ᐊᑈᔅᑕᓇᒡ 26:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

ᐊᑈᔅᑕᓇᒡ 26:18 Iomraidhean Croise

ᑎᐱᑦ ᐅᓂᑭᒧᐅᓇ 119:18

ᐸᔅᒋᑕᓇ ᓂᔅᒋᓯᒂ, ᒐᒋ ᐛᐸᑎᒪᓐ ᒪᒥᔅᑲᒡ ᒐᒂᓇ ᒋᐎᓱᐛᐅᓂᒡ ᐅᒋ᙮

ᑎᐱᑦ ᐅᓂᑭᒧᐅᓇ 146:8

ᑎᐸᔨᒋᒐᓱᐤ ᑐᑐᐛᐤ ᒐᒋ ᐛᐸᑎᒥᔨᒋ ᐊᑲ ᐛᐸᑎᒥᔨᒋ: ᑎᐸᔨᒋᒐᓱᐤ ᐱᓯᑯᓇᐤ ᐊᓂᔭᔪᐛ ᑲ ᒪᒥᓴᒪᔨᑎᒥᔨᒋ: ᑎᐸᔨᒋᒐᓱᐤ ᓴᒋᐊᐤ ᐅᑯᐃᔅᑯᑕᑎᓯᐛ:

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᒪᑎᔪᐤ 4:16

ᐊᑎ ᐅᓂᑎᐱᔅᒋᓯᐅᓂᒡ ᐊ ᐃᓯ ᐱᒪᑎᓯᒡ ᒋᑦ ᐃᔨᒧᐛᐅᒡ ᒋ ᐛᐸᑎᒧᒡ ᐊ ᒥᔅᑎ ᐛᔅᑕᔨᒡ᙮ ᒪᒂᒡ ᑲ ᑕᒡ ᐊᓐᑕ ᐊ ᐅᑲᔅᑕᔭᔨᒡ ᐊᓐᑕ ᐊ ᑎᑲᔅᑕᔅᑲᑯᒡ ᓂᐳᐅᓂᔪᐤ, ᒋ ᐅᑎᑎᐅᑯᒡ ᐛᔅᑕᐅᓂᔪᐤ᙮

ᓗᒃ 1:77

ᒐ ᒋᔅᒐᔨᑎᒥᐃᒥᑎ ᐅᑦ ᐃᔨᒪ ᐊᓂᔭᔪᐤ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ ᐊ ᐊᐅᓂᔨᒡ ᐱᒪᒋᐃᐛᐅᓂᔪᐤ᙮

ᓗᒃ 1:79

ᒐᒋ ᐛᔅᑕᔨᒡ ᐊᑕᒡ ᐊᓐᒡ ᐛᑲᔅᑕᐱᒡ, ᑭᔭ ᑕᑲᔅᑕᔅᑲᑯᒡ ᓂᐳᐅᓂᔪᐤ; ᑭᔭ ᒐᒋ ᒋᔅᒋᓄᑕᐃᑯᔭᐧᒄ ᒋᔭᒪᐛᔨᑎᒧᐅᓂᒡ ᐃᔅ᙮”

ᓗᒃ 2:32

ᐛᔅᑕᐅᓐ ᒐ ᐛᔅᑕᓂᒪᑯᒡ ᒐᓐᑕᐃᓚᒡ (ᐊᑲ ᒍᐤ ᐃᑎᔅᑲᓇᓯᒡ ᐃᔪᒡ), ᑭᔭ ᐊᓂᔭᔪᐤ ᒐ ᐅᒋ ᒋᔅᑕᔨᑕᑯᓯᒡ ᒋᑦ ᐃᔨᒥᒡ ᐃᔅᕋᐃᓪ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᓯᒥᐅᓐ᙮

ᓗᒃ 24:45

ᐊᑯ ᐅᔭ ᒂ ᐃᓯ ᐎᑎᒧᐛᑦ ᒐᒋ ᐱᔭᑭᔅᒡ ᓂᔅᑐᑎᒥᔨᒋ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮

