ᐊᑈᔅᑕᓇᒡ 26:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᐊᑯ ᑈᓪ ᒂ ᐃᑕᑦ, “ᐛᐃᐱᔅᒋᔅ ᑭᔭ ᒪᒃ ᓇᐅᔅ, ᒐ ᑎᓯᐧᑲᓱᒪᑭᓂᒂ, ᓂ ᐱᑯᓴᔨᒪᐤ ᒋᓴᒪᓂᑐᐤ ᒐᒋ ᐃᓯᓇᑯᐃᑕᒄ ᑭᔭ ᒋᔨᐛᐤ ᑭᔭ ᐊᓐᒡ ᑯᑎᑭᒡ ᑲ ᓂᑐᑐᐅᒡ ᒧᔭᒻ ᓂᔾ ᑲ ᐃᓯᓇᑯᓯᔭᓐ ᒐᒋ ᐃᓯᓇᑯᓯᔭᒄ, ᓴᔅ ᐊᒋ ᒂᔅᑲᑎᓯᔭᓐ᙮ ᓇᒪᐎᔾ ᑭᑈ ᐎ ᒐᒋ ᒪᒋᒪᐱᔅᑲᐅᑯᔭᒄ ᐃᓴᒂᔭᐱᔭ ᒧᔭᒻ ᓂᔾ ᐊ ᐃᓯᓇᑯᓯᔭᓐ ᐊᓄᒡ᙮”

ᐊᑈᔅᑕᓇᒡ 26:29 Iomraidhean Croise

ᐊᒃᓱᑕᔅ 16:3

ᐊ ᐃᑕᒡ, “ᑭᒪ ᒋ ᓂᐸᐃᒥᑎᑕᒂ ᑎᐸᔨᒋᒐᓱᐤ ᐊᓐᑕ ᐃᒋᑉᑎᒡ ! ᐃᔅᐱ ᐊᓐᑕ ᑲ ᐎᒋᔭᒡ, ᐊᔪᐛᒡ ᓂᒋ ᐛᔅᑲᐱᔅᑕᓇᓐ ᐊᔅᒋᒂ ᐊ ᓴᑭᔅᒋᓇᒡ ᐎᔭᔅ ᑭᔭ ᓂᒋ ᒥᒋᓇᓐ ᒥᒋᒻ ᒥᒄ ᐊᔅᐱᔅ ᓂᑐᐛᔨᑎᒪᒡ, ᒥᒄ ᔅᒋ ᐸᓱᐅᓇᓐ ᐅᑕ ᐸᐧᑯᑎᔅᑭᒥᑲᒡ ᒐᒋ ᒥᓯᐛ ᑯᐧᑭᑕᐊᔭᒡ᙮”

ᒠᓐ 5:34

ᓇᒪ ᐃᑕᔨᑕᑯᓐ ᒐᒋ ᐸᒋ ᐎᑎᒧᐅᑦ ᐊᐛᓐ ᙭ ᐊ ᐊᐎᔭᓐ, ᐛᔅ ᓂ ᒋᔅᒐᔨᒥᓱᓐ ᐊᐛᓐ ᓂᔾ᙮ ᒥᒄ ᐊᐅᑯᓐ ᐅ ᐊ ᐃᔅᒋᔄᔭᓐ ᒐᒋ ᐱᒪᒋᐅᔭᒄ᙮

ᐊᑈᔅᑕᓇᒡ 12:6

ᐊᓂᔭ ᒪᒃ ᒪᔅᑕᔾ ᑕᐱᔅᑲᔨᒡ ᒐ ᑕᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑎᔅᑐᐎᒡ ᓂᓱ ᐊᓯᒪᑭᓂᓴ ᐊ ᑕᔨᒋ ᒋ ᓂᐸᐤ᙮ ᐊᓂᔭ ᒪᒃ ᐛᐸᓂᔨᒐ ᐊᑯ ᒋᐸ ᑎᐸᔅᑯᓇᑭᓄᐤ᙮ ᓂᔄᐸᒡ ᒪᒃ ᐃᓴᒂᔭᐱᔭ ᒋ ᒪᑯᐱᑕᑭᓄᐤ᙮ ᑭᔭ ᒋ ᑕᔪᐛ ᐊᓯᒪᑭᓂᓴ ᐊ ᑭᓄᔅᑯᐛᑐᐛᔨᒋ᙮

