ᐊᑈᔅᑕᓇᒡ 21:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᐊᓐᒡ ᒪᒃ ᐃᔪᒡ ᐊᓐᑕ ᑲ ᑕᒡ ᒋ ᓂᔎᐅᓯᐊᐅᒡ᙮ ᐊᑯ ᒥᒄ ᓇᒪ ᐸᐃᑯᓄᒡ ᐅᒋ ᐃᔅᒋᔄᐅᒡ, ᑯᑎᑭᒡ ᐃᔭᒡ ᐊ ᐃᔅᒋᔄᒡ ᑕᓐ ᐊ ᐃᔅᒋᔄᔨᒋ ᐊᓂᔭᔪᐛ ᑯᑎᑲ᙮ ᐊᑯ ᑭᑈ ᓇᒪ ᐅᒋ ᓂᔅᑐᑎᒻ ᐊᓐ ᓂᑐᐱᔪᐅ-ᐅᒋᒪᐤ ᑕᓐ ᐊᓐ ᑲ ᐃᑎᓇᓄᐎᒡ, ᐊᑯ ᒥᒄ ᑲ ᐃᑎᓱᐛᑦ ᒐᒋ ᐱᑎᑲᐊᑭᓄᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 21:34 Iomraidhean Croise

ᐊᑈᔅᑕᓇᒡ 19:32

ᐊᓐᒡ ᒪᒃ ᐃᔪᒡ ᒥᓯᐛ ᒋ ᒋᔄᓱᐅᒡ, ᐱᔅᒐ ᒋ ᐊᓯᒂᐅᒡ ᐊ ᒋᐧᑲᒥᑐᒡ, ᒥᒐᑦ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᒐᒂᔪᐤ ᐛᒋ ᒪᒧᐎᓇᓄᐎᒡ᙮

ᐊᑈᔅᑕᓇᒡ 21:37

ᒪᒂᒡ ᒪᒃ ᐊᓂᔭ ᐊ ᐎ ᐱᑎᑲᐊᑭᓄᐅᑦ ᑈᓪ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒋ ᐃᑕᐤ ᐊᓂᔭ ᓂᑐᐱᔪᐅ-ᐅᒋᒪᐛ, “ᒋᑭ ᒋ ᐃᑎᑎᓐ ᐊ ᒐᒂᓐ ?” ᐊᑯ ᒂ ᐃᑎᑯᑦ, “ᑯᕆᒃ ᐊ ᒋ ᐊᑎ ᐃᓯ ᐃᔨᒥᓐ ?

ᐊᑈᔅᑕᓇᒡ 22:24

ᐊᑯ ᐊᓐ ᕈᒻ ᓂᑐᐱᔪᐅ-ᐅᒋᒪᐤ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒪ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮ ᐊᑯ ᒂ ᐃᑎᓱᐛᑦ ᒐᒋ ᐸᐱᓯᔅᑕᐛᑭᓄᔨᒋ᙮ ᒋ ᐱᑯᓴᔨᑎᒻ ᑭᑈ ᒐᒃ ᐊᓐᑕ ᐊᓂᔭ ᐊ ᐸᐱᓯᔅᑕᐛᑭᓄᔨᒋ ᒐᒋ ᐅᒋ ᐎᑎᒥᔨᒋ ᑕᓐ ᑲ ᐃᓯ ᐅᓂᐱᓱᔨᒋ ᐛᒋ ᐃᔅᐱᔅ ᐛᓴ ᒋᔄᐊᔨᒋ ᐊᓂᔭᔪᐛ ᒍᐤ ᐃᔪᐛ᙮

