ᐊᑈᔅᑕᓇᒡ 26:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐃᔅᐱ ᑲ ᐎᐎᒡ ᐊᑯ ᒂ ᐃᔅᒋᔄᒡ, “ᓇᒪ ᒐᒂᔪᐤ ᐅᒋ ᐃᑐᑎᒻ ᐅ ᓇᐸᐤ ᒐᒋ ᐅᒋ ᒪᑯᓇᑭᓄᐅᑦ ᑭᔭ ᒪᒃ ᒐᒋ ᐅᒋ ᓂᐸᐊᑭᓄᐅᑦ᙮”

ᐊᑈᔅᑕᓇᒡ 26:31 Iomraidhean Croise

ᓗᒃ 23:4

ᐊᑯ ᑈᓚᑦ ᒂ ᐃᑕᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᒪᒧᐱᔨᒋ, “ᓇᒪ ᓇᔅᒡ ᓂ ᒥᔅᑭᒺᓐ ᒥᒋᑥᐅᓂᔪᐤ ᒐᒋ ᐊᔭᑦ ᐅ ᓇᐸᐤ᙮”

ᐊᑈᔅᑕᓇᒡ 23:29

ᐃᔅᐱ ᒪᒃ ᐛᑎᒪᑯᔭᓐ ᑕᓐ ᑲ ᐃᓯ ᑎᐸᔅᑯᓇᑭᓄᐅᑦ ᐅ ᓇᐸᐤ ᓇᒪ ᒐᒂᔪᐤ ᐅᒋ ᐃᑐᐤ ᒐᒋ ᐅᒋ ᐛᐛᓯᐊᑭᓄᐅᑦ ᒪᒃ ᒐᒋ ᐅᒋ ᓂᐸᐊᑭᓄᐅᑦ᙮ ᐊᑲ ᒪᒧᔭᒻ ᐊᑐᑕᐧᒃ ᒍᐤ ᐎᓱᐛᐅᓇ ᐊᑯᓐ ᑲ ᐃᓯ ᒪᒥᓯᒪᑭᓄᒂ᙮

ᐊᑈᔅᑕᓇᒡ 23:9

ᐊᑯ ᐊᔭᔅᒃ ᑲ ᐊᑎ ᒥᔅᑎ ᒋᔄᐛᒡ ᐊ ᐃᔨᒥᐃᑐᒡ ᐅᒡ ᐸᕆᓯᔨᒡ ᑭᔭ ᓴᑎᔪᓯᒡ ᐊ ᒥᒋᐱᔨᒡ᙮ ᐊᑯ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᐸᕆᓯ ᑲ ᐃᑎᐱᒡ ᒂ ᐱᓯᑯᒡ ᐊᑯ ᒂ ᐃᔅᒋᔄᒡ, “ᓇᒪ ᐎ ᓂᔭᓐ ᓂ ᒥᔅᑭᒺᓇᓐ ᒐᒂᔪᐤ ᒐ ᐅᒋ ᐛᐛᓯᐊᑭᓄᐅᑦ ᐅ ᓇᐸᐤ᙮ ᒐᒃ ᒪ ᑕᑈ ᑲ ᐃᔨᒥᐃᑯᒂ ᐊᒐᒂ ᑭᔭ ᒪᒃ ᐊᓐᒋᓐ᙮”

ᐊᑈᔅᑕᓇᒡ 25:25

ᓇᒪ ᒪᒃ ᓂᔾ ᐎ ᓂ ᐅᒋ ᒥᔅᑭᒺᓐ ᑕᓐ ᑲ ᐃᓯ ᐅᓂᑐᑎᒥᒂ ᒐᒋ ᐅᒋ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᔨᒋ᙮ ᐊᑯ ᒪᒃ ᐎᔾ ᐅ ᓇᐸᐤ ᒋ ᓂᑐᐛᔨᑎᒻ ᓇᑕ ᐊᓂᔭ ᒋᒋᐛ ᒋᓴᐅᒋᒪᐛ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮ ᐊᑯ ᒪᒃ ᒂ ᐎᔭᔨᑎᒧᒡ ᓇᑕ ᐊ ᑕᔨᒋ ᒐᒋ ᐃᑎᓴᐅᒃ᙮

ᐊᑈᔅᑕᓇᒡ 28:18

ᒋ ᐎ ᓂᑐ ᒋᔅᒐᔨᑎᒧᒡ ᒪᒃ ᐊᓐᒡ ᕈᒻ ᐃᔪᒡ ᑕᓐ ᑲ ᐃᓯ ᐅᓂᐱᔪᒡ᙮ ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒧᒡ ᒐᒋ ᐃᓯ ᐅᓂᐱᔪᒡ᙮ ᓴᔅ ᒪᒃ ᓂᒋ ᐎ ᐱᔅᑎᓂᑯᒡ ᐛᔅ ᓇᒪ ᐅᒋ ᒥᔅᑭᒧᒡ ᑕᓐ ᑲ ᐃᓯ ᐅᓂᑐᑎᒧᒡ᙮

1 ᐱᑕᕐ 3:16

ᓱᒃ ᒧᔅ ᑯᐃᔅᒄ ᐎ ᐃᓯ ᐱᒪᑎᓯᒄ ᓇᔅᒡ ᒐᒋ ᒐᔅᑎᓇᐅᔭᒄ ᐊᑲ ᒥᒋᑐᑎᒪᒄ᙮ ᐅ ᐃᓯᓇᑯᓯᔭᒂ, ᐊᑯᑕ ᒐ ᐅᒋ ᓯᓴᒂᔨᒧᒡ ᐊᓐᒡ ᑲ ᒪᔭᔨᒥᑕᑯᒡ, ᐊᓐᒡ ᑲ ᒥᒋ ᐊᔨᒧᒥᑕᑯᒡ ᐊ ᑯᐃᔅᑯᐱᒪᑎᓯᐛᒄ ᙭ᑕ ᐊ ᓇᓴᐅᒪᑯ᙮