ᐊᑈᔅᑕᓇᒡ 23:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᓐ ᒪᒃ ᒥᓐ ᐎᔭᐸᒡ ᒋ ᑕᐅᒡ ᒍᐤ ᐃᔪᒡ ᐊ ᒪᒧᐤ ᓂᔅᑯᒧᒡ ᑭᔭ ᐊ ᒪᒧᐤ ᑕᑈᒡ ᐊ ᐃᔅᒋᔄᒡ ᒐᔅᑎᓇᔅ ᒐ ᐊᑲ ᐅᒋ ᒥᒋᓱᒡ ᑭᔭ ᒐ ᐊᑲ ᐛᐛᒡ ᒥᓂᒡ ᒐᒂᔪᐤ ᐸᑐᔅ ᒋ ᓂᐸᐊᑥᐛ ᑈᓚ᙮

ᐊᑈᔅᑕᓇᒡ 23:12 Iomraidhean Croise

ᒐᓂᓯᔅ 37:18

ᒥᒄ ᐎᐧᑲᓂᓯᒪᐅᒡ ᒋ ᐛᐱᒪᐅᒡ ᒍᓯᐸ ᐱᔭᑕᔅᑎᒧᑕᐅᐎᒋ᙮ ᑎᐛᒡ ᒋ ᐅᔭᔨᑎᒧᒡ ᑕᓐ ᒐ ᐃᓯ ᓂᐸᐊᒡ᙮

ᑎᐱᑦ ᐅᓂᑭᒧᐅᓇ 31:13

ᐛᔅ ᓂᒋ ᐸᑕᓐ ᒥᒐᑦ ᐊ ᒥᒋ ᐃᓯᒡ: ᑯᔅᑕᒋᐅᓐ ᒋ ᑎᑯᓐ ᒥᓯᐛ ᐊᔨᑐᐤ: ᒪᒂᒡ ᐊ ᒪᒧᐎ ᑭᒐᔅᒋᒥᑐᒡ, ᒋ ᐃᑕᔨᑎᒧᒡ ᒐᒋ ᐅᑎᓇᒡ ᓂᐱᒪᑎᓯᐅᓂᔪᐤ᙮

ᒪᑎᔪᐤ 26:4

ᐊᑯ ᒂ ᐛᑕᔨᑕᒡ ᒋᒧᑦ ᒐᒋ ᒪᑯᓇᒡ ᒋᓴᓴ ᑭᔭ ᒐᒋ ᓂᐸᐊᒡ᙮

ᒪᑎᔪᐤ 26:74

ᐱᑕᕐ ᒪᒃ ᒋ ᐃᑕᐤ, “ᑕᑈ ᐛᔅ ᐊᓐ, ᓇᒪ ᓂ ᒋᔅᒐᔨᒪᐤ ᐊᓐ ᓇᐸᐤ᙮ ᐊᑯᔅ ᓂᑭ ᐛᐛᓯᐃᒄ ᒋᓴᒪᓂᑐᐤ ᓂᑎᒥᒄ ᐊ ᐃᔅᒋᔄᐛᓇ᙮” ᐊᑯᑕ ᒪᒃ ᐊᓐᑕ ᑎᐛᒡ ᒂ ᐅᒋ ᒋᔅᑐᑦ ᓇᐸ ᐱᑲᒂᓐ᙮

ᒪᑎᔪᐤ 27:25

ᐊᑯ ᐊᓐᒡ ᐃᔪᒡ ᒂ ᐃᔅᒋᔄᒡ, “ᐊᑯᔅ ᓂᔭᓐ ᑭᔭ ᓂᑦ ᐊᐛᓯᒥᓇᓂᒡ ᓂᑭ ᒪᑎᑯᔅᑲᑯᐛᓇᓐ ᑕᓐ ᒐ ᐃᓯ ᓂᐸᐊᑭᓄᐅᑦ᙮”

ᐊᑈᔅᑕᓇᒡ 23:13

ᐅᔅᑕ ᒪᒃ ᓇᐎᔪᐤ ᒋ ᐃᑕᑎᓯᒡ ᐅᒡ ᐅᔭ ᑲ ᐃᔅᒋᔄᒡ᙮

ᐊᑈᔅᑕᓇᒡ 23:14

ᐊᑯ ᒂ ᓂᑐᐛᐱᒪᒡ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᓂᔭᔪᐛ ᐃᔪᐛ ᐊᑯ ᒂ ᐃᑕᒡ, “ᐅᑕ ᐅ ᐊ ᑎᓯᔭᒡ ᓂᒋ ᒪᒧᐤ ᓂᔅᑯᒧᓇᓐ ᒐ ᐊᑲ ᓇᔅᒡ ᐅᒋ ᒥᒋᓱᔭᒡ ᐸᑐᔅ ᒋ ᓂᐸᐃᒋᒐ ᑈᓪ᙮

