ᐊᑈᔅᑕᓇᒡ 22:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ “ᒍᐤ ᓂᑦ ᐃᑎᔅᑲᓇᓯᓐ᙮ ᑕᕐᓯᔅ ᑲ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓯᓕᓯᔭ ᐊᔅᒋᒡ ᑲ ᑎᒂᒡ ᐊᑯᑕ ᑲ ᐱᒪᑎᓯᔭᓐ᙮ ᐊᑯ ᒥᒄ ᐅᑕ ᒋᕈᓯᓕᒥᒡ ᑲ ᓂᑕᐅᒋᓂᑯᐅᔭᓐ᙮ ᐊᓂᔭ ᒪᒃ ᑲᒪᓕᔭᓪ ᑲ ᐃᓯᓂᐧᑲᓱᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑲᒋ ᒋᔅᑯᑎᒪᒐᑦ ᐊᑯᑕ ᐊᓐ ᑭᔭ ᓂᔾ ᐃᔭᒂ ᑲ ᐃᓯ ᒋᔅᑯᑎᒪᑯᐅᔭᓐ ᐊᓂᔭᐧᑲ ᒋᐧᑲᓂᓯᓄᐅᒡ ᐅᐎᓱᐛᐅᓄᐛᐛ᙮ ᑭᔭ ᓂᔾ ᓇᔅᒡ ᓂᒋ ᐎ ᓂᓇᐃᑐᐛᐤ ᒋᓴᒪᓂᑐᐤ ᒧᔭᒻ ᐊ ᐃᑎᔭᒄ ᑭᔭ ᒋᔨᐛᐤ ᐅᑕ ᐊᓄᒡ᙮

ᐊᑈᔅᑕᓇᒡ 22:3 Iomraidhean Croise

ᓗᒃ 10:39

ᒪᕐᑕ ᒪᒃ ᒋ ᑕᔪᐛ ᐎᐧᑲᓂᓴ, ᒪᕆ ᐊ ᐃᓯᓂᐧᑲᓱᔨᒋ᙮ ᒋ ᐛᐛᔨᐱᔪᐤ ᒪᒃ ᐊᓐᑕ ᒋᓴᓴ ᐅᓯᑎᔨᒡ ᐊ ᓂᑐᑐᐛᑦ ᐊ ᐃᔨᒥᔨᒋ᙮

ᓗᒃ 2:46

ᓂᔅᑐ ᒋᓯᑲᐛ ᒪᒃ ᑲ ᐃᔅᐱᔅ ᓇᓂᑐᐛᐱᒪᒡ ᐊᑯ ᒂ ᒥᔅᑯᐛᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᒋ ᐎᑎᐱᒪᔪᐛ ᑲ ᒋᔅᑯᑎᒪᒐᔨᒋ ᐊ ᓂᑐᑕᑯᔨᒋ ᑭᔭ ᐊ ᑯᒂᒋᒪᔨᒋ ᒐᒂᔪᐛ᙮

ᓗᒃ 8:35

ᒋ ᑎᑯᓯᓄᐅᒡ ᒪᒃ ᐃᔪᒡ ᐊᒋ ᐸᒋ ᓇᒋ ᐛᐸᑕᒡ ᑕᓐ ᑲ ᐃᔅᐱᔨᒡ᙮ ᐃᔅᐱ ᐛᑎᑕᒡ ᒋᓴᓴ ᒋ ᐛᐱᒪᐅᒡ ᐊᓂᔭ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ ᐊ ᐊᐱᔨᒋ ᒥᒋᒪ ᐊᓐᑕ ᒋᓴᓴ ᐅᓯᑎᔨᒡ᙮ ᐊᒋ ᐛᑕᐱᓱᐎᒂᓂ ᑭᔭ ᐊ ᒋᔭᒪᔨᑕᑯᓯᔨᒋ᙮ ᒋ ᑯᔅᑕᒍᐅᒡ ᒪᒃ ᐎᔭᐱᒪᒡ ᐅᔭ ᓇᐸᐛ᙮

