ᐊᑈᔅᑕᓇᒡ 27:43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴³ ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᒋ ᐎ ᐱᒪᒋᐊᐤ ᑈᓚ ᐊᑯ ᒂ ᒋᑕᐊᒧᐛᑦ ᐊᓂᔭ ᐊᓯᒪᑭᓂᓴ ᑲ ᐎ ᓂᐸᐊᔨᒋ ᐊᓂᔭ ᓇᐸᐛ᙮ ᐊᑯ ᒂ ᐃᑎᓱᐛᑦ ᐊᓂᔭ ᑲ ᓂᑕᐅᒋᒪᐎᔨᒋ ᓂᔅᑎᒻ ᒐᒋ ᐱᑭᔅᑐᐛᒂᔅᑯᑎᔨᒋ ᒐᒋ ᓇᑎᑭᒪᒥᔨᒋ᙮

ᐊᑈᔅᑕᓇᒡ 27:43 Iomraidhean Croise

ᐊᑈᔅᑕᓇᒡ 23:10

ᒐᒃ ᒪᒃ ᐊᓂᔭ ᐊ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 23:24

ᔭᐃᑕᔾ ᐅᑎᓂᒺᒄ ᑈᓪ ᑲᐸᐃᑭᔎᐛ ᒐᒋ ᐱᒧᑕᐃᑯᑦ᙮ ᐊᑯ ᓇᑕ ᒋᓴᐅᒋᒪᐛ ᐱᓕᑭᓴ ᐊ ᑕᔨᒋ ᒐ ᐃᑐᑕᐊᒄ᙮ ᐃᔭᒂ ᓂᓇᑭᑐᐛᔨᒪᐧᒄ ᒐ ᐊᑲ ᒋ ᐎᔭᔅᑐᑕᑯᑦ ᐊᐛᔪᐛ᙮”

ᐊᑈᔅᑕᓇᒡ 27:11

ᐊᑯ ᒥᒄ ᐊᓐ ᐊᓯᒪᑭᓂᓯᐤ ᐅᒋᒪᐤ ᐅᔅᑕ ᐊᓂᔭ ᐊ ᒥᓴᔨᒡ ᐅᐤᑎᔪᐤ ᐅᒋᒪᐛ ᑭᔭ ᐊᓂᔭ ᑲ ᑎᐱᔨᐛᐅᓯᔨᒋ ᐊᓂᔭ ᐅᐤᑎᔪᐤ ᒋ ᓂᑐᑐᐛᐅᐤ ᑕᓐ ᐊ ᐃᔅᒋᔄᔨᒋ, ᐊᑯ ᓇᒪ ᐅᒋ ᐊᔭᐱᓯᑐᐛᐤ ᑕᓐ ᑲ ᐃᔅᒋᔄᔨᒋ ᑈᓚ᙮

ᐊᑈᔅᑕᓇᒡ 27:3

ᐊᓐ ᒪᒃ ᐎᔭᐸᒡ ᓴᐃᑐᓂᒡ ᓂᒋ ᒥᓯᑲᓇᓐ᙮ ᒋ ᒥᔪᑐᑐᐛᐤ ᒪᒃ ᐊᓂᔭ ᑈᓚ ᐊᓐ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ᙮ ᒋ ᐱᔅᑎᓇᐤ ᒐᒋ ᓂᑐᐛᐱᒪᔨᒋ ᐎᒐᐛᑭᓂᔪᐛ, ᑭᔭ ᒐᒋ ᒥᔭᑭᓄᔨᒋ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒐᒂᔪᐤ᙮

ᐊᑈᔅᑕᓇᒡ 27:31

ᐊᑯ ᑈᓪ ᒂ ᐃᑕᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᑭᔭ ᐊᓂᔭ ᐊᓯᒪᑭᓂᓴ, “ᓇᒪ ᐛᒋ ᐸᐃᒄ ᒋᑭ ᐅᒋ ᐱᒪᑎᓯᓇᐛᐤ ᓂᑭᑎᒪᒂ ᐅ ᐊ ᒥᓴᒡ ᐅᐤᑦ᙮”

ᐊᑈᔅᑕᓇᒡ 27:42

ᐊᑯ ᐊᓐᒡ ᐊᓯᒪᑭᓂᓯᒡ ᒥᓯᐛ ᑲ ᐎ ᓂᐸᐊᒡ ᐊᓂᔭᔪᐛ ᓇᐸᐛ ᑲ ᑭᓄᐛᔨᒪᒡ ᑲ ᒪᑯᓇᑭᓄᔨᒋ, ᐊᑲ ᑭᑈ ᓂᑐᐛᔨᒪᒡ ᒐᒋ ᒋᑎᓯᒧᔨᒋ, ᐛᔅ ᒋᐸ ᒋ ᐱᑭᔅᑐᐛᒂᔅᑯᑎᔪᐛ ᐊᓐᑕ ᓂᐱᒡ, ᑭᔭ ᐊᓐᑕ ᒐᒋ ᐃᓯ ᓇᑎᑭᒪᒥᔨᒋ᙮

2 ᑯᕆᓐᑎᔭᓇ 11:25

ᓂᔍᐤ ᓂᒋ ᐛᐛᓯᐃᑯᐅᓐ ᐃᓴᒂ ᐊ ᐅᑎᑕᒧᐅᑯᔭᓐ᙮ ᐸᐃᒂᐤ ᓂᒋ ᐸᐱᒧᓯᓇᑕᐅᑯᐅᓐ ᐊ ᐎ ᓂᐸᐃᑯᐅᔭᓐ᙮ ᓂᔍᐤ ᓂᒋ ᑕᓐ ᐊ ᑯᓴᐸᒡ ᐊ ᒥᓴᒡ ᐅᐤᑦ᙮ ᐸᐃᒂᐤ, ᐸᐃᒄ ᒋᓯᑲᐛ ᒪᒃ ᐸᐃᒄ ᑎᐱᔅᑲᐛ ᒧᓴ ᓂᒋ ᐱᐸᒪᐅᑯᐅᓐ ᐎᓂᐸᑯᒡ᙮