ᓗᒃ 24:47

ᐊᑯ ᒪᒃ ᒋᐸ ᐛᐎᑎᒧᐛᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ᒥᓯᑕᐱᔪᐤ ᐅ ᒐ ᐃᓯ ᐛᐎᑕᑭᓄᐅᒡ᙮

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᒠᓐ 17:17

ᐸᔭᒋᐃᒡ ᒋᑕᑈᐅᓂᒡ ᐃᔅ᙮ ᒋᑦ ᐃᔨᒧᐅᓐ ᐊᐅᒄ ᑕᑈᐅᓐ᙮

ᒠᓐ 3:19

ᐛᔅᑕᐅᓐ ᒋ ᐸᒋ ᐱᔅᑎᓇᑭᓄᐤ ᐅᑕ ᐊᔅᒋᒡ ᒥᒄ ᒪᒃ ᐃᐛᒃ ᒋ ᐃᑕᔨᑎᒧᒡ ᐊᐛᓐᒋ ᐅᓂᑎᐱᔅᒋᓯᐅᓂᒡ ᒐᒋ ᐃᓯ ᐱᒪᑎᓯᒡ ᐃᔅᐱᔅ ᐎ ᐛᔅᑕᐅᓂᒡ ᒐᒋ ᐃᓯ ᐱᒪᑎᓯᒡ, ᐛᔅ ᒋ ᒥᒐᑎᓯᐅᒡ᙮ ᐊᔪᐅᒄ ᒪᒃ ᐅᔭ ᒐ ᐅᒋ ᑎᐸᔅᑯᓇᑭᓄᐎᒡ᙮

ᒠᓐ 4:10

ᒋ ᐃᑕᐤ ᒪᒃ ᒋᓴᔅ ᐊᓂᔭᔪᐛ ᐃᔎᐛ, “ᒋᔅᒐᔨᑎᒧᐱᓇ ᒐᒂᔪᐤ ᐊ ᐎ ᒥᔨᐛᑦ ᒋᓴᒪᓂᑐᐤ ᑭᔭ ᒋᔅᒐᔨᒥᔨᓐ ᐊᐛᓐ ᐊ ᐊᐎᔭᓐ, ᒋᔾ ᒋᐸ ᑯᒂᒋᒥᓐ ᒐᒋ ᒥᓇᐃᑕᓐ᙮ ᐊᓐ ᒪᒃ ᑲ ᐱᒪᒋᐃᐛᒥᑲᒡ ᓂᐱᔾ ᐊᐅᑯᓐ ᐊᓐ ᒋᐸ ᒥᓇᐃᑎᓐ᙮”

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

ᒠᓐ 8:12

ᐃᔅᐱᔅ ᒋᓴᔅ ᒥᓐ ᐊ ᐃᔨᒪᐊᑦ ᐊᓂᔭ ᐃᔪᐛ ᒋ ᐃᑕᐤ, “ᓂᔾ ᐊᐅᒄ ᑲ ᒥᔨᒂᐤ ᐃᔪᒡ ᐛᔅᑕᐅᓂᔪᐤ ᐅᑕ ᐊᔅᒋᒡ᙮ ᐊᓐ ᐊᐛᓐ ᑲ ᓇᓴᐅᑦ ᒋᑭ ᐊᔭᐤ ᐱᒪᑎᓯᐅᓂᔪᐤ ᐛᔅᑕᐅᓂᒡ ᐅᒡ ᑭᔭ ᓇᒪ ᒋᑭ ᐅᒋ ᐱᒧᑕᐤ ᐅᓂᑎᐱᔅᒋᓯᐅᓂᒡ᙮”

ᒠᓐ 9:39

ᒋᓴᔅ ᒂ ᐃᑕᑦ, “ᓂᒋ ᐸᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᑎᐸᔅᑯᓂᒐᔭᓐ ᐊᓐᑕ ᒐᒋ ᐅᒋ ᐛᐸᑕᒡ ᐊᓐᒡ ᐊᑲ ᐛᐸᑕᒡ, ᐊᑯ ᐊᓐᒡ ᑲ ᐛᐸᑕᒡ ᒐ ᐊᑲ ᒋ ᐛᐸᑕᒡ᙮”

