ᐊᑈᔅᑕᓇᒡ 24:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ “ᓂ ᒋᔅᒐᔨᒪᓇᓐ ᐅ ᓇᐸᐤ, ᑈᓪ ᐊ ᒥᒋᐱᔨᑕᑦ᙮ ᑎᑯᓂᔪᐤ ᑕᓐ ᐊ ᐃᑎᑦ ᐊᑎ ᐛᒋ ᐃᑐᑐᐛᑦ ᐅᔭ ᒍᐤ ᑲ ᐃᑎᔅᑲᓇᓯᔨᒋ ᐃᔪᐛ ᒥᓯᐛ ᐅᑕ ᐊᔅᒋᒡ ᑲ ᑕᔨᒋ ᒐᒋ ᒪᒥᒋᐱᔨᑕᔨᒋ᙮ ᐎᒋᐃᐛᐤ ᑭᔭ ᐊ ᓂᑲᓂᔅᑯᐛᑭᓄᔨᒋ ᐊᓂᔭ ᓇᓴᕆᓐ ᑲ ᐃᓯᓂᐧᑲᑕᑭᓄᔨᒋ ᓇᔅᒡ ᓂᑎᒥᒄ ᑲ ᐃᓯ ᑕᑕᑈᑎᒥᔨᒋ᙮

ᐊᑈᔅᑕᓇᒡ 24:5 Iomraidhean Croise

ᒪᑎᔪᐤ 10:25

ᒋᐸ ᒥᔽᔨᑎᒻ ᒪᒃ ᐊᓐ ᑲ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ᒪᔭᔨᒥᒡ ᐊᒋ ᐃᔅᒋᔄᒡ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ᒪᔭᔨᒥᑯᐛᐅᒡ᙮”

ᒪᑎᔪᐤ 2:23

ᐊᑯ ᐊᓐᑕ ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐎᒋᒡ᙮ ᑭᔭ ᒂ ᑕᑈᒥᑭᓂᔨᒡ ᐛᔅᑭᒡ ᑕᓐ ᑲ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, “ᓇᓴᕆᑎᒡ ᑲ ᐅᒋᑦ ᒋᑭ ᐃᓯᓂᐧᑲᑕᑭᓄᐤ ᐊᓐ ᐊᐛᔅ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:24

ᒋ ᐃᔅᒋᔄᐤ, “ᐊᑲᐎᔾ ᐎᔭᔅᑐᑐᐅᓇᓐ, ᒋᔾ ᒋᓴᔅ ᓇᓴᕆᑎᒡ ᑲ ᐅᒋᔨᓐ᙮ ᒋ ᐸᒋ ᑎᑯᓯᓐ ᐊ ᒐᒋ ᓂᓱᐅᓇᒋᐃᔭᒡ ? ᒋ ᒋᔅᒐᔨᒥᑎᓐ ᐊᐛᓐ ᒋᔾ, ᐊᐅᒄ ᒋᔾ ᑲ ᐸᔭᒋᓯᑦ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᓗᒃ 23:19

ᐅ ᒪᒃ ᓇᐸᐤ ᐸᕋᐸᔅ ᒋ ᒋᐸᐛᑭᓄᐤ ᐛᔅ ᒋ ᒋᒋᐱᔨᑕᓯᐱᓐ ᐊ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᐊᓐᑕ ᒋᕈᓯᓕᒥᒡ᙮ ᑭᔭ ᒋ ᓂᐸᐊᓯᐱᓐ ᐊᐛᔪᐛ᙮

ᓗᒃ 23:2

ᐊᑯ ᓂᑎᒥᒄ ᑲ ᐃᓯ ᒪᒥᓯᒪᒡ ᐊ ᐃᔅᒋᔄᒡ, “ᐅ ᒪ ᓇᐸᐤ ᓂ ᒥᔅᑯᐛᓇᓐ ᐊ ᒥᒋᑭᒐᔅᒋᒪᑦ ᓂᑦ ᐃᔨᒥᓇᓇ, ᐊ ᒋᑕᐊᒧᐛᑦ ᒐᒋ ᒋᓯᐧᑯᐛᔨᒋ ᓱᓇᔭᔪᐤ ᕈᒻ ᒋᓴᐅᒋᒪᐛ ᓯᓴᕋ, ᑭᔭ ᐊ ᐎᑎᒧᐛᑦ ᐎᔾ ᐊ ᐊᐎᑦ ᙭, ᒋᓴᐅᒋᒪᐤ ᐊ ᐃᑕᐃᓱᑦ᙮”

