ᐊᑈᔅᑕᓇᒡ 22:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᓇᔅᒡ ᓂᒋ ᐎ ᓂᓇᐧᑲᒋᐊᐅᒡ ᐊᓐᒡ ᑲ ᑕᑈᑕᒡ ᒋᓴᓴ ᐅᒋ ᐊ ᐅᒋ ᐱᒪᒋᐅᓇᓄᐅᒡ᙮ ᐊᑯᔅ ᒥᓯᐛ ᓂᐸᐊᑭᓄᑥᐛ ᓂᒋ ᐃᑕᔨᑕᓐ᙮ ᓂᒋ ᒪᑯᓇᐅᒡ ᑕᐱᔅᑯᓐ ᓇᐸᐅᒡ ᑭᔭ ᐃᔎᐅᒡ, ᐛᐛᒡ ᓂᒋ ᐃᑐᑐᐛᐅᒡ ᒐᒋ ᒋᐸᐛᑭᓄᐎᒡ᙮

ᐊᑈᔅᑕᓇᒡ 22:4 Iomraidhean Croise

ᐊᑈᔅᑕᓇᒡ 16:17

ᓂᒋ ᐱᐸᒥᓇᓴᐅᑯᓇᓐ ᐊᓐ ᐃᔎᔅ ᐊ ᑕᑈᑦ ᐊ ᐃᔅᒋᔄᑦ, “ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᔨᒋ ᐊᑐᔅᑯᐛᐅᒡ ᐅᒡ ᓇᐸᐅᒡ᙮ ᒋᑭ ᐎᑎᒪᑯᐛᐅᒡ ᑕᓐᑕ ᒐᒋ ᐅᒋ ᐱᒪᒋᐅᔭᒄ᙮”

ᐊᑈᔅᑕᓇᒡ 18:26

ᒋ ᐃᔨᒪᐊᐤ ᒪᒃ ᐃᔪᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑲ ᓇᔅᒡ ᑯᔅᑕᒋᑦ᙮ ᐃᔅᐱ ᒪᒃ ᑲ ᐸᑕᑯᑦ ᐳᕆᓯᓚᔨᒋ ᑭᔭ ᐊᑯᐎᓚᔨᒋ, ᒋ ᒋᐛᑕᐃᑯᐤ᙮ ᐊᑐᐎᔅ ᒂ ᐃᓯ ᐛᐎᑎᒪᑯᑦ ᒋᓴᒪᓂᑐᐛ ᐅᒪᔅᑭᓇᒥᔪᐤ᙮

ᐊᑈᔅᑕᓇᒡ 19:23

ᒪᒂᒡ ᒪᒃ ᐊᓐᑕ ᐃᐱᓴᔅ ᑲ ᑕᑦ, ᐊᓐᒡ ᐃᔪᒡ ᒋ ᒋᔄᓱᐅᒡ ᐊᓂᔭ ᐊ ᐅᔅᑲᔨᒡ ᐊ ᐃᓯ ᒋᔅᑯᑎᒪᒐᔨᒋ ᑈᓚ ᐊ ᐃᔅᒋᔄᔨᒋ ᐅᑎᐸᔨᒋᒐᐤ ᒋᓴᔅ ᐊᐅᒄ ᒪᔅᑭᓄᐤ ᒐᒋ ᐅᒋ ᐱᒪᒋᐅᓇᓄᐅᒡ᙮

