ᐊᑈᔅᑕᓇᒡ 26:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑯ ᑲ ᐃᑕᑦ ᑈᓪ ᐊᓂᔭᔪᐛ ᒍᐤ ᐃᔪᐛ, ᒋᔨᐛᐤ ᐃᔪᒡ ᒍᐤ ᑲ ᐃᑎᔅᑲᓇᓯᔭᒄ, ᒐᒂᓐ ᐛᒋ ᐊᑲ ᒋ ᑕᑈᑎᒪᒄ ᒋᓴᒪᓂᑐᐤ ᐊ ᐅᓂᔅᑲᓇᑦ ᐊᐛᔪᐛ ᓂᐳᐅᓂᒡ ᐅᒡ ?”

ᐊᑈᔅᑕᓇᒡ 26:8 Iomraidhean Croise

ᒐᓂᓯᔅ 18:14

ᓇᒪ ᑎᑯᓂᔪᐤ ᒐᒂᓂᔪᐤ ᒐ ᐊᑲ ᒋ ᐃᑐᑕᐧᒃ ᑎᐸᔨᒋᒐᓱᐤ᙮ ᒧᔭᒻ ᑲ ᐃᔅᒋᔄᔭᓐ, ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮”

ᓗᒃ 1:37

ᓇᒪ ᑎᑯᓂᔪᐤ ᒐᒂᔪᐤ ᒋᓴᒪᓂᑐᐤ ᒐ ᐊᑲ ᒋ ᐃᑐᑕᐧᒃ᙮”

ᓗᒃ 18:27

ᒋᓴᔅ ᒪᒃ ᒋ ᐃᑕᐤ, “ᑕᓐ ᐊᓂᔭᔪᐛ ᐊᑲ ᑲᒋ ᐃᑐᑕᐧᒃ ᐃᔪᐤ ᒋᑭ ᒋ ᐃᑐᑎᒻ ᐎᔾ ᒋᓴᒪᓂᑐᐤ᙮”

ᐊᑈᔅᑕᓇᒡ 23:6

ᐃᔅᐱ ᒪᒃ ᓇᓯᑕᐅᓄᐛᑦ ᑈᓪ ᑕᐱᔅᑯᓐ ᓴᑎᔪᓯᐊ ᑭᔭ ᐸᕆᓯ ᐊ ᑕᔨᒋ ᐊᓐᑕ ᐊᓂᔭ ᐊ ᒪᒧᐎᔨᒋ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᒋ ᐃᑕᐤ ᐊ ᒋᔄᐛᑦ, “ᓂᐧᑲᓂᓯᑐᒄ, ᐸᕆᓯ ᓂᔾ, ᑭᔭ ᐊᓂᔭᐧᑲ ᓂᑦ ᐊᓂᔅᒐ ᓂᐧᑲᓂᓯᒡ ᐸᕆᓯ ᒋ ᐃᑎᐳᒡ᙮ ᐊᐅᒄ ᐅ ᐛᒋ ᑎᐸᔅᑯᓂᑯᔭᓐ ᐅ ᐊᓄᒡ, ᐊ ᑕᑈᑎᒪᓐ ᑲ ᓂᐱᒡ ᑲᐤ ᒐ ᐅᓂᔅᑲᒡ᙮”

ᐊᑈᔅᑕᓇᒡ 25:19

ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑈᓚ, ᐊᐅᑯᓐ ᐊᓂᔭ ᑲ ᐊᔨᒧᑕᒡ ᐊᑲ ᐊᓐ ᐎᔨᐛᐤ ᑕᓐ ᐊ ᐃᓯ ᑕᑈᑕᒡ ᐊ ᐃᓯ ᐛᐎᑎᒥᔨᒋ᙮ ᑭᔭ ᐊᒋ ᐃᔅᒋᔄᔨᒋ ᑈᓚ ᒋᓴᓴ ᐊ ᐱᒪᑎᓯᔨᒋ ᐊᒋ ᒪᒃ ᓂᐱᔨᒋ᙮

ᐊᑈᔅᑕᓇᒡ 4:2

ᓇᒪ ᐅᒋ ᓇᐊᔨᑎᒥᔪᐛ ᐊ ᒋᔅᑯᑎᒧᐛᒡ ᐊᓂᔭᔪᐛ ᐃᔪᐛ ᐊ ᐃᑕᒡ ᑲᐤ ᐊᒋ ᐅᓂᔅᑲᔨᒋ ᒋᓴᓴ ᓂᐳᐅᓂᒡ ᐅᒡ ᑭᔭ ᐊ ᐃᑕᒡ ᒐ ᐅᓂᔅᑲᔨᒋ ᐊᐛᔪᐛ ᐊᑎ ᐊᒋ ᓂᐱᔨᒋ᙮

1 ᑯᕆᓐᑎᔭᓇ 15:34

ᐎ ᐛᔅᑭᒪᔨᑎᒧᒄ ᒪ᙮ ᐊᑯᓐ ᐊᑯ ᐃᔅᐱᔅ ᒥᒋᑐᑎᒧᒄ᙮ ᒋᐸ ᓴᒂᔨᒧᓇᐛᐤ ᐊ ᐃᑎᑎᑯᒡ ᐱᔅᒐ ᐊᓐᑕ ᐊ ᑎᓯᔭᒄ ᐊᑲ ᒋᔅᒐᔨᒪᒄ ᒋᓴᒪᓂᑐᐤ᙮

ᐱᓕᐱᔭᓇ 3:21

ᐊᔪᐛᒃ ᐊ ᐃᑕᔨᑕᑯᓂᔨᒋ ᒥᔪᐛ ᒋᑭ ᒥᔨᑯᓄᐤ᙮ ᓇᒪ ᓴᐱᓯᒥᑭᓇ ᐅᔭ ᒋᔪᓄᐛ ᑭᔭ ᒋᑭ ᓂᐱᒥᑭᓇ᙮ ᒪᒃ ᐊᓂᔭᔪᐤ ᒥᔅᑯᓯᐅᓂᔪᐤ ᑲ ᐊᔭᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ ᐅᔭ ᒐ ᐊᐱᒋᑕᑦ ᒐᒋ ᒂᔅᒋᓇᑯᑕᑦ ᒋᔪᓄᐛ᙮ ᒧᔭᒻ ᐎᔾ ᐎᔪᐤ ᑲ ᐃᔅᐱᔅ ᒥᔪᓇᑯᓂᔨᒡ ᐃᔅᐱ ᑲ ᐅᓂᔅᑲᑦ ᓂᐳᐅᓂᒡ ᐅᒋ ᐊᐅᑯᓐ ᒐ ᐃᓯᓇᑯᑕᑦ ᐅᔭ ᒋᔪᓄᐛ᙮