ᐊᑈᔅᑕᓇᒡ 25:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒐᒃ ᒪᒃ ᑈᓪ ᑲ ᐃᔨᒥᔅᑎᒪᓱᑦ᙮ ᒋ ᐃᔅᒋᔄᐤ, “ᓇᒪ ᓂ ᐅᒋ ᐅᓂᑐᑕᓐ ᒍᐤ ᐎᓱᐛᐅᓐ᙮ ᓇᒪ ᑭᔭ ᓂ ᐅᒋ ᐃᑎᓐ ᒐᒋ ᒪᔭᔨᑎᒪᓐ ᒍᐤ ᒋᓴᐊᔭᒥᐊᐅᒋᐛᑉ ᑭᔭ ᒪᒃ ᒐᒋ ᐅᓂᑐᑐᐛᒃ ᕈᒻ ᒋᓴᐅᒋᒪᐤ᙮”

ᐊᑈᔅᑕᓇᒡ 25:8 Iomraidhean Croise

ᒐᓂᓯᔅ 40:15

ᐛᔅ ᒋᒧᑦ ᓂᒋ ᐸᓱᑯᐅᓐ ᐃᑉᕈᐤ ᐃᔪᒡ ᐅᑦ ᐊᔅᒋᐛᒡ ᐅᒡ, ᑭᔭ ᐅᑕ ᓇᒪ ᒐᒂᓐ ᓂ ᐅᒋ ᑐᑕᓐ ᒐ ᐅᒋ ᒋᐸᐅᑯᐎᔭᓐ᙮”

ᐊᑈᔅᑕᓇᒡ 23:1

ᐊᑯ ᑈᓪ ᑯᐃᔅᒄ ᑲ ᑭᓄᐛᐱᒪᑦ ᐊᓂᔭ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᐊᑯ ᑲ ᐃᑕᑦ, “ᓂᐧᑲᓂᓯᑐᒄ, ᑲ ᐃᔅᐱᔅ ᐸᒋ ᐊᑐᔅᑯᐅᒃ ᒋᓴᒪᓂᑐᐤ ᓂ ᒐᔅᑎᓇᐅᓐ ᒧᔅ ᑯᐃᔅᒄ ᐊᒋ ᐃᑎᔭᓐ ᒋᓴᒪᓂᑐᐤ ᐊ ᐱᒪᑎᓯᔅᑐᐅᒃ᙮”

ᐊᑈᔅᑕᓇᒡ 24:12

ᐅᒡ ᒪᒃ ᑲ ᑎᑯᓂᔨᒡ ᑕᓐ ᐛ ᐃᓯ ᐸᒋ ᒪᒥᒋᐃᓯᒡ ᓇᒪ ᓂ ᐅᒋ ᐛᐱᒥᑯᐅᒡ ᒐᒋ ᒥᒋᐱᔨᐃᒥᒋ ᐊᐛᔪᐛ ᐊᓐᑕ ᒍᐤ ᒋᓴᐊᔭᒥᐊᐅᒋᐛᐱᒡ᙮ ᓇᒪ ᑭᔭ ᓂ ᐅᒋ ᐛᐱᒥᑯᐅᒡ ᒐᒋ ᐃᑐᑎᒥᒡ ᐊᐛᔪᐛ ᒐᒋ ᒪᒥᒋᐱᔨᑕᔨᒋ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ ᒪᒃ ᐃᔭᒡ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 24:14

ᒪᐅ ᒥᒄ ᒐᔅᑎᓇᔅ ᑯᐃᔅᒄ ᒐᒋ ᐃᓯ ᐎᑎᒪᑕᓐ᙮ ᐊᑯᑕ ᐊ ᐃᓯ ᐎᒋᐃᐛᔭᓐ ᑭᔭ ᓂᔾ ᐊᓐᒡ ᑲ ᐱᒧᑕᒡ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᐃᓯ ᐱᒧᑕᓄᐎᒡ ᒐᒋ ᐅᒋ ᐱᒪᒋᐅᓇᓄᐎᒡ᙮ ᐊᐅᒄ ᐅᔭ ᓂᑎᒥᒄ ᐊ ᐃᓯ ᑕᑕᑈᑕᑭᓄᐅᒡ ᑲ ᐃᓯᓂᐧᑲᑕᒡ ᐎᔨᐛᐤ ᐅᒡ ᒍᐤ ᐃᔪᒡ᙮ ᐊᓐ ᒋᓴᒪᓂᑐᐤ ᐊᓂᔭᐧᑲ ᐊᓂᔅᒐ ᓂᐧᑲᓂᓯᓇᓂᒡ ᑲ ᐊᔭᒥᐊᔅᑐᐛᒡ ᐊᐅᑯᓐ ᐊᓐ ᐊ ᐊᔭᒥᐊᔅᑐᒃ ᑭᔭ ᓂᔾ᙮ ᓂᔾ ᒪᒃ ᐎ ᓂ ᑕᑈᑕᓐ ᒥᓯᐛ ᒐᒂᓐ ᑕᓐ ᐊ ᐃᓯ ᐎᑕᒂᒡ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᐊᓐᒡ ᐅᒋᔅᒋᐛᐃᒐᓱᒡ ᐅᒥᓯᓇᐃᑭᓂᐛᒡ᙮