ᐊᑈᔅᑕᓇᒡ 21:33

ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᓂᑐᐛᐱᒪᑦ ᐊᓂᔭ ᑈᓚ, ᐊᑯ ᒂ ᒪᑯᓇᑦ᙮ ᒂ ᐃᑎᓱᐛᑦ ᒐᒋ ᒪᒋᒂᐱᐧᑲᑕᑭᓄᔨᒋ, ᓂᓱ ᐃᓴᒂᔭᐱᔭ ᐊ ᐊᐱᑎᓂᔨᒋ᙮ ᐊᑯ ᒂ ᐃᔅᒋᔄᑦ, “ᒐᒄ ᓇᐸᐤ ᐅ, ᑕᓐ ᑲ ᐃᑎᑦ ?”

ᐊᑈᔅᑕᓇᒡ 25:14

ᓇᐅᓴᓯᔅ ᒪᒃ ᒋᐸ ᑕᐅᒡ ᐊᓐᑕ᙮ ᐊᑯ ᐸᔅᑕᔅ ᑲ ᐊᔨᒧᑎᒺᑦ ᒋᓴᐅᒋᒪᐛ ᐊᒃᕆᐸᔨᒋ ᑕᓐ ᑲ ᐎ ᐃᑐᑐᐛᑭᓄᔨᒋ ᑈᓚ᙮ ᒋ ᐃᔅᒋᔄᐤ ᒪᒃ, “ᐊᔅᒄ ᐊᓐ ᐊᑯᑕ ᐊ ᑕᑦ ᐸᐃᒄ ᓇᐸᐤ ᐊᒋ ᒋᐸᐛᑭᓄᐅᑦ ᒪᒂᒡ ᐱᓕᑭᓴ ᑲ ᒋᓴᐅᒋᒪᐎᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:1

ᓂᐧᑲᓂᓯᑐᒄ, ᒋᒋᐛ ᐊ ᐃᓯ ᐱᑯᓴᔨᒧᔭᓐ ᓂᑕᐃᒡ ᑭᔭ ᒋᒋᐛ ᐊ ᐃᓯ ᓂᑐᑎᒧᐅᒃ ᒐᒂᔪᐤ ᒋᓴᒪᓂᑐᐤ ᐊᐅᒄ ᒐᒋ ᐱᒪᒋᐅᒡ ᓂᒡ ᐃᔅᕋᐃᓪ ᐃᔪᒡ᙮

1 ᑯᕆᓐᑎᔭᓇ 4:8

ᒧᔭᒻ ᓴᔅ ᒥᓯᐛ ᐊ ᐊᔭᔭᒄ ᑕᓐ ᒋᐸ ᐃᓯ ᐊᔭᓇᐛᐤ ᒋᑦ ᐃᑕᔨᑕᓇᐛᐤ᙮ ᑭᔭ ᒋᑦ ᐃᑕᔨᑕᓇᐛᐤ ᓇᔅᒡ ᐊ ᐛᑎᒡ ᐊᔭᔭᒄ ᑕᓐ ᑲ ᐃᓯ ᓄᑕᐱᔨᔭᒄ ᒥᔨᐛᐅᓇ᙮ ᒋᒋᓴᐅᒋᒪᐅᓇᐛᐤ ᐊ ? ᐊᑲ ᒪᒃ ᒋᓴᐅᒋᒪᐎᔭᒡ ᓂᔭᓐ᙮ ᑭᒪ ᑕᑈ ᒋᒋᐛ ᒋᓴᐅᒋᒪᐎᔭᒄ ᐊᑯ ᑭᔭ ᓂᔭᓐ ᓂᐸ ᒋᓴᐅᒋᒪᐅᓇᓐ᙮

