ᐊᑈᔅᑕᓇᒡ 22:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᑈᓪ ᒋ ᐃᑕᐤ, “ᓂᐧᑲᓂᓯᑐᒄ ᑭᔭ ᒋᔨᐛᐤ ᒋᓴᐃᔪᑎᒄ, ᐸᒋ ᓂᑐᑐᐅᒄ ᑯᐃᔅᒄ ᐊ ᐎ ᐎᑎᒪᓐ ᐊᑲ ᓄᓴᒻ ᐃᓯ ᐊᑕᒪᔨᑕᑯᓯᔭᓐ᙮”

ᐊᑈᔅᑕᓇᒡ 22:1 Iomraidhean Croise

ᓗᒃ 12:11

ᐊᑯ ᒋᓴᔅ ᒂ ᐃᔅᒋᔄᑦ, “ᒧᔭᒻ ᑎᐸᔅᑯᓂᒐᐅᒋᐛᐱᒡ ᐃᑐᑕᐃᑯᔨᓇ ᑭᔭ ᒍᐤ ᐊᔭᒥᐊᐅᒋᐛᐱᒡ ᑭᔭ ᒋᓴᐅᒋᒪᐛ ᐊ ᑕᔨᒋ ᒐᒋ ᑎᐸᔅᑯᓂᑯᔨᓐ ᐊᑲᐎᔾ ᒥᑯᔅᑲᑕᔨᑕ ᑕᓐ ᒐ ᐃᔅᒋᔄᔨᓐ ᑭᔭ ᑕᓐ ᒐ ᐃᓯ ᓂᔎᐅᓯᑥᔨᓐ ᒐᒋ ᐅᒋ ᐎᒋᐃᓱᔨᓐ᙮

ᓗᒃ 21:14

ᓂᑲᓐ ᒋᐸ ᐎᔭᔨᑕᓇᐛᐤ ᒐ ᐊᑲ ᐅᒋ ᐊᔨᒪᔨᑎᒪᒄ ᑕᓐ ᒐ ᐃᓯ ᐎᑎᒧᐛᑯᒡ᙮

ᐊᑈᔅᑕᓇᒡ 13:26

“ᓂᐧᑲᓂᓯᑐᒄ, ᒋᔨᐛᐤ ᒪᒃ ᑲ ᐃᑎᔅᑲᓇᓯᔭᒄ ᐊᑉᕋᐊᒻ ᐊ ᑕᑦ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᔅᒋ ᐎᑎᒪᑯᓇᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ᙮

ᐊᑈᔅᑕᓇᒡ 19:33

ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ᐃᑕᔨᒪᑭᓄᐅᑦ ᐎᔾ ᑲ ᐃᑐᑕᐧᒃ ᐛᒋ ᒋᔄᓯᓇᓄᐎᒡ᙮ ᐊᑯ ᒂ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ᑕᑈᔨᒋ, ᐊ ᐎ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮

ᐊᑈᔅᑕᓇᒡ 23:1

ᐊᑯ ᑈᓪ ᑯᐃᔅᒄ ᑲ ᑭᓄᐛᐱᒪᑦ ᐊᓂᔭ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᐊᑯ ᑲ ᐃᑕᑦ, “ᓂᐧᑲᓂᓯᑐᒄ, ᑲ ᐃᔅᐱᔅ ᐸᒋ ᐊᑐᔅᑯᐅᒃ ᒋᓴᒪᓂᑐᐤ ᓂ ᒐᔅᑎᓇᐅᓐ ᒧᔅ ᑯᐃᔅᒄ ᐊᒋ ᐃᑎᔭᓐ ᒋᓴᒪᓂᑐᐤ ᐊ ᐱᒪᑎᓯᔅᑐᐅᒃ᙮”