ᐊᑈᔅᑕᓇᒡ 11:25

ᐊᑯ ᐸᕐᓇᐸᔅ ᒂ ᐃᑐᑕᑦ ᐊᓐᑕ ᑕᕐᓯᔅ ᒐᒋ ᓇᓂᑐᐛᔨᒪᑦ ᓴᓚ᙮

ᐊᑈᔅᑕᓇᒡ 15:23

ᒥᓯᓇᐃᑭᓂᔪᐤ ᒋ ᒥᔭᑭᓄᐎᒡ ᒐ ᐃᑐᑕᒡ ᐊᓐᑕ ᐊᓐᑎᔭᑭᒡ ᐊᓐᑕ ᐅᒪᒧᐊᔭᒥᐊᐤ ᐊ ᑕᔨᒋ᙮ ᒋ ᐃᑎᔅᑕᔪᐤ ᒪᒃ ᐊᓐᑕ, “ᓂᔭᓐ ᐊᑈᔅᑕᓇᒡ, ᑭᔭ ᓂᔭᓐ ᑲ ᓂᑲᓂᔅᑭᒪᒡ ᐊᔭᒥᐊᐅᒋᐛᑉ, ᒋ ᒥᓯᓇᐊᒪᑎᓇᓐ ᒋᔨᐛᐤ ᓂᐧᑲᓂᓯᑐᒄ ᒋᔨᐛᐤ ᑲ ᑕᑈᑎᒪᒄ ᐊᑲ ᒍᐤ ᐃᑎᔅᑲᓇᓯᔭᒄ, ᒋᔨᐛᐤ ᑲ ᐎᒋᔭᒄ ᐊᓐᑕ ᐊᓐᑎᔭᑭᒡ, ᓯᕆᔭᒡ, ᑭᔭ ᓯᓕᓯᔭᒡ᙮

ᐊᑈᔅᑕᓇᒡ 15:41

ᐊᑯ ᐊᓐᑕ ᓯᕆᔭᒡ ᑭᔭ ᓯᓕᓯᔭᒡ ᑲ ᐃᑐᑕᑦ ᑈᓪ, ᒥᓯᐛ ᒪᒃ ᐊᓐᑕ ᑲ ᐊᑎ ᐃᔨᒪᐊᑦ ᐅᒪᒧᐊᔭᒥᐊᐛ ᒥᓯᐛ ᒋ ᐎᒋᐊᐤ ᒐᒋ ᓱᒋᑲᐳᔨᒋ᙮

ᐊᑈᔅᑕᓇᒡ 21:20

ᐃᔅᐱ ᒪᒃ ᐱᔭᑐᐛᒡ ᐅᒡ ᑕᓐ ᐊ ᐃᑕᒋᒧᔨᒋ ᑈᓚ, ᒥᓯᐛ ᒋ ᒪᒥᒋᒪᐅᒡ ᒋᓴᒪᓂᑐᐛ᙮ ᒐᒃ ᒪᒃ ᐊ ᐃᑕᒡ ᐊᓂᔭ ᑈᓚ, “ᓂᐧᑲᓂᓯᓇᓐ, ᒋ ᐛᐸᑕᓐ ᑕᓐ ᐊ ᐃᔅᐱᒐᑎᒡ ᐊᑯ ᒍᐤ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐅᑕ ᒋᕈᓯᓕᒥᒡ, ᒥᒐᑦ ᒐᓯᐱᔪᐤ ᐊ ᑎᓯᒡ᙮ ᒥᓯᐛ ᒪᒃ ᐊᔅᒄ ᓇᔅᒡ ᓂᓇᑭᑐᐛᔨᑎᒧᐛᐅᒡ ᒧᓱᓴ ᐅᐎᓱᐛᐅᓂᔪᐤ᙮

ᐊᑈᔅᑕᓇᒡ 21:39

ᐊᑯ ᑈᓪ ᑲ ᐃᑕᑦ, “ᓇᒪᔭᐤ ᓂᔾ᙮ ᒍᐤ ᓂᑦ ᐃᑎᔅᑲᓇᓯᓐ ᓂᔾ ᐎ, ᓯᓕᓯᔭ ᑲ ᐃᓯᓂᐧᑲᑕᒡ ᐊᔅᒋᔾ ᓂ ᐅᒋᓐ ᐊᓐᑕ ᑕᕐᓯᔅ ᑲ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᒪᓯᓇᓱᔭᓐ ᒋᒋᐛ ᐊ ᐅᒋᔭᓐ᙮ ᒋᒋᐛ ᐅᑕᓇᐤ ᐃᓯ ᑭᓄᐛᐸᑕᑭᓄᐤ ᑕᕐᓯᔅ᙮ ᐸᒋ ᒥᔾ ᒪ ᒐᒋ ᐃᔨᒥᐃᒂᐤ ᐅᒡ ᐃᔪᒡ᙮”