ᒠᓐ 9:5

ᒪᒂᒡ ᐅᑕ ᐊ ᑕᔭᓐ ᐊᔅᒋᒡ ᐊᐅᒄ ᓂᔾ ᐃᔪᒡ ᐅᐛᔅᑕᐅᓄᐛᐤ᙮”

ᐊᑈᔅᑕᓇᒡ 10:43

ᒋ ᑎᐸᒋᒥᑯᐤ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᔅᒋᔄᔨᒋ, ᐎᔾ ᐅᑦ ᐃᓯᓂᐧᑲᓱᐅᓂᔨᒡ ᐅᒡ ᒥᒄ ᐊᐛᓐ ᒐ ᑕᑈᔭᔨᒪᒂ ᒋᑭ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮”

ᐊᑈᔅᑕᓇᒡ 13:47

ᐊᔪᐅᒄ ᐅᔭ ᐅᑎᐸᔨᒋᒐᐤ ᑲ ᐃᑎᓱᒥᔨᒥᑦ ᒐᒋ ᑎᔭᒡ ᑲ ᐃᔅᒋᔄᑦ, ᔅᒋ ᐅᑎᓂᑎᓐ ᒐᒋ ᐛᔅᑐᐛᔨᓐ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᒡ ᐊᐛᓐᒋ ᐊ ᑕᒡ, ᒐᒋ ᐅᒋ ᒋᔅᒐᔨᑕᒡ ᑕᓐᑕ ᐊ ᐅᒋ ᐱᒪᒋᐃᐛᑦ ᒋᓴᒪᓂᑐᐤ᙮ ᒥᓯᐛ ᒪᒃ ᐊ ᐃᔅᐱᑎᔅᑭᒥᑲᒡ ᐅᑕ ᐊᔅᒋᔾ ᒋᑭ ᐸᑕᑯᓐ᙮”

ᐊᑈᔅᑕᓇᒡ 15:9

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᐊᑲ ᐃᔭᒡ ᐃᑕᔨᒪᑦ ᐊᐛᔪᐛ᙮ ᒋ ᐸᔭᒋᐊᐤ ᐊ ᐛᐸᔨᑎᒧᐛᑦ ᐅᒥᒋᑥᐅᓂᔨᐛ ᐃᔅᐱ ᑲ ᑕᑈᔭᔨᒥᑯᑦ᙮

ᐊᑈᔅᑕᓇᒡ 2:38

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 20:21

ᐊ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ᐃᑎᔅᑲᓇᓯᒡ ᐊ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”

ᐊᑈᔅᑕᓇᒡ 20:32

“ᑭᔭ ᐊᓄᒡ ᒋ ᐊᑎ ᐃᓯ ᐱᔅᑎᓱᐛᑎᑎᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ ᒐ ᒥᔪ ᑭᓄᐛᔨᒥᑕᒄ ᑭᔭ ᐅᑦ ᐃᔨᒧᐅᓐ ᒐ ᓱᐛᔨᒥᑯᐛᒄ᙮ ᐅᓱᐛᔨᒋᒐᐅᓂᒡ ᑭᔭ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᑯᑕ ᒐ ᐅᒋ ᐊᔭᔭᒄ ᐊᓂᔭ ᑕᓐ ᑲ ᐎ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᐎᔭᔨᒪᑦ ᒐ ᐅᑦ ᐃᔨᒥᑦ᙮