ᐊᑈᔅᑕᓇᒡ 23:21

ᐊᑲᐎᔾ ᒥᒄ ᑕᑈᑐᐅᒡ᙮ ᐅᔅᑕ ᓇᐎᔪᐤ ᐃᑕᑎᓯᒡ ᐊᓐᒡ ᐊ ᑎᑯᓂᔨᒡ ᐊᓐᑕ ᑭᔭᓱᒡ ᐊ ᐊᓱᐛᐱᒪᒡ ᒐ ᐃᔅᐱᔅ ᐃᑐᑕᐊᑭᓄᔨᒋ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮ ᐛᔅ ᒋ ᓇᔅᐱᒡ ᑕᑈᐅᒡ ᒐ ᐊᑲ ᐅᒋ ᒥᒋᓱᒡ ᑭᔭ ᒐ ᐊᑲ ᐅᒋ ᒥᓂᒡ ᒐᒂᔪᐤ ᐸᑐᔅ ᒋ ᓂᐸᐊᑥᐛ ᐊᓂᔭ ᑈᓚ᙮ ᓴᔅ ᒪᒃ ᐊᔭᔅᑯᐎᔪᒡ ᐅᔭ ᒐ ᐃᑎᒡ, ᒥᒄ ᐊᓱᐛᐱᒪᐅᒡ ᒐ ᐃᔅᐱᔅ ᐃᑐᑕᐊᑭᓄᔨᒋ ᓇᑕ᙮”

ᐊᑈᔅᑕᓇᒡ 23:30

ᒐᒃ ᒂ ᐎᑎᒪᑯᔭᓐ ᐊ ᑕᔨᒋ ᒍᐤ ᐃᔪᐛ ᐊ ᐎ ᓂᐸᐃᑯᑦ, ᐊᑯ ᒂ ᐃᑕᔨᑎᒪᓐ ᒐᒋ ᐃᑎᓴᐅᒃ ᐊᓐᑕ ᐊ ᑕᔨᓐ᙮ ᐊᑯ ᒪᒃ ᐛ ᐃᑎᒂᐤ ᐊᓐᒡ ᑲ ᐃᔅᒋᔄᒡ ᐊᑲ ᓂᓇᐊᔨᑎᒥᔨᒋ ᐎᓱᐛᐅᓂᔪᐤ, ᒐᒋ ᐎᑎᒪᔅᒡ ᑕᓐ ᐊ ᐃᓯ ᒪᒥᓯᒪᒡ᙮ ᒐ ᐛᑕᔨᑎᒥᓐ ᒪᒃ ᑕᓐ ᒐ ᐃᑐᑐᐛᑭᓄᐅᑦ᙮ ᒋ ᐛᒋᔭᒥᑎᓐ ᒪᒃ᙮”

ᐊᑈᔅᑕᓇᒡ 25:3

ᒋ ᓯᒋᒪᐅᒡ ᐸᔅᑕᓴ ᒐᒋ ᓂᔅᑯᒧᔨᒋ ᒐᒋ ᐸᒋ ᐃᑐᑕᐊᑭᓄᔨᒋ ᑈᓚ ᐊᓐᑕ ᒋᕈᓯᓕᒥᒡ᙮ ᐛᔅ ᒋᒧᑦ ᒋ ᐎᔭᔨᑎᒧᒡ ᒐᒋ ᐊᔅᑭᒧᐛᒡ ᑈᓚ ᐊ ᐎ ᓂᐸᐊᒡ ᐊᓐᑕ ᒋᕈᓯᓕᒥᒡ ᐸᒋ ᐃᑐᑕᐊᑭᓄᔨᒐ᙮

