ᐊᑈᔅᑕᓇᒡ 21:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᐊᑯ ᒂ ᐱᔅᑎᓂᑯᑦ ᐊᓂᔭ ᓂᑐᐱᔪᐅ-ᐅᒋᒪᐛ ᒐᒋ ᐃᔨᒥᑦ᙮ ᐊᑯ ᑈᓪ ᒂ ᑕᐧᑯᓯᑲᐳᐅᑦ ᐊᓐᑕ ᑕᑕᐧᑯᔅᑲᓇᓂᒡ᙮ ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭᔪᐛ ᐃᔪᐛ ᒐ ᐊᑲ ᒋ ᒋᔅᑐᔨᒋ᙮ ᐃᔅᐱ ᒪᒃ ᐊᑲ ᒐᔅᑐᔨᒋ, ᐊᑯ ᒂ ᐃᔨᒪᐊᑦ ᐃᑉᕈᐤ ᐊ ᐃᓯ ᐃᔨᒥᑦ᙮

ᐊᑈᔅᑕᓇᒡ 21:40 Iomraidhean Croise

ᓗᒃ 23:38

ᒋ ᒋᑭᒧᑕᑭᓄᐎᔪᐤ ᒪᒃ ᒥᓯᓇᐃᑭᓂᔪᐤ ᐃᑉᕈᐤ, ᓚᑎᓐ ᑭᔭ ᑯᕆᒃ ᐊ ᐃᓯ ᐃᔨᒥᓇᓄᐅᒡ, ᐅᒋᐱᔭᑎᑯᒥᒡ ᐊᓐᑕ ᐃᔅᐱᒥᓯᔅ ᒋᓴᔅ ᐅᔅᑎᒂᓂᒡ ᐊᑎᔅᑕᔨᒡ, “ᐊᔪᑯᓐ ᐅᔭ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”

ᒠᓐ 19:13

ᐃᔅᐱ ᒪᒃ ᑈᓚᑦ ᐱᔭᑕᐧᒃ ᐊᓂᔭ ᑲ ᐃᔅᒋᔄᔨᒋ ᐊᓂᔭ ᒍᐤ ᐃᔪᐛ ᐎᐎᑎᒥᒡ ᒋ ᐃᑐᑕᐊᐤ ᐊᓂᔭ ᒋᓴᓴ ᐊᑯ ᑲ ᐛᐛᔨᐱᑦ ᐊᓐᑕ ᑎᐸᔅᑯᓂᒐᓱᐤ ᑕᑎᐳᐛᑭᓂᒡ, ᐊᓐᑕ ᐊ ᐊᓯᓂᐧᑲᓄᐎᔨᒡ ᐊᒋ ᐊᔅᑕᔨᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ ᑲᐸᑕ ᐃᓯᓂᐧᑲᑕᑭᓄᐤ ᐊᓐᑕ ᐊᓂᔭ ᑲ ᐊᓯᓂᐧᑲᓄᐎᔨᒡ᙮

ᒠᓐ 19:17

ᒂ ᔅᑐᑕᐊᒡ ᐊᓂᔭ ᒋᓴᓴ ᐊ ᐱᒧᑕᐊᔨᒋ ᐅᒋᐱᔭᑎᑯᒥᔪᐛ ᐊᓐᑕ ᒂ ᐃᑐᑕᐊᒡ “ᒋᐱᔅᑎᒂᓐ ᑲ ᑎᒂᒡ” ᑲ ᐃᓯᓂᐧᑲᑕᔨᒡ᙮ ᐅ ᒪᒃ “ᒋᐱᔅᑎᒂᓐ ᑲ ᑎᒂᒡ” ᑲ ᐃᓯᓂᐧᑲᑕᒡ, ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ “ᑯᓪᑯᑕ” ᐃᓇᓄᐤ᙮

ᒠᓐ 19:20

ᒥᒐᑦ ᒍᐤ ᐃᔪᒡ ᒋ ᐸᒋ ᐃᔨᒥᑕᐅᒡ ᐊᓂᔭ ᒥᓯᓇᐃᑭᓂᔪᐤ ᐛᔅ ᓇᒪ ᐅᒋ ᔭᐅᓇᑯᓂᔪᐤ ᐊᓂᔭ ᐅᑕᓇᔪᐤ ᐊᓐᑕ ᑲ ᑕᒡ᙮ ᓂᔅᑐᔨᒡ ᒪᒃ ᐃᔨᒧᐅᓇ ᒋ ᐃᓯ ᒥᓯᓇᐃᒐᓄᐃᔪᐤ ᐊᓂᔭ ᒥᓯᓇᐃᑭᓂᔪᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ, ᓚᑎᓐ ᑭᔭ ᑯᕆᒃ᙮

