ᐊᑈᔅᑕᓇᒡ 23:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐅᔭ ᒪᒃ ᑲ ᐃᔅᒋᔄᒡ ᐅᒡ ᑲ ᐎ ᓂᐸᐊᒡ ᑈᓚ ᒧᔭᒻ ᒋ ᐃᑕᔨᑯᐱᓇ ᑯᐸᓇᓴ ᐊᓐᑕ ᐊᓂᔭ ᑲ ᑕᒡ᙮ ᑈᓪ ᒪᒃ ᐎᐧᑲᓂᓴ ᐅᔭ ᐅᑯᓯᔪᐛ᙮ ᑭᑈ ᐱᔭᑕᐧᒃ ᐊᓐ ᓇᐸᔅ ᐅᔭ ᐊ ᐃᓯ ᐊᔨᒧᒪᑭᓄᔨᒋ ᐊᓂᔭ ᐅᐧᑯᒥᓴ ᑈᓚ᙮ ᒂ ᐱᒐᑦ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᔪᐤ ᐊᓐᑕ ᑲ ᑭᓄᐛᔨᒪᑭᓄᔨᒋ ᑈᓚ, ᐊᑯ ᒂ ᐎᑎᒧᐛᑦ ᑕᓐ ᑲ ᐃᓯ ᐸᑕᐧᒃ᙮

ᐊᑈᔅᑕᓇᒡ 23:16 Iomraidhean Croise

ᐊᑈᔅᑕᓇᒡ 21:34

ᐊᓐᒡ ᒪᒃ ᐃᔪᒡ ᐊᓐᑕ ᑲ ᑕᒡ ᒋ ᓂᔎᐅᓯᐊᐅᒡ᙮ ᐊᑯ ᒥᒄ ᓇᒪ ᐸᐃᑯᓄᒡ ᐅᒋ ᐃᔅᒋᔄᐅᒡ, ᑯᑎᑭᒡ ᐃᔭᒡ ᐊ ᐃᔅᒋᔄᒡ ᑕᓐ ᐊ ᐃᔅᒋᔄᔨᒋ ᐊᓂᔭᔪᐛ ᑯᑎᑲ᙮ ᐊᑯ ᑭᑈ ᓇᒪ ᐅᒋ ᓂᔅᑐᑎᒻ ᐊᓐ ᓂᑐᐱᔪᐅ-ᐅᒋᒪᐤ ᑕᓐ ᐊᓐ ᑲ ᐃᑎᓇᓄᐎᒡ, ᐊᑯ ᒥᒄ ᑲ ᐃᑎᓱᐛᑦ ᒐᒋ ᐱᑎᑲᐊᑭᓄᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 21:37

ᒪᒂᒡ ᒪᒃ ᐊᓂᔭ ᐊ ᐎ ᐱᑎᑲᐊᑭᓄᐅᑦ ᑈᓪ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒋ ᐃᑕᐤ ᐊᓂᔭ ᓂᑐᐱᔪᐅ-ᐅᒋᒪᐛ, “ᒋᑭ ᒋ ᐃᑎᑎᓐ ᐊ ᒐᒂᓐ ?” ᐊᑯ ᒂ ᐃᑎᑯᑦ, “ᑯᕆᒃ ᐊ ᒋ ᐊᑎ ᐃᓯ ᐃᔨᒥᓐ ?

ᐊᑈᔅᑕᓇᒡ 23:10

ᒐᒃ ᒪᒃ ᐊᓂᔭ ᐊ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 23:17

ᑈᓪ ᒂ ᐎᓴᒪᑦ ᐸᐃᒄ ᐊᓂᔭ ᑲ ᓂᑲᓂᔅᑯᐛᔨᒋ ᐊᓯᒪᑭᓂᓴ, ᐊᑯ ᒂ ᐃᑕᑦ, “ᐃᑐᑕᐃ ᐊᓐ ᐅ ᓇᐸᔅ ᓇᑕ ᓂᑐᐱᔪᐅ-ᐅᒋᒪᐛ ᐊ ᑕᔨᒋ᙮ ᑎᑯᓂᔪᐤ ᒐᒂᔪᐤ ᐛᐎᑎᒧᐛᑦ᙮”

ᐊᑈᔅᑕᓇᒡ 23:32

ᐊᓂᔭ ᒪᒃ ᐎᔭᐱᓂᔨᒡ, ᒋ ᒋᐛᐅᒡ ᐊᓐᒡ ᑲ ᐱᒧᑕᒡ ᐊᓯᒪᑭᓂᓯᒡ᙮ ᐊᑯ ᐊᓐᒡ ᐊᓯᒪᑭᓂᓯᒡ ᑲᐸᐃᑭᔎᐛ ᑲ ᐊᐱᒋᐊᒡ ᒂ ᐎᒐᐛᒡ ᐊᓂᔭ ᑈᓚ᙮

ᐊᑈᔅᑕᓇᒡ 24:23

ᐊᑯ ᒂ ᐃᑕᑦ ᐊᓂᔭ ᓂᑐᐱᔪᐅ-ᐅᒋᒪᐛ ᐊᓂᔭ ᑲ ᓂᓇᑭᑐᐛᔨᒪᔨᒋ ᑈᓚ ᐃᔭᒂ ᐃᔭᐱᒡ ᒐᒋ ᓂᓇᑭᑐᐛᔨᒪᑭᓄᔨᒋ ᐊᓂᔭ ᑈᓚ ᒥᒄ ᐊᑲ ᓇᔅᒡ ᒐᒋ ᒥᒪᒋᒥᓇᑭᓄᔨᒋ᙮ ᒋ ᐃᑎᓱᐛᐤ ᑭᔭ ᒐᒋ ᐱᔅᑎᓇᑭᓄᔨᒋ ᐅᐎᒐᐛᑭᓂᔪᐛ ᒐᒋ ᐎᒋᐃᑯᔨᒋ ᑕᓐ ᒐ ᐃᓯ ᓇᓂᑐᐛᔨᑎᒥᒂᓂ ᒐᒂᔪᐤ᙮

1 ᑯᕆᓐᑎᔭᓇ 3:19

ᐛᔅ ᐊᓂᔭ ᐊ ᐃᓯ ᑭᒐᑕᐛᔨᑕᒡ ᐊᐛᓐᒋ ᐅᑕ ᐊᔅᒋᒡ, ᒋᔎᓇᑯᓐ ᐃᑕᔨᑎᒻ ᐎᔾ ᒋᓴᒪᓂᑐᐤ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᐊᐱᒋᑕᐛᐤ ᓇᐸᐛ ᐅᑭᒐᑕᐛᔨᑎᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᐊᑦ ᑕᓐ ᐊ ᐃᓯ ᒋᔎᓇᑯᓂᔨᒡ ᐅᑭᒐᑕᐛᔨᑎᒧᐅᓂᔪᐤ᙮