ᐊᑈᔅᑕᓇᒡ 23:34

ᐊᑯ ᐊᓐ ᒋᓴᐅᒋᒪᐤ ᒂ ᐃᔨᒥᑕᑦ ᐊᓂᔭ ᒥᓯᓇᐃᑭᓂᔪᐤ᙮ ᑲᒋ ᐃᓯ ᐃᔨᒥᑕᑦ ᒪᒃ ᐊᑯ ᑲ ᑯᒂᒋᒪᑦ ᐊᓂᔭ ᑈᓚ ᑕᓐᑕ ᐛᒋᔨᒋ᙮ ᐃᔅᐱ ᒐᔅᒐᔨᑕᐧᒃ ᐊᓐᑕ ᓯᓕᓯᔭ ᐊ ᐅᒋᔨᒋ,

ᐊᑈᔅᑕᓇᒡ 23:6

ᐃᔅᐱ ᒪᒃ ᓇᓯᑕᐅᓄᐛᑦ ᑈᓪ ᑕᐱᔅᑯᓐ ᓴᑎᔪᓯᐊ ᑭᔭ ᐸᕆᓯ ᐊ ᑕᔨᒋ ᐊᓐᑕ ᐊᓂᔭ ᐊ ᒪᒧᐎᔨᒋ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᒋ ᐃᑕᐤ ᐊ ᒋᔄᐛᑦ, “ᓂᐧᑲᓂᓯᑐᒄ, ᐸᕆᓯ ᓂᔾ, ᑭᔭ ᐊᓂᔭᐧᑲ ᓂᑦ ᐊᓂᔅᒐ ᓂᐧᑲᓂᓯᒡ ᐸᕆᓯ ᒋ ᐃᑎᐳᒡ᙮ ᐊᐅᒄ ᐅ ᐛᒋ ᑎᐸᔅᑯᓂᑯᔭᓐ ᐅ ᐊᓄᒡ, ᐊ ᑕᑈᑎᒪᓐ ᑲ ᓂᐱᒡ ᑲᐤ ᒐ ᐅᓂᔅᑲᒡ᙮”

ᐊᑈᔅᑕᓇᒡ 26:5

ᒧᔅ ᒋ ᐸᒋ ᒋᔅᒐᔨᑎᒧᒡ ᐅᒡ ᒍᐤ ᐃᔪᒡ, ᐸᕆᓯ ᐊ ᐊᐎᔭᓐ ᑭᔭ ᓇᔅᒡ ᓱᒃ ᐊᒋ ᐃᑕᔨᑎᒧᒡ ᐸᕆᓯ ᐊ ᑕᐅᒡ᙮ ᒋᐸ ᒋ ᐎᑎᒧᒡ ᑭᔭ ᐎ ᐎᑕᒡ ᐅᔭ᙮ ᐊᓐᒡ ᒪᒃ ᐸᕆᓯᔨᒡ ᐊᐅᑯᓐᒡ ᐊᓐᒡ ᒪᐅᒡ ᐃᔭᒂ ᐊ ᐃᓯ ᓂᓇᑭᑐᐛᔨᑕᒡ ᐅᔭ ᒍᐤ ᐎᓱᐛᐅᓂᔪᐤ᙮

