ᐊᑈᔅᑕᓇᒡ 22:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᑯ ᐊᓐ ᕈᒻ ᓂᑐᐱᔪᐅ-ᐅᒋᒪᐤ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒪ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮ ᐊᑯ ᒂ ᐃᑎᓱᐛᑦ ᒐᒋ ᐸᐱᓯᔅᑕᐛᑭᓄᔨᒋ᙮ ᒋ ᐱᑯᓴᔨᑎᒻ ᑭᑈ ᒐᒃ ᐊᓐᑕ ᐊᓂᔭ ᐊ ᐸᐱᓯᔅᑕᐛᑭᓄᔨᒋ ᒐᒋ ᐅᒋ ᐎᑎᒥᔨᒋ ᑕᓐ ᑲ ᐃᓯ ᐅᓂᐱᓱᔨᒋ ᐛᒋ ᐃᔅᐱᔅ ᐛᓴ ᒋᔄᐊᔨᒋ ᐊᓂᔭᔪᐛ ᒍᐤ ᐃᔪᐛ᙮

ᐊᑈᔅᑕᓇᒡ 22:24 Iomraidhean Croise

ᒠᓐ 19:1

ᐊᑯ ᑈᓚᑦ ᒂ ᐃᑎᓱᐛᑕᑦ ᒋᓴᓴ ᒐᒋ ᔅᑐᑕᐊᑭᓄᔨᒋ ᑭᔭ ᒐᒋ ᐱᓯᔅᑕᐛᑭᓄᔨᒋ᙮

ᐊᑈᔅᑕᓇᒡ 16:37

ᒥᒄ ᒪᒃ ᑈᓪ ᐎᔾ ᒋ ᐃᔨᒪᐊᐤ ᐊᓂᔭ ᑲ ᒪᑯᓄᐛᓯᔨᒋ ᒂ ᐃᑕᑦ, “ᐃᑎᔅᑕᐤ ᕈᒻ ᐎᓱᐛᐅᓐ, ᕈᒻ ᐊ ᐃᓯ ᒥᓯᓇᓱᑦ ᐊᐛᓐ ᓂᔅᑎᒻ ᒋᐸ ᑎᐸᔅᑯᓇᑭᓄᐤ ᐊᑯ ᐃᔭᒄ ᒋᐸ ᐛᐛᓯᐊᑭᓄᐤ᙮ ᕈᒻ ᓂᑦ ᐃᑎᓯᓇᓱᓇᓐ ᐃᔭᐱᒡ ᒪᒃ ᐊᒋ ᐱᐱᓯᔅᑕᐅᑯᐅᔭᒡ ᑭᔭ ᐱᑕᐛᐱᓂᑯᐅᔭᒡ ᑲᒪᑯᓄᐛᓯᐅᒋᐛᐱᒡ, ᐊᑲ ᐛᐛᒡ ᐅᒋ ᑎᐸᔅᑯᓂᑯᐅᔭᒡ᙮ ᐊᑯ ᒪᒃ ᒋᒧᑦ ᐛ ᐱᔅᑎᓂᑯᐅᔭᒡ᙮ ᓇᒪ ᒪᒃ ᓂᑭ ᐅᒋ ᐃᒐᑕᓇᓐ ᐅᑕ᙮ ᓂᑐᐛᔨᒪᓇᓐᒡ ᐊᓐᒡ ᕈᒻ ᐅᒋᒪᐅᒡ ᐎᔨᐛᐤ ᒐᒋ ᐸᒋ ᑎᑯᓯᓂᒡ ᒐᒋ ᐱᔅᑎᓂᔨᒥᒡ᙮”

ᐊᑈᔅᑕᓇᒡ 21:34

ᐊᓐᒡ ᒪᒃ ᐃᔪᒡ ᐊᓐᑕ ᑲ ᑕᒡ ᒋ ᓂᔎᐅᓯᐊᐅᒡ᙮ ᐊᑯ ᒥᒄ ᓇᒪ ᐸᐃᑯᓄᒡ ᐅᒋ ᐃᔅᒋᔄᐅᒡ, ᑯᑎᑭᒡ ᐃᔭᒡ ᐊ ᐃᔅᒋᔄᒡ ᑕᓐ ᐊ ᐃᔅᒋᔄᔨᒋ ᐊᓂᔭᔪᐛ ᑯᑎᑲ᙮ ᐊᑯ ᑭᑈ ᓇᒪ ᐅᒋ ᓂᔅᑐᑎᒻ ᐊᓐ ᓂᑐᐱᔪᐅ-ᐅᒋᒪᐤ ᑕᓐ ᐊᓐ ᑲ ᐃᑎᓇᓄᐎᒡ, ᐊᑯ ᒥᒄ ᑲ ᐃᑎᓱᐛᑦ ᒐᒋ ᐱᑎᑲᐊᑭᓄᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 21:37