ᒠᓐ 5:2

ᐊᓐᑕ ᒪᒃ ᒋᕈᓯᓕᒥᒡ ᒋ ᑎᑯᓐ ᐊᓐᑕ ᐊ ᐅᒋ ᐱᒐᓄᐅᒡ ᒪᔭᑕᓂᔅ ᒋᐱᔎᐤ ᐊ ᐃᓯᓂᐧᑲᑕᒡ᙮ ᒥᒋᒪ ᒪᒃ ᐊᓐᑕ ᒋ ᑎᑯᓐ ᐊ ᐱᑲᓯᒧᓇᓄᐅᒡ, ᐸᑎᔅᑕ ᒋ ᐃᓯᓂᐧᑲᑕᐤ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮ ᐱᑕᑕᒡ ᒋ ᑕᑎᓇ ᐱᑐᔎᐛ ᐊ ᑎᒂᒋ ᐊᓐᑕ᙮

ᐊᑈᔅᑕᓇᒡ 1:19

ᒥᓯᐛ ᒪᒃ ᐊᓐᑕ ᒋᕈᓯᓕᒥᒡ ᒋ ᒋᔅᒐᔨᑕᑭᓄᐅᔪᐤ ᑕᓐ ᑲ ᐃᔅᐱᔨᑦ ᒍᑎᔅ ᐊᑯ ᒥᐧᑯᐊᔅᒋᔾ ᒂ ᐊᑎ ᐃᓯᓂᐧᑲᑕᑭᓄᐎᒡ ᐊᓂᔭᔪᐤ ᓂᑕᐅᒋᑕᑭᓐ ᐊᔅᒋᔪᐤ ᐊᓐᑕ ᑲ ᒥᔅᑯᐛᑭᓄᐅᑦ᙮ ᐎᔨᐛᐤ ᒪᒃ ᐊ ᐃᓯ ᐃᔨᒥᒡ ᐊᑲᓕᑕᒪ ᒋ ᐃᓯᓂᐧᑲᑕᒧᒡ ᐅᔭ ᒥᐧᑯᐊᔅᒋᔪᐤ᙮)

ᐊᑈᔅᑕᓇᒡ 12:17

ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮

ᐊᑈᔅᑕᓇᒡ 13:16

ᐊᑯ ᒪᒃ ᑈᓪ ᑲ ᐅᐱᑲᐳᐅᑦ, ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭ ᐃᔪᐛ ᒐ ᐊᑲ ᒋ ᒋᔅᑐᔨᒋ, ᒂ ᐃᔅᒋᔄᑦ, “ᓂᐧᑲᓂᓯᑐᒄ, ᑕᐱᔅᑯᓐ ᒋᔨᐛᐤ ᒍᐤ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᓂᑐᑐᐅᒄ᙮

ᐊᑈᔅᑕᓇᒡ 19:33

ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ᐃᑕᔨᒪᑭᓄᐅᑦ ᐎᔾ ᑲ ᐃᑐᑕᐧᒃ ᐛᒋ ᒋᔄᓯᓇᓄᐎᒡ᙮ ᐊᑯ ᒂ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ᑕᑈᔨᒋ, ᐊ ᐎ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮

ᐊᑈᔅᑕᓇᒡ 21:35

ᐊᓐᒡ ᒪᒃ ᐊᓯᒪᑭᓂᓯᒡ ᐃᔅᐱᔅ ᒐ ᐊᑎ ᓴᑭᒋᐛᒡ ᒐᒋ ᐱᑎᑲᐊᒡ ᑈᓚ ᐊᓐᑕ, ᒐᒃ ᓂᑕᒡ ᒋ ᐅᐱᓇᐅᒡ ᑲ ᐃᔅᐱᔅ ᐊᔭᔅᒃ ᒋ ᐊᒂᑕᔨᑕᑯᓯᔨᒋ ᐊᓂᔭᔪᐛ ᐃᔪᐛ᙮