ᐊᑈᔅᑕᓇᒡ 26:19

“ᑭᔭ ᒋᓴᐅᒋᒪᐤ ᐊᒃᕆᐸ, ᓂᒋ ᓂᓇᐃᑕᓐ ᐅ ᑲ ᐃᑎᓱᒥᑯᔭᓐ ᒋᒋᒋᓯᑯᒡ ᐅᒡ᙮

ᐊᑈᔅᑕᓇᒡ 26:23

ᐅ ᑲ ᐃᓯ ᐊᔨᒧᑕᑯᐱᓇ ᐊᐅᒄ ᐅ ᙭ ᑲ ᐃᓯᓂᐧᑲᑕᑭᓄᐅᑦ ᒐᔅᑎᓇᔅ ᒐ ᓂᓇᐧᑲᒋᐊᑭᓄᐅᑦ, ᑭᔭ ᐎᔾ ᓂᔅᑎᒻ ᒐ ᐅᓂᔅᑲᑦ ᓂᐳᐅᓂᒡ ᐅᒡ, ᒐᒋ ᐊᔨᒧᑎᒧᐛᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒡ ᐛᔅᑕᐅᓂᒡ ᐊ ᑎᒂᒡ ᐱᒪᒋᐃᑯᓯᐅᓐ᙮”

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

ᐊᑈᔅᑕᓇᒡ 5:31

ᒋᓴᒪᓂᑐᐤ ᒪᒃ ᒋ ᒋᔅᑕᔨᑕᑯᐊᐤ ᒋᓴᓴ ᐅᒥᔪᐅᓂᒡ ᐃᑕᒐ ᐊᒋ ᐊᔭᑦ, ᒐᒋ ᐅᒋᒪᐎᔨᒋ ᑭᔭ ᒐᒋ ᐱᒪᒋᐃᐛᔨᒋ, ᑭᔭ ᒐᒋ ᐃᑐᑐᐛᑦ ᐃᔅᕋᐃᓪ ᐃᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:17

ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮

1 ᑯᕆᓐᑎᔭᓇ 1:2

ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᑯᕆᓐᑦ ᑲ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᐛᐤ᙮ ᐊᓂᔭ ᑕᓐ ᑲ ᐃᓯ ᐃᑐᑎᒪᑕᒄ ᒋᓴᔅ ᙭ ᐊᑯᑕ ᑲ ᐅᒋ ᐅᑎᓂᑕᒄ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᔅᒋ ᐅᑎᓂᑯᐛᐤ ᒐᒋ ᐅᑦ ᐃᔨᒥᑐᑕᑕᒄ ᑭᔭ ᒥᓯᐛ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᑕᑈᔭᔨᒥᑯᑦ ᒋ ᐅᑎᓇᐤ᙮ ᐎᔾ ᒪᒃ ᐊᐅᒄ ᐛᒋᒪᒥᔭᐧᒄ ᒥᓯᐛ ᐊ ᑎᓯᔭᐧᒄ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

2 ᑯᕆᓐᑎᔭᓇ 6:14

ᐊᑲᐎᔾ ᒋᑭ ᐅᒋ ᐊᓯᑎᐱᓱᓇᐛᐤ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᒋᑭ ᒋ ᐊ ᒥᔪ ᐎᒐᐛᐤ ᐊᐛᓐ ᐊ ᑯᐃᔅᑯᑕᑎᓯᑦ ᓇᔅᒡ ᐊ ᒪᔭᒋ ᐱᒪᑎᓯᔨᒋ ᐊᐛᔪᐛ ? ᒋᑭ ᒋ ᐊ ᒥᔪ ᐎᒐᐅᑐᐅᒡ ᐊᐛᓐᒋ ᓂᓱᐎᒡ ᐊ ᐃᓯ ᐱᒧᑕᒡ, ᐸᐃᒄ ᐛᔅᑕᐅᓂᒡ ᐊ ᐃᓯ ᐱᒧᑕᑦ ᐊᑯ ᐊᓐ ᑯᑎᒃ ᐊᓐᑕ ᐊ ᐅᑲᔅᑕᔭᔨᒡ ᐊ ᐃᓯ ᐱᒧᑕᑦ ?