ᐊᑈᔅᑕᓇᒡ 24:6

ᐛᐛᒡ ᒋ ᐎ ᒪᔭᔨᑎᒻ ᒍᐤ ᒋᓴᐊᔭᒥᐊᐅᒋᐛᐱᔪᐤ, ᐊᑯ ᒥᒄ ᐊᑯᑕ ᑲ ᒪᑯᓂᒋᒡ᙮ ᐊᓐᑕ ᒪᒃ ᓂᔭᓐ ᓄᐅᔭᔅᑯᓂᒐᐅᓇᒡ ᐊᑯᑕ ᑲ ᐎ ᐃᓯ ᑎᐸᔅᑯᓂᒋᒡ᙮

ᐊᑈᔅᑕᓇᒡ 25:10

ᐊᑯ ᑈᓪ ᒂ ᐃᔅᒋᔄᑦ, “ᐅᑕ ᐅ ᑲ ᓂᐳᐅᔭᓐ ᓯᓴᕐ ᐅᑎᐸᔅᑯᓂᒐᐅᒋᐛᐱᒡ ᐊᑯᑕ ᐅᑕ ᓂᐸ ᑎᐸᔅᑯᓂᑯᐅᓐ ᐛ ᑎᐸᔅᑯᓂᑯᐛᓇ᙮ ᑕᐸ ᑎᑯᓂᔪᐤ ᑕᓐ ᑲ ᐃᓯ ᐅᓂᑐᑐᐅᒂᐤ ᐅᒡ ᒍᐤ ᐃᔪᒡ᙮ ᒋᔾ ᓇᓂᑎᒻ ᒋ ᒥᔪ ᒋᔅᒐᔨᑕᓇᒐ ᐅ᙮

ᐊᑈᔅᑕᓇᒡ 28:17

ᓂᔅᑐ ᒋᓯᑲᐛ ᒪᒃ ᐃᔅᐱᔅ, ᐊᑯ ᒂ ᐎᓴᒪᑦ ᑈᓪ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᐃᔅᐱ ᒪᒃ ᒥᔭᒧᐎᔨᒋ ᒋ ᐃᔅᒋᔄᐤ, “ᓂᐧᑲᓂᓯᑐᒄ, ᓂᒋ ᒪᑯᓂᑯᐅᓐ ᐊᓐᑕ ᒋᕈᓯᓕᒥᒡ ᐊᑯ ᐊᓐᑕ ᕈᒻ ᐃᔪᒡ ᐊ ᑕᒡ ᒂ ᐃᓯ ᐱᔅᑎᓂᑯᐅᔭᓐ ᒐᒋ ᐃᓯ ᒪᒪᒋᑯᓂᑯᐅᔭᓐ᙮ ᐊᐅᒄ ᐅ ᑲ ᐃᑐᑕᑯᐅᔭᓐ ᐊᑎ ᐊᑲ ᐅᒋ ᒥᒋᑐᑐᐅᒂᐤ ᒋᑦ ᐃᔨᒥᓄᒡ ᑭᔭ ᐊᑲ ᐅᒋ ᐅᓂᑐᑎᒪᓐ ᐊᓂᔭᔪᐛ ᐃᑐᐅᓇ ᐊᓂᔅᒐ ᒋᐛᐧᑯᒪᑭᓄᐎᒡ ᑲ ᒥᔨᑕᐧᑯᒡ᙮

ᐊᑈᔅᑕᓇᒡ 28:21

ᐊᑯ ᒂ ᐃᑎᑯᑦ, “ᓇᒪᐎᔾ ᑭᑈ ᐎ ᓂᔭᓐ ᓂ ᐅᒋ ᒥᔅᑲᓇᓐ ᒐᒋ ᒥᓯᓇᐊᒪᑯᐅᔭᒡ ᐊᓐᑕ ᒍᑎᔭ ᐅᒋ, ᒐᒋ ᐊᔨᒧᒥᑯᔨᓐ ᐊᓐᑕ᙮ ᑭᔭ ᐊᓐᒡ ᒋᐧᑲᓂᓯᓄᐅᒡ ᐊᓐᑕ ᑲ ᐅᑐᑕᒡ ᓇᒪ ᒐᒂᔪᐤ ᒋ ᐅᒋ ᐃᑕᒋᒥᑯᒡ ᒪᒃ ᒐᒋ ᒪᔭᒋᒥᔅᒡ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