ᐊᑈᔅᑕᓇᒡ 26:9

“ᐊᓐᑕ ᐅᑕᒡ ᑭᔭ ᓂᔾ ᒥᒄ ᓂᒋ ᐃᑕᔨᑎᒥᐃᑯᓐ ᒐᒋ ᓂᓱᐅᓇᒋᑕᔭᓐ ᐊᓐ ᒥᔽᒋᒧᐅᓐ ᒋᓴᔅ ᓇᓴᕆᑦ ᑲ ᐅᒋᑦ ᑲ ᐊᔨᒧᒪᑭᓄᐅᑦ᙮

ᐊᑈᔅᑕᓇᒡ 5:34

ᒋ ᑕᐤ ᐸᐃᒄ ᐸᕆᓯ, ᐊ ᐊᔅᑎᐱᑦ ᐊᓐᑕ ᐊ ᐊᐱᔅᑕᑭᓄᐎᒡ ᑎᐸᔅᑯᓂᒐᐅᓂᔪᐤ, ᑲᒪᓕᔭᓪ ᐊ ᐃᓯᓂᐧᑲᓱᑦ᙮ ᐅ ᓇᐸᐤ ᐊ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᒋ ᐃᑕᐱᑎᓯᐤ, ᓇᔅᒡ ᒪᒃ ᒋ ᒋᔅᑕᔨᒪᑭᓄᐤ᙮ ᒋ ᐅᐱᑲᐳᐤ ᐊᓐᑕ ᐊᓂᔭᔪᐤ ᐊ ᒪᒧᐎᓇᓄᐎᒡ, ᒂ ᐃᑎᓱᐛᑕᑦ ᐊᓂᔭᔪᐛ ᐊᑈᔅᑕᓇ ᒐᒋ ᐎᐎᔨᒋ ᐸᑎᒪ᙮

ᐊᑈᔅᑕᓇᒡ 6:9

ᒋ ᑕᐅᒡ ᓇᐸᐅᒡ ᐊᑲ ᐅᒋ ᓇᐊᔨᒪᒡ ᔅᑎᐱᓇ, ᐊᓐᒡ ᐊᓐᑕ ᑲᒋ ᐃᓯ ᓇᒋ ᐊᔭᒥᐊᒡ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᑲ ᐊᐱᐧᑯᓇᑭᓄᐎᒡ ᓇᐸᐅᒡ, ᑲ ᐃᓯᓂᐧᑲᑕᔨᒡ᙮ ᓂᓇᐧᑯᐤ ᐃᑕᐅᓂᒡ ᒋ ᐅᒋᐅᒡ ᓴᐃᕆᓐ ᑭᔭ ᐊᓕᒃᓴᓐᑕᕆᔭ ᑲ ᐃᓯᓂᐧᑲᑕᔨᒋ᙮ ᑯᑎᑭᒡ ᒪᒃ ᐊᓐᑕ ᓯᓕᓯᔭ ᑭᔭ ᐊᐃᓴ ᐊᔅᒋᒡ ᒋ ᐅᒋᐅᒡ᙮ ᐊᐅᑯᓐ ᒪᒃ ᐅᔭ ᓇᐸᐛ ᑲ ᒥᒋᐱᔨᐃᑯᑦ ᔅᑎᐱᓐ᙮

ᐊᑈᔅᑕᓇᒡ 9:1

ᓴᓪ ᒪᒃ ᐎᔾ ᐊᔅᒄ ᐊᐅᑯᓐ ᑲ ᐃᑎᑦ ᐊ ᐎ ᓯᓴᒋᐊᑦ ᐊᓂᔭ ᐊᐛᔪᐛ ᐅᑎᐸᔨᒋᒐᐛ ᒋᓴᓴ ᑲ ᑕᑈᔭᔨᒪᔨᒋ ᐊ ᐃᑕᑦ ᒐ ᓂᐸᐊᑭᓄᔨᒋ᙮ ᒋ ᓂᑐᐛᐱᒪᐤ ᒪᒃ ᒋᓴᐊᔭᒥᐊᐅᒋᒪᐛ,

ᐊᑈᔅᑕᓇᒡ 9:11

ᐊᑯ ᒂ ᐃᑎᑯᑦ ᐅᑎᐸᔨᒋᒐᐛ, “ᐱᓯᑯᐤ, ᒐ ᐃᑐᑕᔨᓐ ᓇᑕ ᒪᔅᑭᓄᐤ ᑲ ᑯᐃᔅᑯᒧᒡ ᑲ ᐃᓯᓂᐧᑲᑕᒡ᙮ ᐊᑯᑕ ᐊᓐᑕ ᒍᑎᔅ ᐎᒋᒡ ᒐ ᑯᒂᒋᒐᒧᔨᓐ ᐊᑕᒂ ᓇᐸᐤ ᓴᓪ ᐊ ᐃᓯᓂᐧᑲᓱᑦ ᐊᓐᑕ ᑕᕐᓯᔅ ᐊ ᐅᒋᑦ᙮ ᐊᐅᒄ ᓴᓪ ᒪᒂᒡ ᐊᔭᒥᐊᐤ᙮