ᓗᒃ 23:25

ᒂ ᐱᔅᑎᓇᑦ ᐊᓂᔭ ᓇᐸᐛ ᐸᕋᐸᔅ ᑲ ᐃᓯᓂᐧᑲᓱᔨᒋ ᐊᓐ ᑲ ᒋᒋᐱᔨᑕᒂ ᐊ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᑭᔭ ᐊᒋ ᓂᐸᐃᐛᒂ᙮ ᐊᑯ ᐊᓐᒡ ᐃᔪᒡ ᒂ ᐱᔅᑎᓂᒧᐛᑭᓄᐎᒡ ᒐᒋ ᐃᑐᑐᐛᒡ ᒋᓴᓴ ᑕᓐ ᑲ ᐎ ᐃᑐᑐᐛᒡ᙮

ᓗᒃ 23:5

ᐊᑯᑕ ᐊᑐᐎᔅ ᓱᒃ ᑲ ᐎ ᑕᑈᒡ ᐊ ᐃᔅᒋᔄᒡ, “ᐅ ᓇᐸᐤ ᒥᒋᐱᔨᑕᐤ ᑕᓐ ᐊ ᐃᓯ ᒋᔅᑯᑎᒪᒐᑦ ᒥᓯᐛ ᐊ ᐃᔅᐱᓴᔨᒡ ᒍᑎᔭ ᐊᔅᒋᔪᐤ᙮ ᑲᓕᓕᒡ ᒋ ᐅᒋ ᒋᒋᐱᔨᑕᐤ ᐊ ᒋᔅᑯᑎᒪᒐᑦ ᐅᑕ ᒪᒃ ᒋ ᐃᓯ ᒋᔅᑯᑎᒪᒐᐤ ᒋᕈᓯᓕᒥᒡ᙮”

ᐊᑈᔅᑕᓇᒡ 15:5

ᒥᒄ ᒪᒃ ᐱᔅᒐ ᐊᓐᒡ ᐸᕆᓯᔨᒡ ᑲ ᑕᑈᑕᒡ, ᐃᔅᐱ ᐱᔭᑐᐛᒡ ᑈᓚ ᐊ ᐎᑎᒥᔨᒋ ᐊ ᑕᑈᑎᒥᔨᒋ ᐊᓂᔭᔪᐛ ᐊᑲ ᒍᐤ ᑲ ᐃᑎᔅᑲᓇᓯᔨᒋ, ᒋ ᐅᒋ ᐱᓯᑯᐅᒡ ᐊ ᐃᔅᒋᔄᒡ, “ᐃᑕᔨᑕᑯᓂᔪᐤ ᑭᑈ ᐊᓐᒡ ᑲ ᑕᑈᑕᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᒋᔅᒋᓄᐛᒋᔄᑭᓄᐎᒡ ᑭᔭ ᐎᔨᐛᐤ ᑭᔭ ᒋᐸ ᐃᑕᑭᓄᐎᒡ ᒐᒋ ᓂᓇᐃᑎᒺᒡ ᒧᓱᓴ ᐅᐎᓱᐛᐅᓂᔪᐤ᙮”

