ᐊᑈᔅᑕᓇᒡ 23:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᑈᓪ ᒂ ᐃᔅᒋᔄᑦ, “ᓂᐧᑲᓂᓯᑐᒄ, ᐊᑐᒡ ᓂᐸ ᐅᒋ ᐃᑕᐤ ᐅᔭ ᒋ ᒋᔅᒐᔨᒪᐛᒐ ᐊ ᒋᓴᐊᔭᒥᐊᐅᒋᒪᐅᑦ ᐛᔅ ᑭᑈ ᑕᑈ ᐊᑯᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᑲᐎᔾ ᒋᑭ ᐅᒋ ᒥᒋ ᐊᔨᒧᒪᐤ ᐊᐛᓐ ᐊ ᓂᑲᓂᔅᑯᐛᑦ ᒋᑦ ᐃᔨᒪ᙮”

ᐊᑈᔅᑕᓇᒡ 23:5 Iomraidhean Croise

ᐊᒃᓱᑕᔅ 22:28

ᒐ ᐊᑲ ᒥᒋ ᐛᐎᔭᒄ ᒋᓴᒪᓂᑐᐤ ᑭᔭ ᐊᑲᐎᔾ ᒋᑭ ᐅᒋ ᒥᒋ ᐊᔨᒧᒪᐛᐤ ᐊᐛᓐ ᐊ ᓂᑲᓂᔅᑯᐛᑦ ᒋᑦ ᐃᔨᒧᐛᐛ᙮

ᐊᑈᔅᑕᓇᒡ 23:4

ᐊᑯ ᐊᓐᒡ ᒥᒋᒪ ᑈᓚ ᐊ ᑕᔨᒋ ᑲ ᓂᐳᐅᒡ ᑲ ᐃᑕᒡ ᐊᓂᔭ ᑈᓚ, “ᐊᐛ ᒋᐸ ᐃᓯ ᐃᔨᒪᐊᐤ ᐊᓐ ᒋᓴᐊᔭᒥᐊᐅᒋᒪᐤ ᒋᓴᒪᓂᑐᐛ ᑲ ᐅᑎᓂᑯᑦ᙮”

ᐊᑈᔅᑕᓇᒡ 24:17

“ᒥᒐᑐᐤ ᐱᐳᓇ ᓇᒪ ᓂ ᐅᒋ ᑕᓐ ᐊᓐᑕ ᒋᕈᓯᓕᒥᒡ᙮ ᐃᔅᐱ ᒪᒃ ᑲᐤ ᑲ ᑎᑯᓯᓂᔭᓐ ᐊᓐᑕ, ᓂᒋ ᐸᑕᐛᐅᒡ ᓂᑦ ᐃᔨᒥᒡ ᐱᔅᑎᓂᒐᐅᓂᔪᐤ ᐊᒋ ᒥᔭᑭᓄᔨᒋ ᐊᓂᔭ ᑲ ᒋᔅᑎᒪᑎᓯᔨᒋ, ᑭᔭ ᐊᔪᐤ ᓂᒋ ᓇᒋ ᐊᔭᒥᐊᓐ ᒐᒋ ᒥᑐᔅᑕᐊᒧᐅᒃ ᒋᓴᒪᓂᑐᐤ᙮

2 ᐱᑕᕐ 2:10

ᐊᑐᐎᔅ ᒪᒃ ᒐᔅᑎᓇᑕᔨᑕᑯᓂᔪᐤ ᒐ ᑎᐸᔅᑯᓇᑭᓄᐅᒡ ᐊᓐᒡ ᒥᒄ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᐅᐎᔭᓯᐤ ᐱᒪᑎᓯᐅᓄᐛᐛ ᑲ ᐃᓯ ᓄᔅᐱᓂᑕᒡ, ᐊᓐᒡ ᑲ ᐛᐧᑲᑕᒡ ᑎᐸᔨᒋᒐᐅᓂᔪᐤ᙮ ᓇᔅᒡ ᑕᑈ ᓱᒋᒪᔭᔨᒐᐅᒡ ᐊᐅᑯᓐᒡ ᐅᒡ, ᓇᒪ ᓇᔅᒡ ᓂᓇᑭᑐᐛᔨᒪᐅᒡ ᑕᓐ ᐊ ᐃᑕᒡ ᒪᒃ ᑕᓐ ᐊ ᐃᑐᑐᐛᒡ ᐊᐛᔪᐛ ᐊ ᒪᔭᔨᒪᒡ᙮ ᓇᒪ ᑭᔭ ᓴᒋᓱᐅᒡ ᒐᒋ ᒥᒋ ᐊᔨᒧᑕᒡ ᒋᔅᑕᔨᑕᑯᓱᐅᓂᔪᐤ᙮ ᑕᐸ ᐛᐛᒡ ᓂᑲᐎᔪᐅᒡ ᒐᒋ ᒪᔭᔨᒪᒡ ᐊᓂᔭ ᐊᐛᔪᐛ ᐅᒋᒪᐅᓂᔪᐤ ᑲ ᐊᔭᔨᒋ᙮