ᑲᓚᓯᔭᓇ 2:20

ᐛᔅ ᒧᔭᒻ ᑕᑈ ᐊᒋ ᐎᒋ ᓂᐱᒥᒃ ᒋᓴᔅ ᑲ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ᐱᒪᑎᓯᔭᓐ ᓂ ᐱᒪᑎᓯᓐ ᐊ ᑕᑈᔭᔨᒥᒃ ᐊᓐ ᑲ ᓴᒋᐃᑦ ᑭᔭ ᑲ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮

ᑲᓚᓯᔭᓇ 3:14

᙭ ᒋ ᐱᔅᑎᓂᓱᐤ ᐅᔭ ᒐᒋ ᐃᑐᑐᐛᑭᓄᐅᑦ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐᒋ ᒥᔅᑲᒡ ᐊᓂᔭ ᓱᐛᔨᒋᒐᐅᓂᔪᐤ ᐊᑉᕋᐊᒪ ᑲ ᐃᑕᑭᓄᔨᒋ ᒐᔅᑎᓇᔅ ᒐ ᒥᔭᑭᓄᔨᒋ᙮ ᐊᐅᒄ ᑲ ᐃᔅᐱᔨᒡ ᒐᒋ ᐊᔭᐛᐧᒄ ᐸᔭᒋ ᐊᒐᐧᒄ ᑕᑈᑎᒪᒂ᙮

ᑲᓚᓯᔭᓇ 3:2

ᐸᐃᒄ ᒐᒂᓐ ᒋᑭ ᑯᒂᒋᒥᑎᓇᐛᐤ᙮ ᐎᑎᒧᐅᒄ ᒪ᙮ ᐊ ᓂᓇᐃᑎᒪᒄ ᐊ ᒍᐤ ᐊᔭᒥᐊᐅ ᐎᓱᐛᐅᓇ ᔅᒋ ᐅᒋ ᒥᔨᑯᓇᐛᐤ ᑲ ᐸᔭᒋᓯᑦ ᐊᒐᐧᒄ ? ᓇᒪᐎᔾ ᐊ ᐊᒋ ᐸᑎᒺᒄ ᒋᓴᔅ ᐅᒥᔽᒋᒧᐅᓐ ᑭᔭ ᐊᒋ ᑕᑈᑎᒪᒄ ᐛᒋ ᒥᔨᑯᔭᒄ ?

ᐃᐱᓯᔭᓇ 1:11

ᒧᔅ ᐃᑐᑎᒻ ᒋᓴᒪᓂᑐᐤ ᑕᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᑕᐧᒃ᙮ ᙭ᑕ ᒪᒃ ᐊ ᐎᒐᐅᒪᐧᑯ ᐊᑯᑕ ᑲ ᐅᒋ ᐅᑎᓂᑕᐧᒄ ᒋᓴᒪᓂᑐᐤ ᐛᔅ ᐊᔪᐅᒄ ᐅᔭ ᑲ ᐃᓯ ᐎᔭᔨᑕᐧᒃ ᓴᔅ ᐊᓐᑕ ᐛᔅᑭᒡ᙮

ᐃᐱᓯᔭᓇ 1:14

ᐅ ᒪᒃ ᑲ ᐸᔭᒋᓯᑦ ᐊᒐᐧᒄ ᐊᒋ ᒥᔨᑯᐅᔭᐧᒄ ᐊᑯᑕ ᐛᒋ ᒐᔅᑎᓇᐅᔭᐧᒄ ᒋᓴᒪᓂᑐᐤ ᑕᑈ ᒐ ᒥᔭᑦ ᐅᑦ ᐃᔨᒪ ᐊᓂᔭ ᑕᓐ ᑲ ᐃᑕᑦ ᒐ ᒥᔭᑦ᙮ ᒋ ᒐᔅᑎᓇᐅᓇᓄᐤ ᓇᔅᒡ ᒐ ᐊᐱᐧᑯᓇᑦ ᒋᓴᒪᓂᑐᐤ ᒥᓯᐛ ᐊᓂᔭ ᑲ ᐅᑦ ᐃᔨᒥᑦ᙮ ᐊᔪᐅᒄ ᐅᔭ ᒐ ᐃᓯ ᐃᑐᑎᒧᐛᑦ ᒐᒋ ᐅᒋ ᒪᒥᒋᒪᑭᓄᐅᑦ ᐊ ᒋᔅᑕᔨᑕᑯᓯᑦ᙮