1 ᑯᕆᓐᑎᔭᓇ 7:7

ᐃᐛᒃ ᒪᒃ ᓂᐸ ᒥᔽᔨᑕᓐ ᒥᓯᐛ ᐊᐛᓐ ᐃᓯᓇᑯᓯᑦ ᓂᔾ ᑕᓐ ᐊ ᐃᓯᓇᑯᓯᔭᓐ᙮ ᒥᓯᐛ ᐊᐛᓐ ᑎᐱᔨᐛ ᐊᔭᐤ ᒥᔨᐛᐅᓂᔪᐤ ᒋᓴᒪᓂᑐᐛ ᐊᒋ ᒥᔨᑯᑦ, ᒥᓯᐛ ᐊᐛᓐ ᐃᔭᒡ ᐃᓯᓇᑯᓂᔪᐤ ᑕᓐ ᑲ ᐃᓯ ᒥᔭᑭᓄᐅᑦ ᐊ ᐃᓯᓇᑯᓂᔨᒡ ᑯᑎᑲ ᐊᐛᔪᐛ ᐊ ᐃᓯ ᒥᔭᑭᓄᔨᒋ᙮

2 ᑯᕆᓐᑎᔭᓇ 11:1

ᒋ ᐱᑯᓴᔨᒥᑎᓇᐛᐤ ᒐᒋ ᓯᐱᔪᐛᓯᔅᑐᔭᒄ ᐊᐱᓯᔅ ᐊ ᒋᔎ ᐃᔨᒥᔭᓐ᙮ ᓇᔅᒡ ᒋ ᐱᑯᓴᔨᒥᑎᓇᐛᐤ ᒐᒋ ᓯᐱᔪᐛᓯᔅᑐᔭᒄ᙮

ᐃᐱᓯᔭᓇ 6:20

ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ ᒐᒋ ᐛᐎᑎᒧᒡ ᐅᒥᔽᒋᒧᐅᓐ ᐊᑎ ᒪᒂᒡ ᐅᑕ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ᙮ ᐸᒋ ᐊᔭᒥᐊᔅᑎᒧᐅᒄ ᒪᒃ ᒐᒋ ᓱᒋᑕᐊᔭᓐ ᑭᔭ ᒐᒋ ᐃᔅᒋᔄᔭᓐ ᑕᓐ ᐊ ᐃᓯ ᓂᑐᐛᔨᒥᑦ ᒋᓴᒪᓂᑐᐤ᙮

ᑯᓚᓯᔭᓇ 1:28

ᐊᑯ ᒪᒃ ᒥᓯᐛ ᐊᐛᓐ ᐊ ᐊᔨᒧᑎᒧᐎᒋᒡ ᙭ᑕ᙮ ᒥᓯᐛ ᒪᒃ ᑭᒐᑕᐛᔨᑎᒧᐅᓐ ᑲ ᐃᓯ ᒥᔨᑯᐅᔭᒡ ᓂᑦ ᐃᔭᒂᒥᒪᓇᓂᒡ ᑕᓐ ᐊᓂᔭᔪᐛ ᒋᐸ ᐅᒋ ᐊᑲ ᐃᑐᐅᒡ ᑭᔭ ᓱᒃ ᓂ ᐎ ᒋᔅᒐᔨᑎᒪᓇᓂᒡ ᑕᓐ ᐊᓂᔭᔪᐛ ᒋᐸ ᐃᑐᐅᒡ᙮ ᐅᔭ ᒪᒃ ᐊ ᐃᑐᑐᐅᒋᒡ ᐊᔪᐅᒄ ᐅᔭ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ ᒐᒋ ᐃᑐᑕᐃᒋᒡ ᓇᔅᒡ ᐊᒋ ᐃᓯ ᓂᑕᐅᒋᒡ ᐊᓐᑕ ᙭ᑕ ᐃᔅ ᐊ ᑕᔨᒋ᙮