ᐊᑈᔅᑕᓇᒡ 23:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯ ᐊᔭᔅᒃ ᑲ ᐊᑎ ᒥᔅᑎ ᒋᔄᐛᒡ ᐊ ᐃᔨᒥᐃᑐᒡ ᐅᒡ ᐸᕆᓯᔨᒡ ᑭᔭ ᓴᑎᔪᓯᒡ ᐊ ᒥᒋᐱᔨᒡ᙮ ᐊᑯ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᐸᕆᓯ ᑲ ᐃᑎᐱᒡ ᒂ ᐱᓯᑯᒡ ᐊᑯ ᒂ ᐃᔅᒋᔄᒡ, “ᓇᒪ ᐎ ᓂᔭᓐ ᓂ ᒥᔅᑭᒺᓇᓐ ᒐᒂᔪᐤ ᒐ ᐅᒋ ᐛᐛᓯᐊᑭᓄᐅᑦ ᐅ ᓇᐸᐤ᙮ ᒐᒃ ᒪ ᑕᑈ ᑲ ᐃᔨᒥᐃᑯᒂ ᐊᒐᒂ ᑭᔭ ᒪᒃ ᐊᓐᒋᓐ᙮”

ᐊᑈᔅᑕᓇᒡ 23:9 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:16

ᐊᑯ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᐊᓂᔭᔪᐛ ᐸᕆᓯᐊ ᑲ ᐊᐱᒋᐃᑯᒡ ᒋ ᐛᐱᒪᐅᒡ ᒋᓴᓴ ᐊ ᐎᒋᒥᒋᓱᒪᔨᒋ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᑲ ᐃᑕᐱᑎᓯᔨᒋ ᑭᔭ ᑯᑎᑲ ᐊᐛᔪᐛ ᑲ ᒥᒐᑎᓯᔨᒋ᙮ ᒋ ᑯᒂᒋᒪᐅᒡ ᐅᒋᔅᒋᓄᐊᒧᐛᑭᓂᔪᐛ ᐊ ᐃᑕᒡ, “ᒐᒂᓐ ᐛᒋ ᐎᒋᒥᒋᓱᒪᑦ ᐅᔭ ᑲ ᐃᑕᔨᑕᑯᓯᔨᒋ ?”

ᓗᒃ 23:22

ᐊᐅᒄ ᐊᑯ ᓂᔍᐤ ᑈᓚᑦ ᑲ ᐃᑕᑦ, “ᒐᒄ ᒥᒋᑐᑎᒧᐅᓂᔪᐤ ᒪᒃ ᑲ ᐃᑐᑕᐧᒃ ᐅ ᓇᐸᐤ ᐊᓂᔭ ᒐ ᐅᒋ ᓂᐸᐊᑭᓄᐅᑦ ? ᓂᑭ ᐃᑎᓱᐛᓐ ᒐᒋ ᐸᐱᓯᔅᑕᐛᑭᓄᐅᑦ ᐊᑯ ᒐ ᐱᔅᑎᓂᒃ᙮”

ᓗᒃ 23:4

ᐊᑯ ᑈᓚᑦ ᒂ ᐃᑕᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᒪᒧᐱᔨᒋ, “ᓇᒪ ᓇᔅᒡ ᓂ ᒥᔅᑭᒺᓐ ᒥᒋᑥᐅᓂᔪᐤ ᒐᒋ ᐊᔭᑦ ᐅ ᓇᐸᐤ᙮”

ᓗᒃ 5:30

ᐊᑯ ᒪᒃ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᐃᔨᒪᐊᒡ ᒋᓴᓴ ᐅᒋᔅᒋᓄᐊᒧᐛᑭᓂᔪᐛ ᐊ ᐃᑕᒡ, “ᒐᒂᓐ ᐛᒋ ᐎᒋᒥᒋᓱᒪᑯᒡ ᐊᓐᒡ ᑲ ᒪᒧᓴᒋᓇᒡ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᒡ ᑭᔭ ᐊᓐᒡ ᑯᑎᑭᒡ ᐅᒥᒋᑥᐅᒡ ?”