ᐊᑈᔅᑕᓇᒡ 22:30

ᐎᔭᐱᓂᔨᒡ ᒪᒃ, ᐊᓂᔭ ᐊ ᐎ ᓂᑐ ᒋᔅᒐᔨᑕᐧᒃ ᒐᒂᔪᐤ ᐊᓐ ᐛᒋ ᓂᑐᐛᔨᒪᑭᓄᔨᒋ ᐊᓂᔭ ᑈᓚ ᒐᒋ ᓂᐸᐊᑭᓄᔨᒋ, ᒋ ᐃᑎᓱᐛᐤ ᒐᒋ ᐱᔅᑎᓇᑭᓄᔨᒋ, ᐊᑯ ᑲ ᐃᑕᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᒐᒋ ᒪᒧᐎᔨᒋ᙮ ᒂ ᐃᑐᑕᐊᑦ ᐊᓐᑕ ᑈᓚ, ᐊᑯ ᒂ ᐅᑎᔅᑯᑲᐳᐊᑦ ᐊᓐᑕ ᐊᓂᔭ ᐊ ᒪᒧᐎᓇᓄᐎᒡ᙮

ᐊᑈᔅᑕᓇᒡ 23:10

ᒐᒃ ᒪᒃ ᐊᓂᔭ ᐊ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 23:16

ᐅᔭ ᒪᒃ ᑲ ᐃᔅᒋᔄᒡ ᐅᒡ ᑲ ᐎ ᓂᐸᐊᒡ ᑈᓚ ᒧᔭᒻ ᒋ ᐃᑕᔨᑯᐱᓇ ᑯᐸᓇᓴ ᐊᓐᑕ ᐊᓂᔭ ᑲ ᑕᒡ᙮ ᑈᓪ ᒪᒃ ᐎᐧᑲᓂᓴ ᐅᔭ ᐅᑯᓯᔪᐛ᙮ ᑭᑈ ᐱᔭᑕᐧᒃ ᐊᓐ ᓇᐸᔅ ᐅᔭ ᐊ ᐃᓯ ᐊᔨᒧᒪᑭᓄᔨᒋ ᐊᓂᔭ ᐅᐧᑯᒥᓴ ᑈᓚ᙮ ᒂ ᐱᒐᑦ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᔪᐤ ᐊᓐᑕ ᑲ ᑭᓄᐛᔨᒪᑭᓄᔨᒋ ᑈᓚ, ᐊᑯ ᒂ ᐎᑎᒧᐛᑦ ᑕᓐ ᑲ ᐃᓯ ᐸᑕᐧᒃ᙮

ᐊᑈᔅᑕᓇᒡ 23:32

ᐊᓂᔭ ᒪᒃ ᐎᔭᐱᓂᔨᒡ, ᒋ ᒋᐛᐅᒡ ᐊᓐᒡ ᑲ ᐱᒧᑕᒡ ᐊᓯᒪᑭᓂᓯᒡ᙮ ᐊᑯ ᐊᓐᒡ ᐊᓯᒪᑭᓂᓯᒡ ᑲᐸᐃᑭᔎᐛ ᑲ ᐊᐱᒋᐊᒡ ᒂ ᐎᒐᐛᒡ ᐊᓂᔭ ᑈᓚ᙮

ᐊᑈᔅᑕᓇᒡ 25:26

ᐊᑯ ᒥᒄ ᓇᒪ ᐊᓐ ᓂ ᒋᔅᒐᔨᑎᒺᓐ ᑕᓐ ᒐ ᐃᑎᔅᑕᐅᒡ ᐊ ᒥᓯᓇᐊᒪᒥᒋ ᓯᓴᕋ ᐊ ᑎᐸᒋᒥᒃ᙮ ᐊᐅᒄ ᒪᒃ ᐅ ᐛᒋ ᐸᓱᐅᒃ ᐅᑕ ᐊ ᑕᔨᓐ ᒋᔾ ᒋᓴᐅᒋᒪᐤ ᐊᒃᕆᐸ ᑭᔭ ᒋᔨᐛᐤ ᒥᓯᐛ ᐅᑕ ᐊ ᑕᔭᒄ᙮ ᐊᑯ ᒪᒃ ᐃᔅᐱ ᒋ ᒥᔅᑭᒧᒐ ᑕᓐ ᑲ ᐃᓯ ᒥᒋᑐᑕᐧᒃ, ᐊᑯ ᒐ ᒋᔅᒐᔨᑎᒧᒡ ᑕᓐ ᒐ ᐃᑎᔅᑕᐅᒡ ᒥᓯᓇᐊᒪᒥᒐ ᓯᓴᕋ᙮