐊᑲ ᓂᔅᑎᒻ ᓇᔅᒡ ᓂᑐ ᒋᔅᒐᔨᑎᒪᒄ ᒐᒂᓐ ᐛᒋ ᐃᑐᑎᒪᓐ ᐊᓐ ᑲ ᐃᑐᑎᒪᓐ,” ᒋ ᐃᑕᐤ ᒋᓴᔅ᙮

ᐊᑈᔅᑕᓇᒡ 28:2

ᐊᓐᒡ ᒪᒃ ᐃᔪᒡ ᐊᓐᑕ ᑲ ᑕᒡ, ᓇᔅᒡ ᓂᒋ ᒥᔪᑐᑕᑯᓇᓂᒡ᙮ ᒋ ᒋᑐᐅᑕᓂᔪᐤ ᒧᔭᒻ, ᐊᑯ ᒂ ᐎ ᑕᐧᑲᔭᒡ, ᑲ ᑯᑐᐛᓯᔨᒥᒡ ᐊᓐᑕ᙮

ᐊᑈᔅᑕᓇᒡ 28:3

ᑈᓪ ᒪᒃ ᒋ ᒪᒧᓴᒋᓂᒻ ᒥᔅᑎᒂ ᒂ ᒥᑐᔅᑕᐊᒃ᙮ ᑲ ᐅᒋ ᒧᔅᒋᔨᒋ ᒋᓇᐱᒂ ᐊᓐᑕ ᐊᓂᔭ ᒥᔅᑎᒂ ᐊ ᐃᑎᔅᑕᔨᒋ, ᐊᓂᔭ ᑭᑈ ᐊ ᒧᓯᑕᔨᒋ ᐊ ᒋᓯᑕᔨᒡ, ᐊᑯ ᑲ ᒋᑭᒧᔨᒋ ᑈᓪ ᐅᑎᒋᒡ, ᓇᒪ ᒪᒃ ᐅᒋ ᒥᔅᑎᒪᑯᒥᑯᐤ ᐊᓂᔭ ᒋᓇᐱᒂ᙮

ᐊᑈᔅᑕᓇᒡ 28:5

ᐊᑯ ᑈᓪ ᒥᒄ ᒋᔭᒻ ᑲ ᒥᑐᔅᑕᐛᐱᓇᑦ ᐊᓂᔭ ᒋᓇᐱᒂ ᐊᓐᑕ ᐃᔅᑯᑕᒡ ᐊᑲ ᓇᔅᒡ ᒐᒂᔪᐤ ᐅᒋ ᐃᑐᑕᑯᑦ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”