ᒠᓐ 12:29

ᐊᓐᒡ ᒪᒃ ᐊᐛᓐᒋ ᑲ ᓂᐳᐅᒡ ᐊᓐᑕ ᒋ ᐸᑎᒧᒡ ᐊᓂᔭ ᐸᑕᑯᓱᐅᓂᔪᐤ ᐊᑯ ᒂ ᐃᔅᒋᔄᒡ, “ᓂᒥᔅᒍᐅᒡ ᐸᑕᑯᓱᐅᒡ᙮” ᐊᑯ ᑯᑎᑭᒡ ᒂ ᐃᔅᒋᔄᒡ, “ᐊᓐᒋᓇ ᒋ ᐃᔨᒥᐃᑯᐤ᙮”

ᐊᑈᔅᑕᓇᒡ 11:17

ᒐᔅᑎᓇᔅ ᒪᒃ ᒋᓴᒪᓂᑐᐤ ᒋ ᒥᔭᐤ ᐊᓂᔭᔪᐛ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ᒥᔨᑯᐅᔭᐧᒄ ᐃᔅᐱ ᑲ ᑕᑈᔭᔨᒪᐧᒄ ᐅᑎᐸᔨᒋᒐᐤ ᒋᓴᔅ ᙭᙮ ᐊᐛᓐ ᒪᒃ ᓂᔾ ᒐᒋ ᒋᐱᒋᐃᒃ ᒋᓴᒪᓂᑐᐤ ᑕᓐ ᐛ ᐃᑎᑦ,” ᒋ ᐃᑕᐤ ᐱᑕᕐ ᐊᓂᔭ ᐃᔪᐛ᙮

ᐊᑈᔅᑕᓇᒡ 22:6

“ᐸᐃᒂᐤ ᒪᒂᒡ ᐊ ᐱᒧᑕᔭᓐ ᐊ ᐊᑎ ᐸᓱᐛᐸᑎᒪᓐ ᑕᒪᔅᑲᔅ, ᓴᓯᑲᓐ ᐊ ᐊᐱᑕᒋᓯᑲᒡ, ᓯᔅᒋᑯᒡ ᒋ ᐅᒋ ᒥᔅᑎ ᐛᔅᑕᐤ ᐊᓐᑕ ᐛᔅᑲ ᐊ ᑕᔭᓐ ᐊᓐᑕ ᐅᒋ ᒋᒋᒋᓯᑯᒡ ᐊ ᐅᒋ ᐛᔅᑕᒡ᙮

ᐊᑈᔅᑕᓇᒡ 22:7

ᓇᔅᒡ ᒪᒃ ᓂᒋ ᐊᑎ ᐸᒋᓯᓐ ᐊᓐᑕ ᐊᔅᒋᒡ ᐊᑯ ᒂ ᐸᑐᐅᒃ ᐊᐛᓐ ᐊ ᐃᓯᑦ, ‘ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ?’ ”

ᐊᑈᔅᑕᓇᒡ 23:29

ᐃᔅᐱ ᒪᒃ ᐛᑎᒪᑯᔭᓐ ᑕᓐ ᑲ ᐃᓯ ᑎᐸᔅᑯᓇᑭᓄᐅᑦ ᐅ ᓇᐸᐤ ᓇᒪ ᒐᒂᔪᐤ ᐅᒋ ᐃᑐᐤ ᒐᒋ ᐅᒋ ᐛᐛᓯᐊᑭᓄᐅᑦ ᒪᒃ ᒐᒋ ᐅᒋ ᓂᐸᐊᑭᓄᐅᑦ᙮ ᐊᑲ ᒪᒧᔭᒻ ᐊᑐᑕᐧᒃ ᒍᐤ ᐎᓱᐛᐅᓇ ᐊᑯᓐ ᑲ ᐃᓯ ᒪᒥᓯᒪᑭᓄᒂ᙮