ᐊᑈᔅᑕᓇᒡ 23:6

ᐃᔅᐱ ᒪᒃ ᓇᓯᑕᐅᓄᐛᑦ ᑈᓪ ᑕᐱᔅᑯᓐ ᓴᑎᔪᓯᐊ ᑭᔭ ᐸᕆᓯ ᐊ ᑕᔨᒋ ᐊᓐᑕ ᐊᓂᔭ ᐊ ᒪᒧᐎᔨᒋ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᒋ ᐃᑕᐤ ᐊ ᒋᔄᐛᑦ, “ᓂᐧᑲᓂᓯᑐᒄ, ᐸᕆᓯ ᓂᔾ, ᑭᔭ ᐊᓂᔭᐧᑲ ᓂᑦ ᐊᓂᔅᒐ ᓂᐧᑲᓂᓯᒡ ᐸᕆᓯ ᒋ ᐃᑎᐳᒡ᙮ ᐊᐅᒄ ᐅ ᐛᒋ ᑎᐸᔅᑯᓂᑯᔭᓐ ᐅ ᐊᓄᒡ, ᐊ ᑕᑈᑎᒪᓐ ᑲ ᓂᐱᒡ ᑲᐤ ᒐ ᐅᓂᔅᑲᒡ᙮”

ᐊᑈᔅᑕᓇᒡ 24:10

ᐊᑯ ᐊᓐ ᒋᓴᐅᒋᒪᐤ ᑲ ᒥᔭᑦ ᐊᓂᔭ ᑈᓚ ᒐᒋ ᐃᔨᒥᔨᒋ, ᐊᑯ ᑈᓪ ᑲ ᐃᔅᒋᔄᑦ, “ᒋ ᒋᔅᒐᔨᒥᑎᓇᓐ ᓴᔅ ᒥᒐᑐᐤ ᐱᐳᓇ ᑎᐸᔅᑯᓂᒐᓱᐤ ᐊᒋ ᐃᑎᐱᔨᓐ ᐅᑕ ᐃᑕᒐ ᐅᒡ ᒍᐤ ᐃᔪᒡ ᐊ ᑕᒡ᙮ ᓂ ᒥᔽᔨᑕᓐ ᒪᒃ ᐊ ᓇᐃᐱᔨᒡ ᑯᐃᔅᒄ ᒐᒋ ᐃᓯ ᐊᔨᒧᑎᒪᑕᓐ ᑭᔭ ᓂᔾ ᐅ ᑕᓐ ᐛ ᐃᓯ ᑎᐸᔅᑯᓂᑯᔭᓐ᙮

ᐊᑈᔅᑕᓇᒡ 25:16

“ᐊᑯ ᒂ ᐃᑎᒂᐤ, ᓇᒪ ᐃᑐᐅᒡ ᕈᒻ ᐃᔪᒡ ᒐᒋ ᐱᔅᑎᓇᒡ ᐊᐛᔪᐛ ᒥᒄ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᔅᒄ ᐊᑲ ᐛᐛᒡ ᒋ ᐛᐱᒪᔨᒋ ᐊᓂᔭ ᑲ ᐎ ᑎᐸᔅᑯᓂᑯᑦ ᑭᔭ ᐊᑲ ᐛᐛᒡ ᒋᔅᐸᐛᑎᓱᑦ ᑕᓐ ᐛ ᐃᓯ ᑎᐸᔅᑯᓇᑭᓄᐅᑦ ᐊᓐᑕ ᑎᐸᔅᑯᓂᒐᓱᐛ ᐊ ᑕᔨᒋ᙮

ᐊᑈᔅᑕᓇᒡ 25:8

ᒐᒃ ᒪᒃ ᑈᓪ ᑲ ᐃᔨᒥᔅᑎᒪᓱᑦ᙮ ᒋ ᐃᔅᒋᔄᐤ, “ᓇᒪ ᓂ ᐅᒋ ᐅᓂᑐᑕᓐ ᒍᐤ ᐎᓱᐛᐅᓐ᙮ ᓇᒪ ᑭᔭ ᓂ ᐅᒋ ᐃᑎᓐ ᒐᒋ ᒪᔭᔨᑎᒪᓐ ᒍᐤ ᒋᓴᐊᔭᒥᐊᐅᒋᐛᑉ ᑭᔭ ᒪᒃ ᒐᒋ ᐅᓂᑐᑐᐛᒃ ᕈᒻ ᒋᓴᐅᒋᒪᐤ᙮”

