ᐊᑈᔅᑕᓇᒡ 22:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐃᔅᐱ ᒪᒃ ᑲ ᐎᔭᐱᐧᑲᑕᒡ ᒐ ᐸᐱᓯᔅᑕᐛᒡ, ᐊᓐ ᐊᓯᒪᑭᓂᓯᐤ ᐅᒋᒪᐤ ᒋ ᐃᓯ ᑯᒂᒋᒥᑯᐤ ᐊᓂᔭ ᑈᓚ, “ᑯᐃᔅᑯᓇᑯᓐ ᐊ ᒐᒋ ᐸᐱᓯᔅᑕᐛᒄ ᐊᐛᓐ ᕈᒻ ᐊ ᐃᓯ ᒥᓯᓇᓱᑦ ᑭᔭ ᐊᑲ ᐊᔅᒄ ᐅᒋ ᑎᐸᔅᑯᓇᑭᓄᐅᑦ ?”

ᐊᑈᔅᑕᓇᒡ 22:25 Iomraidhean Croise

ᒪᑎᔪᐤ 10:17

ᐃᔭᒂᒥᒄ ᒪᒃ, ᐛᔅ ᒋᑭ ᑕᐅᒡ ᐊᐛᓐᒋ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᑯᑕ ᒐ ᐸᐱᓯᔅᑕᐅᑕᑯᒡ ᐅᑦ ᐊᔭᒥᐊᐅᒋᐛᐳᐛᒡ᙮

ᒪᑎᔪᐤ 27:54

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᑲ ᓂᓇᑭᑐᐛᔨᒪᔨᒋ ᒋᓴᓴ ᐃᔅᐱ ᐎᔭᐸᑕᒡ ᐊ ᑯᐃᐧᑯᓂᔨᒡ ᑭᔭ ᒥᓯᐛ ᐊᓂᔭ ᑕᓐ ᑲ ᐃᔅᐱᔨᒡ ᒋ ᓴᒋᓱᐅᒡ᙮ ᐊᑯ ᒂ ᐃᔅᒋᔄᒡ, “ᑕᑈ ᐊᔪᐅᒄ ᐅᔭ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 8:8

ᐊᑯ ᐊᓯᒪᑭᓂᓯᐤ ᐅᒋᒪᐤ ᐊᑕᑦ ᐊᓂᔭ ᒋᓴᓴ, “ᐅᑎᐸᔨᒋᒐᐤ, ᓇᒪ ᓂ ᒋᔅᑕᔨᑕᑯᓯᓐ ᒐᒋ ᐸᒋ ᐱᒐᔨᓐ ᓂᒋᒡ᙮ ᒥᒄ ᒪᒃ ᐃᔅᒋᔄ ᒐᒋ ᒥᓏᑎᓯᑦ, ᐊᑯ ᑭᔭ ᒐ ᒥᓏᑎᓯᑦ ᓂᑦ ᐊᐱᒋᐊᑭᓐ᙮

ᐊᑈᔅᑕᓇᒡ 10:1

ᒋ ᑕᐤ ᓇᐸᐤ ᑯᕐᓂᓕᔭᔅ ᐊ ᐃᓯᓂᐧᑲᓱᑦ ᐊᓐᑕ ᐅᑕᓇᒡ ᓯᓴᕆᔭ ᑲ ᐃᓯᓂᐧᑲᑕᔨᒡ, ᕈᒻ ᓂᑐᐱᔪᐅ-ᐅᒋᒪᐛ ᐊ ᐃᓯ ᐊᑐᔅᒐᑦ, ᐊ ᓂᑲᓂᔅᑯᐛᑦ ᐊᓯᒪᑭᓂᓴ ᐊᓐᑕ ᐃᑕᓕ ᐊᔅᒋᒡ ᐊ ᐅᒋᔨᒋ᙮