ᐊᑈᔅᑕᓇᒡ 23:8

ᐊᓐᒡ ᓴᑎᔪᓯᒡ ᓇᒪ ᑕᑈᑎᒧᒡ ᒐ ᐅᓂᔅᑲᔨᒋ ᐊᓂᔭ ᑲ ᓂᐱᔨᒋ᙮ ᓇᒪ ᑭᔭ ᑕᑈᑎᒧᒡ ᐊᓐᒋᓇ ᑭᔭ ᐊᒐᒂ ᐊ ᑕᔨᒋ᙮ ᐊᑯ ᒪᒃ ᐎ ᐊᓐᒡ ᐸᕆᓯᔨᒡ ᒥᓯᐛ ᐃᓯ ᑕᑈᑎᒧᒡ ᐅᔭ᙮

ᐊᑈᔅᑕᓇᒡ 25:25

ᓇᒪ ᒪᒃ ᓂᔾ ᐎ ᓂ ᐅᒋ ᒥᔅᑭᒺᓐ ᑕᓐ ᑲ ᐃᓯ ᐅᓂᑐᑎᒥᒂ ᒐᒋ ᐅᒋ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᔨᒋ᙮ ᐊᑯ ᒪᒃ ᐎᔾ ᐅ ᓇᐸᐤ ᒋ ᓂᑐᐛᔨᑎᒻ ᓇᑕ ᐊᓂᔭ ᒋᒋᐛ ᒋᓴᐅᒋᒪᐛ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮ ᐊᑯ ᒪᒃ ᒂ ᐎᔭᔨᑎᒧᒡ ᓇᑕ ᐊ ᑕᔨᒋ ᒐᒋ ᐃᑎᓴᐅᒃ᙮

ᐊᑈᔅᑕᓇᒡ 26:31

ᐃᔅᐱ ᑲ ᐎᐎᒡ ᐊᑯ ᒂ ᐃᔅᒋᔄᒡ, “ᓇᒪ ᒐᒂᔪᐤ ᐅᒋ ᐃᑐᑎᒻ ᐅ ᓇᐸᐤ ᒐᒋ ᐅᒋ ᒪᑯᓇᑭᓄᐅᑦ ᑭᔭ ᒪᒃ ᒐᒋ ᐅᒋ ᓂᐸᐊᑭᓄᐅᑦ᙮”

ᐊᑈᔅᑕᓇᒡ 27:23

ᐛᔅ ᐊᓐ ᒋᓴᒪᓂᑐᐤ ᑲ ᑎᐸᔨᒥᑦ ᐊᓐ ᑲ ᐊᔭᒥᐊᔅᑐᐅᒃ, ᐅᑦ ᐊᓐᒋᓇᒪ ᓂᒋ ᐸᒋ ᓂᑐᐛᐱᒥᑯᔪᐛ ᑕᐱᔅᑲᔨᒡ᙮

ᐊᑈᔅᑕᓇᒡ 5:39

ᒥᒄ ᒪᒃ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᓇᒪ ᒋᑭ ᒋᐱᒐᐊᐛᐅᒡ ᐛᔅ ᒧᔭᒻ ᐎᔾ ᒋᓴᒪᓂᑐᐤ ᐊ ᓂᔅᑯᔅᑐᐛᒄ ᐊᐅᑯᓐ ᒐ ᐃᓯᓇᑯᓯᔭᒄ᙮” ᐊᐅᑯᓐ ᒂ ᐃᔅᒋᔄᑦ ᑲᒪᓕᔭᓪ᙮

ᐊᑈᔅᑕᓇᒡ 9:4

ᒋ ᐸᒋᓯᓄᐤ ᐊᔅᒋᒡ, ᐊᑯ ᒂ ᐸᑐᐛᑦ ᐊᐛᔪᐛ ᐊ ᐃᑎᑯᑦ, “ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ?”

1 ᑯᕆᓐᑎᔭᓇ 10:22

ᐅ ᑎᔭᒂ, ᒋᑭ ᒋᔄᐊᓄᐤ ᒋᓴᒪᓂᑐᐤ ᑭᔭ ᒋᑭ ᐅᑕᔨᑎᒻ᙮ ᒋᑦ ᐃᑕᔨᑕᓇᓄᐤ ᐊ ᐃᐛᒃ ᒋᔭᓄᐤ ᐊ ᓱᒋᓯᔭᐧᒄ ᐃᔅᐱᔅ ᒋᓴᒪᓂᑐᐤ ?