ᐊᑈᔅᑕᓇᒡ 24:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᓇᒪ ᐅᔅᑕ ᓂᓱᓴᑉ ᒋᓯᑲᐛ ᑲ ᑕᔭᓐ ᐊᓐᑕ ᒋᕈᓯᓕᒥᒡ ᐊᒋ ᐊᔭᒥᐊᔭᓐ᙮ ᒋᔾ ᓇᓂᑎᒻ ᒋᑭ ᒋ ᓂᑐ ᒋᔅᒐᔨᑕᓐ ᐊ ᑕᑈᔭᓐ ᐅ ᑲ ᐃᑎᑕᓐ᙮

ᐊᑈᔅᑕᓇᒡ 24:11 Iomraidhean Croise

ᐊᑈᔅᑕᓇᒡ 21:18

ᒥᓐ ᒪᒃ ᐎᔭᐸᒡ ᓂᒋ ᓂᑐᐛᐱᒪᓇᓐ ᒋᒥᔅ ᒥᓯᐛ ᐊᓐᑕ ᐊ ᑎᓯᔭᒡ᙮ ᑈᓪ ᑭᔭ ᓂᒋ ᐎᒐᐅᑯᓇᓐ᙮ ᒥᓯᐛ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ ᒋ ᑕᐅᒡ ᐊᓐᑕ ᒋᒥᓴ ᐊ ᑕᔨᒋ᙮

ᐊᑈᔅᑕᓇᒡ 22:30

ᐎᔭᐱᓂᔨᒡ ᒪᒃ, ᐊᓂᔭ ᐊ ᐎ ᓂᑐ ᒋᔅᒐᔨᑕᐧᒃ ᒐᒂᔪᐤ ᐊᓐ ᐛᒋ ᓂᑐᐛᔨᒪᑭᓄᔨᒋ ᐊᓂᔭ ᑈᓚ ᒐᒋ ᓂᐸᐊᑭᓄᔨᒋ, ᒋ ᐃᑎᓱᐛᐤ ᒐᒋ ᐱᔅᑎᓇᑭᓄᔨᒋ, ᐊᑯ ᑲ ᐃᑕᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᒐᒋ ᒪᒧᐎᔨᒋ᙮ ᒂ ᐃᑐᑕᐊᑦ ᐊᓐᑕ ᑈᓚ, ᐊᑯ ᒂ ᐅᑎᔅᑯᑲᐳᐊᑦ ᐊᓐᑕ ᐊᓂᔭ ᐊ ᒪᒧᐎᓇᓄᐎᒡ᙮

ᐊᑈᔅᑕᓇᒡ 23:11

ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ᓂᐳᐅᔪᐛ ᐊᓐᑕ ᑈᓪ ᐊ ᑕᑦ ᐊᑯ ᒂ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ᐃᑎᔨᓐ ᑭᔭ ᐊᓐᑕ ᕈᒥᒡ᙮”

ᐊᑈᔅᑕᓇᒡ 23:23

ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᐎᓴᒪᑦ ᓂᓱ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐅᑦ ᐊᓯᒪᑭᓂᓯᒪ, ᐊᑯ ᒂ ᐃᑕᑦ, “ᐊᔭᔅᑯᐎᔨᒡ ᓂᓱ ᒥᑕᓯᒥᑎᓄᐤ ᐊᓯᒪᑭᓂᓯᒡ ᑭᔭ ᓂᔄᐅᑕᒡ ᑕᑐᔪᐤ ᐊᓐᒡ ᑲᐸᐃᑭᔎᐛ ᑲᒋ ᐊᐱᒋᐊᒡ ᐊ ᒪᓯᒐᒡ ᑭᔭ ᓂᓱ ᒥᑕᓯᒥᑎᓄᐤ ᐊᓯᒪᑭᓂᓯᒡ ᒧᐧᑯᒪᓇ ᑲ ᒪᓯᒐᐛᒐᒡ ᒐᒋ ᐃᑐᑕᒡ ᓯᓴᕆᔭᒡ᙮ ᐊᓄᒡ ᒪᒃ ᐅᔭ ᒐ ᐅᑕᑯᓯᔨᒡ ᐸᐃᑯᔅᑕᐤ ᐃᔅᐱᔨᒐ ᒐ ᔅᑐᑕᒡ᙮

ᐊᑈᔅᑕᓇᒡ 24:1

ᐱᑕᑕᒡ ᒋᓯᑲᐤ ᒪᒃ ᐃᔅᐱᔅ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᐊᓇᓇᔭᔅ ᑲ ᐃᓯᓂᐧᑲᓱᑦ ᒋ ᑎᑯᓯᓄᐤ ᐊᓐᑕ ᓯᓴᕆᔭᒡ᙮ ᒋ ᐎᒐᐅᑯᐤ ᐱᔅᒐ ᐊᓂᔭ ᑲ ᓂᑲᓂᔅᑯᐛᔨᒋ ᒍᐤ ᐃᔪᐛ ᑭᔭ ᐊᓂᔭ ᑲᐃᔨᒥᑦ ᑐᕐᑐᓚᔅ ᑲ ᐃᓯᓂᐧᑲᓱᔨᒋ᙮ ᐊᑯ ᒂ ᓂᑐᐛᐱᒪᒡ ᐊᓂᔭ ᒋᓴᐅᒋᒪᐛ ᐱᓕᑭᓴ ᐊ ᐛᐎᑎᒧᐛᒡ ᑕᓐ ᑲ ᐃᑕᔨᒪᒡ ᑈᓚ ᐊ ᐃᓯ ᐅᓂᑐᑎᒥᔨᒋ᙮

ᐊᑈᔅᑕᓇᒡ 24:17

“ᒥᒐᑐᐤ ᐱᐳᓇ ᓇᒪ ᓂ ᐅᒋ ᑕᓐ ᐊᓐᑕ ᒋᕈᓯᓕᒥᒡ᙮ ᐃᔅᐱ ᒪᒃ ᑲᐤ ᑲ ᑎᑯᓯᓂᔭᓐ ᐊᓐᑕ, ᓂᒋ ᐸᑕᐛᐅᒡ ᓂᑦ ᐃᔨᒥᒡ ᐱᔅᑎᓂᒐᐅᓂᔪᐤ ᐊᒋ ᒥᔭᑭᓄᔨᒋ ᐊᓂᔭ ᑲ ᒋᔅᑎᒪᑎᓯᔨᒋ, ᑭᔭ ᐊᔪᐤ ᓂᒋ ᓇᒋ ᐊᔭᒥᐊᓐ ᒐᒋ ᒥᑐᔅᑕᐊᒧᐅᒃ ᒋᓴᒪᓂᑐᐤ᙮