ᐊᑈᔅᑕᓇᒡ 22:2

ᐃᔅᐱ ᒪᒃ ᐱᔭᑐᐛᒡ ᐊᓐᒡ ᐃᔪᒡ ᐃᑉᕈᐤ ᐊ ᐃᓯ ᐃᔨᒥᔨᒋ ᑈᓚ, ᐊᓂᔭ ᑭᑈ ᐊ ᐃᓯ ᐃᔨᒥᒡ, ᐊᑯ ᐊᑐᐎᔅ ᓇᒪ ᐅᒋ ᔅᑐᐅᒡ᙮ ᐊᑯ ᑈᓪ ᒂ ᐊᑎ ᐃᔅᒋᔄᑦ,

ᐊᑈᔅᑕᓇᒡ 26:14

ᒥᓯᐛ ᒪᒃ ᓂᒋ ᐸᒋᓯᓇᓐ, ᐊᑯ ᒂ ᐸᑐᐅᒃ ᐊᐛᓐ ᐃᑉᕈᐤ ᐊ ᐃᓯ ᐃᔨᒥᑦ ᐊ ᐸᒋ ᐃᓯᑦ, ‘ᓴᓪ, ᓴᓪ, ᒐᒂᓐ ᐛᒋ ᑯᒂᒋᐃᔨᓐ ? ᒋᔾ ᓇᓂᑎᒻ ᒋᑦ ᐊᐧᑯᐃᓱᓐ ᐊᑎ ᓂᔾ ᐊ ᐎ ᐸᒋ ᐊᐧᑯᐃᔨᓐ᙮’ ”

ᐊᑈᔅᑕᓇᒡ 6:1

ᐃᔅᐱ ᒪᒃ ᐊᑐᐎᔅ ᐊ ᐊᑎ ᒥᒐᑎᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᒍᐤ ᐃᔪᒡ ᑯᕆᒃ ᑲ ᐃᓯ ᐃᔨᒥᒡ ᒋ ᒥᒋᐱᔭᐊᐅᒡ ᐊᓂᔭᔪᐛ ᒍᐤ ᐃᔪᐛ ᐃᑉᕈᐤ ᑲ ᐃᓯ ᐃᔨᒥᔨᒋ ᐊᒋ ᐃᔅᒋᔄᒡ ᐊᓂᔭᔪᐛ ᑲ ᐸᐃᑯᓯᔨᒋ ᐃᔎᐛ ᐊᓐᑕ ᐊ ᑕᒡ ᐊᑲ ᐅᒋ ᐃᔅᐱᔅ ᐊᓯᒪᑭᓄᔨᒋ ᒥᒋᒥᔪᐤ ᐊᓂᔭ ᑲᒋ ᒪᑎᓂᒧᐛᑭᓄᔨᒋ ᑲ ᐸᐃᑯᓯᔨᒋ ᐃᔎᐛ ᐊᓯᑯᒻ ᒋᓯᑲᐛ᙮

ᒋᔅᒐᔨᑕᑯᑕᒐᐅᓐ 16:16

ᐊᓐᒡ ᒪᒃ ᒥᒋ ᐊᒐᐧᑯᒡ ᒋ ᒪᒧᓇᐅᒡ ᐊᓂᔭ ᒋᓴᐅᒋᒪᐛ ᐊᓐᑕ ᐊᓂᔭ ᐱᔅᑯᑎᓇᔪᐤ ᐊᕐᒪᑲᑎᓐ ᑲ ᐃᓯᓂᐧᑲᑕᔨᒡ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ᙮

ᒋᔅᒐᔨᑕᑯᑕᒐᐅᓐ 9:11

ᐊᓂᔭᔪᐛ ᐊᓐᒋᓇ ᑲ ᐅᒋᒪᐅᑐᑎᒥᔨᒋ ᐊᓂᔭ ᑲ ᒥᔅᑎ ᐱᑯᓇᔭᔨᒡ, ᐊᐅᑯᓂ ᐊᓂᔭᔪᐛ ᑲ ᐅᒋᒪᒥᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐎᒡ, ᐊᐸᑐᓐ ᒋ ᐃᓯᓂᐧᑲᓱᔪᐛ᙮ ᑯᕆᒃ ᒪᒃ ᐊ ᐃᓯ ᐃᔨᒥᓇᓄᐎᒡ, ᐊᐳᓕᔪᓐ ᒋ ᐃᓯᓂᐧᑲᓱᔪᐛ᙮ ᑲ ᓂᓱᐅᓇᒋᐃᐛᑦ ᐃᓯ ᐱᔭᑭᔅᒋᑕᑭᓄᐅᔪᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