ᐊᑈᔅᑕᓇᒡ 21:28

ᒋ ᐃᓯ ᑕᑈᐅᒡ ᒪᒃ, “ᒋᔨᐛᐤ ᓇᐸᑐᒄ ᐃᔅᕋᐃᓪ ᑲ ᐅᒋᔭᒄ, ᐸᒋ ᐎᒋᐃᓇᓐ, ᐊᐅᒄ ᐅ ᓇᐸᐤ ᒥᓯᐛ ᑲ ᐃᑐᑕᑦ ᐊ ᒋᔅᑯᑎᒧᐛᑦ ᒥᓯᐛ ᐊᐛᔪᐛ ᒐ ᐊᑲ ᒋ ᐊᐱᑕᔨᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒧᓱᓴ ᐅᐎᓱᐛᐅᓂᔪᐤ ᑭᔭ ᐅᔭ ᒋᓴᐊᔭᒥᐊᐅᒋᐛᐱᔪᐤ ᓇᒪ ᐊᐱᑕᔨᑎᒻ᙮ ᐛᐛᒡ ᑭᔭ ᒋ ᐸᒋ ᐱᑎᑲᐊᐤ ᒪᓐᑕᐛ ᐊᑲ ᒍᐤ ᐃᑎᔅᑲᓇᓯᔨᒋ ᐅᑕ ᒋᓴᐊᔭᒥᐊᐅᒋᐛᐱᒡ ᐊᓂᔭ ᒋᐸ ᐅᒋ ᐊᑲ ᐱᒐᔪᐛ ᐅᑕ᙮ ᐅᔭᔪᐤ ᒪᒃ ᑲ ᐃᑎᑦ ᓇᔅᒡ ᒪᔭᔨᑎᒻ ᐊᓂᔭ ᐊᓐᑕ ᒪᐅᒡ ᑲ ᐸᔭᐧᑭᓂᔨᒡ᙮”

ᐊᑈᔅᑕᓇᒡ 22:22

ᐃᔅᐱ ᒪᒃ ᐅᔭ ᐊ ᐃᓯ ᐃᔨᒥᔨᒋ ᐊᓂᔭᔪᐛ ᑈᓚ, ᐊᓂᔭ ᑭᑈ ᐊ ᐃᑕᒋᒧᔨᒋ ᒋᓴᒪᓂᑐᐛ ᐊᒋ ᐃᑎᓴᐅᑯᔨᒋ ᐊᓐᑕ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ, ᐊᑯᓐ ᑲ ᐃᔅᐱᔅ ᓂᑐᑐᐛᒡ ᐊᓐᒡ ᐃᔪᒡ᙮ ᒋ ᒋᒋ ᐊᓯᒂᐅᒡ ᐊ ᐃᔅᒋᔄᒡ, “ᓂᐸᐊᐧᒄ ᐅ ᓇᐸᐤ, ᓇᒪ ᐃᑕᔨᑕᑯᓱᐤ ᒐᒋ ᐱᒪᑎᓯᑦ ᐅᑕ ᐊᔅᒋᒡ᙮”

ᐊᑈᔅᑕᓇᒡ 24:14

ᒪᐅ ᒥᒄ ᒐᔅᑎᓇᔅ ᑯᐃᔅᒄ ᒐᒋ ᐃᓯ ᐎᑎᒪᑕᓐ᙮ ᐊᑯᑕ ᐊ ᐃᓯ ᐎᒋᐃᐛᔭᓐ ᑭᔭ ᓂᔾ ᐊᓐᒡ ᑲ ᐱᒧᑕᒡ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᐃᓯ ᐱᒧᑕᓄᐎᒡ ᒐᒋ ᐅᒋ ᐱᒪᒋᐅᓇᓄᐎᒡ᙮ ᐊᐅᒄ ᐅᔭ ᓂᑎᒥᒄ ᐊ ᐃᓯ ᑕᑕᑈᑕᑭᓄᐅᒡ ᑲ ᐃᓯᓂᐧᑲᑕᒡ ᐎᔨᐛᐤ ᐅᒡ ᒍᐤ ᐃᔪᒡ᙮ ᐊᓐ ᒋᓴᒪᓂᑐᐤ ᐊᓂᔭᐧᑲ ᐊᓂᔅᒐ ᓂᐧᑲᓂᓯᓇᓂᒡ ᑲ ᐊᔭᒥᐊᔅᑐᐛᒡ ᐊᐅᑯᓐ ᐊᓐ ᐊ ᐊᔭᒥᐊᔅᑐᒃ ᑭᔭ ᓂᔾ᙮ ᓂᔾ ᒪᒃ ᐎ ᓂ ᑕᑈᑕᓐ ᒥᓯᐛ ᒐᒂᓐ ᑕᓐ ᐊ ᐃᓯ ᐎᑕᒂᒡ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᐊᓐᒡ ᐅᒋᔅᒋᐛᐃᒐᓱᒡ ᐅᒥᓯᓇᐃᑭᓂᐛᒡ᙮

