ᐊᑈᔅᑕᓇᒡ 24:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐅᒡ ᒪᒃ ᑲ ᑎᑯᓂᔨᒡ ᑕᓐ ᐛ ᐃᓯ ᐸᒋ ᒪᒥᒋᐃᓯᒡ ᓇᒪ ᓂ ᐅᒋ ᐛᐱᒥᑯᐅᒡ ᒐᒋ ᒥᒋᐱᔨᐃᒥᒋ ᐊᐛᔪᐛ ᐊᓐᑕ ᒍᐤ ᒋᓴᐊᔭᒥᐊᐅᒋᐛᐱᒡ᙮ ᓇᒪ ᑭᔭ ᓂ ᐅᒋ ᐛᐱᒥᑯᐅᒡ ᒐᒋ ᐃᑐᑎᒥᒡ ᐊᐛᔪᐛ ᒐᒋ ᒪᒥᒋᐱᔨᑕᔨᒋ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ ᒪᒃ ᐃᔭᒡ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 24:12 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:14

ᐃᔅᐱ ᒪᒃ ᒥᓐ ᓇᑐᐛᐱᒪᒡ ᐊᓂᔭᔪᐛ ᑯᑎᑲ ᒋᔅᒋᓄᐊᒧᐛᑭᓇ, ᒋ ᐛᐱᒪᐅᒡ ᒥᒐᑦ ᐊᐛᔪᐛ ᐊ ᐛᔅᑲᑲᐳᔅᑕᑯᔨᒋ᙮ ᐊᓂᔭᔪᐛ ᒪᒃ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐊᐅᑯᓂ ᐊᓂᔭᔪᐛ ᓇᔅᒡ ᑲ ᒥᔅᑎ ᐃᔨᒥᐃᑯᔨᒋ᙮

ᒠᓐ 18:21

ᒐᒂᓐ ᒪᒃ ᐛᒡ ᐸᒋ ᑯᒂᒋᒥᔨᓐ ? ᑯᒂᒋᒥᒡ ᒪ ᐊᓐᒡ ᐃᔪᒡ ᑲᒋ ᐸᑐᐅᒡ᙮ ᑯᒂᒋᒥᒡ ᑕᓐ ᑲ ᐃᑎᒂᐤ, ᐛᔅ ᒋᔅᒐᔨᑎᒧᒡ ᑕᓐ ᑲ ᐃᔅᒋᔄᐅᒡ᙮”

ᐊᑈᔅᑕᓇᒡ 24:18

ᐊᑯᑕ ᒪᒃ ᐊᓐᑕ ᒪᒂᒡ ᑲ ᑕᐅᒡ ᑲ ᐛᐱᒥᒡ ᐊᓐᒡ ᒍᐤ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑲ ᐅᒋᒡ᙮ ᓴᔅ ᓂᒋ ᐃᑐᑎᒺᓐ ᑕᓐ ᑲᒋ ᐃᑎᓇᓄᐅᒡ ᒐᒋ ᐸᔭᒋᐃᓱᓇᓄᐅᒡ᙮ ᐊᓐ ᒪᒃ ᒪᒂᒡ ᓇᒪ ᐅᒋ ᒥᒐᑐᐅᒡ ᐊᐛᓐᒋ ᐊᓐᑕ ᑭᔭ ᓇᒪ ᒐᒂᓐ ᐅᒋ ᐃᓯ ᒥᒋᐱᔪᐤ᙮

ᐊᑈᔅᑕᓇᒡ 24:5

“ᓂ ᒋᔅᒐᔨᒪᓇᓐ ᐅ ᓇᐸᐤ, ᑈᓪ ᐊ ᒥᒋᐱᔨᑕᑦ᙮ ᑎᑯᓂᔪᐤ ᑕᓐ ᐊ ᐃᑎᑦ ᐊᑎ ᐛᒋ ᐃᑐᑐᐛᑦ ᐅᔭ ᒍᐤ ᑲ ᐃᑎᔅᑲᓇᓯᔨᒋ ᐃᔪᐛ ᒥᓯᐛ ᐅᑕ ᐊᔅᒋᒡ ᑲ ᑕᔨᒋ ᒐᒋ ᒪᒥᒋᐱᔨᑕᔨᒋ᙮ ᐎᒋᐃᐛᐤ ᑭᔭ ᐊ ᓂᑲᓂᔅᑯᐛᑭᓄᔨᒋ ᐊᓂᔭ ᓇᓴᕆᓐ ᑲ ᐃᓯᓂᐧᑲᑕᑭᓄᔨᒋ ᓇᔅᒡ ᓂᑎᒥᒄ ᑲ ᐃᓯ ᑕᑕᑈᑎᒥᔨᒋ᙮

ᐊᑈᔅᑕᓇᒡ 25:8

ᒐᒃ ᒪᒃ ᑈᓪ ᑲ ᐃᔨᒥᔅᑎᒪᓱᑦ᙮ ᒋ ᐃᔅᒋᔄᐤ, “ᓇᒪ ᓂ ᐅᒋ ᐅᓂᑐᑕᓐ ᒍᐤ ᐎᓱᐛᐅᓐ᙮ ᓇᒪ ᑭᔭ ᓂ ᐅᒋ ᐃᑎᓐ ᒐᒋ ᒪᔭᔨᑎᒪᓐ ᒍᐤ ᒋᓴᐊᔭᒥᐊᐅᒋᐛᑉ ᑭᔭ ᒪᒃ ᒐᒋ ᐅᓂᑐᑐᐛᒃ ᕈᒻ ᒋᓴᐅᒋᒪᐤ᙮”

ᐊᑈᔅᑕᓇᒡ 28:17

ᓂᔅᑐ ᒋᓯᑲᐛ ᒪᒃ ᐃᔅᐱᔅ, ᐊᑯ ᒂ ᐎᓴᒪᑦ ᑈᓪ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᐃᔅᐱ ᒪᒃ ᒥᔭᒧᐎᔨᒋ ᒋ ᐃᔅᒋᔄᐤ, “ᓂᐧᑲᓂᓯᑐᒄ, ᓂᒋ ᒪᑯᓂᑯᐅᓐ ᐊᓐᑕ ᒋᕈᓯᓕᒥᒡ ᐊᑯ ᐊᓐᑕ ᕈᒻ ᐃᔪᒡ ᐊ ᑕᒡ ᒂ ᐃᓯ ᐱᔅᑎᓂᑯᐅᔭᓐ ᒐᒋ ᐃᓯ ᒪᒪᒋᑯᓂᑯᐅᔭᓐ᙮ ᐊᐅᒄ ᐅ ᑲ ᐃᑐᑕᑯᐅᔭᓐ ᐊᑎ ᐊᑲ ᐅᒋ ᒥᒋᑐᑐᐅᒂᐤ ᒋᑦ ᐃᔨᒥᓄᒡ ᑭᔭ ᐊᑲ ᐅᒋ ᐅᓂᑐᑎᒪᓐ ᐊᓂᔭᔪᐛ ᐃᑐᐅᓇ ᐊᓂᔅᒐ ᒋᐛᐧᑯᒪᑭᓄᐎᒡ ᑲ ᒥᔨᑕᐧᑯᒡ᙮