ᒪᒂᒡ ᒪᒃ ᐊᓂᔭ ᐊ ᐎ ᐱᑎᑲᐊᑭᓄᐅᑦ ᑈᓪ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒋ ᐃᑕᐤ ᐊᓂᔭ ᓂᑐᐱᔪᐅ-ᐅᒋᒪᐛ, “ᒋᑭ ᒋ ᐃᑎᑎᓐ ᐊ ᒐᒂᓐ ?” ᐊᑯ ᒂ ᐃᑎᑯᑦ, “ᑯᕆᒃ ᐊ ᒋ ᐊᑎ ᐃᓯ ᐃᔨᒥᓐ ?

ᐊᑈᔅᑕᓇᒡ 23:10

ᒐᒃ ᒪᒃ ᐊᓂᔭ ᐊ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 23:27

ᐅ ᓇᐸᐤ ᑲ ᐃᑎᓴᐅᒃ ᐊ ᐃᑕᐅᑦ ᒍᐤ ᐃᔪᐛ ᒋ ᒪᑯᓂᑯᐤ, ᑭᔭ ᒋ ᐎ ᓂᐸᐃᑯᐤ᙮ ᐃᔅᐱ ᑲ ᐎᑎᒪᑯᔭᓐ ᕈᒻ ᐊ ᐃᓯ ᒥᓯᓇᓱᑦ, ᐊᑯ ᒂ ᓇᑎᒧᒃ ᓂᑦ ᐊᓯᒪᑭᓂᓯᒻ ᐊᒋ ᐎᒐᐅᒥᒡ᙮

ᐊᑈᔅᑕᓇᒡ 28:18

ᒋ ᐎ ᓂᑐ ᒋᔅᒐᔨᑎᒧᒡ ᒪᒃ ᐊᓐᒡ ᕈᒻ ᐃᔪᒡ ᑕᓐ ᑲ ᐃᓯ ᐅᓂᐱᔪᒡ᙮ ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒧᒡ ᒐᒋ ᐃᓯ ᐅᓂᐱᔪᒡ᙮ ᓴᔅ ᒪᒃ ᓂᒋ ᐎ ᐱᔅᑎᓂᑯᒡ ᐛᔅ ᓇᒪ ᐅᒋ ᒥᔅᑭᒧᒡ ᑕᓐ ᑲ ᐃᓯ ᐅᓂᑐᑎᒧᒡ᙮

ᐃᑉᕈᐛ 11:35

ᒋ ᑕᐅᒡ ᑭᔭ ᐃᔎᐅᒡ ᐊ ᑕᑈᔭᔨᒪᒡ ᒋᓴᒪᓂᑐᐛ ᑭᔭ ᐊᓂᔭ ᐅᒋ ᒋ ᐛᐱᒪᐅᒡ ᐊᓂᔭ ᐅᑦ ᐃᔨᒧᐛᐛ ᑲ ᓂᐱᔨᒋ ᑲᐤ ᐊ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒋ᙮ ᑭᔭ ᑯᑎᑭᒡ ᒋ ᑕᐅᒡ ᐊᒋ ᑕᑈᔭᔨᒪᒡ ᒋᓴᒪᓂᑐᐛ ᐊᑎ ᒪᒃ ᐊᒋ ᐃᔅᐱᔅ ᑕᑈᔭᔨᒪᒡ ᐃᔭᐱᒡ ᒋ ᓂᓇᐧᑲᒋᐊᑭᓄᐎᒡ ᐱᐃᒻ ᑲ ᐊᑎ ᓂᐸᐊᑭᓄᐎᒡ, ᐛᔅ ᓇᒪ ᐅᒋ ᐎ ᐃᔅᒋᔄᐅᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ ᒐᒋ ᐅᒋ ᐱᔅᑎᓇᑭᓄᐎᒡ᙮ ᓂᑲᓐ ᒋ ᐃᓯ ᐱᑯᓴᔨᑎᒧᒡ ᐊᔪᐛᒃ ᐊ ᒥᔽᔨᒡ ᐱᒪᑎᓯᐅᓂᔪᐤ ᒐᒋ ᐊᔭᒡ ᐃᔅᐱ ᐅᓂᔅᑲᓇᑭᓄᑥᐛ ᓂᐳᐅᓂᒡ ᐅᒡ᙮