ᐊᑈᔅᑕᓇᒡ 26:24

ᒪᒂᒡ ᒪᒃ ᐅᔭ ᐊ ᐃᓯ ᐃᔨᒥᑦ ᑈᓪ, ᐸᔅᑕᓴ ᒋ ᐊᓯᒂᑎᑯᐤ ᐊ ᐃᑎᑯᑦ, “ᑈᓪ, ᒋ ᒋᔎᓐ ! ᒋ ᒋᔎᐃᑯᓐ ᐊᓐ ᑲ ᐃᔅᐱᔅ ᒥᔅᑎ ᒋᔅᑯᑎᒪᑯᔨᓐ !”

ᐊᑈᔅᑕᓇᒡ 28:17

ᓂᔅᑐ ᒋᓯᑲᐛ ᒪᒃ ᐃᔅᐱᔅ, ᐊᑯ ᒂ ᐎᓴᒪᑦ ᑈᓪ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᐃᔅᐱ ᒪᒃ ᒥᔭᒧᐎᔨᒋ ᒋ ᐃᔅᒋᔄᐤ, “ᓂᐧᑲᓂᓯᑐᒄ, ᓂᒋ ᒪᑯᓂᑯᐅᓐ ᐊᓐᑕ ᒋᕈᓯᓕᒥᒡ ᐊᑯ ᐊᓐᑕ ᕈᒻ ᐃᔪᒡ ᐊ ᑕᒡ ᒂ ᐃᓯ ᐱᔅᑎᓂᑯᐅᔭᓐ ᒐᒋ ᐃᓯ ᒪᒪᒋᑯᓂᑯᐅᔭᓐ᙮ ᐊᐅᒄ ᐅ ᑲ ᐃᑐᑕᑯᐅᔭᓐ ᐊᑎ ᐊᑲ ᐅᒋ ᒥᒋᑐᑐᐅᒂᐤ ᒋᑦ ᐃᔨᒥᓄᒡ ᑭᔭ ᐊᑲ ᐅᒋ ᐅᓂᑐᑎᒪᓐ ᐊᓂᔭᔪᐛ ᐃᑐᐅᓇ ᐊᓂᔅᒐ ᒋᐛᐧᑯᒪᑭᓄᐎᒡ ᑲ ᒥᔨᑕᐧᑯᒡ᙮

ᐊᑈᔅᑕᓇᒡ 7:2

ᐊᑯ ᔅᑎᐱᓐ ᒂ ᐃᑕᑦ, “ᓂᐧᑲᓂᓯᑐᒄ ᑭᔭ ᐅᑕᐎᒪᑐᒄ ᐸᒋ ᓂᑐᑐᐅᒄ, ᒋᓴᒪᓂᑐᐤ ᑲ ᒋᔅᑕᔨᑕᑯᓯᑦ ᒋ ᓄᑯᓯᔅᑐᐛᐤ ᐛᔅᑭᒡ ᐊᓂᔭᐧᑲ ᒍᑕᐎᓄᐛ ᐊᑉᕋᐊᒪ ᒪᒂᒡ ᑲ ᐎᒋᔨᒋ ᐊᓐᑕ ᒪᓴᐳᑕᐃᒥᔭ ᐊᔅᒋᒡ, ᐊᔅᒄ ᐊᑲ ᐦᐊᕋᓐ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐅᒋ ᐃᓯ ᐊᑐᒐᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:15

ᐊᑯᑕ ᒪᒃ ᐛᒋ ᓄᑯᓂᔨᒡ ᐊ ᑎᑯᓂᔨᒡ ᐎᓱᐛᐅᓂᔪᐤ ᐅᑕᐃᐛᒡ ᐊᓂᔭ ᐊ ᐎᓱᒥᑯᒡ ᑕᓐ ᒋᐸ ᐃᓯ ᐱᒪᑎᓯᐅᒡ ᑭᔭ ᑎᑯᓂᔪᐤ ᐊᓐᑕ ᐛᒋ ᒋᔅᒐᔨᑕᒡ ᑕᓐ ᒋᐸ ᐃᓯ ᐱᒪᑎᓯᐅᒡ᙮ ᒋᔅᒐᔨᑎᒧᒡ ᒪᔪᑐᑎᒥᒂᓂᒋ ᒪᒃ ᒪᒋᑐᑎᒥᒂᓂᒋ᙮