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

ᐃᐱᓯᔭᓇ 1:7

ᐛᔅ ᙭ ᑲ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐃᐱᓯᔭᓇ 2:8

ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᐃᐱᓯᔭᓇ 4:18

ᓇᒪ ᑭᔭ ᒋ ᓂᔅᑐᑎᒧᒡ ᒐᒂᔪᐤ᙮ ᓇᒪ ᒋ ᐃᓯ ᐱᒪᑎᓯᐅᒡ ᐊᓂᔭ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒋᐸ ᐃᓯ ᐱᒪᑎᓯᐅᒡ, ᐛᓴ ᐊ ᒥᔅᑯᑕᐊᒡ ᐊᑲ ᓇᔅᒡ ᐎ ᓂᔅᑐᑕᒡ᙮

ᐃᐱᓯᔭᓇ 5:11

ᐊᑲᐎᔾ ᒥᑯᔅᑲᑕᔨᑎᒧᒄ ᑕᓐ ᐊ ᐃᓯ ᓂᓇᐧᑯᐤ ᓂᑎᒥᒄ ᐃᑎᓇᓄᐅᒡ, ᑕᐸ ᓇᔅᒡ ᑯᐃᔅᒄ ᐃᓯ ᐎᒋᐃᐛᐱᔪᐛ ᐅᔭ᙮ ᐃᔭᐱᒡ ᒋᐸ ᐎ ᐛᐸᑎᔨᐛᓇᐛᐤ ᑕᓐ ᐊ ᐃᓯ ᐊᑲ ᑯᐃᔅᑯᓇᒂᒋ ᓂᑐᐎᔾ ᒐᒂᔪᐛ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᐃᐱᓯᔭᓇ 5:8

ᐛᔅ ᑭᔭ ᒋᔨᐛᐤ ᐅᓂᑎᐱᔅᒋᓯᐅᓂᒡ ᔅᒋ ᑕᓇᐛᐤ ᐊᓐᑕ ᐅᑕᒡ, ᒥᒄ ᒪᒃ ᐊᓄᒡ ᐊᑯ ᐛᔅᑕᐅᓂᒡ ᐊ ᑕᔭᒄ ᐊᓐ ᐅᒋ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᐊᑯᑕ ᒪᒃ ᓱᐧᒃ ᐎᓯ ᐱᒪᑎᓯᒄ ᐊᑯ᙮

ᐃᐱᓯᔭᓇ 6:12

ᐛᔅ ᑕᐸ ᐃᔪᒡ ᒋᒪᓯᐊᓄᐅᒡ᙮ ᒥᒋ ᐊᒐᐧᑯᒡ ᑲ ᑎᐸᔨᒋᒐᒡ ᒋᒪᓯᐊᓄᐅᒡ ᑭᔭ ᐊᓐᒡ ᓇᔅᒡ ᑲ ᓱᒐᔨᑕᑯᓯᒡ ᑭᔭ ᐊᓐᒡ ᑲ ᓂᑲᓂᔅᑲᒡ ᐅᓂᑎᐱᔅᒋᓯᐅᓂᔪᐤ ᐅᑕ ᐊᔅᒋᒡ ᐊ ᑎᑯᓂᔨᒡ᙮ ᒋᒪᓯᐊᓄᐅᒡ ᑭᔭ ᐊᓐᒡ ᒥᒐᑦ ᒥᒋ ᐊᒐᐧᑯᒡ ᐊᓐᑕ ᐃᔅᐱᒥᒡ ᐊ ᑕᒡ᙮

2 ᑎᒧᑎ 2:26

ᑭᔭ ᒐᒋ ᒋᔅᒐᔨᑎᒥᔨᒋ ᑕᓐᑕ ᒐᒋ ᐅᒋ ᐎᐧᑯᒋᐅᒡ ᐊᒋ ᓇᒂᑎᑯᒡ ᒥᒋᒥᓂᑐᐛ ᐊᒋ ᐃᑐᑕᑯᒡ ᒥᒄ ᒐᒋ ᐃᓯ ᓂᓇᐃᑐᐛᒡ ᑕᓐ ᐊ ᐃᑎᓱᒥᑯᒡ᙮