ᐊᑈᔅᑕᓇᒡ 9:30

ᐃᔅᐱ ᒪᒃ ᐊᓐᒡ ᐎᐧᑲᓂᓯᒪᐅᒡ ᐱᔭᑕᒡ ᐅᔭ ᐊᓐᑕ ᓯᓴᕆᔭ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐃᑐᑕᐊᐎᒡ ᐊᓂᔭ ᓴᓚ, ᐊᑯ ᐊᓐᑕ ᑕᕐᓯᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ᐃᑎᓴᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:1

ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᔨᒧᓐ᙮ ᒋ ᐛᐱᓇᐤ ᐊ ᒋᓴᒪᓂᑐᐤ ᐅᑦ ᐃᔨᒪ ? ᓇᒪᐎᔾ ᑭᑈ ᐅᒋ ᐛᐱᓇᐤ᙮ ᐃᔅᕋᐃᓪ ᐃᔪᐤ ᑭᔭ ᓂᔾ᙮ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᐱᓐᒋᒥᓐ ᑲ ᐃᓯᓂᐧᑲᓱᒡ ᐅᐸᐃᑯᑕᐅᓯᐅᒡ ᐊᑯᑕ ᐛᒋᔭᓐ᙮

2 ᑯᕆᓐᑎᔭᓇ 11:22

ᒋᒋᐛ ᐊ ᐃᑕᔨᒥᓱᒡ ᒍᐤ ᑲ ᐃᑎᔅᑲᓇᓯᒡ ? ᑭᔭ ᓂᔾ ᒍᐤ ᓂᑦ ᐃᑎᔅᑲᓇᓯᓐ᙮ ᒋᒋᐛ ᐊ ᐃᑕᔨᒥᓱᒡ ᐊᓂᔭ ᐃᔅᕋᐃᓪ ᐊ ᐅᒋᒡ ? ᑭᔭ ᓂᔾ ᐊᑯᑕ ᐛᒋᔭᓐ᙮ ᒋᒋᐛ ᐊ ᐃᑕᔨᒥᓱᒡ ᒥᒄ ᐊᑉᕋᐊᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ ? ᓂᔾ ᑭᔭ ᐊᑯᑕ ᑲ ᐅᒋ ᐊᓂᔅᒐ ᐱᒪᑎᓯᔭᓐ᙮

ᑲᓚᓯᔭᓇ 1:14

ᐅᔅᑕ ᓂᔾ ᒥᒄ ᓂᒋ ᐃᑎᓐ ᒐᒋ ᒥᔪᑐᑎᒪᓐ ᑕᓐ ᑲ ᐃᑎᓱᒥᑯᔭᒡ ᒍᐤ ᐃᔪᒡ ᐅᑦ ᐊᔭᒥᐊᐅᓄᐛᐤ ᐃᔅᐱ ᒥᒐᑦ ᓂᒡ ᒍᐤ ᐃᔪᒡ ᐊ ᐎᒋ ᐃᔅᐱᑕᑎᓯᒥᒂᐤ᙮ ᒥᒄ ᐊᔅᐱᔅ ᒋ ᐃᑐᑎᒪᓐ ᓂᒋ ᐎ ᓂᓇᐃᑎᒺᓐ ᐅᒋᔅᑯᑎᒪᒐᐅᓄᐛᐤ ᐊᓂᔭᐧᑲ ᒋᑦ ᐊᓂᔅᑯᑕᐸᓄᐎᒡ᙮

ᑲᓚᓯᔭᓇ 1:21

ᐊᑯ ᒪᒃ ᒥᓐ ᐊᓐᑕ ᓯᕆᔭ ᑭᔭ ᓯᓕᓯᔭ ᑲ ᐃᓯᓂᐧᑲᑕᒋ ᐊᔅᒋᔭ ᓂᒋ ᐃᑐᑕᓐ᙮