ᐊᑈᔅᑕᓇᒡ 16:37

ᒥᒄ ᒪᒃ ᑈᓪ ᐎᔾ ᒋ ᐃᔨᒪᐊᐤ ᐊᓂᔭ ᑲ ᒪᑯᓄᐛᓯᔨᒋ ᒂ ᐃᑕᑦ, “ᐃᑎᔅᑕᐤ ᕈᒻ ᐎᓱᐛᐅᓐ, ᕈᒻ ᐊ ᐃᓯ ᒥᓯᓇᓱᑦ ᐊᐛᓐ ᓂᔅᑎᒻ ᒋᐸ ᑎᐸᔅᑯᓇᑭᓄᐤ ᐊᑯ ᐃᔭᒄ ᒋᐸ ᐛᐛᓯᐊᑭᓄᐤ᙮ ᕈᒻ ᓂᑦ ᐃᑎᓯᓇᓱᓇᓐ ᐃᔭᐱᒡ ᒪᒃ ᐊᒋ ᐱᐱᓯᔅᑕᐅᑯᐅᔭᒡ ᑭᔭ ᐱᑕᐛᐱᓂᑯᐅᔭᒡ ᑲᒪᑯᓄᐛᓯᐅᒋᐛᐱᒡ, ᐊᑲ ᐛᐛᒡ ᐅᒋ ᑎᐸᔅᑯᓂᑯᐅᔭᒡ᙮ ᐊᑯ ᒪᒃ ᒋᒧᑦ ᐛ ᐱᔅᑎᓂᑯᐅᔭᒡ᙮ ᓇᒪ ᒪᒃ ᓂᑭ ᐅᒋ ᐃᒐᑕᓇᓐ ᐅᑕ᙮ ᓂᑐᐛᔨᒪᓇᓐᒡ ᐊᓐᒡ ᕈᒻ ᐅᒋᒪᐅᒡ ᐎᔨᐛᐤ ᒐᒋ ᐸᒋ ᑎᑯᓯᓂᒡ ᒐᒋ ᐱᔅᑎᓂᔨᒥᒡ᙮”

ᐊᑈᔅᑕᓇᒡ 22:26

ᐃᔅᐱ ᒪᒃ ᐱᔭᑕᐧᒃ ᐅᔭ ᐊᓐ ᑲ ᓂᑲᓂᔅᑯᐛᑦ ᐊᓯᒪᑭᓂᓴ, ᒋ ᓂᑐᐛᐱᒪᐤ ᐊᓂᔭ ᐊᓯᒪᑭᓂᓯᐤ ᐅᒋᒪᐛ, ᐊᑯ ᒂ ᐃᑕᑦ, “ᒋ ᒋᔅᒐᔨᑕᓐ ᐊ ᑕᓐ ᐅ ᐊ ᐃᑎᔭᐧᒄ ? ᕈᒻ ᐃᔪᐤ ᐊᓐ ᐃᑎᔅᑲᓇᓱᐤ ᐅ ᓇᐸᐤ ᑲ ᐃᑐᑐᐛᐧᒄ᙮”

ᐊᑈᔅᑕᓇᒡ 23:17

ᑈᓪ ᒂ ᐎᓴᒪᑦ ᐸᐃᒄ ᐊᓂᔭ ᑲ ᓂᑲᓂᔅᑯᐛᔨᒋ ᐊᓯᒪᑭᓂᓴ, ᐊᑯ ᒂ ᐃᑕᑦ, “ᐃᑐᑕᐃ ᐊᓐ ᐅ ᓇᐸᔅ ᓇᑕ ᓂᑐᐱᔪᐅ-ᐅᒋᒪᐛ ᐊ ᑕᔨᒋ᙮ ᑎᑯᓂᔪᐤ ᒐᒂᔪᐤ ᐛᐎᑎᒧᐛᑦ᙮”

ᐊᑈᔅᑕᓇᒡ 23:27

ᐅ ᓇᐸᐤ ᑲ ᐃᑎᓴᐅᒃ ᐊ ᐃᑕᐅᑦ ᒍᐤ ᐃᔪᐛ ᒋ ᒪᑯᓂᑯᐤ, ᑭᔭ ᒋ ᐎ ᓂᐸᐃᑯᐤ᙮ ᐃᔅᐱ ᑲ ᐎᑎᒪᑯᔭᓐ ᕈᒻ ᐊ ᐃᓯ ᒥᓯᓇᓱᑦ, ᐊᑯ ᒂ ᓇᑎᒧᒃ ᓂᑦ ᐊᓯᒪᑭᓂᓯᒻ ᐊᒋ ᐎᒐᐅᒥᒡ᙮