1 ᑯᕆᓐᑎᔭᓇ 9:3

ᐊ ᐸᒋ ᑯᒂᒋᒥᒡ ᐊᐛᓐᒋ ᒐᒋ ᓄᑯᑕᐅᒡ ᑕᑈ ᐊᑈᔅᑕᓐ ᐊ ᐃᑕᐱᑎᓱᐛᐅᒐ, ᒪᐅᔭᔪᐤ ᐊ ᐃᓯ ᐛᐎᑎᒧᐅᒂᐤ᙮

2 ᑯᕆᓐᑎᔭᓇ 12:19

ᑭᔭ ᐊ ᐃᑕᔨᒧᐛᐛᒐ ᐅ ᑲ ᒥᓯᓇᐃᒐᔭᒡ ᒧᔭᒻ ᑲ ᐎ ᓇᑕᒪᓱᒡ ᐊᐛᓐᒋ ? ᓇᒪ᙮ ᒥᒄ ᐊ ᐃᓯ ᓂᑐᐛᔨᒥᔨᒥᑦ ᙭ ᒐᒋ ᐃᓯ ᐃᔨᒧᐅᒋᒡ ᒋᓴᒪᓂᑐᐛ ᐃᔅ ᐊ ᑕᔨᒋ ᐊᑯᓐ ᐊ ᐃᓯ ᐃᔨᒥᔭᒡ᙮ ᑕᓐ ᒥᒄ ᐊ ᐃᑐᐛᐛᒐ ᒥᒄ ᐛᔅ ᐊᓐ ᒋ ᐎ ᐎᒋᐃᑎᓇᓐ᙮

2 ᑯᕆᓐᑎᔭᓇ 7:11

ᒋᔨᐛᐤ ᒪᒃ ᐎ ᒋ ᓇᐊᔨᑎᒥᐃᑯᐤ ᒋᓴᒪᓂᑐᐤ ᑕᓐ ᑲ ᐃᓯ ᒥᑕᒋᔨᐛᔨᑎᒪᒄ᙮ ᒋ ᐛᐸᑕᓇᐛᐤ ᑭᔭ ᑕᓐ ᐊ ᐃᓯ ᐎᒋᐃᑯᔭᒄ᙮ ᐊᑐᐎᔅ ᓱᒃ ᒋᑦ ᐃᑕᔨᑕᓇᐛᐤ᙮ ᐊᑐᐎᔅ ᓱᒃ ᒋ ᐎ ᐛᐸᑎᔨᐛᓇᐛᐤ ᑕᓐ ᐊ ᐃᓯ ᒥᔪᑐᑎᒪᒄ᙮ ᒋ ᐃᑐᑕᑯᓇᐛᐤ ᒐᒋ ᒥᒐᔨᑎᒪᒄ ᐊ ᒥᒋᑐᑕᑭᓄᐅᒡ ᑭᔭ ᒐᒋ ᒋᔄᓯᔅᑎᒪᒄ ᒥᒋᑐᑎᒧᐅᓐ᙮ ᒋ ᒋᔅᒐᔨᑕᓇᐛᐤ ᒐᒋ ᐛᐛᓯᐊᑭᓄᐅᑦ ᐊᓐ ᑲ ᒥᒋᑐᑕᐧᒃ ᑭᔭ ᒐᒋ ᑯᐃᔅᑯᓇᑭᓄᐅᑦ᙮ ᑕᑈ ᔅᒋ ᐛᐸᑎᔨᐛᓇᐛᐤ ᑯᐃᔅᒄ ᐊ ᐃᑎᔭᒄ᙮