ᐊᑈᔅᑕᓇᒡ 19:9

ᒥᒄ ᒪᒃ ᐱᔅᒐ ᐊᓐᒡ ᑲ ᓂᑐᑐᐛᒡ ᓇᔅᒡ ᒋ ᓯᐱᑎᒧᒡ, ᓇᒪ ᐅᒋ ᐎ ᑕᑈᑎᒧᒡ, ᑭᔭ ᓇᔅᒡ ᒋ ᒪᔭᔨᒪᐅᒡ ᑈᓚ ᐊᓂᔭ ᐊ ᐃᓯ ᑎᐸᒋᒪᔨᒋ ᒋᓴᓴ ᐊᓐᑕ ᐊ ᒥᒐᑎᓇᓄᐎᒡ᙮ ᐊᑯ ᑈᓪ ᒂ ᐎᐎᑦ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒂ ᐎᒐᐅᑯᑦ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ, ᐊᑯ ᒂ ᐃᑐᑕᒡ ᐊᓐᑕ ᑕᐃᕋᓇᔅ ᑲ ᐃᓯᓂᐧᑲᑕᔨᒡ ᒥᒋᐛᐱᔪᐤ ᑲᒋ ᒪᒧᐎᓇᓄᐎᒡ, ᐊᑯᑕ ᒪᒃ ᐊᓐᑕ ᑲ ᐃᔨᒪᐊᑦ ᐊᓂᔭᔪᐛ ᐃᔪᐛ ᒋᓴᓴ ᐊ ᐊᔨᒧᒪᑦ᙮

ᐊᑈᔅᑕᓇᒡ 24:14

ᒪᐅ ᒥᒄ ᒐᔅᑎᓇᔅ ᑯᐃᔅᒄ ᒐᒋ ᐃᓯ ᐎᑎᒪᑕᓐ᙮ ᐊᑯᑕ ᐊ ᐃᓯ ᐎᒋᐃᐛᔭᓐ ᑭᔭ ᓂᔾ ᐊᓐᒡ ᑲ ᐱᒧᑕᒡ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᐃᓯ ᐱᒧᑕᓄᐎᒡ ᒐᒋ ᐅᒋ ᐱᒪᒋᐅᓇᓄᐎᒡ᙮ ᐊᐅᒄ ᐅᔭ ᓂᑎᒥᒄ ᐊ ᐃᓯ ᑕᑕᑈᑕᑭᓄᐅᒡ ᑲ ᐃᓯᓂᐧᑲᑕᒡ ᐎᔨᐛᐤ ᐅᒡ ᒍᐤ ᐃᔪᒡ᙮ ᐊᓐ ᒋᓴᒪᓂᑐᐤ ᐊᓂᔭᐧᑲ ᐊᓂᔅᒐ ᓂᐧᑲᓂᓯᓇᓂᒡ ᑲ ᐊᔭᒥᐊᔅᑐᐛᒡ ᐊᐅᑯᓐ ᐊᓐ ᐊ ᐊᔭᒥᐊᔅᑐᒃ ᑭᔭ ᓂᔾ᙮ ᓂᔾ ᒪᒃ ᐎ ᓂ ᑕᑈᑕᓐ ᒥᓯᐛ ᒐᒂᓐ ᑕᓐ ᐊ ᐃᓯ ᐎᑕᒂᒡ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᐊᓐᒡ ᐅᒋᔅᒋᐛᐃᒐᓱᒡ ᐅᒥᓯᓇᐃᑭᓂᐛᒡ᙮

ᐊᑈᔅᑕᓇᒡ 7:58

ᐊᑯ ᒂ ᐎᐎᑎᓴᐛᒡ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᒂ ᐎ ᓂᐸᐊᒡ ᐊ ᐸᐱᐳᒧᓯᓇᑕᐛᒡ᙮ ᐊᓐᒡ ᒪᒃ ᑲ ᐸᑐᐛᒡ ᑕᓐ ᑲ ᐃᔅᒋᔄᔨᒋ ᔅᑎᐱᓇ ᒋ ᓂᑭᑎᒧᒡ ᐅᑦ ᐊᑯᐳᐛᐛ ᒐᒋ ᓇᑭᑐᐛᐸᑎᒥᔨᒋ ᐅᔅᒋᓂᒋᓱᐛ ᓴᓪ ᐊ ᐃᓯᓂᐧᑲᓱᔨᒋ᙮

