ᐊᑈᔅᑕᓇᒡ 24:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐊᑯ ᒂ ᐃᑕᑦ ᐊᓂᔭ ᓂᑐᐱᔪᐅ-ᐅᒋᒪᐛ ᐊᓂᔭ ᑲ ᓂᓇᑭᑐᐛᔨᒪᔨᒋ ᑈᓚ ᐃᔭᒂ ᐃᔭᐱᒡ ᒐᒋ ᓂᓇᑭᑐᐛᔨᒪᑭᓄᔨᒋ ᐊᓂᔭ ᑈᓚ ᒥᒄ ᐊᑲ ᓇᔅᒡ ᒐᒋ ᒥᒪᒋᒥᓇᑭᓄᔨᒋ᙮ ᒋ ᐃᑎᓱᐛᐤ ᑭᔭ ᒐᒋ ᐱᔅᑎᓇᑭᓄᔨᒋ ᐅᐎᒐᐛᑭᓂᔪᐛ ᒐᒋ ᐎᒋᐃᑯᔨᒋ ᑕᓐ ᒐ ᐃᓯ ᓇᓂᑐᐛᔨᑎᒥᒂᓂ ᒐᒂᔪᐤ᙮

ᐊᑈᔅᑕᓇᒡ 24:23 Iomraidhean Croise

ᐊᑈᔅᑕᓇᒡ 23:16

ᐅᔭ ᒪᒃ ᑲ ᐃᔅᒋᔄᒡ ᐅᒡ ᑲ ᐎ ᓂᐸᐊᒡ ᑈᓚ ᒧᔭᒻ ᒋ ᐃᑕᔨᑯᐱᓇ ᑯᐸᓇᓴ ᐊᓐᑕ ᐊᓂᔭ ᑲ ᑕᒡ᙮ ᑈᓪ ᒪᒃ ᐎᐧᑲᓂᓴ ᐅᔭ ᐅᑯᓯᔪᐛ᙮ ᑭᑈ ᐱᔭᑕᐧᒃ ᐊᓐ ᓇᐸᔅ ᐅᔭ ᐊ ᐃᓯ ᐊᔨᒧᒪᑭᓄᔨᒋ ᐊᓂᔭ ᐅᐧᑯᒥᓴ ᑈᓚ᙮ ᒂ ᐱᒐᑦ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᔪᐤ ᐊᓐᑕ ᑲ ᑭᓄᐛᔨᒪᑭᓄᔨᒋ ᑈᓚ, ᐊᑯ ᒂ ᐎᑎᒧᐛᑦ ᑕᓐ ᑲ ᐃᓯ ᐸᑕᐧᒃ᙮

ᐊᑈᔅᑕᓇᒡ 23:35

ᒋ ᐃᑕᐤ ᐊᓂᔭ ᑈᓚ, “ᐃᔅᐱ ᑎᑯᓯᒂᐛ ᐊᓐᒡ ᑲ ᐎ ᑎᐸᔅᑯᓂᔅᒡ ᐊᑯᑕ ᐃᔭᒂ ᒐ ᓂᑐᑎᒪᓐ ᑕᓐ ᐛ ᐃᓯ ᑎᐸᔅᑯᓂᑯᐅᓇ᙮” ᐊᑯ ᒂ ᐃᑎᓱᒪᑦ ᐅᑦ ᐊᓯᒪᑭᓂᓯᒻ ᒐᒋ ᓂᓇᑭᑐᐛᔨᒪᔨᒋ ᐊᓂᔭ ᑈᓚ ᐊᓐᑕ ᐊᕈᑕ ᐅᒋᓴᐅᒋᒪᐅᒋᐛᐱᒡ᙮

ᐊᑈᔅᑕᓇᒡ 24:26

ᒥᒄ ᒪᒃ ᒋ ᑎᑯᓂᔨᒐ ᑕᓐ ᑲ ᐃᓯ ᐱᑯᓴᔨᒧᑦ ᐊᓐ ᒋᓴᐅᒋᒪᐤ ᐱᓕᑭᔅ᙮ ᒋ ᐱᑯᓴᔨᒪᒐ ᑈᓚ ᒐᒋ ᒥᔨᑯᑦ ᓱᓇᔭᔪᐤ ᑭᔭ ᒧᔅ ᒂ ᐎᓴᒪᑦ ᒐᒋ ᐃᔨᒥᐃᑯᑦ᙮

ᐊᑈᔅᑕᓇᒡ 25:4

ᐊᑯ ᐸᔅᑕᔅ ᒂ ᐃᑕᑦ, “ᐊᔅᒄ ᒪᒂᒡ ᒋᐸᐛᑭᓄᐤ ᑈᓪ ᐊᓐᑕ ᓯᓴᕆᔭᒡ᙮ ᓴᔅ ᒪᒃ ᐎᐱᒡ ᓂᑭ ᐃᑐᑕᓐ ᓇᑕ᙮

ᐊᑈᔅᑕᓇᒡ 27:3

ᐊᓐ ᒪᒃ ᐎᔭᐸᒡ ᓴᐃᑐᓂᒡ ᓂᒋ ᒥᓯᑲᓇᓐ᙮ ᒋ ᒥᔪᑐᑐᐛᐤ ᒪᒃ ᐊᓂᔭ ᑈᓚ ᐊᓐ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ᙮ ᒋ ᐱᔅᑎᓇᐤ ᒐᒋ ᓂᑐᐛᐱᒪᔨᒋ ᐎᒐᐛᑭᓂᔪᐛ, ᑭᔭ ᒐᒋ ᒥᔭᑭᓄᔨᒋ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒐᒂᔪᐤ᙮

ᐊᑈᔅᑕᓇᒡ 28:16

ᑲ ᒥᓯᑲᔭᒡ ᐊᓐᑕ ᕈᒥᒡ, ᑈᓪ ᒋ ᐱᔅᑎᓇᑭᓄᐤ ᑎᐸᓐ ᐊᓐᑕ ᒥᒋᐛᐱᔪᐤ ᒐᒋ ᐎᒋᑦ᙮ ᐊᑯ ᒥᒄ ᐃᔭᐱᒡ ᐊᓯᒪᑭᓂᓴ ᒋ ᑕᔪᐛ ᐊ ᓂᓇᑭᑐᐛᔨᒥᑯᑦ᙮

ᐊᑈᔅᑕᓇᒡ 28:31

ᒋ ᐊᔨᒧᑎᒧᐛᐤ ᒪᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᒋ ᒋᔅᑯᑎᒪᒐᐤ ᐅᑎᐸᔨᒋᒐᐛ ᒋᓴᔅ ᙭ᑕ ᐊ ᐊᔨᒧᒪᑦ᙮ ᒋ ᓱᒋᑕᐊᐤ ᒪᒃ ᓇᔅᒡ ᑭᔭ ᓇᒪ ᐅᒋ ᒋᑕᐊᒧᐛᑭᓄᐤ ᐅᔭ ᐊ ᐃᑎᑦ᙮