ᐊᑈᔅᑕᓇᒡ 9:23

ᐃᔅᐱ ᒪᒃ ᒥᒐᑐᐤ ᒋᓯᑲᐛ ᐛᑎᒋᐱᔨᒡ ᐊᑯ ᐊᓐᒡ ᒍᐤ ᐃᔪᒡ ᒂ ᒪᒧᐎᒡ, ᒂ ᐎᔭᔨᑕᒡ ᒐᒋ ᓂᐸᐊᒡ ᓴᓚ᙮

ᐊᑈᔅᑕᓇᒡ 9:24

ᒥᒄ ᒪᒃ ᓴᓪ ᒋ ᒋᔅᒐᔨᑎᒪᐊᑭᓄᐤ ᑕᓐ ᒐ ᐃᑐᑐᐛᑭᓄᐅᑦ᙮ ᐊᓯᑯᒻ ᒋᓯᑲᐛ ᑭᔭ ᐊᓯᑯᒻ ᑎᐱᔅᑲᐛ ᒋ ᓂᓇᑭᑐᐛᔨᑎᒧᒡ ᐊᓐᑕ ᐊ ᐅᒋ ᐱᒐᓄᐎᒡ ᐊᓂᔭ ᐅᑕᓇᔪᐤ, ᒐᒋ ᓂᐸᐊᒡ ᐃᔅᐱ ᑎᑯᓯᓂᔨᒐᓂ᙮

1 ᑯᕆᓐᑎᔭᓇ 16:22

ᐊᐛᓐ ᐊᑲ ᓴᒋᐊᒐ ᐅᑎᐸᔨᒋᒐᐛ, ᐊᑯᔅ ᒋᑭ ᐛᐛᓯᐃᑯᐤ ᒋᓴᒪᓂᑐᐛ᙮ ᑎᑯᓯᓂ ᒪ, ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 11:26

ᒥᒐᑥᐤ ᓂᒋ ᐱᐸᒥᐱᔨᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐅ ᒪᒃ ᑲ ᐃᓯ ᐱᐸᒥᐱᔭᓐ ᒥᒐᑥᐤ ᒋ ᑯᔅᑕᑎᑯᓐ ᓯᐱᒡ ᐊ ᑕᔭᓐ᙮ ᒥᒐᑥᐤ ᒋ ᑯᔅᐱᓇᑕᔨᑕᑯᓐ ᑲᒋᒧᑎᒡ ᒐᒋ ᒪᓯᐧᑯᒡ᙮ ᒥᒐᑥᐤ ᓂᒋ ᐊᔨᒥᐃᑯᒡ ᒍᐤ ᑲ ᐃᑎᔅᑲᓇᓯᒡ ᓂᑦ ᐃᔨᒥᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᐅᑕᓇᒡ ᓂᒋ ᐎᓯᒐᔨᑎᒥᐃᑯᓐ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᓂᒋ ᐊᔨᒥᐅᓐ᙮ ᐎᓂᐸᑯᒡ ᑭᔭ ᓂᒋ ᐊᔨᒥᐅᓐ᙮ ᑭᔭ ᐊᓐᒡ ᓂᐧᑲᓂᓯᒡ ᑲ ᐃᑕᔨᒥᒂᐤ ᐊᑲ ᒪᒃ ᑕᑈ ᑲ ᐎᐧᑲᓂᓱᐛᐸᓇ ᓂᒋ ᐊᔨᒥᐃᑯᒡ᙮

ᑲᓚᓯᔭᓇ 3:13

᙭ ᔅᒋ ᓇᑕᒪᑭᓄᐤ ᑕᓐ ᑲ ᐃᓯ ᓂᓱᐅᓇᒋᒥᑯᔭᐧᒄ ᐎᓱᐛᐅᓂᒡ ᐅᒡ ᐊᑯ ᐎᔾ ᒥᔅᑯᒡ ᑲ ᓂᓱᐅᓇᒋᒪᑭᓄᐅᑦ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊᐛᓐ ᒥᔅᑎᑯᒡ ᑲ ᐊᑯᔭᑭᓄᐅᑦ ᓂᓱᐅᓇᒋᒥᑯᐤ ᒋᓴᒪᓂᑐᐛ᙮

1 ᑕᓴᓗᓂᔭᓇ 2:16

ᐛᐛᒡ ᓂᒋ ᐎ ᒋᐱᒋᐃᑯᓇᓂᒡ ᐊ ᐛᐎᑎᒪᒥᒋᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭ ᒥᔽᒋᒧᐅᓂᔪᐤ ᒐ ᐱᒪᒋᐃᑯᔨᒋ᙮ ᐊᑯᑕ ᐛᒋ ᑕᐱᐱᔨᑕᒡ ᑕᓐ ᒧᔅ ᑲ ᐃᓯ ᐸᒋ ᐅᓂᑐᑕᒡ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᒋᔄᐊᒡ ᑭᔭ ᒐᒋ ᐛᐛᓯᐃᑯᒡ ᒋᓴᒪᓂᑐᐛ᙮