ᐊᑈᔅᑕᓇᒡ 9:21

ᐊᓐᒡ ᑲ ᐸᑐᐛᒡ, ᒋ ᒪᒥᔅᑲᑕᔨᑎᒥᐃᑯᐅᒡ ᐅᔭ ᐊ ᐃᔅᒋᔄᔨᒋ ᐊᑯ ᒂ ᐃᔅᒋᔄᒡ, “ᓇᒪᐎᔾ ᐊ ᐊᐅᒄ ᐅ ᓇᐸᐤ ᑲ ᓂᓱᐅᓇᒋᐊᑦ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ ᐊᓐᑕ ᒋᕈᓯᓕᒥᒡ ᑲ ᑕᔨᒋ ? ᓇᒪᐎᔾ ᐊ ᐊᐅᒄ ᐅ ᐛᒋ ᐸᒋ ᑎᑯᓯᐧᒃ ᐊ ᐎ ᐸᒋ ᓂᑐᐛᐱᒪᑦ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ, ᒐᒋ ᒪᑯᓇᑦ ᑭᔭ ᒐᒋ ᐃᑐᑕᐊᑦ ᐊᓐᑕ ᑲ ᓂᑲᓂᐱᔅᑐᐛᔨᒋ ᐊᔭᒥᐊᐅᒋᒪᐛ ᐊ ᑕᔨᒋ ?”

1 ᑯᕆᓐᑎᔭᓇ 15:9

ᐛᔅ ᓂᔾ ᒪᐅᒡ ᓇᒪ ᒐᒂᓐ ᓂᑦ ᐃᑕᔨᑕᑯᓯᓐ ᐊ ᑕᑎᓯᒡ ᒥᓯᐛ ᐊᓐᒡ ᑲ ᐅᑎᓇᑭᓄᐎᒡ ᐊᑈᔅᑕᓐᒡ ᒐᒋ ᐃᑕᐱᒋᐊᑭᓄᐎᒡ᙮ ᓇᒪ ᐛᐛᒡ ᓂ ᒋᔅᑕᔨᑕᑯᓯᓐ ᐊᑈᔅᑕᓐ ᒐᒋ ᐃᓯᓂᐧᑲᑎᑯᐅᔭᓐ ᐛᔅ ᓂᒋ ᓂᓇᐧᑲᒋᐃᒪᐛ ᒋᓴᒪᓂᑐᐤ ᐅᑦ ᐃᔨᒪ᙮

ᑲᓚᓯᔭᓇ 1:13

ᒐᔅᑎᓇᔅ ᔅᒋ ᐸᑕᓇᐛᒐ ᑕᓐ ᑲ ᐃᑕᑎᓯᔭᓐ ᐅᑕᒡ ᐊᔅᒄ ᒍᐤ ᐃᔪᒡ ᐊ ᐃᓯ ᐊᔭᒥᐊᒡ ᐊᒋ ᐃᓯ ᓇᓴᐊᒪᓐ᙮ ᐊᔪᐛᒃ ᓂᒋ ᓂᓇᐧᑲᑕᔨᒧᐃᒪᐛ ᒋᓴᒪᓂᑐᐤ ᐅᑦ ᐃᔨᒪ ᒋᓴᓴ ᑲ ᑕᑈᔭᔨᒪᔨᒋ᙮ ᒥᒄ ᐊ ᐎ ᐃᑐᐅᒡ ᓂᒋ ᐃᑐᐛᓐ ᐊ ᐎ ᓂᓱᐅᓇᒋᐃᒥᒋ᙮

ᐱᓕᐱᔭᓇ 3:6

ᑲ ᐃᔅᐱᔅ ᒋ ᐊᓯᒐᔨᑎᒪᓐ ᑯᐃᔅᒄ ᐊ ᐎ ᐃᑐᑎᒪᓐ ᑕᓐ ᐊ ᐃᓯ ᐎᔅᑕᒡ ᐎᓱᐛᐅᓂᒡ ᓂᒋ ᓂᓇᐧᑲᒋᐊᐅᒡ ᒪᒧᐤ ᑲ ᐊᔭᒥᐊᐛᑎᓯᒡ᙮ ᓇᔅᒡ ᐊᐱᓯᔅ ᓂᒋ ᐃᑕᔨᑕᓐ ᐊᒋ ᓂᓇᐃᑎᒪᓐ ᐎᓱᐛᐅᓐ᙮ ᓇᒪ ᐊᐛᓐ ᓂᐸ ᐅᒋ ᐃᑎᒄ ᐊᑲ ᒥᓯᐛ ᐅᒋ ᓂᓇᐃᑎᒪᓐ ᐎᓱᐛᐅᓐ᙮

2 ᐱᑕᕐ 2:2

ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