ᐱᓕᐱᔭᓇ 1:17

ᐊᓐᒡ ᑯᑎᑭᒡ ᑲ ᐊᔨᒧᒥᒂᐤ ᒋ ᐛᐎᑎᒧᒡ ᒥᔽᒋᒧᐅᓂᔪᐤ ᒥᒄ ᐎᔨᐛᐤ ᐅᑦ ᐃᑕᔨᑎᒧᐅᓄᐛᒡ ᐅᒋ, ᓇᒪᐎᔾ ᑕᑈ ᐅᒋ ᐎ ᐎᒋᐊᐅᒡ ᐊᐛᔪᐛ᙮ ᐊᐅᑯᓐ ᐊ ᐃᑎᒡ ᐊᑎᑐᐤ ᐊ ᐎ ᐛᐅᔅᑕᐱᔨᒡ ᐅᑕ ᑲᒪᑯᓄᐛᓯᐅᒋᐛᐱᒡ ᐊ ᑕᐅᒡ᙮

ᐱᓕᐱᔭᓇ 1:7

ᑕᑈᐅᓂᒡ ᒪᒃ ᐅ ᒋ ᐊᑎ ᐃᓯ ᒪᒥᑐᓇᔨᒥᑎᓇᐛᐤ ᐛᔅ ᒋᓴᒋᐃᑎᓇᐛᐤ᙮ ᐛᔅ ᒥᓯᐛ ᐊ ᑎᓯᔭᒄ ᔅᒋ ᒥᔨᑯᐅᓇᐛᐤ ᒋᓴᐛᑎᓯᐅᓐ ᒧᔭᒻ ᑕᓐ ᑲ ᐃᓯ ᒥᔨᑯᐅᔭᓐ ᓂᔾ ᐊᑎ ᐅᑕ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᑭᔭ ᒪᒂᒡ ᑲᒋ ᒋᔅᐸᐛᑐᑎᒪᓐ ᒥᔽᒋᒧᐅᓐ ᑭᔭ ᑲᒋ ᐊᑐᔅᑲᔅᑎᒪᓐ ᒐᒋ ᑕᑈᑕᑭᓄᐅᒡ᙮

2 ᑎᒧᑎ 4:16

ᐃᔅᐱ ᒪᐅᒡ ᓂᔅᑎᒻ ᑲ ᐅᑎᔅᑯᑲᐳᔅᑎᒪᓐ ᐊ ᑎᐸᔅᑯᓂᑯᐅᔭᓐ, ᓇᒪ ᐛᐛᒡ ᐸᐃᒄ ᐊᐛᓐ ᓂ ᐅᒋ ᐎᒋᑲᐳᐅᔅᑕᒄ, ᒥᓯᐛ ᐊᐛᓐᒋ ᓂᒋ ᓂᑭᑎᑯᒡ᙮ ᑭᒪ ᐊᑲ ᒪᑎᑯᔅᑲᑯᒡ ᐅᔭ ᑕᓐ ᑲ ᐃᓯ ᑐᑕᒡ᙮

1 ᐱᑕᕐ 3:15

ᒋᔅᑕᔨᒪᐧᒄ ᐅᑎᐸᔨᒋᒐᐤ ᙭ ᒋᑕᐃᐛᒡ᙮ ᒧᔅ ᒋᐸ ᐊᔭᔅᑯᐎᓇᐛᐤ ᑕᓐ ᒐᒋ ᐃᓯ ᐎᑎᒧᐊᑯᒡ ᐊᓐᒡ ᑲ ᐎ ᓇᓂᑐ ᒋᔅᒐᔨᑕᒡ ᐊᓂᔭ ᐊᔅᐸᔨᒧᐅᓂᔪᐤ ᑲ ᐱᒋᔅᑲᑯᐛᒄ᙮ ᒋᔭᒻ ᒥᒄ ᐎᑎᒧᐛᐧᑯᒡ ᐊᐛᓐᒋ ᐅᔭᔪᐤ ᑭᔭ ᐃᔭᐱᒡ ᒋᔅᑕᔨᒪᐧᑯᒡ᙮