ᐊᑈᔅᑕᓇᒡ 24:4

ᐊᑯ ᒪᒃ ᐊᑲ ᓇᔅᒡ ᒐᒋ ᐅᑎᒥᐃᑕᒡ, ᔅᒋ ᐎ ᐃᓯ ᑯᒂᒋᒥᑎᓐ ᐊᓐ ᑭᑈ ᐊ ᐃᓯ ᒥᔪᑥᔨᓐ ᒐᒋ ᓂᑐᑎᐎᔨᓐ ᑕᓐ ᒐ ᐃᔅᒋᔄᔭᓐ᙮ ᓇᒪ ᓇᐅᔅ ᒋᑭ ᐅᒋ ᐃᔨᒥᐃᑎᓐ᙮”

ᐊᑈᔅᑕᓇᒡ 25:7

ᐃᔅᐱ ᒪᒃ ᑲ ᐱᑎᑲᐊᑭᓄᔨᒋ ᑈᓚ, ᐊᓐᒡ ᒍᐤ ᐃᔪᒡ ᒋᕈᓯᓕᒥᒡ ᑲ ᐅᑐᑕᒡ ᒋ ᐊᑎ ᐛᔅᑲᑲᐳᔅᑐᐛᐅᒡ᙮ ᐊᑯ ᓂᓇᐧᑯᐤ ᒐᒂᔪᐤ ᒂ ᐃᓯ ᒪᒥᓯᒪᒡ᙮ ᓇᒪ ᒥᒄ ᐅᒋ ᐃᑐᐅᒡ ᑕᑈ ᒐᒋ ᒐᔅᑎᓇᑕᔨᑕᑯᑕᒡ ᐊᓂᔭ ᑲ ᐃᓯ ᒪᒥᓯᒪᒡ᙮

ᐊᑈᔅᑕᓇᒡ 26:5

ᒧᔅ ᒋ ᐸᒋ ᒋᔅᒐᔨᑎᒧᒡ ᐅᒡ ᒍᐤ ᐃᔪᒡ, ᐸᕆᓯ ᐊ ᐊᐎᔭᓐ ᑭᔭ ᓇᔅᒡ ᓱᒃ ᐊᒋ ᐃᑕᔨᑎᒧᒡ ᐸᕆᓯ ᐊ ᑕᐅᒡ᙮ ᒋᐸ ᒋ ᐎᑎᒧᒡ ᑭᔭ ᐎ ᐎᑕᒡ ᐅᔭ᙮ ᐊᓐᒡ ᒪᒃ ᐸᕆᓯᔨᒡ ᐊᐅᑯᓐᒡ ᐊᓐᒡ ᒪᐅᒡ ᐃᔭᒂ ᐊ ᐃᓯ ᓂᓇᑭᑐᐛᔨᑕᒡ ᐅᔭ ᒍᐤ ᐎᓱᐛᐅᓂᔪᐤ᙮

ᐊᑈᔅᑕᓇᒡ 28:22

ᒥᒄ ᒪᒃ ᒋ ᐎ ᒋᔅᒐᔨᒥᑎᓇᓐ ᑕᓐ ᐊ ᐃᑕᔨᑎᒥᐃᑯᔨᓐ ᒋᔾ, ᐛᔅ ᒥᒐᑦ ᐊᐛᓐᒋ ᒥᓯᑕ ᐅ ᐊᔅᒋᔾ ᓇᒪ ᒥᔪᓯᓇᐊᒧᒡ ᐅᔭ ᑲ ᐃᓯ ᑕᑈᑎᒺᒄ᙮”