ᐃᑉᕈᐛ 10:10

ᐊᓂᔭ ᒪᒃ ᒋᓴᔅ ᓇᔅᒡ ᐊᒋ ᓂᓇᐃᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐸᐃᒂᐤ ᒋ ᐱᔅᑎᓂᒻ ᐅᐱᒪᑎᓯᐅᓐ, ᑲᒋᒡ ᒪᒃ ᐃᓯᓇᑯᓂᔪᐤ ᐅᔭ ᑲ ᐃᑎᑦ᙮ ᐅᔭ ᐊᒋ ᐃᑎᑦ ᐊᑯᑕ ᑲ ᐅᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ ᒐᒋ ᐃᓯᓇᑯᓱᐛᐧᒄ ᒧᔭᒻ ᐊᑲ ᓂᑕ ᐅᒋ ᒥᒋᑐᑎᒪᐧᒄ᙮

ᐃᑉᕈᐛ 10:14

ᐅᔭ ᒪᒃ ᒥᒄ ᐸᐃᒂᐤ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒋᓴᔅ ᐊᑯᑕ ᑲ ᐅᒋ ᐃᑐᑕᐧᒃ ᑲᒋᒡ ᒐᒋ ᐛᐸᔨᑎᒧᐛᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐅᒥᒋᑥᐅᓂᔪᐤ ᑭᔭ ᒐᒋ ᑯᐃᔅᑯᓇᑯᓯᔨᒋ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᐃᑉᕈᐛ 11:6

ᓇᒪ ᐊᐛᓐ ᒋᑭ ᒋ ᓇᐊᔨᑎᒥᐊᐤ ᒋᓴᒪᓂᑐᐛ ᐸᑐᔅ ᑕᑈᔭᔨᒪᒐ᙮ ᐛᔅ ᐊᓐ ᐊᐛᓐ ᑲ ᐎ ᐸᒋ ᓇᑕᑦ ᒋᓴᒪᓂᑐᐛ ᒋᐸ ᑕᑈᑎᒻ ᐊ ᑕᔨᒋ ᒋᓴᒪᓂᑐᐛ ᑭᔭ ᐊ ᒥᔪᑐᑐᐛᔨᒋ ᐊᓂᔭ ᓱᒃ ᑲ ᐎ ᒋᔅᒐᔨᒥᑯᑦ᙮

ᐃᑉᕈᐛ 9:15

ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

1 ᐱᑕᕐ 1:4

ᑭᔭ ᐸᑯᓴᔨᒧᔭᐧᒄ ᒐᒋ ᐊᔭᔭᐧᒄ ᐊᓐ ᑕᓐ ᐊ ᐃᓯ ᐊᔭᑦ ᒋᓴᒪᓂᑐᐤ ᒐ ᐃᓯ ᒥᔭᑦ ᐅᑦ ᐃᔨᒪ ᒐᒋ ᑎᐱᔨᐛᐅᓯᔨᒋ᙮ ᒋᒋᒋᓯᑯᒡ ᒪᒃ ᔅᒋ ᑭᓄᐛᔨᑎᒪᑯᐛᐤ ᐊᓐᑕ ᒐ ᐊᑲ ᓂᑕ ᐎᓂᐱᔨᒡ, ᑭᔭ ᒐ ᐊᑲ ᓂᑕ ᐅᓂᑎᓂᔨᒡ ᒪᒃ ᒐᒋ ᐸᓯᑯᓇᑯᓂᔨᒡ᙮