ᐊᑈᔅᑕᓇᒡ 25:16

“ᐊᑯ ᒂ ᐃᑎᒂᐤ, ᓇᒪ ᐃᑐᐅᒡ ᕈᒻ ᐃᔪᒡ ᒐᒋ ᐱᔅᑎᓇᒡ ᐊᐛᔪᐛ ᒥᒄ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᔅᒄ ᐊᑲ ᐛᐛᒡ ᒋ ᐛᐱᒪᔨᒋ ᐊᓂᔭ ᑲ ᐎ ᑎᐸᔅᑯᓂᑯᑦ ᑭᔭ ᐊᑲ ᐛᐛᒡ ᒋᔅᐸᐛᑎᓱᑦ ᑕᓐ ᐛ ᐃᓯ ᑎᐸᔅᑯᓇᑭᓄᐅᑦ ᐊᓐᑕ ᑎᐸᔅᑯᓂᒐᓱᐛ ᐊ ᑕᔨᒋ᙮

ᐊᑈᔅᑕᓇᒡ 27:1

ᐃᔅᐱ ᒪᒃ ᑲ ᐎᔭᔨᑕᑭᓄᐅᒡ ᐃᑕᓕ ᒐ ᐃᔅᒋᒪᔭᒡ, ᐸᐃᒄ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ ᐊ ᐃᓯᓂᐧᑲᓱᑦ ᒋ ᐃᑎᓱᒪᑭᓄᐤ ᒐᒋ ᓂᓇᑭᑐᐛᔨᒪᑦ ᐊᓂᔭ ᑈᓚ ᑭᔭ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᒪᑯᓇᑭᓄᔨᒋ᙮ ᐅ ᒪᒃ ᒍᓕᔭᔅ ᐸᐃᑯ ᒥᑕᓯᒥᑎᓄᐤ ᒋ ᐃᑕᑎᓯᔪᐛ ᐊᓯᒪᑭᓂᓴ ᐊ ᓂᑲᓂᔅᑯᐛᑦ ᕈᒻ ᐊ ᐃᓯ ᒥᓯᓇᓱᔨᒋ᙮

ᐊᑈᔅᑕᓇᒡ 27:3

ᐊᓐ ᒪᒃ ᐎᔭᐸᒡ ᓴᐃᑐᓂᒡ ᓂᒋ ᒥᓯᑲᓇᓐ᙮ ᒋ ᒥᔪᑐᑐᐛᐤ ᒪᒃ ᐊᓂᔭ ᑈᓚ ᐊᓐ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ᙮ ᒋ ᐱᔅᑎᓇᐤ ᒐᒋ ᓂᑐᐛᐱᒪᔨᒋ ᐎᒐᐛᑭᓂᔪᐛ, ᑭᔭ ᒐᒋ ᒥᔭᑭᓄᔨᒋ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᒐᒂᔪᐤ᙮

ᐊᑈᔅᑕᓇᒡ 27:43

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᒋ ᐎ ᐱᒪᒋᐊᐤ ᑈᓚ ᐊᑯ ᒂ ᒋᑕᐊᒧᐛᑦ ᐊᓂᔭ ᐊᓯᒪᑭᓂᓴ ᑲ ᐎ ᓂᐸᐊᔨᒋ ᐊᓂᔭ ᓇᐸᐛ᙮ ᐊᑯ ᒂ ᐃᑎᓱᐛᑦ ᐊᓂᔭ ᑲ ᓂᑕᐅᒋᒪᐎᔨᒋ ᓂᔅᑎᒻ ᒐᒋ ᐱᑭᔅᑐᐛᒂᔅᑯᑎᔨᒋ ᒐᒋ ᓇᑎᑭᒪᒥᔨᒋ᙮