ᐊᑈᔅᑕᓇᒡ 5:17

ᐊᑯ ᐊᓐ ᒋᓴᐊᔭᒥᐊᐅᒋᒪᐤ, ᑭᔭ ᒥᓯᐛ ᐊᓂᔭᔪᐛ ᑲ ᐎᒋᐃᑯᑦ ᐊᓂᔭᔪᐛ ᓴᑎᔪᓯ ᑲ ᐃᓯᓂᐧᑲᑕᑭᓄᔨᒋ ᒋ ᐅᑕᔨᒪᐅᒡ ᐊᓂᔭᔪᐤ ᐊᑈᔅᑕᓇ ᐊᑯ ᑲ ᓇᓂᑐᐤ ᒥᔅᑲᒡ ᑕᓐᑕ ᒐᒋ ᐅᒋ ᒋᐱᒋᐊᒡ᙮

ᐊᑈᔅᑕᓇᒡ 6:13

ᑭᔭ ᒋ ᐎᓴᒪᐅᒡ ᓇᐸᐛ ᒐᒋ ᓂᑐᐎ ᐃᑕᒋᒪᔨᒋ ᔅᑎᐱᓇ ᐊᓐᑕ ᐊ ᒪᒧᐎᓇᓄᐎᒡ᙮ ᒋ ᐃᔅᒋᔄᔪᐛ ᒪᒃ, “ᐅ ᓇᐸᐤ, ᓇᒪ ᒋᐱᑐᐛᐤ ᐊ ᒥᒪᔭᔨᑕᐧᒃ ᐅᔭ ᒪᐅᒡ ᑲ ᐸᔭᐧᑭᓂᔨᒡ ᑭᔭ ᐊᓂᔭ ᐎᓱᐛᐅᓂᔪᐤ ᒋᓴᒪᓂᑐᐛ ᑲ ᒥᔭᔨᒋ ᐊᓂᔭᐧᑲ ᒧᓱᓴ᙮

1 ᑯᕆᓐᑎᔭᓇ 11:19

ᔭᐃᑕᔾ ᒂᔄᓐ ᓂᑐᐛᔨᑕᑯᓂᔨᒐ ᒐᒋ ᑎᒂᒡ ᑎᐸᓂᐱᔪᐅᓐ ᐃᔭᒄ ᒐᒋ ᓂᔅᑐᓇᑯᓯᒡ ᑕᓐ ᐊᓐᒡ ᑎᔭᑈᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮

1 ᑯᕆᓐᑎᔭᓇ 4:13

ᐊ ᒪᔭᔨᒥᔨᒥᒡ ᐊᐛᓐᒋ ᐊ ᐊᑐᔅᒐᔅᑐᐅᒋᒡ ᙭, ᐸᐧᑲᒡ ᓂᑦ ᐃᔨᒪᐊᓇᓐᒡ ᐊ ᐛᐎᑎᒧᐅᒋᒡ᙮ ᑭᔭ ᐊᓄᒡ ᒪᒂᒡ ᒧᔭᒻ ᐛᐱᓇᓱᐅᓐ ᐊᐅᑯᓐ ᐊ ᐃᑐᑕᑯᐅᔭᒡ, ᓂᔭᓐ ᓇᔅᒡ ᓇᒪ ᒐᒂᓐ ᓂᑦ ᐃᑕᔨᒥᑯᐅᓇᓐᒡ ᐊᐛᓐᒋ ᐅᑕ ᐊᔅᒋᒡ᙮

1 ᐱᑕᕐ 2:19

ᒋᓴᒪᓂᑐᐤ ᒋᑭ ᓇᐊᔨᑎᒪᐊᐤ ᓯᐱᔪᐛᓯᔅᑎᒥᓇ ᓯᔅᒋᑯᒡ ᐊ ᐎᓯᒐᔨᑎᒥᐃᑯᔨᓐ ᐊ ᒋᔅᒐᔨᑎᒥᓐ, ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