1 ᐱᑕᕐ 2:25

ᐛᔅ ᒧᔭᒻ ᒪᔭᑕᓂᓯᒡ ᐊ ᐅᓂᓯᓂᒡ ᔅᒋ ᐃᓯᓇᑯᓯᓇᐛᐤ᙮ ᐊᓄᒡ ᒪᒃ ᓴᔅ ᑲᐤ ᔅᒋ ᐸᓯᑯᐅᓇᐛᐤ ᒐᒋ ᓇᓴᐛᒄ ᐊᓐ ᒪᔭᑕᓂᓯᐅ-ᐃᔪᐤ ᑲ ᓂᓇᑭᑐᐛᔨᒥᑕᒄ ᑭᔭ ᑲ ᑭᓄᐛᔨᒪᑦ ᒋᑦ ᐊᒐᐧᑯᐛᐛ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮

1 ᒠᓐ 1:9

ᒧᔭᒻ ᐎᑎᒧᐛᒂ ᒋᓴᒪᓂᑐᐤ ᒋᒥᒋᑐᑎᒧᐅᓄᐛ, ᐎᔾ ᑕᑈᐅᒐᔨᑕᑯᓱᐤ ᑭᔭ ᑯᐃᔅᑯᑐ, ᒋᑭ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ ᑭᔭ ᒋᑭ ᐸᔭᒋᐃᑯᓄᐤ ᑕᓐ ᐊ ᐃᓯ ᐊᑲ ᑯᐃᔅᑯᑕᑎᓯᐛᐧᒄ᙮

1 ᒠᓐ 2:12

ᒋ ᒥᓯᓇᐊᒪᑎᓇᐛᐤ ᐅᔅᒋᐛᓯᑐᒄ, ᒋᒥᒋᑥᐅᓄᐛᐛ ᐊᒋ ᐛᐸᔨᑎᒪᑯᐅᔭᒄ ᐎᔾ ᒋᓴᔅ ᙭ ᐅᒡ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮

1 ᒠᓐ 5:19

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊ ᐅᑦ ᐊᐛᓯᒥᑐᑕᑕᐧᒄ᙮ ᒥᓯᐛ ᐊᓐᒡ ᐅᑕ ᐊᔅᒋᒡ ᐊ ᑕᒡ ᑎᐸᔨᒥᑯᐅᒡ ᒥᒋᒥᓂᑐᐛ᙮

ᒍᑦ 1:1

ᓂᔾ ᒍᑦ, ᒋᒥᔅ ᐎᐧᑲᓂᓴ, ᒋᓴᔅ ᙭ ᓂᑦ ᐊᑐᔅᑯᐛᐤ᙮ ᓂ ᒥᓯᓇᐊᒧᐛᐅᒡ ᐊᓐᒡ ᑲ ᑕᑈᑎᑯᒡ ᑭᔭ ᓇᔅᒡ ᑲ ᓴᒋᐃᑯᒡ ᒋᓴᒪᓂᑐᐛ ᐅᑕᐎᒪᐛ᙮ ᒥᔪ ᑭᓄᐛᔨᒪᑯᐅᒡ ᒋᓴᔅ ᙭ᑕ᙮

ᒋᔅᒐᔨᑕᑯᑕᒐᐅᓐ 21:27

ᓇᒪ ᒋᑭ ᐅᒋ ᐱᔅᑎᓂᑭᓄᐤ ᒐᒂᓐ ᐊ ᒪᔭᑎᒡ ᒐᒋ ᑎᒂᒡ ᐊᓐᑕ ᐊᓐ ᐅᑕᓇᐤ᙮ ᓇᒪ ᑭᔭ ᒋᑭ ᒋ ᐱᒐᐤ ᐊᓐ ᐊᐛᓐ ᓂᑐᐎᔾ ᑲ ᐃᑎᑦ ᒪᒃ ᑲ ᐎᒋ ᑭᑭᒋᔭᑦ᙮ ᒥᒄ ᐊᓐᒡ ᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᐊᓂᔭᔪᐛ ᒪᔭᑕᓂᓴ ᐅᐱᒪᑎᓯᐤ ᒥᓯᓇᐃᑭᓂᔨᒡ ᒋᑭ ᒋ ᐱᒐᐅᒡ ᐊᓂᔭ ᐅᑕᓇᔪᐤ᙮