ᐊᑈᔅᑕᓇᒡ 24:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᐊᓐ ᒋᓴᐅᒋᒪᐤ ᑲ ᒥᔭᑦ ᐊᓂᔭ ᑈᓚ ᒐᒋ ᐃᔨᒥᔨᒋ, ᐊᑯ ᑈᓪ ᑲ ᐃᔅᒋᔄᑦ, “ᒋ ᒋᔅᒐᔨᒥᑎᓇᓐ ᓴᔅ ᒥᒐᑐᐤ ᐱᐳᓇ ᑎᐸᔅᑯᓂᒐᓱᐤ ᐊᒋ ᐃᑎᐱᔨᓐ ᐅᑕ ᐃᑕᒐ ᐅᒡ ᒍᐤ ᐃᔪᒡ ᐊ ᑕᒡ᙮ ᓂ ᒥᔽᔨᑕᓐ ᒪᒃ ᐊ ᓇᐃᐱᔨᒡ ᑯᐃᔅᒄ ᒐᒋ ᐃᓯ ᐊᔨᒧᑎᒪᑕᓐ ᑭᔭ ᓂᔾ ᐅ ᑕᓐ ᐛ ᐃᓯ ᑎᐸᔅᑯᓂᑯᔭᓐ᙮

ᐊᑈᔅᑕᓇᒡ 24:10 Iomraidhean Croise

ᓗᒃ 12:11

ᐊᑯ ᒋᓴᔅ ᒂ ᐃᔅᒋᔄᑦ, “ᒧᔭᒻ ᑎᐸᔅᑯᓂᒐᐅᒋᐛᐱᒡ ᐃᑐᑕᐃᑯᔨᓇ ᑭᔭ ᒍᐤ ᐊᔭᒥᐊᐅᒋᐛᐱᒡ ᑭᔭ ᒋᓴᐅᒋᒪᐛ ᐊ ᑕᔨᒋ ᒐᒋ ᑎᐸᔅᑯᓂᑯᔨᓐ ᐊᑲᐎᔾ ᒥᑯᔅᑲᑕᔨᑕ ᑕᓐ ᒐ ᐃᔅᒋᔄᔨᓐ ᑭᔭ ᑕᓐ ᒐ ᐃᓯ ᓂᔎᐅᓯᑥᔨᓐ ᒐᒋ ᐅᒋ ᐎᒋᐃᓱᔨᓐ᙮

ᓗᒃ 12:14

ᐊᑯ ᒋᓴᔅ ᒂ ᐃᑕᑦ, “ᑕᐸ ᓇᒪᐎᔾ ᓂᔾ ᑲ ᐎᔭᔨᑕᐧᒃ ᑕᓐᑕ ᒐ ᐃᓯ ᑕᑕᐅᓂᑭᓄᔨᒋ ᐊᐛᓐ ᐅᑦ ᐊᐱᒋᑕᐅᓇ ᒪᒃ ᑲ ᐸᐱᔅᑎᓂᒧᐛᑦ ᐊᐛᔪᐛ ᐅᑦ ᐊᐱᒋᑕᐅᓂᔪᐛ᙮”

ᓗᒃ 18:2

ᒋ ᐃᑕᐤ, “ᒋ ᑕᐤ ᑎᐸᔅᑯᓂᒐᓱᐤ ᐅᑕᓇᒡ ᐊᑲ ᐅᒋ ᓇᓂᒋᔅᑐᐛᑦ ᒋᓴᒪᓂᑐᐛ ᑭᔭ ᐊᑲ ᐅᒋ ᐊᐱᑕᔨᒪᑦ ᐃᔪᐛ᙮

ᐊᑈᔅᑕᓇᒡ 12:17

ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮

ᐊᑈᔅᑕᓇᒡ 13:16

ᐊᑯ ᒪᒃ ᑈᓪ ᑲ ᐅᐱᑲᐳᐅᑦ, ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭ ᐃᔪᐛ ᒐ ᐊᑲ ᒋ ᒋᔅᑐᔨᒋ, ᒂ ᐃᔅᒋᔄᑦ, “ᓂᐧᑲᓂᓯᑐᒄ, ᑕᐱᔅᑯᓐ ᒋᔨᐛᐤ ᒍᐤ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᓂᑐᑐᐅᒄ᙮

ᐊᑈᔅᑕᓇᒡ 18:15

ᒥᒄ ᒪᒃ ᒋᔨᐛᐤ ᐊᓐᑕ ᒋᒥᒋᐱᔨᐃᑐᐅᓇᐛᐤ ᐃᔅᒋᔄᐅᓇ ᐅᒋ ᑭᔭ ᐃᓯᓂᐧᑲᓱᐅᓇ ᐅᒋ ᑭᔭ ᒋᑦ ᐊᔭᒥᐊᐅ ᐎᓱᐛᐅᓄᐛᐛ ᐅᒡ᙮ ᒋᔨᐛᐤ ᒥᔪᐱᔨᑕᒄ ᑕᓐ ᐊ ᐃᓯ ᒥᒋᐱᔭᒄ, ᓇᒪ ᐎ ᓂᔾ ᒋᑭ ᐅᒋ ᐎᒋᐃᑎᓇᐛᐤ᙮”

ᐊᑈᔅᑕᓇᒡ 19:33

ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ᐃᑕᔨᒪᑭᓄᐅᑦ ᐎᔾ ᑲ ᐃᑐᑕᐧᒃ ᐛᒋ ᒋᔄᓯᓇᓄᐎᒡ᙮ ᐊᑯ ᒂ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ᑕᑈᔨᒋ, ᐊ ᐎ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮

ᐊᑈᔅᑕᓇᒡ 21:40

ᐊᑯ ᒂ ᐱᔅᑎᓂᑯᑦ ᐊᓂᔭ ᓂᑐᐱᔪᐅ-ᐅᒋᒪᐛ ᒐᒋ ᐃᔨᒥᑦ᙮ ᐊᑯ ᑈᓪ ᒂ ᑕᐧᑯᓯᑲᐳᐅᑦ ᐊᓐᑕ ᑕᑕᐧᑯᔅᑲᓇᓂᒡ᙮ ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭᔪᐛ ᐃᔪᐛ ᒐ ᐊᑲ ᒋ ᒋᔅᑐᔨᒋ᙮ ᐃᔅᐱ ᒪᒃ ᐊᑲ ᒐᔅᑐᔨᒋ, ᐊᑯ ᒂ ᐃᔨᒪᐊᑦ ᐃᑉᕈᐤ ᐊ ᐃᓯ ᐃᔨᒥᑦ᙮

ᐊᑈᔅᑕᓇᒡ 23:24

ᔭᐃᑕᔾ ᐅᑎᓂᒺᒄ ᑈᓪ ᑲᐸᐃᑭᔎᐛ ᒐᒋ ᐱᒧᑕᐃᑯᑦ᙮ ᐊᑯ ᓇᑕ ᒋᓴᐅᒋᒪᐛ ᐱᓕᑭᓴ ᐊ ᑕᔨᒋ ᒐ ᐃᑐᑕᐊᒄ᙮ ᐃᔭᒂ ᓂᓇᑭᑐᐛᔨᒪᐧᒄ ᒐ ᐊᑲ ᒋ ᐎᔭᔅᑐᑕᑯᑦ ᐊᐛᔪᐛ᙮”

ᐊᑈᔅᑕᓇᒡ 26:1

ᐊᑯ ᒋᓴᐅᒋᒪᐤ ᐊᒃᕆᐸ ᒂ ᐃᑕᑦ ᐊᓂᔭ ᑈᓚ, “ᐊᑯ ᐸᔅᑎᓂᑯᔨᓐ ᒐᒋ ᐃᔨᒥᔅᑎᒪᓱᔨᓐ᙮” ᐊᑯ ᑈᓪ ᒂ ᓱᐅᓂᔅᒐᔨᑦ ᐃᔅᐱ ᒐ ᐃᔨᒥᔅᑎᒪᓱᑦ᙮

1 ᐱᑕᕐ 3:15

ᒋᔅᑕᔨᒪᐧᒄ ᐅᑎᐸᔨᒋᒐᐤ ᙭ ᒋᑕᐃᐛᒡ᙮ ᒧᔅ ᒋᐸ ᐊᔭᔅᑯᐎᓇᐛᐤ ᑕᓐ ᒐᒋ ᐃᓯ ᐎᑎᒧᐊᑯᒡ ᐊᓐᒡ ᑲ ᐎ ᓇᓂᑐ ᒋᔅᒐᔨᑕᒡ ᐊᓂᔭ ᐊᔅᐸᔨᒧᐅᓂᔪᐤ ᑲ ᐱᒋᔅᑲᑯᐛᒄ᙮ ᒋᔭᒻ ᒥᒄ ᐎᑎᒧᐛᐧᑯᒡ ᐊᐛᓐᒋ ᐅᔭᔪᐤ ᑭᔭ ᐃᔭᐱᒡ ᒋᔅᑕᔨᒪᐧᑯᒡ᙮