ᐊᑈᔅᑕᓇᒡ 21:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᒥᒄ ᒪᒃ ᐃᔅᐱ ᐛᑎᒋᐱᔨᒡ ᒐ ᔅᑐᑕᔭᒡ, ᒥᒄ ᓂᒋ ᐃᓯ ᔅᑐᑕᓇᓐ᙮ ᒥᓯᐛ ᒪᒃ ᐊᓐᒡ ᑲ ᑕᑈᑕᒡ ᑭᔭ ᐎᐛᐛ ᑭᔭ ᐅᑦ ᐊᐛᓯᒧᐛᐛ ᓂᒋ ᐎᒐᐅᑯᓇᓂ ᐊ ᓇᓯᐸᐎᒋᑦ᙮ ᐊᑯ ᒥᓯᐛ ᒂ ᓂᐱᔅᑯᐱᔭᒡ ᐊᓐᑕ ᓯᓱᒡ ᐊ ᐊᔭᒥᐊᔭᒡ᙮

ᐊᑈᔅᑕᓇᒡ 21:5 Iomraidhean Croise

ᑎᐱᑦ ᐅᓂᑭᒧᐅᓇ 95:6

ᐅ ᐊᔅᑎᒧᒄ ᐊᔭᒥᐊᔅᑐᐛᑕᐤ ᑭᔭ ᓇᐛᑲᐳᔅᑐᐛᑕᐤ, ᐅᒋᒋᐧᑯᓇᐱᔅᑐᐛᑕᐤ ᑎᐸᔨᒋᒐᓱᐤ ᑲ ᐅᓯᐃᑕᐧᒄ᙮

ᒪᑎᔪᐤ 14:21

ᒥᒄ ᒪᒃ ᓇᐸᐅᒡ ᐊ ᐊᒋᒪᑭᓄᐎᒡ ᐱᑕᑕᒡ ᒐᓯᐱᔪᐤ ᒋ ᐃᑕᑎᓱᐅᒡ ᐊ ᐊᑲ ᐊᔅᑎᒋᒪᑭᓄᐎᒡ ᐃᔎᐅᒡ ᑭᔭ ᐊᐛᓯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:40

ᒋ ᐸᒋ ᓇᑎᑯᐤ ᒋᓴᔅ ᓇᐸᐛ ᐊ ᐊᔭᔨᒋ ᐊ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ᙮ ᒋ ᐅᒋᒋᐧᑯᓂᐱᔪᐅᔪᐛ ᐊᓐᑕ ᐊ ᑕᑦ ᐊᑯ ᒂ ᓂᑐᑎᒪᑯᑦ ᒐᒋ ᒥᓏᒋᐊᑦ᙮ ᒋ ᐃᑎᑯᐤ, “ᐎ ᐸᒋ ᐎᒋᐃᓇ ᒋᑭ ᒋ ᐃᑐᑕᓐ ᒐᒋ ᐸᔭᒋᓯᔭᓐ᙮”

ᓗᒃ 22:41

ᒋ ᓂᑭᑕᐤ ᒪᒃ ᐊᑯ ᐊᓐᑕ ᒂ ᐃᑐᑕᑦ ᓂᑐᐎᔾ ᐊ ᐛᐱᓇᑭᓄᐅᑦ ᐊᓯᓂᔾ ᐊ ᐃᔅᐱᓯᓇᑯᓂᔨᒡ᙮ ᑲ ᐅᒋᒋᐧᑯᓂᐱᑦ ᐊᓐᑕ ᐊ ᐊᔭᒥᐊᑦ᙮

ᐊᑈᔅᑕᓇᒡ 15:3

ᐊᑯ ᒂ ᐃᑐᑕᒡ ᐊᓐᑕ ᑲ ᐃᑎᓴᐅᑯᒡ ᐊᓂᔭ ᐅᒪᒧᐊᔭᒥᐊᐛ᙮ ᐳᓂᓯᔭ ᑭᔭ ᓴᒪᕆᔭ ᒋ ᓴᐳᐛᔅᑭᒧᒡ ᐊ ᐛᐎᑎᒧᐛᒡ ᐊᓂᔭ ᐅᒪᒧᐊᔭᒥᐊᐤ ᐊᓐᑕ ᑲ ᑕᔨᒋ ᐊ ᑕᑈᔭᔨᒪᔨᒋ ᒋᓴᓴ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᓂᔭᔪᐛ ᐎᐧᑲᓂᓯᒪᐛ ᐃᔅᐱ ᐱᔭᑎᒥᔨᒋ ᐅᔭ᙮

ᐊᑈᔅᑕᓇᒡ 17:10

ᐎᐱᒡ ᒪᒃ ᐊ ᐊᑎ ᑎᐱᔅᑲᔨᒡ, ᐊᓐᒡ ᐎᐧᑲᓂᓯᒪᐅᒡ ᒋ ᐃᑎᓴᐛᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ ᐅᑕᓇᔪᐤ ᐸᕆᔭ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᑎᐛᒡ ᒋ ᐃᑐᑕᐅᒡ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ᙮

ᐊᑈᔅᑕᓇᒡ 20:36

ᐃᔅᐱ ᒪᒃ ᑲᒋ ᐃᓯ ᐃᔨᒪᐊᑦ ᑈᓪ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᑲ ᑕᑈᑎᒥᔨᒋ ᐊᓐᑕ ᐃᐱᓴᔅ ᑲ ᑕᔨᒋ ᐊᑯ ᒥᓯᐛ ᑲ ᓂᐱᔅᑯᐱᒡ ᐊ ᐊᔭᒥᐊᒡ᙮

ᐊᑈᔅᑕᓇᒡ 20:38

ᓇᔅᒡ ᐊ ᒥᒐᔨᑎᒥᔨᒋ᙮ ᐊᓂᔭ ᒪᒃ ᐊᒋ ᐃᑕᑦ ᐊᑲ ᒥᓐ ᒐ ᐅᒋ ᐛᐱᒥᑯᑦ ᐊᐅᒄ ᐅᔭ ᒪᐅᒡ ᑲ ᒪᑯᐃᑯᔨᒋ᙮ ᐊᑯ ᒂ ᐊᑎ ᐎᒐᐅᑯᑦ ᐊᓐᑕ ᐊ ᒥᓴᔨᒡ ᐅᐤᑎᒡ ᐊ ᐃᑐᑕᑦ᙮

ᐊᑈᔅᑕᓇᒡ 9:40

ᐱᑕᕐ ᒥᓯᐛ ᐊᐛᔪᐛ ᒋ ᐎᐎᑎᓴᐛᐤ ᐊᓐᑕ ᐊᓂᔭᔪᐤ ᑲᒋᐸᐃᑭᓄᓯᒡ ᑲ ᑕᔨᒋ, ᐊᑯ ᒂ ᓂᐱᔅᑯᐱᑦ ᐊ ᐊᔭᒥᐊᑦ, ᐊᑯ ᒂ ᑭᓄᐛᐸᑕᐧᒃ ᐊᓂᔭ ᒥᔭᔪᐤ ᐊ ᐃᔅᒋᔄᑦ, “ᑕᐸᑕ, ᐅᓂᔾ᙮” ᒋ ᓇᓂᑐᐛᐳᐤ ᒪᒃ ᐊᓐ ᐃᔎᐤ, ᐃᔅᐱ ᒪᒃ ᐎᔭᐱᒪᑦ ᐊᓂᔭ ᐱᑕᕋ, ᒋ ᐅᒋᓯᒥᑎᐳᐤ᙮